هل صحيح من حكم في ماله فما ظلم ؟

[se_ Elsyed]

يعني عشان هو مالي وحلالي .. اقوم أمسك رزمة فلوس وابعترها في الشارع او أولع فيها جهاراً نهاراً وماحدش له حق يحاسبني ؟

هاحكي وأقول لكم ليه

أمبارح كنت بأتفرج على البرامج الحوارية وبأقلب كده لقيت برنامج " صبايا " للمذيعة اللزجة ريهام سعيد اللي ما باطيقهاش أساساً ولا بأطيق مواضيعها المستفزة عن بيوت الدعارة والكلام القذر ده ... المهم لفت نظري إن الحلقة كانت عن الأفراح الشعبية .. وأستضافت مطرب المارلبورو الأول ( انا شارب سوجارة بني .. وحاسس إن دماغي بتاكلني " أسمه محمود الحسيني ..

وصوروا معاه أحياءه لفرح شعبي هو وعبدالباسط حموده ..

أنا بصراحه تابعت الحلقة بشغف ...

وعملت خمسين أتصال لمصر أمبارح ...

لأن في وسط الفرح .. شوفت مين ؟

ههههههههههههههههههههههههههه

شوفت عديلي " زوج أخت المدام " طلع ينقط في الفرح وماسك كبشة فلوس وبيبعترها على العريس .... وطبعاً إسمه ملعلع والمعلم فلان يا عم .. يعني تجار قطع غيار السياررررررررررررررات

وقلت أه يا ندل .. عمال تبعتر في فلوسك وسايبني مرمي في الغربة بأشم جبس ؟

حكيت لكم أنا عن موضوع الأفراح الشعبية في موضوع قبل كده بس مش عارف راح فين الموضوع ...

وهو نفس عديلي ده ما بيصدق يشم فرح لاي حد من قرايبه ويعمله هو على حسابه عشان يلم النقطة اللي كان بعترها قبل كده في أفراح تانيه .. وقدام عيني دي عمل فرح أبن أخته من سنتين بالظبط .... وقدام عيني شوفت عدة كراتين بتتعبى فلوس .. يعني بالميت كده بنتكلم في 200 الف جنيه ... لووووووووووووووولي

شوفت مين كمان بقى في الفرح ؟

السادة أعضاء مجلسي الشعب والشورى .. أنا عارفهم طبعاً .. كانوا قاعدين بيحششوا وبيلتحموا بالجماهير ... الإنتخابات قربت بقى وكل سنة وأنتو طيبين ...

وشوفت مين كمان يا حلوين ... فلان باشا .. وفلان باشا ... ضباط القسم التابع للمنطقة ... وبرضوا بياخدوا واجبهم وبيحششوا

المهم بقى

أول مره اشوف كده ..

فرح كبيرررررررررررررررررررررررررررررررررر

يعني بطول 500 متر مثلاً .. ترابيزات وكراسي وأكل وشرب بالهبل ....

خد عندك بقى .. تجهيزات مهولة ... ألعاب ناريه حوالين الفرح كله ... أنوار تنور أحد المدن الجديدة بحالها ... بيتهيألي لو الأخ يونس بتاع وزارة الكهربا كان شافها .. كان ممكن يمسك أي سلك عريان ويتخلص من حياته ... شيء مهول يا جماعة .... بالونات عملاقة على هيئة اشكال كارتونية ... حاجات كده بتطلع دخان ونار وقصاقيص ورق ملون.... وأشياء أخرى

هو في إيه ؟

ده لو فرح إبن مدرب الشرقية للدخان ما كانش حصل كده

طلع المطرب المعروف والعندليب المنتوف " محمود الحسيني " على خشبة المرسح وراح مديها سوجارة بني ....وأفجأ بماسورة فلوس ضربت

أقسم بالله واحد طلع ماسك رزمة دولارات .. لا يقل عن 3000 دولار .. وفضل يبعترهم فوق دماغه ....

وواحد تاني بعديه .... رزمه فلوس مصري ..... والكاميرا مركزه على إيده .. كلها ميات .. وهات يا بعتره ..

وفي ييجي 10 عيال شباب وظيفتهم بس إنهم شايلين كراتين بيعبوا فيها الفلوس ... وعيال تانيه واقفه تحت الأستيدج ماسكين ملايه بيعبوا فيها هما كمان عشان ما فيش حاجه تطير كده ولا كده .. حتى لا يطير الدخان

وجايبين ييجي 5 راقصات من التخان المربربين دول بتوع الدرجة الخامسة ... وفجأة حدث ألتحام شعبي تلقائي بين المدعووين وبين الراقصات وذلك لأذابة الفوارق ... وبقت معجنه

وبالرغم إنها كانت حلقه متمنتجه ومختصرة ساعة ونص بس .. لكن الفرح اللي زي ده بيقعد من بعد العشا لحد بعد الفجر ...

وفي شارع عام زي ما قلت لكم .... وأمام الجميع .. يعني لا متخبيين ولا خلافه ويتم تحويل الطرق اللي حواليه عشان مرور السيارات . يعني أكرم لك تاخد رأس الرجاء الصالح بدل ما تتبهدل ...

مش إحنا الغلابة يا عيني كنا عاملين فرح أختي في أحد القاعات .. لكن عشان نقول للناس إن عندنا فرح وعلقنا كام لمبه على بيت العيلة ... وفي ثواني جم بتوع الحي عملوا محضر وأتحولت للنيابة وبعدين المحكمة ... وأخويا أنطس غرامه ... مش بس كده .. دول كانوا 4 محاضر ( والله ما اعرف ليه يمكن سرقة كهربا وأزعاج للسلاطات ومحاولة قلب نظام الحكم وتعكير صفو الأمن العام )

قدرنا بالواسطه نشطب تلاته قبل ما يتحولوا لقضية ... وفي واحده بتاعت السلاطات دي هي اللي بقت قضية

هل اللي بيحصل ده وعادي وكل يوم ... مقبول يا جماعة ؟

أيوه فلوسه وحلال - هانفترض كده - ومجاملة للناس اللي يعرفهم ومن قدم السبت لقى الحد قدامه ... لكن بالمنظر ده .. فلوس بالعبيط بتتبعتر وتثير حسره عند ناس غلابه مش لاقيه جنيه عشان تاكل أو تجيب دوا ؟

بجد شيء نادر ولا يحدث إلا عندنا في ظل غياب هيبة الدولة

[Howayda Ismail]

بالنسبة لريهام دى منها لله حسبنا الله ونعم الوكيل فيها وفى مساعديها على البرنامج المستفز ده.

بالامس احد الاعضاء سأل ليه العربيات كتيرة فى مصر ماهو بسبب الفشخرة وداء العظمة اللى كتر فى البلد من امثال

اصحاب الافراح دى ومدعويهم اللى على شاكلتهم فى الوقت ناس تانية مش لاقية لقمة ولا جرعة دوا فى حين الفلوس دى ممكن تساعد

مئات الشباب فى زواجه المؤجل بسبب مبالغ زهيدة يعنى قطرة من بحر النقوط والاسراف ده ممكن تساعد فى القضاء على العنوسة

لظروف مادية او تمنع انتحار رب اسرة عاجز عن الانفاق على اسرته مش بنمنع حد يفرح لكن فى نفس الوقت ما يستفزش

ناس بسيطة ويربى ضغائن واحقاد وخصوصا لو الافراح فى احياء شعبية وسط المئات من الفقراء واكثر استفزازا تذاع

ليشاهدها الملايين مش كفاية ان المسلسلات كلها فيلات وعربات اخر موديل كأن ده المستوى العام لكل المصريين

[mekkawy]

لا ظلم و ظلم و ظلم و ابن ستين تيييييت (ما أقصدش حد بعينه يا إخواننا و الله)

أمي قالتلي حاجة زمان كدة على المواقف المشابهة لما كنت أقولها بلاش افترا ع الخلق .. الفلوس دي حلال طبعاً .. كانت تقولي .. لو حلال و تعبان فيها مكنش رماها كدة

أبونا الحاج الغرباوي بأة قالك في مسلسل الخرزانات (العصيان ولا ايه) المال الحلال لا ينسرق ولا ينحرق ولا يترمي نقوط ع الرقاصات و المغنيين

سيد الخلق بأة حذر ما حذر في سؤال الانسان عن ماله من أين اكتسبه وفيما أنفقه

يا إخواننا أنا مواعد المودام على فطار برة النهاردة و عمال أفكر طول النهار في الموقعة دي ولا عارف أشتغل ولا عارف أعمل حاجة م الصبح و ركبي بدأت توجعني كل لما الساعة تقرب لخمسة .. و قاعد و مرابط في موضوع المطاعم إني ألاقي حاجة كدة مناسبة يعني

أصل حضرتك دول عالم .. تيييييييييت ... هي بتيجي كدة في البرامج الحوارية

مكاوى ... وخلاص بأة

[أحمد سيف]

لا ظلم و ظلم و ظلم و ابن ستين تيييييت (ما أقصدش حد بعينه يا إخواننا و الله)

أمي قالتلي حاجة زمان كدة على المواقف المشابهة لما كنت أقولها بلاش افترا ع الخلق .. الفلوس دي حلال طبعاً .. كانت تقولي .. لو حلال و تعبان فيها مكنش رماها كدة

أبونا الحاج الغرباوي بأة قالك في مسلسل الخرزانات (العصيان ولا ايه) المال الحلال لا ينسرق ولا ينحرق ولا يترمي نقوط ع الرقاصات و المغنيين

سيد الخلق بأة حذر ما حذر في سؤال الانسان عن ماله من أين اكتسبه وفيما أنفقه

يا إخواننا أنا مواعد المودام على فطار برة النهاردة و عمال أفكر طول النهار في الموقعة دي ولا عارف أشتغل ولا عارف أعمل حاجة م الصبح و ركبي بدأت توجعني كل لما الساعة تقرب لخمسة .. و قاعد و مرابط في موضوع المطاعم إني ألاقي حاجة كدة مناسبة يعني

أصل حضرتك دول عالم .. تيييييييييت ... هي بتيجي كدة في البرامج الحوارية

مكاوى ... وخلاص بأة

متفق معاك 100%

[engmido]

طب ياعم ما انت ليك قرايب اغنياء اهه

ليك قريب بيرش ع الرقاصات خليه يسلفك بدل ما انت قاعد فى السعودية اتحمصت من كتر الشمس والرطوبة

ههههه

حلوة بتشم جبس دى

ههههههههه

[Mr MAGED]

سين سين باشا ... مساء الفل

أولا اللي بيحصل ده طبيعي وبيحصل كل يوم

وده نقوط بيندفع وبيرجع تاني ... يعني فلوسهم مش رايحة في الهوا متخافش

انا مش باشجع ده طبعا ً ولا موافق عليه وباقول انه حلال

بس ده تقليد متبع في مصر كلها علي اختلاف مستوياته

يعني في بيوت الناس البسيطة بيتم النقوط علي مستوي صغير جنيهات او ميات بالكتير

أما في مستوي عديلك ... لازم الموضوع يوسع ... والحكومة تبارك .. والرقاصات تربرب

ظبطلنا انت بس مع عديلك ... في فرح من دول اول ما ننزل مصر

صدقني تجربة لابد أن تمر بها ... هتشوف حاجات عمرك ما شفتها

[عنبو]

سين سين باشا ... مساء الفل

أولا اللي بيحصل ده طبيعي وبيحصل كل يوم

وده نقوط بيندفع وبيرجع تاني ... يعني فلوسهم مش رايحة في الهوا متخافش

انا مش باشجع ده طبعا ً ولا موافق عليه وباقول انه حلال

بس ده تقليد متبع في مصر كلها علي اختلاف مستوياته

يعني في بيوت الناس البسيطة بيتم النقوط علي مستوي صغير جنيهات او ميات بالكتير

أما في مستوي عديلك ... لازم الموضوع يوسع ... والحكومة تبارك .. والرقاصات تربرب

ظبطلنا انت بس مع عديلك ... في فرح من دول اول ما ننزل مصر

صدقني تجربة لابد أن تمر بها ... هتشوف حاجات عمرك ما شفتها

وانا عاوز اجى معاكم انا بحب الافراح قووووووووووى عاوزين ننحرف يا سين سين

انت املنا فى الانحراف

انا امبارح رحت فصلت توب وهشترى عمه وعقال وهعمل خليجى علشان لزوم الفرح يعنى

__________________________

الافراح دى بتبقى مسخرررررررره بجد وفيها كل حاجه مباحه من خمور وحشيش وبانجو واللى يطلع على المسرح فاكر نفسه فى اوضة

النوم مع الراقصه

احناولله الحمد ممنوع دخول الرقصات عندنا فى البلد لييييييييييييه ؟

لان الناس بتعمل مشاكل جامده قوى سواء من الشباب اللى عاوزين ياخدوا الرقاصه معاهم وهم مروحين

ولا المشايخ اللى يقعد شهر يخطبوا فى صلاة الجمعه على الفرح واللى فيه

وفى مره جابو ميه وحشه ومروها على اللى فى الفرح

مافيش احسن من الفرح فى القاعه وعلى قد الناس المدعوه بس

تحياتى

عنبو الصغير

[MZohairy]

الموضوع نسبي شويه يا سين سين

رغم اعتراضي التام على السفه

الا ان واحد زيي او زيك لما يتعشى ب 150 ريال مثلا يعني ما يعادل 225 جنيه فده يعتبر سفه بالنسبه لقرابة ستين مليون مواطن مصري على الأقل

و لما الشيخ صالح كامل يشتري عربيه بعشره مليون ريال ممكن واحد زيي يعتبر ده سفه

يعني الأمر نسبي

لكن المعيار هنا هو لكل فئه على نفسها

يعني انا اقول على انفاقك سفيه او لأ و انت تقول عليا نفس الأمر

و الشيخ بكر بن لادن هو من يصف الشيخ صالح كامل بالسفه الانفاقي او عدمه و العكس

غير كده حيبقى تقييم استروبيا

اورفوار

[جسار]

[ Easy come Easy go

[مغتربة]

رغم ان الموضوع فى باب موضوعات خفيفه

لكن حقيقه يناقش فكره فى غايه الاهميه

و هو حدود حريتى فى التحكم فيما املك بشكل عام

و الملكيه هنا لا تقف على المال فقط بل فى كل ما اوتيت ان جاز التعبير

و بالتالى فهى تنسحب على الاموال و الصحه و السلطه و كل الممتلكات الماديه و المعنويه التى تقع تحت حوزتى

مبدئيا دعونا نتفق ان كل ما نملك نحن البشر هى على سبيل المجاز

لان المالك الحقيقى هو الله

و نحن فقط مفوضين من الله على ما وهبنا

و بالتالى فلن يصح ابدا ان نعتقد انه يجوز لناالتصرف فى ما تحت ايدينا بشكل مطلق دون الالتزام بضوابط

بما اننا نملكه

و بما اننا ايضا لا ناتى بفعل شيىء حرام به

لكن لو نظرنا لهذا الموضوع سنرى انه لا يتفق مع المنظور الدينى ابدا له حتى و ان بدا لاول وهله كذلك

ضوابط الاسلام فى التصرف فى الممتلكات لم تقف عند المنع من التصرف فيها فى ابواب الحرام فقط

لكن ايضا ربطتها بمفهوم مهم ايضا و هو ما يمكن تسميته بالمصلحه العامه للمجتمع ككل

فقط اكون اينعم اتصرف فى ما املك متحرياالحلال و الحرام

و ليس بالضروره ان يكفى هذا للنجاه من السؤال

فالانسان سيسال و هو عند الصراط على ماله من اين اكتسبه و فيما انفقه

و قد يكون باب الصرف حلال و لكن تم الصرف بشكل يؤثر على المجتمع ككل بالسلب فهنا لن يعفى ايضا من السؤال

فالانفاق على الاكل حلال لكن الله ذم المسرفيين اجمالا لانهم بتبذيرهم يؤثرون على موارد مجتمعهم و يهيجون قلوب اخوانهم فى المجتمع الاقل غنى

مراعاه البعد المجتمعى و تاثير التصرف الفردى عليه من اكثر الاشياء التى اولاها الاسلام اهتمام بنظرى

الم يقل الرسول الكريم صلى الله عليه و سلم

إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.

قد يظن البعض انه برفض هذا الخاطب لم يقترف منكرا و انه من صميم حقوقه اذا اقتصر نظره على تاثير هذا الرفض عليه فقط

لكن تحذير الرسول صلى الله عليه و سلم كان بناء على النظره الاشمل و هى النظره لتاثير هذا الرفض على المجتمع ككل

خلاصه ما اردت قوله ان عباره من حكم فى ماله ما ظلم تنقصها الدقه

لان الفرد ملزم بان يكتسبه و يصرفه من حلال مع مراعاه البعد الاجتماعى

فهذا هما الشرطان و لا يغنى احدهما عن الاخر من وجهه النظر الاسلاميه

[engmido]

تمام مغتربة

واحب ان اضيف قول الرسول صلى الله عليه وسلم

"لا تزولُ قَدَمَا عَبْدٍ يومَ القيامةِ حتى يُسألَ عنْ أربع ٍ عنْ عُمُرِهِ فيما أفناهُ وعنْ جسدِه فيما أبْلاهُ وعنْ مالهِ مم اكتسبه وفيم أنْفَقَهُ وعنْ عِلمِهِ ماذا عَمِلَ بهِ".

هذا هو المفيد

[yasser moustafa]

[ Easy come Easy go

انا متفق جداً مع جسار

لان اللى يكسب مليون جنيه فى ساعة ... يقدر برده يصرفهم فى ساعة

انما اللى تعب فى 500 جنيه طوال شهر، فسوف يفكر 500 مره قبل ما يصرفهم

[se_ Elsyed]

لأن في وسط الفرح .. شوفت مين ؟

ههههههههههههههههههههههههههه

شوفت عديلي " زوج أخت المدام " طلع ينقط في الفرح وماسك كبشة فلوس وبيبعترها على العريس .... وطبعاً إسمه ملعلع والمعلم فلان يا عم .. يعني تجار قطع غيار السياررررررررررررررات

وقلت أه يا ندل .. عمال تبعتر في فلوسك وسايبني مرمي في الغربة بأشم جبس ؟

كنت في مصر وقفشت الزبون وكنت هاموت وأعرف الكبشه اللي بعترها دي كام

قال لي : 3000 ج

لا حول ولا قوة إلا بالله .... مش كنت أولى أنا بيهم ؟

الغريبة بقى ....

ده ما كانش فرح ... تخيلوا ؟

مين شاف فيلم الفرح بتاع خالد الصاوي وماجد الكدواني ؟

بالظبط وبالمللي نفس اللي حصل في الفرح ده .. بيسموه جمعيه

الواد صاحب الفرح ده تاجر أقمشة .. وأتزنق في قرشين .... وهو أساساً بيجامل الناس وبيروح ينقط برضوا في افراح ...

فقام عامل السبوبة دي تحت اي مسمى عشان يلم قرشين ...

في الليلة دي بقى عمل نت بروفت ... حوالي 300 الف .... وإنا لله وإنا إليه راجعون

سألته برضوا : قلت له الفيلم اللي إنت عملته السنة اللي فاتت ده وقلت فرح إبن أختك ومش عارف إيه .... صفيت فيه كام بعد المصاريف ؟

قال لي : 80 الف

أنا عاوز أعمل فرح تاني يا أخواننا ... معذور في قرشين وعاوز أشتري شيروكي في مصر

بس خايف ما فيش صرصار ييجي الفرح ينقط وأبقى خسرت أنا ثمن الحشيش والبانجو ومش بعيد أنطس 25 سنة فيها بتهمة " فرح فاضح في الطريق العام "

[engmido]

عمال تبعتر في فلوسك وسايبني مرمي في الغربة بأشم جبس ؟

اناحابب تعرفنا ريحة الجبس

ههههههههه

[قلب ابيض]

شوفت عديلي " زوج أخت المدام " طلع ينقط في الفرح وماسك كبشة فلوس وبيبعترها على العريس ....

سين سين يااخويا ...

:wub: عديلك ده مرتبط؟؟؟

طب بيفكر فى الارتباط؟؟؟؟؟؟؟؟ :P

[Diab]

[ Easy come Easy go

bv:- bv:- bv:- bv:-