سيارة اوبترا فى السعودية

[egyptawy]

سلام عليكم

ياجماعة انا معروض على سيارة اوبترا موديل 2005 ب 15

لكن الناس بتقولى انها سيئة ومش بتستحمل حرارة السعودية ومشاكلها كتير

ياترى حد له خبرة معها يساعدنى

شكرا

[Mr MAGED]

اعتقد ان السعر عالي شوية

يفضل طبعا تنزل الحراج لو انت في الرياض روح حراج النسيم

ولازم تعملها فحص كامل وتركز ع الحاجات المهمة زي الجير والعفشة والتكييف

[egyptawy]

الف شكر لحضرتك طيب ياترى حد هنا عنده لانسر او صنى للبع

شكر

[عنبو]

ابعد عن الاوبترا مش كويسه خالص وبعدين 2005 وب 15 الف ليه يعنى ؟

هى ميزتها انها واسعه فقط لا غير

لكن التكيف بتاعها بيفصل

البور بتاعها زيت مش كهربا يعنى تقيل

من الاخر مش حبتها

الاكسنت احسن منها وسياره كويسه قوى

او هاتلك حاجه تويوتاتمام قوى

لكن نصيحتى بلاش الاوبترا بلاش الاوبترا

انا كان معايا اوبترا 2008 وبعدين 2009

والاكسنت كانت 2008 بس كانت ممتازه والله

واحد صاحبى جايب تويوتا كرولا 2008 على 25 الف عربيه ممتازه

تحياتى

عنبو

[زيكو]

طيب من فضلكم سؤال

انا قاعد فى السعودية لمدة سنة ونصف بس ونازل بعد كده اجيب عربية نوعها ايه وفى حدود كام علشان اعرف ابيعها وما اخسرش فيها وانا مقيم فى جدة وشكراً مقدما

[Mr MAGED]

طيب من فضلكم سؤال

انا قاعد فى السعودية لمدة سنة ونصف بس ونازل بعد كده اجيب عربية نوعها ايه وفى حدود كام علشان اعرف ابيعها وما اخسرش فيها وانا مقيم فى جدة وشكراً مقدما

لو قاعد سنة ونص بس ومش عايز تخسر فيها كتير يبقي خليك في التويوتا ... هيا اللي دايما محافظة علي سعرها

وتشتريها حسب مقدرتك يعني بتختلف من ايكو لكرولا لكامري .. حسب انت بتحب ايه وعندك استعداد تدفع كام

زور الحراج خاصة يوم الجمعة خد فكرة عن المعروض والاسعار

[mekkawy]

سلام عليكم

اخويا زيكو

فيه نظام حلو أوي ماشي عندنا في الرياض ما أعرفش هو في جدة ولا لأ

إنت ليه يا باشا تشتري و توجع دماغك و مصاريف تأمين و صيانة و هم ع القلب و تفكير في البيع بعد كدة

النظام كالآتي:

بيكون فيه واحد بيأجر سيارات بنظام التملك ازاي يعني؟؟

يعني إنت بتدفع مثلاً 500 ريال كل شهر و عليه هو صيانتها و ضمانها و تامينها و كل شئ و إنت مالكش دعوة بأي حاجة و كمان بتكون باسمك و عليك بس زيتها و بنزينها و بتكون عربية مستعملة و كويسة .. و لو حصل فيها اي حاجة و هتتأخر خلال 3 أيام بيكون معاك سيارة تانية .. صحابي هنا عاملين كدة بدل الشراء و البهدلة .. واحد كان زميلي في السكن جايب هوندا أكورد 97 بـ 500 ريال و التاني كان جايب كيا ريو 2002 تقريباً أو 2005 مش فاكر بنفس الـ 500 ريال .. و خلاص يا باشا .. احسبها معايا

سنة و نص = 18 شهر* 500 ريال = 9000 ريال

وفرت على نفسك نص مبلغ الشراء .. ريحت دماغك من التأمين و قرفه و الصيانة و همها .. كدة كدة راكب مستعمل

نيجي باة للسؤال الطبيعي و المهم .. ألاقي الراجل ده فين؟؟؟

و الله يا باشا إحنا عندنا لقينا الراجل ده في الشركة .. شغال معانا يعني .. معرفش جدة إيه نظامها لكن ممكن إخواننا في جدة يفيدوك أو تسأل زملائك في العمل .. بس دور ع الموضوع ده كويس قبل ما تشتري

الأوبترا بأة يا باشا أنا لو في مصر مش هنا مش هأشتريها و لو بيوزعوها ع العيش الفينو ... مبحبهاش كدهوت صدقة

ربنا يوفقك و يسهلك أمرك

مكاوي .. كارز دايركتور

[hOuSsAm]

كانت نيسان عاملة عرض يمكن يكون مفيد ليك

انك بتقسط العربية كل شهر حوالى 800 ريال وبعد 3 سنين بترجعلهم العربية تانى او لو انت كنت عايزها بتدفعلهم دفعة اخير بتبقى حوالى حاجة وعشرين الف ريال

وتقريبا مكنش فيه دفعة مقدمة

بص انا مش فاكر العرض اوى روح شركة نيسان اللى هى الحمرانى واسالهم عالعرض ده واظن انه لو كان لسه موجود يبقى كويس ليك ولظروفك

اتمنى لك التوفيق

[egyptawy]

طب فيه صنى 2001 اوتوماتيك ب 13 وصاحبها بيقول نضيفة

ايه رايكم تمنها كده كويس ولا ايه

[Aggressor]

حلو يا مكاوي نظام التأجير ده

ممكن تدلني علي ازاي ممكن اجيب عربية بالنظام ده

وايه الموديلات المتوفرة

[Aggressor]

سلام عليكم

اخويا زيكو

فيه نظام حلو أوي ماشي عندنا في الرياض ما أعرفش هو في جدة ولا لأ

إنت ليه يا باشا تشتري و توجع دماغك و مصاريف تأمين و صيانة و هم ع القلب و تفكير في البيع بعد كدة

النظام كالآتي:

بيكون فيه واحد بيأجر سيارات بنظام التملك ازاي يعني؟؟

يعني إنت بتدفع مثلاً 500 ريال كل شهر و عليه هو صيانتها و ضمانها و تامينها و كل شئ و إنت مالكش دعوة بأي حاجة و كمان بتكون باسمك و عليك بس زيتها و بنزينها و بتكون عربية مستعملة و كويسة .. و لو حصل فيها اي حاجة و هتتأخر خلال 3 أيام بيكون معاك سيارة تانية .. صحابي هنا عاملين كدة بدل الشراء و البهدلة .. واحد كان زميلي في السكن جايب هوندا أكورد 97 بـ 500 ريال و التاني كان جايب كيا ريو 2002 تقريباً أو 2005 مش فاكر بنفس الـ 500 ريال .. و خلاص يا باشا .. احسبها معايا

سنة و نص = 18 شهر* 500 ريال = 9000 ريال

وفرت على نفسك نص مبلغ الشراء .. ريحت دماغك من التأمين و قرفه و الصيانة و همها .. كدة كدة راكب مستعمل

نيجي باة للسؤال الطبيعي و المهم .. ألاقي الراجل ده فين؟؟؟

و الله يا باشا إحنا عندنا لقينا الراجل ده في الشركة .. شغال معانا يعني .. معرفش جدة إيه نظامها لكن ممكن إخواننا في جدة يفيدوك أو تسأل زملائك في العمل .. بس دور ع الموضوع ده كويس قبل ما تشتري

الأوبترا بأة يا باشا أنا لو في مصر مش هنا مش هأشتريها و لو بيوزعوها ع العيش الفينو ... مبحبهاش كدهوت صدقة

ربنا يوفقك و يسهلك أمرك

مكاوي .. كارز دايركتور

ممكن اعرف ازاي اجيب عربية بالنظام ده وياتري إيه الموديلات المتوفرة