تحليل ماتشات الكورة بــ 55 ألف جنيه شهري .. تخيلوا

[الغريب]

الراتب ده حقيقي محسن صالح تعاقد مع قناة النيل للأخبار (حكومية) براتب 55 ألف جنية شهري

المصدر

وعلشان كدة الراجل أعتذر بكل شياكة عن تدريب نادي سموحة وقبل بداية الدوري مباشرة

بس بصراحة راجل قنوع ، فيه غيره بيدرب وبيحلل كمان يعني منشار

بالله عليكم مش كدة حرام وكتير لما واحد ياخد المبلغ ده على كلمتين هيقولهم كل أسبوع مرة :sad:

وده بصرااحة أحلى تعليق على الخبر قريته

من المنصورة عزبة الشال 4 شارع جمال عبد الناصر

بواسطة: احمد حمدى حسين حسن نافع

العمر 30 سنة جريج معهد فنى صناعى ومجوز وامنيت حياتى انى اشتغل 16 ساعةفى اليوم ب 1500 جنية من نص ساعة فى اربعة يعنى ساعتين فى الشهر ب 55 الف جنية حسبى الله ونعم الوكيل كلنا بنى ادمين على فكرة انا عندى اولا ومش هقول لكى الله يا مصر هقول حسبى الله ونعم الوكيل فى اللى بيديك ال 55 الف جنية وانا نفسى اعمل مشروع يعيشنى ملك ب 1000 الاف جنية ومش عارف وشكرا موبيل 0109151910

طبعا الدولة خلاص مش هنتكلم عنها لأن أيدينا منها والأرض

أنما أنا عاوز أكون إيجابي ، مش أحنا يا جماعة اللي بنشجع الإعلام ده على الجرأة دي ، يعني أحنا اللي عاملين أهمية كبيرة للأمور دي

كل رجائي أننا بس نبطل شوية الإهتمام بمثل هذه الأشياء ونقلل من أهميتها علشان تاخد حجمها الطبيعي

أنا عن نفسي بتفرج على الماتشات بس لما بكون فاضي

وقاطعت كل برامج التحليل وبرامج الكورة الفاسدة التالفة بتاعت خالد وعلاء ومدحت ومصطفى والناس دي

بجد يا جماعة ياريت ندي أحنا الأول كل شئ قدره علشان بالفعل ياخد قدره في الواقع

تحياتي

[tantrum]

كنت كتبت موضوع منذ فترة طويلة عن الإستفزاز الشديد للمصريين فى المبالغة فى أجور فئة ذات مهن غير مفيدة على الإطلاق - على الأقل فى مرحلتناتلك - مثل الممثلين و المطربين و لاعبى كرة القدم فى الوقت الذى تتدنى فيه أجور المهن التى يعول عليها تقدم البلد لصورة هزلية

بحثت عن هذا الموضوع و لم أستطيع العثور عليه

ولكن يا أخى الغريب أذكرك أن هناك العديد من المواطنين الذين يعيشون على الكفاف و لكنهم متابعون لتلك التحليلات

و لا أعلم كيف يستمتعون بها أو كيف تفيدهم؟

هؤلاء مشاركون فى تلك الكارثة

و لازلت أجهل ما فائدة هذه الظاهرة (التحليل) قبل و بعد المباريات غير أنها جعلت من اللاعبين القدامى نجوم و أهل رأى يرتدوا أرقى الملابس و يتكلموا بحكمة مفتعلة فى أمور تافهة

و إن كنت أعلم أضرار كثيرة لها

======================================================================================================================

للعلم أجر الأستاذ الجامعى (العالم كما يفترض) حوالى 2000

هل علمتم لماذا نتأخر علميا و تتأخر جامعاتنا

و لكن عزائنا فى كأس الأمم الأفريقية الذى أدمنا نشوة الفوز به

تم تعديل 29 يوليو 2010 بواسطة tantrum

[عنبو]

هو اينعم الموضوع عرض وطلب

ونظراً لان الناس بقوا مجانين كوره

فعلشان كده اجور العيال دى عاليه

يبقى الحل فى المقاطعه علشان نكون ايجابين

والى جانب كمان ان البرامج دى بتشحن الشعب على بعضه وبتعمل فتنه بين المشجعين

انا اساساً مقاطع الكوره ولا اتفرج عليها الا حسب الظروف

واتمنى اللى يجى اليوم نقول فيه هنلغى الدورى السنه دى وهنصرفه على البحث العلمى

اتمنى اللى يجى اليوم اشوف صورة عالم من العلماء بدل الافيش مكتوبه عليها تقدر تبقى زى ؟

اتمنى ان صالة كبار الزوار تبقى مخصصه بالسياسين والعلماء فقط لاغير والباقى زيهم زى اى حد

تحياتى

عنبو

[جسار]

[ المسموح به فى مصر هو شيئان لاثالث لهما وهما

الكرة والفن ، وتحدث فيهما كيفما شئت وسب وألعن وأقذف الجميع بما يتيسر من الشتائم والالفاظ المتنقية اللى يحبها

قلبك ولاحدود للخروج عن النص بل هو المطلوب أن تزيد النيران وولعها ولع ، ولن تجد أحدا يحاسبك أو حتى يقولك أنت

فين ومين وبتقول أيه هو ده الهايد بارك بتاعنا ، ولاجل ذلك سمح بأنتشار عشرات الصحف والمجلات التى لاشاغل لها سوى

الحديث عن الكرة وشئون اللاعبين وحكاويهم المضروبة وبالطبع فأن التليفزيون والاذاعة والذين هم دائما سباقين فأنهم

لم يتركوا الساحة خالية لينفرد بها الاعلام المقروء ، فشمروا عن سواعدهم وأتحفونا بعشرات القنوات والمحطات والتى

قامت من فورها بتقديم عشرات من البرامج الرياضية الكروية ولان أحوال الثقافة والعلم فى الوطن حاليا ماتسرش الحبيب

وطبعا تسر العدو ، فالمحتوى الفنى والمعلوماتى اللذان يتم تقديمهما ضعيف وفقير للغاية ولكن يتم التعويض بالمحتوى

الحوارى وهو أقرب مايكون لمستوى الحوارى والازقة والردح والتشليق والكلام المتغطى والكلام العريان ملط ، وهكذا يتم

تحبيش الحلقة بالبهارات والشطة الحراقة ونخلى الزباين قاعدة متمسمرة قدام الزفتليونونسب المشاهدة تزيد ولو حتى بالاونطة

وبريد البرنامج المضروب والمكالمات اللى جاية من المانيا البلد اللى لو طرطقعت ودانك شوية حتسمع صوت الاخ اللى بيتصل

من جوه الاستديووبعضهم جاب لاب توب عمال يقرأ رسائل أعجاب أبنه ولاسكرتيره عمال يكتبها له ، والاعلانات شغالة ونازلة

ترف زى الرز والفلوس بالهبل ، يبقى ليه ما نروقش حبايبنا ونديهم كبشة فلوس من اللى لميناها من الهبل والمتخلفين

وآهو مولد سيدى الكورة وكل عام وانتم بخير .

[hOuSsAm]

اخويا الغريب

السلام عليكم ورحمة الله وبركاته

انا بصراحة مليت من الموضوع ده عالاخر

هو صحيح زى مقال العنبى عرض وطلب واقتصاد وبزنس واعلانات ويمكن دى مصاريف من وراها دخل كبير وملايين كبيرة

عن نفسى ومن سنة تالتة كلية قررت الا اخوض فى التفاهات ابدا.......... عالاقل عشان ربنا سبحانه وتعالى يوم القيامة لما يسالنى حياتك عملت فيها ايه مقولوش انا بضيع كل يوم 4 سعات ماتشات يعنى شهرين فى السنة بالاضافة 4 شهور نوم يعنى نص السنة نوم وماتشات

والله حاسس انى هبقى مكسوف اوى قدام ربنا لما يسالنى عملت ايه فى حياتك هقوله انى كنت نايم وبتفرج على ماتشات

مش عارف اصلا اللى بيتفرجوا على كمية الماتشات دى والدورى الانجليزى والاسبانى والمصرى والسعودى بيجيبوا الوقت ده منين

انا مش بقول لحد ميتفرجش بس كله بالمعقول ياخونا

اللى افتكره ان من 2006 لحد الان متفرجتش الا على حوالى 7 ماتشات كان من ضمنهم النهائى بتاع 2006 و 2008 و2010 وماتشين مصر والجزائر وماتش ايطاليا ومصر ويمكن ماتش للاهلى كمان

الحمد لله بلعب رياضة تفيدنى (مرتين او تلاتة فى الاسبوع) لكن مش هستفيد حاجة لما اتفرج على تحليل لمحسن صالح

بالله عليكوا كل واحد يحسن استتغلال الوقت لو مكنش عشان خاطر نفسك يبقى عشان خاطر يوم الحساب اللى هتتسال فيه عن عمرك عملت فيه ايه

تحياتى للجميع

[abdulmuttaleb]

لي وجهة نظر مختلفة قليلا مع حضراتكم وأنقلها لكم من مدونتي (عايز أشتغل):

http://3ayezjob.blogspot.com/2010/02/4.html

ليه رواتب ومكافآت اللاعبين والممثلين مرتفعة جدا؟

احنا اتكلمنا عن اختلاف الرواتب بين الوظائف المتشابهة داخل الدولة الواحدة، واتفقنا على أنّ أهمية الدور الذي يؤديه الموظف هو أحد عوامل ارتفاع راتبه

واحد ح يسأل: ايه الدور المهم أوي للاعب كرة قدم أو ممثل سينمائي؟

في الحقيقة فإنّ أي واحد فينا يقضي أمام التلفاز ما لا يقل عن ساعة يوميا، والأطفال يقضون مدة أطول، وموظفو المكاتب لديهم تلفاز في مكاتبهم.

ليس تحت يدي الآن إحصاء عن متوسط عدد ساعات مشاهدة التلفاز في مصر، ولكنه حتما رقم مرتفع، وعلى الأقل يشمل برامج التوك شو (3ساعات يوميا من السبت للأربعاء)، هل تتخيلون ما الذي يمكن أن تفعله هذه الشاشة في المواطنين إذا ظهر محمود سعد مثلا وقال إنه بناء على تصريحات وزير الصحة فإنّ استخدام أمواس الحلاقة خلال شهر فبراير يؤدي للوفاة، سنرى رجال الشعب كله بذقونهم يسيرون في الشارع، إذا: تأثير هذه الشاشة ضخم وفعال وخطير (حراسة مبنى ماسبيرو تضم في قواتها دبابات ومدرعات).

سؤال ساذج:لماذا نتابع كرة القدم؟

إجابة بسيطة جدا: لأنها تبث على الهواء وتفسح لها الصفحات الأولى في الصحف!

ببساطة، تخيلوا لو توقف التلفاز والجزيرة والنيل للرياضة عن بث مباريات كرة القدم نهائيا، وأصبحت أخبار المباريات في الصحف في خبر داخلي مكون من سطرين (يلتقي اليوم الأهلي والزمالك في كرة القدم الثامنة مساء)، ما الذي سيحدث؟ لن ترعى فودافون النادي الأهلي في كرة القدم، ولن ترعى اتصالات الدوري المصري، لماذا؟ لأن الجمهور لن يأبه بهذا الخبر، كما ستختفي التغطية الإعلامية التلفزيونية وبالتالي لن يكون احتكار لكواليس الفريقين مثلا، وبالتالي لن نرى جيشا من الصحفيين الرياضيين المتفرغين لأندية الدوري، وكذلك لن نرى الرئيس يستقبل الفائز بالكأس أو حتى يحضر المباراة النهائية!

هل يحضر الرئيس نهائي تنس الطاولة أو الجودو؟

هل ترعى شركة اتصالات دوري الكرة الطائرة؟

هل يحضر نجلا الرئيس مبارك منافسات التايكوندو؟

كم شخصا في مصر يعرف اسم مدرب الفريق القومي للسلة؟ للكرة الطائرة؟

إذا، الإعلام الذي صنع كرة القدم والتي أصبحت صناعة مستقلة وصلت إلى برامج تعليمية في التسويق الرياضي مثلا، هذا الإعلام له تأثير طاغٍ، لأنّه يشكل رأيا عاما كاملا، فالمسلسلات والدراما ترسم عبر التكرار نماذج مقولبة ومفاهيم جاهزة، وهي نماذج ومفاهيم يتلقاها الشعب بأكمله، وبالتالي فإنّ رواتب صناع الحدث (الممثلون والمخرجون وكتاب السيناريو، وغيرهم) إضافة للإعلاميين ولاعبي كرة القدم، رواتبهم مرتفعة وبالتالي ليس غريبا أن تكون الرواتب الشهرية لنجوم برامج التوك شو كعمرو أديب ومحمود سعد ومنى الشاذلي ومعتز تحتوي من خمسة أصفار أو أربعة أصفار للحلقة الواحدة

إن الطلب على تشكيل الرأي العام (نرجع تاني لقانون العرض والطلب) مرتفع من كافة الأطراف الداخلية بل والخارجية، وليس غريبا أن نقرأ عالميا عن سفارات وأحزاب وجماعات وتكتلات وتجار ورجال أعمال يخصصون آلاف الدولارات شهريا لكتاب وإعلاميين ومنتجين سينمائيين من أجل تبنّي وجهات نظرهم دون غيرهم وعرضها في الإعلام وتسويقها للرأي العام.

http://3ayezjob.blogspot.com/2010/02/4.html

[herohero]

انتوا بتكلموا ع تحليل فني امال لو شوفتوا حلقه 48ساعه يوم الجمعه مكان جايب الراقصه والفنانه اللي بتتعب قووووووووووووي سمراء ودكتور مهندس

وبيكلمو ع الرواتب الدكتور المهندس قال مرتبه من الجامعه 6000 جنيه غير فيه شغل تاني وهو استشاري ودكتور جامعه من سنين طويلة

اما اللي بتتعب قووووووووووي عارفين بتاخد كم وده سمراء من الاخت الفاضلة دينا

الهانم بتاخد 10000 يوووووووووووووورووووووو

في الحفلة ف اوروربا مدتها اد ايه 3 ساعات

وقالت انها بتتعب ومجهود وبتضيف قيمة للمجتمع

وقالت جملة عجبتني لما بيسالوها ممكن تاخد حسابها بالقسط

فقالت كله بالقسط الا هز الوسط

[se_ Elsyed]

يا جماعة ما تاخدوش الموضوع بحساسية .

للأسف الدنيا كلها بيحصل فيها كده

شوفوا مرتبات لعيبة الكرة بره كام ؟

دي بتوصل مليون وأكثر في الأسبوع ..

يعني قارنها كده بمرتب رئيس الجمهورية او رئيس الوزراء عندهم ؟

كذلك لما نسمع عن فيلم حطم رقم المليار دولار أثناء عرضه

برضوا نستعجب ونضرب كف على كف

أيوه دي دول غنيه

أيوه بيصرفوا على التعليم والعلماء ..

لكن بالمقارنة اللي بتعملوها حتى لو بين عالم أجنبي وعالمه بتاعت رقص بس اجنبية ... يبقى صباح الخير يعني لا وجه للمقارنة مطلقاً

بالمناسبة .. وزيادة في حرق الدم

55 الف لتحليل مباريات طوال الشهر .. مبلغ هزيل جداً جداً وبصراحة وقيع ... ولو بتتكلموا عن حالة محسن صالح بالذات .. يبقى الأستقالة ما كانتش عشان كده .. لكن كانت عشان هو مصاب بالقلب ... وأي أنفعال أثناء مباراة أو غيره ممكن يخلص عليه .... ربنا يشفي الجميع يارب

ولما نعرف إن شوبير مرتبه بيوصل لملايين سنوياً ..

من زمممممممممممممممممممان يعني أكتر من 5 سنوات كان متعاقد مع الفضائية المصرية بمبلغ 120 الف جنيه شهرياً .

آه والله

وأقل تعاقد مع مُحلل في مودرن سبورت بيبقى مليون جنيه سنوياً .. غير السلطات والبابا غنوج وعربية بسائق خاص مخصصة له

طيب وإيه رأيكم إن أقل تعاقد في الأهلي مع لعيب بيبقى 2 مليون سنوياً ..

غير

غير

مكافآت الفوز بالبطولات والمباريات المختلفة

والهبره الكبيرة بتبقى في الإعلانات .. كنتاكي بقى وهيونداي وفودافون ومسحوق إيريال بتاع الحضري بتاع الطبيخ

يعني نقدر نقول كده بيصفي له 5 مليون سنوياً