مغامرات عصابة "حساس"

[Modest]

.. ممكن لغاية ما ابن مصر ينزل الحلقة الأخيرة بتاعت التنفيس تديني قطمة من الشاندوتش من فضلك ... هي قطمة واحدة و حرجعهالك آخر الشهر لما نقبض ...

شاندوشت؟؟؟!!! ماكانش يتعز

دول كانوا شاندوشتين يا سيد ... و انا مركّز مع البروفيسير في الخطة :ph34r: عصام لهف شاندوشت الكبدة بالقشطة و طلع يجري قبل ما أخد بالي .... بابُص على شاندوشت الطعمية بالحلاوة لقيته في إيد سي السيد و بيبص لي ببراءة و بيقول لي: إييييه؟؟!! أنا جايبه من بيتنا :lol:

قعدت ساكت بقى خايف من عصبية البروفيسير علشان أنا لسه مُستَجَد :angry:

ما تخلّصنا يا عم البروفيسير في يومكم اللي مش فايت ده :blush:

[النسر المصري]

عصام: معزه وخروفين ( بدا فى الشعور برعب وكلهم يقتربوا منه ) هما حاجه وحاجتين ..ويمسك ابن مصر برقبته فى عنف ويرفعه عن الارض فينطق فورا .. نسر ونجمتين نسر ونجمتين

ابن مصر :blush:

ايه ده يا عمو احمد محمود؟! :lol:

انا هاشترك معاكم في العمليه دي مرتين....؟!! :angry:

[إبن مصر]

الحلقه الاخيره

التنفيذ

فى الموعد المحدد تقابل الجميع وارتدى كل منهم ملابس العمليه.. موديست ارتدى بدله لواء وابن مصر عقيد واصر سى السيد على ارتداء المخبر وارتدى سكوب بدله المقدم.. وعصام وقف بينهم وقد وضعوا الكلبشات فى يديه..

ابن مصر: ها يا جماعه كله عارف دوره ايه؟

سى السيد: طبعا يا باشا.. بس انا ليه سؤال ولا مؤخذه....شوفت سعاتك لوا فى الدنيا بياكل سنودتش كرشه بالبيض وهو فى الشارع؟؟؟

نظر الجميع الى موديست الذى توقف عن مضغ السندوتش ونظر اليهم فى دهشه؟؟؟؟

سكوب: انت بتنيل ايه الله يخرب بيتك.. بتطفح ايه؟.؟؟؟

موديست: دا السندوتش الى كان معاك قلت اهو حاجه ارم بيها عضمى على ما نخلص العمليه.. بس بصراحه جميل قوى يا سكوب تسلم ايديك..

ابن مصر:سكوب .. انت مش هاتبطل العاده المنيله دى.. انا يااخى بتشائم كل مره بتطفح فيها قبل الشغل..

سكوب فى منتهى الدهشه: وكتاب الله ما حصل ..أعدمك لو كنت جايب معايا حاجه اطفحها .. انت جبته منين يا سى زفت..

موديست وهو يأخذ اخر قطمه من السندوتش : يا بنى السندوتش الى كان فى اللفه الى معاك... !!!

سكوب وقد فتح عيناه فى دهشه : الله يخرب بيتك دا انا كنت هارميه دا بقاله فى المطبخ 4 اسابيع من العيد والتلاجه كانت بايظه فلما ريحته طلعت قلت ارميه بعيد .. انت ايه.....مبتحسش؟؟؟؟

سى السيد : بيتعشى كل يوم ... مش كده.. انا عرفت بيتعشى ايه .. الله يخرب بيوتكم .. انا بطنى قامت عليا...

عصام: ودينى .. ودينى انا شاكك فيه من الاول انه زى القطط.. وانا اقول كل ما قطه تعدى جنبينا تجرى ليه.. بتاكل زباله يا معفن

موديست وقد توقف عن المضغ ونظر اليهم: ايه فى ايه... مش نيعمه ربنا دى.. ايه يعنى الحاجات الهايفه الى بتقولوا عليها دى.. صحيح حقد..

ابن مصر : انا بقول نلحق نخلص العمليه قبل ما يجيله تسمم.. يالله بينا ..

عصام: استتتتتوب.. الى اوله شرط اخره اييه نور.. أى واحد فيكم هايمد ايده عليا ولا يفتكر انه ضابط بجد يمين بالله .. لاكون رايح فيكم فى دهيه.. انا سبحان من خلانى اوافق على الجنان بتاعكم ده..

ابن مصر: ده اسمه كلام يا صاصا .. عيب..

وبينما هما يتكلمون اذ توقف بجانبهم ميكروباس من ميكروباسات الشرطه ونزل منه 3 ضباط يرتدون الملابس الملكيه..

ضابط 1: صباح الخير يا معالى الباشا ( موجها حديثه لموديست الذى توقف عن المضغ وهم بالجرى )

حضرتك رايح فين ؟؟

ابن مصر وقد امسك بموديست بعنف كي يتمالك نفسه : صباح الخير مين حضرتك؟

ضابط 1: انا المقدم خيرى البعلبكى من أمن الدوله ..

سى السيد وقد رفع يده بالتحيه وهو يرتعش :تمام يا فندم .. تمام يا فندم .. ( وتلفت حوله يريد ان يجرى )

ضابط2: ايه يا تحفه انت مش واخد بالك ان معالى الباشا واقف والا ايه ايه التسيب ده ..

سكوب وقد هم بالانصراف : طيب يا بشوات انا استأذن انا بقى واشوفكم قريب ( وهو يحدث عقله :: يا ريتنى لبست المخبر )

ضابط3: معاليك رايح فين يا فندم ؟

موديست : لاظلوغلى.. ايوه لاظلوغلى..

ابن مصر : لا ظوغلى يا باشا..

ضابط1: والله احنا كمان رايحين مبنى الجهاز .. اتفضلوا معانا واحنا نوصلكم..انتم عارفين بقى الاستعدادات علشان عيد الشرطه ..

يبتسم ابن مصر فى خبث ويكمل الضابط حديثه

ضابط1: بكره الاحتفال وهايبقى كبير فالكل فى الوزاره النهارده..

يفتح الجميع اعينهم من الدهشه والرعب وينظرون الى ابن مصر الذى اصفر لونه ..

سى السيد: الاحتفال بكره مش كده بكره.. هه بكره..( يهم باللطم فيمسك به سكوب)

ضابط 2:ومين الى معاكم ده يا معالى الباشا ..؟؟

موديست: دا ناشط من بتوع النت هانتكلم معاه شويه

ابن مصر وهوي يجز على اسنانه : الله يخرب بيتك الواد راح

طب اتفضلوا معانا ..

يركبوا جميعا الميكروباس وما ان يركبوا الميكروباس حتى يغطى الضباط رأس عصام بكيس أسود ..

عصام : الله الله الله ليه كده فى ايه لا ما اتفقناش على كده ..

ابن مصر هامسا : اثبت .. ما تودناش فى داهيه ..

سكوب : هو ضرورى كده ؟؟

ضابط1: طبعا يا باشا انت عارف الاجراءات ..

ضابط2: اخرس ياد بدل ما انسيك اسمك ....

موديست : ايوه اخرس.. جنينهه جرجير هه ..

ابن مصر: هو ده وقته الله يخرب بيتك هاتعايره دلوقتى ( ويقرص موديست بعنف ..)

موديست : أأأأأأأأأأأااى

ضابط1: ف حاجه يا معالى الباشا؟

موديست: لا لا. أصل أصل الكالو فى رجلى وجعنى فجأه.

وتتوقف السياره أمام مدخل مبنى أمن الدوله ببوابته الحديديه ذات الخمسه امتار ارتفاع ويفتح الباب فى بطء وتدلف السياره الى الداخل.. وما ان ينزل مودست منها الا ويصبح عسكرى الخدمه ..

انتباااااااااااااااااااااااااااااااااااااااااه.

فيسقط موديست على الرض من الخضه ويتساقط باقى افراد الشله فوق بعض..

موديست: ايه فى ايه.. الله يخرب بيوتكوا..

ابن مصر: امسك نفسك لكلنا هانروح فى داهيه ..

سكوب: احنا فين .. والنبى تقولى احنا فين....

سى السيد وهو مذهول : أمن الدوله..

عصام: الحمام عايز أروح الحمااااام..

ضابط1: اتفضل سعاتك انا هاسجل المأموريه بس طبعا حضراتكم عارفين السكه

ينظر الى سى السيد

ضابط1: استنى هنا انت متتحركش..

سكوب: يا بن الايه يا محظوظ... يا ريتنى كنت مخبر.. يا ريتنى كنت مخبر..

يتسلل سى السيد الى الخارج فى هدوء ثم يطلق ساقيه الى الريح وينتظر بعيدا ينظر الى بوابه الداخليه.

ابن مصر: شكرا يا باشا احنا هاناخد الولد ده دلوقتى ونشوف هانعمل ايه..

ضابط1: اتفضل سعاتك..

موديست: ها نروح فين.. انا عايز زى عصام..

سكوب : عايز ايه كتك البلا

موديست: عايز الحماااااام..

ابن مصر: امسك نفسك انت وهو احنا داخلين على البوابه..

يدخلون الى مبنى كبير وفى الدور الاول يجدون مرا على جانبيه حجرات مغلقه بتصاعد منها صوت همهمات غريبه..فيدفع سكوب عصام فى حركه تمثيليه كأنه يمسك مجرما .

سكوب: امشى امشى يا مجرم.

عصام: ودينى لاشرحك...يا معفن

وفى هذا الاثناء يراهم مجموعه من الضباط فيجرون عليهم..

ضابط 1: عنك انت يا باشا انا عارف الاصناف دى تتعامل ازاى ..

ضابط 2: ولايهمك والله لاعلمه الادب

ضابط 3: امشى بقى يا إور..

سكوب ابن مصر وموديست وقد شلتهم المفاجأه ووقفوا ينظرون الى عصام وقد جره الضباط الى أحد الغرف

عصام: .. ودينى لاوريكم ياعفنين..( كان عصام يعتقد ان من يضربه هو سكوب حيث ان ما زال على راسه الكيس الاسود )

ضابط 1: معفنين مش كده طيييييييب...

وبينما هم بالخارج فاتحين افواههم فى دهشه تعالى صراخ عصام من الحجره..

عصام : اى أأأأأأااى لا لا مش ممكن تكون اسكوب ابدا.,..

عصام: لا لا لا .. كده لا.. أى أأأأأاى أأأأأأأأأأأأأأأأأأأأأ..

عصام :بلاش هنا هنا لأ أاى يابببببببببببا يا اممممممممماااااااااااااا..هاعترف هاعترف..

ضابط 1: ومين قالك ان احنا عايزينك تعترف.. احنا بنأدبك بس .

عصام : أى,, لا لا لا لا لا ... هيهيهيهيهيهييييي

ضابط 2: انت بتضحك؟؟؟

عصام : أصلى بغير من قفايا .

وهم بالخارج استمع سكوب ومودبست وابن مصر ,,لكل الوان الضرب والصفه فاصفر لونهم ونظروا الى الباب وهو يبلعون ريقهم فى رعب..

طررررررررررراخ

عصام : قسم يا جدع.. مش كله فى حته واحده....ايوه كده.. ودينى لاوريك يا بتاع الزباله..

ابن مصر بصوت عالى ليسمعه عصام : مليون جنييييييييييييييه... مليون جنييييييييييييييييه يا عصام..

فجأه يصمت الصوت ويفتح الباب ويخرج الضباط هم يدفعون عصام الذى تمزقت ملابسه وازرق وجهه وعلامات من الاصابع المتورمه تملأ وجهه ونكش شعره بصوره مفزعه..

ضابط 1: خلاص يا باشا .. هو مستعد للتحقيق ..

ابن مصر بفزعوهو يبلع ريقه : هو فاضل فيه .. حاجه... يتحقق معاها ....

موديست: قولتلكم عايز الحمااااااااااااااام.

سكوب: وانا كمان....

عصام : مفيث داعى للحمام .. انا اتثرفت خلاث...

سار الجميع بخطوات مرتعشه وهم موديست ان يقع فترنح وحاول عصام ان يسنده بيده فرأه ضباط اخرون فظنوا انه يحاول الاعتداء على اللواء موديست ..

ضابط1: يا نهارك اسود .. انت اتجننت ..

عصام :بسنده وكتاب الله بسنده ورحمه ستى باسنده

جروه بقوه الى الغرفه المقابله وهو ما زال يقول

عصام: ودينى باسنده قولهم يا باشا.. قولهم ياباشا ... يا بابشا..يا معفن بتاع الزباله..

وما ان اغلق عليه الباب .. حتى سمعوا ..

عصام: لا دى جديده.. انا متعود عليها من ايام الخانكه هأو..

وفجأه بدأت الاناره فى الممر ترتعش والضوء يعلو ويخفت.. وبعد قلبل.. خرجوا من الحجره وخلفهم عصام يسير بمنتهى الهدوء وشعر رأسه بالكامل قد وقف من جراء الكهرباء واستمر فى الارتعاش المفاجىء لمده..

ابن مصر: على عينى يا صاصا..

سكوب: ادى اخره افكارك الله يخرب بيتك..

عصام: ممكن تزودوا نصيبى علشان هاحتاج ترنس بدل الى اتحرق.. مش احنا اتكهربنا فى الخانكه....؟؟؟ لا يا حبايبى,,, الكهربا هنا.. شىء تانى خاااااااالص.. كهربا بكر..

ثم انخرط فى بكاء عنيف..

وفجأه يفتح باب ويقترب عدد كبير من اللواءات والعمداء من سكوب وموديست و ابن مصر..

لواء1: معالى الباشا انت اتأخرت على الاجتماع.....

موديست: اجتماع ايه؟؟

لواء2: اجتماع معالى وزير الداخليه مع القيادات علشان الاحتفال بكره ..

موديست: وزير نامليه..؟؟؟؟ نامليه ايه؟؟( وقد كاد يبكى )

لواء1: اتفضل معانا هانلحق ان شاء الله..

وقف ابن مصر وسكوب وقد تدلى فكهم السفلى من الرعب وهم يرون موديست يسير مع اللواءات الى غرفه الاجتماع بوزير الداخليه..

ابن مصر: مفيش قدامنا وقت لازم نلحق نروح دلوقتى نجيب الفلوس غرفه الادله فى المبنى الجاى..عصام استنانا هنا ..

يفتح سكوب حجره ويدفع عصام فيها ..

عصام بعد ان انغلق الباب يلتفت وراءه ليجد 5 اشخاص معلقين من ارجلهم ومجموعه من الضباط تنظر اليه بدهشه بعد ان دفعه المقدم سكوب الى الحجره..

عصام..: والنبى ما انتم قايمين انا جاى لوحدى اتفضل يا باشا.. علق...

ابن مصر: انت فاكر حاطيته فى اى اوضه؟؟

سكوب: ايوه مكتوب عليها فى اى بى.. اكيد بتاعه حد مهم..

ابن مصر: لا حول ولا قوه الا بالله..

يصل اصدقائنا الى غرفه الادله.. ويجدوا عليها عسكرى ما ان يراهم حتى ينتفض فى رعب..

العسكرى: تمام يا فندم..

ابن مصر: استريح انت يا بنى افتح الباب..

العسكرى: بس يا فندم..

سكوب: بس ايه مش شايف الباشا بيقولك افتح.. افتح...

العسكرى: بس يا باشا

ابن مصر : خد سيجاره يا بنى وروح هاتلى شاى..

العسكرى : حاضر يا باشا

وما ان يدخلوا الى الغرفه حتى يفتح اسكوب فمه فى دهشه..

سكوب: يا نهاار دى ولا مغاره على بابا.. بص بص يا بن مصر.. شايف الكراتين دى.. مكتوب عليها نص مليون جنيه.. يالله ناخدها ونفلق...

ابن مصر: لا كل ده على نص مليون جنيه ابدا مش هاتنازل عن ال 5 مليون..

ويجدوا حقيبتين مكتوب عليها.. قضيه غسيل الاموال فيأخذوهم ويجروا..

سكوب: مش الشنط خفيفه شويه على 5 مليون ؟؟

ابن مصر: يا اخى اكيد ورق بميات اجرى خلينا نلحق عصام..

وفى هذا الاثناء كان موديست قد دخلى الى غرفه الاجتماعات بانتظار الوزير و بدأ فى التصبب عرقا.. وبطنه ايضا من جراء سندوتش الكرشه بدأت فى التمغص..

لواء 1: انا شوفت حضرتك قبل كده؟

موديست: هو سعاتك بتقعد على قهوه لينوكس؟

لواء1: مين؟؟؟؟

موديست وهويتلعثم : لينوكس... ابو أمشيييييييييير..

لواء1: هو حضرتك دفعه مين,,

وقبل ان يرد يدخل وزير الداخليه الى الحجره فيقف الجميع ..

الوزير: مساء الخير ايه اخبار الاحتفالات.. انا عايز كل حاجه تبقى فى منتهى الانضباط..

موديست يرتعش فترتعش معه طاوله الاجتماعات ..

الوزير: نبتدى من عندك ( بصوت جهورى وهو ينظر الى موديست )

موديست يقف وهو يرتعش ..

موديست: انا هافهم حضرتك على كل حاجه ..

وهنا يدق الهاتف الاحمر بجانب الوزير فيرد ويقف ثم يقول..

الوزير: الاجتماع اتأجل الريس عايزنى تقدروا تمشوا وابقى اقابلكم بالليل ..

يخرج الجميع وموديست يتلوى من الالم..وينظر الى أحد العساكر ..

موديست: والنبى يا بنى خد بايدى لحد الباب البرانى لحسن تعبان قوى..

فى هذا الاثناء يصل ابن مصر وسكوب الى غرفه الفى اى بى وهم يحملون الشنط ويفتحوا الباب .. وما ان يدخلوا حتى يجدوا عصام

وقد تم تعليقه فى السقف من قدميه ..

سكوب: يا نهار اسود الواد حطوا راسه مكان رجليه..

ابن مصر: اتنيل اسكت دا متعلق..نزلوه انتم فاهمين ايه .. ده معانا ..

ضابط 1: لا مؤخذه يا باشا .. نزله يا كفراوى..

يسقط عصام على الرض وهو يقول

عصام: ما هو لازم يبقى اسمك كفراوى.. انت متنفعش غير كفراوى..داانت كل الكفار بتوع قريش,.,,

ثم يرددعصام : كله علشانك يا مصر ..كله علشانك يا مصر..

وهو يزحف باتجاههم..

ينظر اليه ابن مصر بتعجب

ابن مصر : ايه الوطنيه الى نزلت عليك دى..

عصام: كتك نيله على الوطنيه انا بقول زى الى جنبى ما كانوا بيقولوا ...كل ما يقولوا كده يبطلوا يضربوهم سندونى.. سندونى..انا اتبهدلت يا بن مصر..

سكوب : طب بسرعه على بره..

يخرج الجميع ويجرون بسرعه باتجاه سى السيد الذى نظر اليهم بدهشه..

سى السيد: ايه الى حصل جوه..

عصام : يووه يا شوووووشششوووو الى حصل لا ينكتب ولا ينقرا..

سى السيد : لا بجد.. اصلكم ما شوفتوش موديست.

ابن مصر: هو خرج..

سكوب: هو حى شكرا للرب شكرا للرب..

سى السيد: خرج ده فرج الشارع عليه..اول ما خرج من الباب مشى شويه وراح ساجد يبوس فى الرض واتمرمغ فى التراب وهو بيقول .. انا حى ,.,انا حى.. وقام قالع كل هدومه فضل بالفانله الحاملات .. والامؤخذه الشرط.. وقام جارى وخد فى فوشه وهوبيضحك بعبط والى جاى عليه انا حى ,.... انا حى..

ابن مصر:طب الحمد لله .... خلينا بقى نمشى من هنا...

سى السيد: لا افتحوا الشنط الاول

سكوب: ايوه بقى مره نتنغنغ..

ابن مصر فتح الشنطه .ثم أغلقها فجأه..

ابن مصر..عن اذنكم.. هاجيب سجاير..

سكوب : فى ايه.. فى ايه..

ابن مصر فتح باب السياره وجرى كالمجنون..

سى السيد: افتح البتاعه دى يا عصام..

عصام: صوابعى مش فى مكانها يا سى السيد افتح انت ..

سى السيد يفتح الشنطه فيجد بها ورقه مكتوب بها..

تم ايداع المبلغ البنك المركزى طبقا لما هو متبع لما زاد عن مليون جنيه ..

واترك لخيال القارىء ما حدث بعد ذلك اذا عرفنا ان عصام اغمى عليه وسكوب... ااستمر فى حاله ضحك هسترى..وابن مصر استمر فى الجرى حتى سبق موديست...

تمت

والى لقاء فى حلقه قادمه

سى السيد لو تعرف انا عملت ايه علشان أعدل المسيبه الى انت عملتها.. ربنا يستر بقى..

المهم فداك الكصه وصاحبها يا شقيق يا رب تكون عجبتك..

وعلى فكره ما تلمسش حاجتى تانى؟؟؟؟

[se_ Elsyed]

العفو والسماح

أشتاتاً أشتوت

إبن مصر هأقولك على خبرين واحد حلو والتاني زبالة

هابدأ بالحلو ( مهلبيه ) : القصة في منتهى الجمال ولم اتمالك نفسي من الضوحك خصوصاً وأنا باتخيل منظر عصام وهو متعلق من عرقوبة .

الخبر الزبالة : لقيت بعض الإخطاء الإملائية فأتسحبت في هدؤ ودخلت أصلحها روحت لاغي القصقوصه النهائية من القصة باي مستيكه by Mistake .....

إنت وعدتني مش هاتمد إيدك عليه

حاولت أكلمك بالتليفون دلوقت لكن الظاهر إنك لسه مآنتخ

حد يتدخل يصلح النفوس ياخواننا قبل ما الأشكيف يصحى من النوم ويكتشف النوصيبه اللي عملها سين سين خصوصاً أنا عارف حالته المزاجيه بتبقى عامله إزاي قبل ما ياخد تعميرة الصباح

[النسر المصري]

حد يتدخل يصلح النفوس ياخواننا قبل ما الأشكيف يصحى من النوم ويكتشف النوصيبه اللي عملها سين سين خصوصاً أنا عارف حالته المزاجيه بتبقى عامله إزاي قبل ما ياخد تعميرة الصباح

يانهار اسود ومنيل :wub:

ايه الغلطه الشنيعه الفظيعة اللي انت عملتها في ابن مصر دي يا سي السيد :blush:

بقى الراجل يأتمنك كده وانت تخونه بمنتهى السهوله كده....لا حول ولا قوة إلا بالله :blink:

عموما انا عارف ان الاستاذ احمد محمود راجل طيب وقلبه ابيض وهيسامحك :unsure:

صحيح هو المفروض ياخد بتاره منك وأبسطها ...أبسطها...يحطك مكان عصام في القصه :blush:

لكن بردو المسامح كريم :sad:

(انا نفسي اشوف سنيوري زوهيري هيديني كام درجة على الشغل بتاعي ده :angry2: )

[عصام]

صحيح هو المفروض ياخد بتاره منك وأبسطها ...أبسطها...يحطك مكان عصام في القصه :unsure:

:blush:

ينفع؟

بيان رقم 1 صادر عن الحركة السرية لمناصرة مرتادى أمن الدولة:

بعد ما صدر بحقنا نحن عصام شوقى (مؤسس الحركة) من أحمد محمود الشهير بابن مصر وأحيانا بابو امتثال .. من تحريض وسب وقذف وتعليق وكهربة وكمان اللى حصل فى الخانكة ( :blink: أموت واعرف جابها منين)

فإن الحركة تعتبر ذلك إعلانا للحرب عليها من قبل المذكور .. وتنوه أنه وبما أن السيد مؤسس الحركة من أعضاء العصابة وهو ما يتيح له تأليف أحد فصولها .. فإننا لن ندخر وسعا فى تسخير الفصل القادم منها لرد عنيف ومؤثر .. إعمالا لمبدأ العين بالعين والسن بالسن .. والبادى أظلم

ونحن إذ نطالب أبناء الشعب الكرام بعدم الالتفات لتلك المحاولات المشبوهه للنيل من ولاءنا للوطن وامتثالنا التام لكل ما يصدر بحقنا من جهاز أمن الدولة :wub: وقبولنا واحتمالنا لأى كهربة أو تغطيس أو تفطيس :blush: .. فإننا نرجوا منهم انتظار الحلقة القادمة

خطف الطيارة :sad:

والله ولى التوفيق

وتحيا مصر

ودينى لاوريك :angry2:

[النسر المصري]

أنا معاك ياعصام باشا :wub:

شار عالقتيل وانا اخلص ياباشا :wub:

[عصام]

شايلينك للتقيلة يا ريس :wub:

تارنا بس هو اللى هايغسل عارنا ..

أما القتيل .. :wub:

ودينى لاوريه

[Scorpion]

و عهد الله انت حريف ... ايه يا مان الحلاوة دي ....

المغامرة كلها رائعة .. و بالذات فيه شوية حتت خلوني افطس بجد .. بالذات و انا بتخيلها و انا عارف اشكالكم ... زي دول ...

ينظر الجميع الى موديست وهو يمشى بمنتهى الهدوء مرتديا بنطلونا بنيا قصيرا وحذاء اسود بدون شراب وقميص أزرق بنصف كم بالرغم من انهم فى شهر يناير..

ابن مصر:الان ديلون والله هو الى هاينفع

مصر: قسما بالله لو ما اختفيتوا من قدامى دلوقتى.. لاتعامل معاكم على انكم مطب صناعى .. لا .. مطبين.. وهاخدهم بسرعه ...

سكوب فى منتهى الدهشه: وكتاب الله ما حصل ..أعدمك لو كنت جايب معايا حاجه اطفحها .. انت جبته منين يا سى زفت..

موديست وهو يأخذ اخر قطمه من السندوتش : يا بنى السندوتش الى كان فى اللفه الى معاك... !!!

سكوب وقد فتح عيناه فى دهشه : الله يخرب بيتك دا انا كنت هارميه دا بقاله فى المطبخ 4 اسابيع من العيد والتلاجه كانت بايظه فلما ريحته طلعت قلت ارميه بعيد .. انت ايه.....مبتحسش؟؟؟؟

عصام: استتتتتوب.. الى اوله شرط اخره اييه نور.. أى واحد فيكم هايمد ايده عليا ولا يفتكر انه ضابط بجد يمين بالله .. لاكون رايح فيكم فى دهيه.. انا سبحان من خلانى اوافق على الجنان بتاعكم ده..

ابن مصر: ده اسمه كلام يا صاصا .. عيب..

موديست: قولتلكم عايز الحمااااااااااااااام.

سكوب: وانا كمان....

عصام : مفيث داعى للحمام .. انا اتثرفت خلاث...

عصام بعد ان انغلق الباب يلتفت وراءه ليجد 5 اشخاص معلقين من ارجلهم ومجموعه من الضباط تنظر اليه بدهشه بعد ان دفعه المقدم سكوب الى الحجره..

عصام..: والنبى ما انتم قايمين انا جاى لوحدى اتفضل يا باشا.. علق...

أحسنت بجد ...

نستني بقي عصام و نشوف انتاجه البكر .... بس علشان خاطري يا عص .. انا طول عمري بديك ادوار حلوة .. اديلي دور مضيف كده من اللي بيقفوا و يفضلوا يشاوروا زي عساكر المرور في نص الطيارة و في الآخر يمسكوا كمامة بلاستك و يفضلوا يشموا ...

[MZohairy]

ليه حضراتكم شيلتوني من العصابه؟ :wub:

انا عملت ايه صح؟ :wub:

الله يخليكم رجعوني و ربنا يديكم على أد نية اعاديكم

[se_ Elsyed]

ليه حضراتكم شيلتوني من العصابه؟ :wub:

انا عملت ايه صح؟ :wub:

الله يخليكم رجعوني و ربنا يديكم على أد نية اعاديكم

يا مُلا زهيري .. يؤسفني إن أبلغك بأن موقفك بقى حساس وما بقاش ليك وجود في عصابة حساس ...

فبعد الأوشاعات بتاعت إيران .. سيادتك ما بقتش ناقص إجرام .. فانت أساساً أصبحت في معسكر الأعداء .. ويُقال إن أمريكا رصدت مكافأة وقدرها 21 ج للي يجيب قطرك عشان يعملولك عمل ... والعهده على الراوي...

ما بلاد الله لخلق الله كانت قدامك .. لازم تعمل فيها قنفد وعاشق للسجاد الإيراني وتجيب الكلام لنفسك وترجع تعيط ؟

[MZohairy]

ليه حضراتكم شيلتوني من العصابه؟ mfb:

انا عملت ايه صح؟ :)

الله يخليكم رجعوني و ربنا يديكم على أد نية اعاديكم

يا مُلا زهيري .. يؤسفني إن أبلغك بأن موقفك بقى حساس وما بقاش ليك وجود في عصابة حساس ...

فبعد الأوشاعات بتاعت إيران .. سيادتك ما بقتش ناقص إجرام .. فانت أساساً أصبحت في معسكر الأعداء .. ويُقال إن أمريكا رصدت مكافأة وقدرها 21 ج للي يجيب قطرك عشان يعملولك عمل ... والعهده على الراوي...

ما بلاد الله لخلق الله كانت قدامك .. لازم تعمل فيها قنفد وعاشق للسجاد الإيراني وتجيب الكلام لنفسك وترجع تعيط ؟

طب إدوني فرع العصابه في أصفهان :D

[Modest]

ينظر الجميع الى موديست وهو يمشى بمنتهى الهدوء مرتديا بنطلونا بنيا قصيرا وحذاء اسود بدون شراب وقميص أزرق بنصف كم بالرغم من انهم فى شهر يناير..

ابن مصر:الان ديلون والله هو الى هاينفع

سى السيد: موديست خرج؟!!! .. ده فرج الشارع عليه..اول ما خرج من الباب مشى شويه وراح ساجد يبوس فى الرض واتمرمغ فى التراب وهو بيقول .. انا حى ,.,انا حى.. وقام قالع كل هدومه فضل بالفانله الحاملات .. والامؤخذه الشرط.. وقام جارى وخد فى فوشه وهوبيضحك بعبط والى جاى عليه انا حى ,.... انا حى..

الله يسامحك يا أحمد .. بقى واحد بشياكتي دي و بيتعشى كل يوم ، تقلعوه البنطلوناً البنيّاً القصيراً و الحذاء اللي بدون شراب و تبهدلوه البهدلة دي؟ :wub:

كان لازم طبعاً اخد برد و ولاد الحلال لقوني في الشارع باخطرف قاموا نقلوني ارقد يومين أرم فيهم عضمي في المستشفى الأميري :wub: .. عموماً رجعت لكم و زي ما استغليتوا برائتي في العملية دي لازم تردوا لي الجميل في العملية الجاية.

إنتوا عارفين الواد ابني الكبير بيدرس أي جي أبوستروف إس :wub: و مقشّط على القرشينات أول بأول و كل يوم ييجي لي من المدرسة جواب تهديد يا الدفع يا الحبس... أروح المدرسة أدفع ألاقي الخزنة مش راضية تتقفل من كتر الفلوس اللي فيها :wub:

لذلك قررت نعمل سوى عملية حلوة كده زي بقية عملياتكم :wub:

انتظرونا مع أولى محاولاتي الإجرامية ............... سرقة مدرسة خاصة B)

[عبده بيه]

تسلم الايادي زي العسل

[MZohairy]

موديست :sad:

السيده في ضهرك يا شيخ...

الله يخليك......

انشالله ابوك يحج......

ابوس ايدك....

تسرقوا مدرسة ولادي

المدرسه دي عملت في أخوك زي اللي بتعمله كل يوم شغاله عفيه بتنفض سجاده مش راضيه تنضف :sad:

حبعتلك عنوانها على الخاص -_-

عنوان المدرسه طبعا.... مش الشغاله -_-

[Modest]

موديست :unsure:

السيده في ضهرك يا شيخ...

الله يخليك......

انشالله ابوك يحج......

ابوس ايدك....

تسرقوا مدرسة ولادي

المدرسه دي عملت في أخوك زي اللي بتعمله كل يوم شغاله عفيه بتنفض سجاده مش راضيه تنضف :sad:

حبعتلك عنوانها على الخاص mfb:

عنوان المدرسه طبعا.... مش الشغاله -_-

مزهوراتي حبيبي :rolleyes:

أنا مش هالاقي أعز من ابنك اسرق مدرستُه لكن انت عارف النظام و الأولويات .. بالدور يا حبيبي بالدور wst::

أوعدك بعد ما تنجح العملية دي مش هايغمض لي جفن قبل ما نشوف موضوعك :rolleyes:

[Modest]

.

بعد الانتهاء من عملية سرقة وزارة الداخلية قام سكوب بمحاولة الهرب إلي جزر سردينيا بعد ما حلف 100 يمين مايعرف ابن مصر تاني و اختفى عصام مؤقتاً في أحراش 6 أكتوبر لإنه بقى معروف لمخبرين مباحث غسيل الأموال و فر سي السيد إلى السعودية مستغلاً باسبور مضروب يظهر فيه بشخصية مهراجا هندي يبيع سيديهات مضروبة في إشارات المرور و بجوار المولات الراقية بالأحياء الشعبية و اختفى ابن مصر عند عيال عمه في الصعيد خوفاً من انتقام أفراد العصابة و قام موديست بعمل تغيير شامل لهيئته بتغيير البنطلون البني القصير إلى بنطلون أزرق قصير.

و بعد فترة ، و كأن إنشغال جميع أفراد المباحث في قمع المظاهرات المنددة بتغيير الدستور جاء كفرصة ذهبية ليظهر الجميع مرة أخرى على القهوة على غير ميعاد.

ابن مصر: صباح الخير ياض يا أمشير

أمشير (مشيحاً بوجهه إلى الناحية الأخرى و متمتماً): يا فتاح يا عليم يا رزاق يا كريم

ابن مصر: بتقول ايه ياض

أمشير: ما باقولش .. انت مش قاعد ليه معاهم على الترابيزة اللي هناك .. ماتتلموا في مكان واحد (متمتماً: جاتكوا الهم)

ابن مصر: هناك فين يله؟

أمشير: مع حبايبك اللي من ساعة ما شافوك عملوا نفسهم مش عارفينك (متمتماً و قاضباً حاجبيه: إلهي تغوروا كلكم من هنا)

ابن مصر ينظر وراؤه ليجد 3 اشخاص على ترابيزة أحدهم مغطي وشه بجرنال مخروم و التاني لابس نضارة شمس مغطيه وشه كله و التالت نايم على الترابيزة و مغطي راسه بإيديه الاتنين.

ابن مصر: يا سكوب .. طيب يا عصام .. انت يا سي السيد

محدش عبَّرُه

يأتي من بعيد موديست بشياكته المعهودة و بالنيولوك المتمثل في البنطلون الأزرق القصير و الفانلة الحمالات في عز الشتا و الحذاء البني بدون شراب.. يمشي الهوينة بمنتهى الثقة و في يده ساندويتش .. ياخد قطمه و يمشي خطوة و ياخد قطمة و يمشي خطوة و هكذا إلى أن وصل إلى القهوة و هو مخلص الساندوتش خوفاً من أن يستولي عليه سكوب كالعادة.

يذهب مباشرةً إلى ترابيزة الاصدقاء التلاتة و يصبّح عليهم صائحاً بصوت عااالي.

موديست: صباح الخير .. عملتوا خير إنكم لوحدكم .. أنا مش طايق أشوف وش النحس اللي ... و قبل ان يكمل الجملة انقض عليه سي السيد بحركة تايكوندو هوائية حلزونيه يخنقه بيده و يكتم فمه حتى كاد أن يفيص في إيده

سي السيد: اسكت يا زفت.. احنا مستخبيين منه و انت جاي تفضحنا؟ .. ما تتنيل تقعد و انت ساكت.

سكوب: جبت لنا حاجة ناكلها؟

قبل أن ينطق موديست سمع الجميع ابن مصر يصيح

ابن مصر (بصوت عالي): آه يا أندال.. و فاكرين إني مش هاعرفكم؟ عرفتك يا سكوب من أول نظرة .. مش هاتغير شبشب الحمام اللي بتخرج بيه ده؟ و هايكون مين معاك غير عصام و سي السيد ..و ادي موديست فضحكم ... هاتيجوا هنا و لا آجي أنا اقعد معاكم؟

عصام: خليك عندك .. لو جيت هابطحك

سي السيد: الجدع ده يا أنا يا هوه في القهوة

موديست: خلوه ييجي هنا و على ضمانتي .. الجدع صعبان عليا و شكله ندمان .. نديله فرصة تانية

سكوب: قلبك الرهيف ده هايودينا في داهية .. هاته بس تكون آخر فرصة .. و كمان يقعد ساكت و مالوش دعوة لا بتخطيط و لا بتفكير من أصله

موديست: حاضر .. ده أنا اللي هاشترط عليه كده قبلكم .. انتوا ناسيين اللي جرى لي من ورا تخطيطه الاسود؟

موديست : تعالى هنا يابني

ابن مصر (فرحاً): كنت متأكد إني مش هاهون عليكم و بعدين احنا لينا مين غير بعض.. طيب ده أنا حتى امبارح كنت لسـ....

سي السيد: انت هاتحكي لنا تاريخ حياتك... يا تقعد ساكت زي الكرسي اللي انت قاعد عليه يا تغور من هنا

ابن مصر (بانكسار): حاضر.

موديست: ايه الأخبار يا شباب .. شكلكم مأشفرين و حالتكم كرب زي حالاتي ... أنا من يوم سرقة وزارة الداخلية و انا حالتي زفت (و هو ينظر شذراً إلى ابن مصر اللي عمل نفسه مش واخد باله).. العيال مصاريفهم قاطمة وسطي و خصوصاً مصاريف المدارس

أنا كان مالي و مال موال التعليم ده.. ياريتني سمعت كلامك يا عصام و زقيت كل عيل من عيالي على ورشة من بتوع اصحابك يتعلم صنعة و ألهف أنا اليومية بتاعته .... ثم ينخرط في بكاء شديد.

سكوب: ماتفكرنيش .. أنا جريت استخبيت عند ابن خالتي في اسكندرية لغاية ما شاف لي فلوكة مع جماعة هربانين على ايطاليا زقني عليها بس طلع علينا حرس السواحل الليبي أكلونا علقة ما أكلهاش .... ياللا هايروحوا من ربنا فين..... ثم ينخرط في بكاء شديد.

سي السيد: أنا ضربت باسبور بإسم مهراجا هندي و طلعت السعودية أقلّب عيشي هناك.. سرحت بسيديهات مضروبة في إشارات المرور لغاية ما قفشوني و اترحلت و اديني هنا معاكم يا فقر .... ثم ينخرط في بكاء شديد.

عصام (و هو ينظر في كل الاتجاهات خوفاً من المخبرين بعد أن أصبح وجهه مألوفاً لمباحث غسيل الأموال): أنا مش هاتكلم.. ثم ينخرط في بكاء شديد.

ابن مصر: أنا بقى كنت فـ ...

سي السيد: انت ما تنطقش خالص ... و ينهال على رأسه بالكرسي فيسقط مغشياً عليه.

موديست: و بعدين يا جدعان .. هانفضل نولول و ننخرط في بكاء شديد كده زي الولايا؟ .. لازم حل .. و انا عندي الحل

و بينما مازال ابن مصر مغشياً عليه ، ينظر إليه الثلاثة باستغراب شديد

سكوب: حل ايه ياللي داخل علينا بإيدك فاضية .. حل ايه جك حل وسطك..

سي السيد: انت كبيرك تسرق حبلين غسيل من على سطوح عمارة بوابها في اجازة

عصام (يهمس في أُذُن سي السيد): بوابها في أجازة؟ !!!

موديست: استنوا بس.. يوضع سره في أضعف خلقه

انتوا عمركم جربتوني في ايوتها تخطيط؟ جربوني المرة دي و بعدين احكموا

دي عملية مضمونة مية في المية .. و يوم ما يقف لنا فيها حد كبير هايكون مُدَرِّسة ألعاب ..

احنا هانسرق خزينة مدرسة الواد أحمد ابني..

يتبع.....

[se_ Elsyed]

قشطه يا موديست

إحنا وراك يا معلم وخش في الخزنة بصدرك ولا يهمك

[Scorpion]

إيه ده :wub:

إيه ده ؟؟؟؟

كنت مخبيهم فين دول يا موديست ؟؟؟

ربنا يخليك يا عسل ... أخيرآ حد مطلعني مفتري .. فين بقي الباقي ... هه..فين ... هه ؟

أوعي تتعدي من أحمد محمود و لا من سي السيد اللي ساب رحلة في نصها و كَت .. اللي يكتبوا حلقة و بعدين يروحوا يشتوا في اسواااان

و لا عصام ... اللي منزل اعلانين لحد دلوقتي من غير حتي ما ينزل التترات ....

بس بجد ... بداية شديدة :happy:

[Modest]

سين سين و سكوب .. ربنا يستر طريقنا :cry: