د.البدوي يستعد للإنتخابات بإعلان الحرب على إسرائيل

[الترجمـان]

http://www.masrawy.com/News/Egypt/Politics/2010/july/24/wafd_israel.aspx

قام الدكتور سيد البدوي بإعلان تعهده بإلغاء معاهدة كامب ديفد إذا فاز بالإنخابات الرئاسية المقبلة..

وهي خطوة جريئة ولكنها لم تكن مفاجئة.., خصوصا بعد زيارة مصطفى شردي ممثل الوفد واحد لاعبيه الأساسيين إلى قطاع غزة الشهر الماضي ..,

ولكن..,

هل ترون أن توريط الوفد بإعلان الحرب على (إسرائيل) بهذه الطريقة هو عودة حقيقية للوراء ...؟؟

وهل أصبحت الأولوية الأولى لأي حزب أو جماعة تريد/يريد الإنضمام لنادي المعارضة المصرية هي أولوية القضايا الخارجية ...؟؟

وبالمقابل..,

هل من البديهي أن نعتبر تلك التصريحات "مدفوعة الأجر" مغازله صريحة للتيارات الناصرية والإخوانية ...؟؟

[اغابي]

جراا ايه يا د/ بــدوى

على راى واحد قال زمان عن الضباط الاحرار لما طردو الملك من مصر

خلصنا من ملك جالنا 20 ملك وكان المقصود الظباط الاحرار

اللى دخلوا بمطامعهم الشخصية ونسيو الشعب والوعود اللى وعدوها

وادى دكتورنا البدوى وحزب الوفد

من اولها كدا مشاكل وحروب والغاء معاهدات دفعنا التمن فيها غالى

- لما اول القصيدة كفر امال نهايتها ايه

يا ترى الحال بمصر حيوصل لفين لو واحد زى كدا مسك الحكم

وبعدين فتح وحماس ما اتفقوش ليه الاخوة الاعداء انهم يحاربو اسرائيل بدل ما شغالين يحاربو بعض

وبدل ما احنا نحاربلهم اسرائيل - ونبقى فى يوم من الايام مصر المحتلة وهما اول ناس حيدخلو يحتلو فيها اى حاجة اللى يقدرو عليه

زى مثلا سينا اللى نفسهم ياخدوها مننا

شغالين بس يقسموا الغنايم والتبرعات وسفن الحريااات

واحنا علشانهم نلغى معاهدات ونحارب

ياريت فى الاول فتح وحماس كقادة - يتفقو مع بعض

ونبقى نحارب كلنا سوى

ايد واحدة مفيش مشكلة

كلمة اخيرة

دايما الشعوب هى اللى بتدفع التمن

الشعوب هما الجندى المجهول الحقيقي فى اى معركة

وهما الفرسان اللى بيدفعو التمن من حريتهم ودم اولادهم وعمرهم واستقراراهم

الشعوب المسلوبة الارادة امام ظلم وطغاه الحكام واطماعهم الشخصية

وصحيح

اللى يعيش ياما . . . ياما يشوف

تحياتى

اغابي

تم تعديل 28 يوليو 2010 بواسطة اغابي

[جسار]

الدكتور السيد البدوى طبيب وصاحب

صيدلية فى طنطا وتطورت الى مصنع أدوية وصاحب سلسلة قنوات الحياة بتاعة المسلسلات العربى والتركى

ومن أقطاب الوفد والنظام الحاكم أيضا ، ونرجو الجميع أن لا يصدقوا كل كلمة تقال ، لانه ببساطة

قانون الاحزاب المصرى يمنع أى حزب رافض لمعاهدات السلام مع أسرائيل وبالتالى يمنع أى حزب يدعو لشن

الحرب على اسرائيل ، وعن هذه التصريحات فكما يقول أولاد البلد ده : طق حنك ، يعنى شوية كلام استهلاكى

الكل ينساه بعد ما يروحوا بيوتهم ويشوفوا تجارتهم وتليفزيوناتهم .