سلام وتحية

[ام جنة]

السلام عليكم ورحمة الله وبركاته

ازيكم يا جماعة الكويت أو يا جماعة الخير أخباركم ايه جميعا ربنا يجعلها اجازة سعيدة عليكم جميعا

كل سنة وانتم جميعاً بخير داخلين على نصف شعبان ورمضان على الابواب اللهم بلغنا رمضان

اعذرونى على قلة مشاركتى ولكن أنشغلات كتير لكن أنا دائما متابعة أخباركم ومواضيعكم بس انتم عارفين معنديش معلومات أفيد بيها كل الأعضاء

الجدد ولكن الناس هنا ما شاء الله عليهم مبيتأخروش على حد ربنا يكرمهم ويجعله فى ميزان حسناتهم

سلامى لكل الاعضاء الجدد ونورتو المنتدى (قال يعنى صاحبة بيت وبرحب بيهم) ;)

وسلام مخصوص للأعضاء أصحاب سيل العطاء والخير

الأخ سمبا والأخ غريب والاستاذ تامر مصطفى كل عام وانتم بخير وأجازة سعيدة أن شاء الله

ماما قلب أبيض أخبارك ايه وأخبار العروسة أيه (أنا فهمت أن فى عروسة ربنا يبارك فى جميع أولاد)

أختى العزيزة بوسى أخبار الدنيا معاك أيه أخبار عمورى مش عارفه حاسة أن فى حاجة بعداك عن المنتدى زى الأول لعل المانع خير

ومرة تانية كل سنة وانتم جمعيا بخير وسلام

[الغريب]

ربنا يكرمك أختنا أم جنة

وكل عام وأنت وعائلتك الكريمة بألف خير

وعساكم من عوادة (على قول أخونا الكويتيين)

[pocy]

كل سنه وكل امه محمد بخير يارب

وبجد جزاكى الله كل خير لذكرى في كلامك الجميل

واللى بعدى شويه مشاغل وتنقضي ان شاء الله

ومره تانيه كل سنه وانتى بصحه وسلامه يارب وهانت يا قمر كلها ايام ان شاء الله وتنورينا على ارض الكويت

[se_ Elsyed]

يا سلام ؟؟؟؟؟؟

يعني الكويت جه فيها النص من شعبان وبعديه جاي رمضان ...

وإحنا مثلاً بتوع السعودية في شهر أيلول دلوقت ؟

ماشي ماشي

ليه التفرقة العنصرانية دي

ربنا يسامحكم يا بتوع الكويت ... واللي منكم هاييجي يعمل عُمره .. هانقفشه هنا في نص الطريق في الرياض لحد ما يدفع الأتاوه عشان يعدي

[mekkawy]

ربنا يسامحكم يا بتوع الكويت ... واللي منكم هاييجي يعمل عُمره .. هانقفشه هنا في نص الطريق في الرياض لحد ما يدفع الأتاوه عشان يعدي

خلي عنك يا كبير الهوارة :ninja:

هنعملوا نقاط تفتيش في الطريق من الرياض إلى مكة .. و أنا من موقعي الجديد في جدة (إن شاء الله) هأقطع الطريق من عند يافطة المسلمين و غير المسلمين و اي محاوراتي كويتي يعدي هنجيب رجليه على طول مقصات

ثانك يو

مكاوى

[se_ Elsyed]

ربنا يسامحكم يا بتوع الكويت ... واللي منكم هاييجي يعمل عُمره .. هانقفشه هنا في نص الطريق في الرياض لحد ما يدفع الأتاوه عشان يعدي

خلي عنك يا كبير الهوارة :ninja:

هنعملوا نقاط تفتيش في الطريق من الرياض إلى مكة .. و أنا من موقعي الجديد في جدة (إن شاء الله) هأقطع الطريق من عند يافطة المسلمين و غير المسلمين و اي محاوراتي كويتي يعدي هنجيب رجليه على طول مقصات

ثانك يو

مكاوى

أحب الأفكار التقدمية الوحدوية ...

ميرسي يا ميكو

لأ بُص

تعديل بسيط على الخوطه

إحنا نيجي بالليل ونعدل اليافطه ...

فتقبقى

على طول... مسلمين

يمين .. غير مسلمين

أردع ورا بضهرك يا ويلد ... كوايته

وبكده يجولك برجليهم يا معلم على جده ... تستلقفهم في حي الجامعه على ما تيديني ميسد .. اجيلك من الرياض عشان أوضبهم ...

س س .. 20 سنة إجرام ...

20 سنة ريادة

معاً نحتفل باليوبيل الخشبي السين سيني

[عنبو]

ربنا يسامحكم يا بتوع الكويت ... واللي منكم هاييجي يعمل عُمره .. هانقفشه هنا في نص الطريق في الرياض لحد ما يدفع الأتاوه عشان يعدي

خلي عنك يا كبير الهوارة :ninja:

هنعملوا نقاط تفتيش في الطريق من الرياض إلى مكة .. و أنا من موقعي الجديد في جدة (إن شاء الله) هأقطع الطريق من عند يافطة المسلمين و غير المسلمين و اي محاوراتي كويتي يعدي هنجيب رجليه على طول مقصات

ثانك يو

مكاوى

أحب الأفكار التقدمية الوحدوية ...

ميرسي يا ميكو

لأ بُص

تعديل بسيط على الخوطه

إحنا نيجي بالليل ونعدل اليافطه ...

فتقبقى

على طول... مسلمين

يمين .. غير مسلمين

أردع ورا بضهرك يا ويلد ... كوايته

وبكده يجولك برجليهم يا معلم على جده ... تستلقفهم في حي الجامعه على ما تيديني ميسد .. اجيلك من الرياض عشان أوضبهم ...

س س .. 20 سنة إجرام ...

20 سنة ريادة

معاً نحتفل باليوبيل الخشبي السين سيني

انا بقول نخليهم يدفعوا فلوس علشان يدخلوا مكه وفلوس علشان يطلعوا منها واللى ميدفعش نبلغ عنه الشرطه ونقول عليه ده مش مسلم ونقول هلموا الى نصرة دين الله هلموا الى تطيهر البيت الحرام

وبكده نقدر نقول عليه يا رحمن يا رحيم

ايه رأيكم يا عصابه

[hOuSsAm]

ايه القسوة والبلطجة دى md2:

اى واحد كويتى (اقصد عايش فى الكويت يعنى) عايز يعمل عمرة يقولى وانا ادخله من الممرات السرية فى الجبال وخلى ميكاوى وعنبى واقفين فى الطريق يلعبوا مع القرود :lol:

ومن غير فلوس (ببلاش):)

عايزين بس دعوة بظهر الغيب

قال يبلطجو عالمعتمرين ........... هع مين هناك

[mekkawy]

س س

هو ده الاجرام يا معلم .. كبير و الله باجرامك و سيطرتك و الأفكار الظالمة اللي مالية دماغك

عنبو

مجرم ناشئ و ينذر بكل شر و خطيئة و ارهاب لجموع الشعب .. الله عليك يا حبيب والديك

حسام

هتموت يا برنس لما أجيلك إن شاء الله .. قال دروب مكة قال .. و بعدين هو طريق مكة فيه قرود يا حسام .. يا شماتة أبلة ظازة فيا

مكاوى .. اجرام بشياكة

[the consultant]

أنا بقول إحنا نسقط عنهم الجنسية المصرية و بكدة يبقوا بدون و يفضلوا محبوسين في الكويت علطول :D

كل عام و انتم بخير

مكاوي/ مفيش تطورات ولا إيه ، الفيصلية تناديك !!

[ام جنة]

ايه دا ايه دا دا دا دا دا د اد

كل دا ايه

لا لا لا والله ماكان قصدى

هى ادارة المنتدى هى السبب هما الى غيرو شكل المنتدى ومكنش قصدى والله اضع الكلام موضوع جديد

كان قصدى احطة فى محاورات المصريين فى الكويت

عشان الناس دول أنا اعترف انهم ليهم فضل عليا كبير

وكمان بشوف فيهم كرم مبشفوش فى الناس دلوقتى

أصل الناس دلوقتى شعارهم تبادل مصالح يعنى تطلع معلومة كدة لله ليه عشان ايه

هتكسب ايه من وراها

وانتم فهمنى أكيد

وعموماً الخطأ مردود

كل عام وكل المحاورتيه بخير وسلام وربنا يبلغنا رمضان أجمعين

شوفتو ازاى أنا بخاف

خالاص كدة هتعدونى احج وأعمل عمرة

لو حد قال أيوه أنا منظرة التأشيرة

خلاص

[Diab]

أنا بقول إحنا نسقط عنهم الجنسية المصرية و بكدة يبقوا بدون و يفضلوا محبوسين في الكويت علطول :D

ومين قالك إن أنا هوافق

دياب

وزير الداخلية

كل عام و انتم بخير

مكاوي/ مفيش تطورات ولا إيه ، الفيصلية تناديك !!

انت هتبقي جاري اصل انا شغال في الحي اللي قصادك الروضة

تم تعديل 26 يوليو 2010 بواسطة Diab

[الغريب]

ليه كدة بس يا معلمين :ninja:

بقى علشان أم جنة مش راسية على الدور تعملوا معاها كدة

على العموم أحنا ممكن بفضل الله نجيب جماعتنا الصعايدة اللي معمرين الكويت ونييجي نفتح السعودية من شرقها لغربها ونأممها زي ما حصل مع خيطان :lol:

المرة دي بس هنعتبر محدش قال حاجة وهنسيبوكوا تكلوا عيش smk:

[mekkawy]

مستشارنا الغالي

مشكور يا جميل على الاهتمام و حصلت حاجة لذيذة أوي

انا عملت اعلان على موقع اسواق المهم لقيت واحد لبناني بيتصل بيا و بيقولي أنا لقيتلك شقة حلوة أوي عشان أنا شفتها و عجبتني موووت بس هي بعيدة عن شغلي و شفت اعلانك حبيت افيدك .. قلت ياااااه .. هو لسة فيه خير كدة في الدنيا .. دعيتله لما شبعته و شوف بأة الدنيا صغيرة ازاي .. طلع شغال في الشركة اللي انا سبتها قبل ما اجي هنا :lol: يا سبحان الله .. أنا قدامي اسبوع ولا 10 ايام كدة و أكون في جدة إن شاء الله و ندوخك يا باشا في البحث و التمحيص

أخويا دياب

جيرة السعد و الهنا و الله

مفيش باة حاجة عندك في الروضة لأخوك و يا ترى الأسعار أخبارها ايه لشقة نضيفة و تمام تكون غرفتين و في الشوارع القريبةمن السلامة .. يعني لو صاري .. أمين مدني .. الكيال من ناحية البحر .. عبد المقصود خوجة .. و شوووووكرن

مكاوى .. شوكرن (حلوة شوكرن دي؟)