بيت العيله

[قلب ابيض]

كان عندى بيت عيله بحبه جداا وبرتاح فيه جداااا وبرمى همومى وحملى وتعبى فى حضنه

مجرد انى اشوف البيت من بعيد حتى كنت بارتاح باتنفس نفس عميق كل ما اقرب منه

فيه ريحه اهلى واخواتى

فيه ذكريات حلوه واصحاب احلى عرفتهم وعشت معاهم همومهم وافراحهم

سافرت ايام بسيطه مش طويله

ورجعت لاقيت فرش عايلتى اتجدد واصبح مودرن اوووى

ريحه الاسره ودفئها بقى برفانات نفاذه بس مش سايبه اى اثر فى نفسى

بانسى ريحتها مجرد ما اخرج من الباب

مابقاش يشدنى واشتاقله زى الاول

وحشنى بيت العيله بفرشه القديم ودفىء اهله واصحابه وجيرانه

وحشنى لمتنا انا واصحابى نضحك ونبكى ونصبر ونهنى بعض فى كل الاوقات

اصحابى تاهت عناوينهم منى ؟؟

يا ناااااااااااااااس

انا ماليش اخوات غيركم

ابويا وامى ربنا يخليهم لى

بيت عيلتى هو كاااان المحاورات سابقا

انا تهت تانى بعد ما لاقيتكم

مش عارفه ولا قادره ولا متقبله الشكل الجديد نهااااااائى مع كامل احترامى للمجهود المبذول

وكامل احترامى للقائمين عليه

وحشنى بيت اهلى اللى اختارتهم بكامل ارادتى

وحشنى سماع اخبار اخواتى هنا

وحشنى مجرد ان اسمهم يمر قدامى كأنى شفتهم

انا بالعافيه وبالصدفه بفتح صندوق الرسايل

للاسف فقدت حاجات كتيير حلوه فى حياتى الايام دى

وتمت بفقدانى لبيت العيله " المحاورات سابقا " :sad:

[عادل أبوزيد]

الفاضلة قلب أبيض

أوجعنى موضوعك و أعاد لى ذكريات شخصية عندما تنقلت فى رحلة عمرى - قبل الجامعة - بين أربعة عشر مدرسة فى أنحاء القطر المصرى ..

سيدتى الفاضلة بصدق أقول لكى أن التغيير الرئيسى فى محاورات المصريين هو إختفاء الشريط المتحرك و قد إستعضنا عنه بالجزء الأول المعنون recent topics و هو يحوى الموضوعات الحديثة أو المحدثة و يتم تحديثه أتوماتيكيا كل 30 ثانية و يحوى الآن خمسة عشر موضوعا يمكننا زيادتها .... هذا الجزء هو جزء أساسى من برمجيات محاورات المصريين الجديدة.

و قد نفتقد الإحصائيات فى آخر الصفحة الرئيسية و التى كانت تحوى أسماء الأعضاء الذين دخلوا محاورات المصريين هذا اليوم و كانت عبارة عن إضافة خارجية لبرمجيات محاورات المصريين الأساسية.

وبالنسبة لتوليفة الألوان فالفاضل محمد يمكنه أن يأتى بعدد من الخيارات و إن كنت أميل شخصيا إلى الثبات على توليفة الأزرق هذه.

و لعلكى لاحظتى الأيقونة العليا المعنونة chat هذه خاصية جديدة تضيف للمحاورات إمكانية "الدردشة" دون ضغط على سيرفر محاورات المصريين لأن هذه الخاصية تعمل على سيرفر الشركة المنتجة للبرمجيات نظير إشتراك نقوم بدفعه ، هذه الخاصية ربما نستعملها فى عمل لقاءات دورية لأعضاء محاورات المصريين مع الإدارة كما يمكن للأعضاء أنفسهم إستخدام هذه الخاصية فى لقاءاتهم فيما بينهم.

تقريبا كل خصائص محاورات المصريين القديمة موجودة مع عدد من الإضافات نستكشفها معا سويا ..... هل لاحظت علامة الزائد و الناقص أمام كل مداخلة ...هذه عبارة عن آلية جديدة لتقييم مشاركات الأعضاء عن طريق الأعضاء.

تقبلى تحياتى

[doha]

معليش ياقلب ابيض .. من كام سنة جدتي الله يرحمها جددت بيتها وكان الوصف بالظبط زي ماقلتي .. الالوان المودرن والعفش الجديد .. مفيش ( بيتنا ) القديم خالص لكن مكانش ده المهم لان ( جدتي ) الله يرحمها كانت فيه ..

يومين تلاته وحبينا البيت الجديد وتعلقنا بيه يمكن اكتر ماحصل في القديم ..

مسألة وقت بس قبل ماتتعودي على الشكل الجديد والي هتستغربي له موت لو حصل ولقيتي صفحه بالصدفة بالتصميم القديم .. دي مش بس هتستغربيها ده مش بعيد ابدا انها ( هتخربش ) عينك من استنكارك لها بعد ماتعودتي على التحديث الجديد ..

الحكايه دي حصلت معايا قبل كده في منتدى سابق ومتاكده هتحصل معاكي هنا .. في (بيت عيلتنا ) ..

[لولا]

قلب ابيض حبيبتى وحشتينى ..

تعرفى انا كمان حصلى زيك بالضبط .. غبت ورجعت لقيت المكان اتقلب

والحقيقه حسيت فعلا بغربه غريبه موت مصدقتش ابدا انى حسيتها نحيه المحاورات !!

المحاورات اللى هى فعلا بيت بحس فيه بالدفا.. ناس شايله جوايا ليهم محبه ومعزة هايلة واحساس غريب بالعشره

والإنتماء لكل باب وركن وذكريات لحوارات كتير..

غياب البانر كان من اكتر الحاجات اللى صعبت الموضوع اكتر فى انى اتقبل اللى حصل كنوع واصنفه كتطوير لأنى حسيت انى تايهه

وان روح المكان بقت غريبه من غيره وبارده جدا.. وعدم وجود برضو القائمة بأسماء المتواجدين اللى دخلوا خلال اليوم كانت كمان مزعجة

اتدايقت لدرجة انى معرفتش حتى اتابع .. رغم انى كنت حابه فعلا ان يتك تطوير المحاورات فى حاجات كتير لكن مختيلتش التطوير يفقدها حاجات مهمه كمان ..

حاليا وبعد الغضب والغربه والإنشغال بعد الغياب جرجرنى الحنين..

وحشتونى

وحشنى كلامنا

وحشتنى المواضيع والتفاعل وروح مصر اللى بحسها ديما هنا

بحاول اعمل زى ضحى ما بتقول انى "اتعود" والظاهر محتاجه شويه مجهود مع نفسي وفرصه واشوف هيحصل ايه..

قلب ابيض.. متهيألى مفروض فعلا نتواصل اكتر كأعضاء ونتفاعل عشان نتخطى حاجز التغيير ونستوعب اننا لسه موجودين كلنا

وان البيت بناسه واهله ..

بلاش تغيبى بليز

لولا

[the consultant]

لا أحب أن أكون من المعارضين لمجرد الإعتراض و لا أن أتجاهل المجهود الرائع التي قامت به إدارة المنتدى فيما تم من تجديد و لكن مع الأسف أنا أيضا ينتابني ذات الشعور منذ بداية التغييرات حتى أنني أتردد قبل إتخاذ قرار المشاركة أو التعليق و لا أعلم لماذا و لكن بالفعل هناك شعور غريب بالغموض ينتابني حين أفتح المنتدى بالإضافة الى إحساس نفسي ببعد الأعضاء و إنخفاض صوتهم .هذا الشعور الذي طالما جذبني للمنتدى الشعور بالصوت العالي للاعضاء و كأنهم يتحدثون لي مباشرة و الأن للاسف قد خفتت هذه الأصوات ...... أسف مرة أخرى و لكن هذا ما أشعر به فعلا

[مغتربة]

قلب ابيض.. متهيألى مفروض فعلا نتواصل اكتر كأعضاء ونتفاعل عشان نتخطى حاجز التغيير ونستوعب اننا لسه موجودين كلنا

وان البيت بناسه واهله ..

دا رايى انا كمان يا لولا

احسن طريقه يستطيع الانسان ان يتاقلم بيها على اى جديد يطرا على حياته ان يغمس نفسه فيه بدلا من يعزل نفسه الى حافته

تصور نفسك داخل مدينه تدخلها لاول مره فى حياتك

اعتقد ان افضل وسيله لتتاقلم عليها هو ان ترمى نفسك فى دواخلها و ازقتها و ناسها بقدر ما تستطيع

قد يتطلب ذلك منك مجهود فى البدايه لكنك ستقطف ثمرته سريعا مثمثله فى تاقلمك معها و قد تستطيع حينها ان تكتشف فيها جماليات لم تكن تعرفها فيها

انما لو حصرت نفسك فى ضواحيها بحجه انها غريبه عليك

فسيظل هذا هو احساسك بها مهما طالت المده

الاحتكاك يولد الالفه و ليس العكس

قلب ابيض لما بيهل البرد فاحسن وسيله لمواجهته اننا نتداخل فى بعضنا البعض اكثر علشان نحس بالدفى

متغبيش عنا لاننا بجد محتاجينك علشان ندفى بنبض قلبك الى هو و حقيقى اسم على مسمى قلب ابيض

[قلب ابيض]

الفاضلة قلب أبيض

أوجعنى موضوعك و أعاد لى ذكريات شخصية عندما تنقلت فى رحلة عمرى - قبل الجامعة - بين أربعة عشر مدرسة فى أنحاء القطر المصرى ..

سيدتى الفاضلة بصدق أقول لكى أن التغيير الرئيسى فى محاورات المصريين هو إختفاء الشريط المتحرك و قد إستعضنا عنه بالجزء الأول المعنون recent topics و هو يحوى الموضوعات الحديثة أو المحدثة و يتم تحديثه أتوماتيكيا كل 30 ثانية و يحوى الآن خمسة عشر موضوعا يمكننا زيادتها .... هذا الجزء هو جزء أساسى من برمجيات محاورات المصريين الجديدة.

و قد نفتقد الإحصائيات فى آخر الصفحة الرئيسية و التى كانت تحوى أسماء الأعضاء الذين دخلوا محاورات المصريين هذا اليوم و كانت عبارة عن إضافة خارجية لبرمجيات محاورات المصريين الأساسية.

وبالنسبة لتوليفة الألوان فالفاضل محمد يمكنه أن يأتى بعدد من الخيارات و إن كنت أميل شخصيا إلى الثبات على توليفة الأزرق هذه.

و لعلكى لاحظتى الأيقونة العليا المعنونة chat هذه خاصية جديدة تضيف للمحاورات إمكانية "الدردشة" دون ضغط على سيرفر محاورات المصريين لأن هذه الخاصية تعمل على سيرفر الشركة المنتجة للبرمجيات نظير إشتراك نقوم بدفعه ، هذه الخاصية ربما نستعملها فى عمل لقاءات دورية لأعضاء محاورات المصريين مع الإدارة كما يمكن للأعضاء أنفسهم إستخدام هذه الخاصية فى لقاءاتهم فيما بينهم.

تقريبا كل خصائص محاورات المصريين القديمة موجودة مع عدد من الإضافات نستكشفها معا سويا ..... هل لاحظت علامة الزائد و الناقص أمام كل مداخلة ...هذه عبارة عن آلية جديدة لتقييم مشاركات الأعضاء عن طريق الأعضاء.

تقبلى تحياتى

استاذى الفاضل يكفينى شرفا ان ادخل بيت العيله لأجد ابى فى الانتظار..

سعدت جدا جدا ان تكون اول من يستقبلنى بعد غياب

الاب الحنون كبير العيله

لازال وسيستمر دفء البيت باهله

وان احسست بغربه فيه اتمنى ان تتلاشى بسرعه ونجتمع دائما فى حب موده كما اعتادنا

كل حبى واحترامى لبابا عادل " كبرتك اوى ؟؟؟؟

فقط احسست انى اود ان اصفك بها الان

كل الحب والاحترام

[قلب ابيض]

ضحا مغتربه لولاااااااااااا

اخواتى حبايبى وحشتونى وحشتونى ممممممممممممموه

بجد انا فى غربه يا جماعه

فى بلدى فى غربه

بره بلدى فى غربه

صعب اوى ان المنتدى كمان يبقى غربه

بحبكم كلكم واستنونى جايه لكم وكلى لهفه وشوق

بس ادعوا لى ربنا يعدى على الايام دى بخير

شموا دى على ما اجيلكم

[ذهبية]

اهلا يا قلب ابيض وحشتينى قوى و كل المنتدى

زى ما انتم قولتوا المشكلة مش فى التغيرالى كلنا مستغربينة المشكلة ان الاعضاء اللى عملوا المحاورات و اللى كلنا بنستنى موضوعاتهم و اراءهم و مشاغباتهم احيانا مختفين من فترة

ما تيجوا يا جماعة نعزم نعض تانى على بيت العيلة الجديد

مش لما بتعزل و تروح بيت جديد بيجى اهلك و ناسك يباركوا

ما تيجوا يا جماعة نلم بعض و نعمل نداءات متكررة الى كل الاعضاء الغائبين و نقول لهم ارجعوا بيتكم تانى البيت وحشة اصحابة

[Salwa]

ازيكم ياجماعة الخير ...ازيك ياصاحبة القلب الابيض الصافى ..

بجد يعنى كلكم وحشتونى جدا جدااا ...رغم انى تقريبا بدخل هنا يوميا ...لكنى فعلا فعلا اشعر بغربة شديدة ..وكأن المكان غريب عليا جداا..

بس فعلا شوية شوية بدأت أتأقلم على الوضع الجديد ..

اصل... :blush2:

دى بقى تكنولوجيا حديثة ...

والعلم ف الصغر كالنقش على الحجر .....والعلم ف الكبر كالنقش على الماء ..

وانا بقى عمالة انقش على المية وبحاول استوعب كل التكنولوجيا دى ...

لما ادور على الناس وملاقيش حد .!!!!!!!!

اقوم آخد الباب ورايا وامشى .....قصدى ...امشى وآخد الباب ورايا ..

ناس كتير غايبة ...والواحد بيقول الصيف بقى والأجازات ..

وناس كتيرررررررر (( هاجرت .. :unsure: ))

وناس بقى مقسمة نفسها ف كذا مكان...فمش ملاحقين (( ياعينى )) كان الله ف العون ..

وانا ؟؟

اكتب ..ساعات كتيرر يعنى بكتب ...وبما انى بكتب اللى بيخطر ف بالى ...

ساعات برضه اعيد قراءة ما كتبته( رغم انى مش بحب اعيد القراءة )

الاقى انى مش عارفة انا كتبت ده ليه ؟؟

برضه ساعات ...(( زى ما حصل معايا ف موضوع لولا ...وطن ورسائل لاتقرأ ))

الاقينى كتبت وكأنى بكتب بقطرات من دمى وبكل روحى واحاسيسى ..

بتصعب عليا نفسى ..........قوى ....يعنى قوى قوى قوى ..

بفتكر كل ايام الغربة ....اللى لسا عايشاها ...بيهونها عليا بسسسسسسس اولادى ...واحفادى ( الاتنين )

لما بقى كل ده بيحصل لى ....

اقوم ايه؟؟؟ارفض جوايا بقى اكتب تانى ...

ماهو اصل انا معرفش اكتب الا اللى بحس بيه ...

كلكم وحشتونى بجد ...

دايمااا اهتم بكل الناس واسأل عليهم ..خصوصا المتغربين ..انا مقدرة قوى قوى يعنى ايه غربة ؟؟

اسأل اى حد فيكم ...على الباقى ..

رغم ان (( غربتكم دلوقت )) مش زى غربتى من زماان .....مكانش فيه نت...مكانش فيه تليفون موبايل ..

.مكانش فيه حاجات كتير ..

علشان كدة انا لسا عايشة بمشاعر زمااان .....مشاعر ان الغربة كربة فعلا ..(( حتى لو كنتم ترفلون فى نعيم الدنيا بكل مافيها من مباهج رائعة )) ...لسا عايشة بمقولة (( الغريب اعمى ولو كان بصير ))

علشان كدة ..بحب فعلا اطمئن عليكم ..

بحب أتأكد انكم بعاد عن اى احساس ( بالابتعاد ) ..

بيت العيلة ...بيت العيلة ...جميل قوى قوى الاسم يااجمل قلب ابيض ..

يارب تكونوا بخير ورضا كلكم ...ويارب كل احبابنا الغايبين يرجعوا بالسلامة ..

[لماضة مصرية جدا]

السلام عليكم و رحمة الله و بركاته

عارفة يا تانت.....انتي عملتي ايه....خليتي كل الناس اللي بحبها تتجمع في حتة واحدة....لولا.....ذهبية...ماما سلوي....مغتربة...ضحي....و حضرتك...(العنصر الرجالي تقبل اعتذاري سامحنيي يا استاذ عادل....انا مش ناسية حضرتك أو استاذ كونسالتنت....بس حاسة اني برمي نفسي في حضن كل اللي بحبهم و نوروا بمداخلتهم فوق....و انا اتكسف احط حضراتكم في التشبيه دوت...بس تحياتي لحضراتكم )

خليني احكي لحضرتك حكاية آد النملة....لما رجعت مصر لقيت بيتنا مش بيتنا.....

بيتي اللي انا كبرت فيه و ع باب المطبخ بتاعه شوية خطوط تحت بعضها عشان ماما كانت بترسمهم عشان نشوف اد ايه لما بنشرب اللبن ممكن نطول كل اسبوع

رجعت البيت....و لقيت كل الخطوط اتمسحت.....فيه حاجة جديدة في بيتنا...فيه عفش جديد...فيه الوان حيطان انا مش اخترتها...فيه اماكن اتغيرت

حتي كتبي....اللي تعبت في تجمعيها من جوالي عشر سنين و انا عمالة استقطع من كل مرتب عشان اشتريهم و بتحمل تريقة اللي حواليا....مش لقتهم في المكان اللي سبتهم فيه

العيلة عملت تجديد....كبير جدا في البيت....و علي راي المسرحية...جابوا قفاها قدام...ووشها ورا(وش سوكيننة و هي بتكلم عبد العال :lol: )

انا النهاردة بحاول اتغلب علي حالة الاستغراب...و يمكن الغربة اللي بحس فيها في بيتي....

عارفة بتغلب عليه ازاي...اني رجعت افتش في المساحات الجديدة...دي علي كل المساحات الدافية بتاعتي....

المساحات اللي بتطمني....اللي بتخليني خلاص مش استغرب و لا اتعجب لما مش الاقي مكان كل الحاجات اللي كنت بعرف مكانها في الضلمة

دورت علي الدبدوب بتاعي....و لقيته و طلعته من المخبا اللي ماما كانت شايلاه....و دلوقتي هو قاعد جنبي.... :)

دورت علي قصايص الورق اللي كنت بحب اكتب فيها اي فكرة او جملة تيجي في دماغي...و مصرة اني احتفظ بيها...و ماما مصرة اني هكون السبب ان البيت يتملي حشرات بسبب الورق القديم دوت

دورت علي الطرقة...اللي كنت بحب اجري فيها و اخد في اخرها هودر كده...لاني بحب انط لفوق عشان احاول المس حافة الستارة....و غالبا بتمر السنين....و نفس الجري...بس برضه مش بقدر المس حافة الستارة... wst::

دورت.....و دورت.....و ماما بتقولي انتي بتحبي تعيشي في الكراكيب

و انا مش شايفاها كراكيب....انا شايفاها...مساحات خاصة جدا.....دافية جدا....بتقولي اني في بيتي

دوري يا تانت و هتلاقي المساحات...هي هي نفسها....اللي كانت في وقت بتمنحك...كل الدفا و البريق دوت.....هتلاقيها تاني

لانها مش مرتبطة بمكان....دي مرتبطة باشخاص

بضايق اوي لما الناس تقولك احنا في عالم افتراضي.....ايون يعني ايه بقي عالم افتراضي(وش عيل واقف و حاطط ايديه في وسطه)....يعني احنا مفترضين ان احنا مش حقيقين....غلط

احنا حقيقين اوي اوي....و بنقترب انسانيا من بعض...بشكل اكبر م اللي بنعمله في الحياة الحقيقية يمكن مع الناس المقربين لينا....عارفة ليه.....عشان هنا.....بنتنفس في المساحات الدافية اللي قولت لحضرتك عليها....اللي بنصنعها لنفسنا...عشان تساع كل وجعنا....كل حزننا.....كل تعبنا....كل غربتنا اللي جوانا قبل ما تكون غربة مكان

احنا حقيقين يا تانت

لو انتي صدقتي كده...هتشمري بدراعاتك و هتدوري علي المساحات الدافية بتاعت...."قلب أبيض"

هتلاقيها....عشان هي مساحات حقيقية جدا

و ده رايي

و عشان تون فكرة التوبيك الجميل دوت....برضه حقيقية....تعالوا نتواصل من خلاله زي ما بنعمل في بيت العيلة....مش شرط نخترق حياتنا الخاصة.....بالعكس....خلينا نتواصل في المساحات الافتراضية...بس برضه الحقيقية....اللي ارتضيناها تكون جزء يتسلل...لحياتنا...و يصيبنا بالخدر.....بس خدر لذيذ.....خدر...فيه راحة....يمكن تكون غريبة....بس محببة جدا للنفس

خليما نسال علي بعض.....نطمن بعض...ان البيت اتغير....بس الدفا لسه هو.....الناس.....هي اللي بتحليه...مش هو اللي بيحليها

ماشي يا تانت

مساكي...مساحات علي مدد الشوف من الحنين....من الدفا.....مساحات لا تنتهي من الحلا

تم تعديل 3 أغسطس 2010 بواسطة لماضة مصرية جدا

[SoSo R]

مساء الخير مدام قلب أبيض

مساء الخير جميعا

انا بقالى كتيييييييييييير قوى ما شاركتش فى اى موضوع

وماعنديش أى رغبة فى الكتابة

مش عشان الشكل اتغير او كدة...فيه حاجات تانية كتير قوى اتغيرت

وحاجات جوايا انا اتغيرت

يمكن الظروف المحيطة..مرارة فى الحلق...فتور عن المشاركة فى اى حاجة وكل حاجة

وما بقتش الكتابة بتريحنى زى الأول

انا كتبت دلوقتى كرغبة من التنفيس و برضه طلب من العزيزة لماضة صديقتى...

المحاورات ما بقتش زى زمان وده مالوش أى علاقة بتغيير الشكل او البرمجيات

الحقيقة الجو العام اتغير..و الناس اتغيرت ...ما بقتش المحاورات اللى عرفتها من سنتين

انا آسفة لو كلامى فيه شوية كآبة بس حبيت أشارك برأيي...و أشد من أزر ماما قلب أبيض

ما تزعليش جد...واضح إن ده حال الدنيا

ودوام الحال من المحال

تحياتى

[se_ Elsyed]

يا جماعة التغيير لم يكن من أجل التغيير فقط ( مع تحيات الجمعية الوطنية للتغيير )

ولكن أُضطررنا لذلك لأن كما أعلن أستاذ عادل إن الشركة المطورة للبرمجيات توقفت عن دعم الإصدار الجديدة وكان لابد من الترقية ..

لكن بنظرة محايدة أعتقد إن الأصدار الجديد في منتهى الروعة وأمكانياته أفضل بكثير ...

وبإذن الله نتعود على شكل البيت الجديد وعلى أماكن قطع الأثاث ..

[أحمد سيف]

معليش كلمه محشوره في زوري من زمان

مش فاهم ايه الحكاية ... من فترة أحد الأعضاء (والمشرفين للأسف) بيقول أنا بكتب لله والوطن ودلوقت ناس بتكتب في المنتدى جبر خواطر (وأنا اقصد سوسو طبعا علشان ما فيش حد ثاني ياخذ الكلام على نفسه)... زي ما يكونوا عاصرين على نفسهم لمونه علشان يكتبوا كلمتين

يا جماعه وفروا اللمون واللي مش عاجبه المنتدى وإدارته وناسه ما يكتبش فيه ... ماحدش مجبر إنه يكتب ... واللي لاقي راحته في مكان ثاني الله يسهل عليه على رأي اخوانا الشوام ... أو زي ما بنقول كل واحد ينام على الجنب اللي يريحه

العملية والله مش ناقصة كآبه

سامحوني إذا كان اسلوبي صريح زياده عن اللزوم بس أنا فلاح ومابعرفش أزوق الكلام واللي في قلب على لساني ... ولو الكلام ده يستاهل إنذار أو حتى ايقاف أنا ماعنديش مشكلة

تم تعديل 3 أغسطس 2010 بواسطة أحمد سيف

[SoSo R]

معليش كلمه محشوره في زوري من زمان

مش فاهم ايه الحكاية ... من فترة أحد الأعضاء (والمشرفين للأسف) بيقول أنا بكتب لله والوطن ودلوقت ناس بتكتب في المنتدى جبر خواطر (وأنا اقصد سوسو طبعا علشان ما فيش حد ثاني ياخذ الكلام على نفسه)... زي ما يكونوا عاصرين على نفسهم لمونه علشان يكتبوا كلمتين

يا جماعه وفروا اللمون واللي مش عاجبه المنتدى وإدارته وناسه ما يكتبش فيه ... ماحدش مجبر إنه يكتب ... واللي لاقي راحته في مكان ثاني الله يسهل عليه على رأي اخوانا الشوام ... أو زي ما بنقول كل واحد ينام على الجنب اللي يريحه

العملية والله مش ناقصة كآبه

سامحوني إذا كان اسلوبي صريح زياده عن اللزوم بس أنا فلاح ومابعرفش أزوق الكلام واللي في قلب على لساني ... ولو الكلام ده يستاهل إنذار أو حتى ايقاف أنا ماعنديش مشكلة

واضح يا أستاذ أحمد إن أنت لسه زى ما أنت ما أتغيرتش حتى لما سبت الأدارة!!!

ومش فاهمة إيه لازمة الرد اللى انت كاتب فيه إسمى و بتؤكد إنك تقصدنى؟؟؟

*********

*********

انت تعرف الناس ظروفها إيه؟؟؟

تعرف الواحد جواه هموم أد إيه؟؟

*****

وانا ماقولتش المنتدى مش عاجبنى مش عارفة جبت الكلام ده منين؟؟؟

*********

*********

تحياتى

تم تعديل 3 أغسطس 2010 بواسطة أبو محمد
حذف عبارات شديدة اللهجة وتفتح باب المهاتر&#15

[أبو محمد]

تم حذف مداخلة للفاضل "أحمد سيف" كانت ردا على عبارات محذوفة من مداخلة الفاضلة سوسو رانى

فريق الإشراف والتنسيق

[عنبو]

اهدوا كده يا جماعه

وخدوا الاغنيه دى

اقولوا الله الحمد لله

http://www.youtube.com/watch?v=vCF0mqEUK8E

[أبو محمد]

الفاضلة / قلب أبيض

حمدا لله على عودتك بسلامة الله

فينك ياست الكل ؟ .. كده برضه تزغللى بطننا بموضوع "كرشتشينى وكوارعنيز وممباروزوا" وتسيبينا نتلمَّض (حلوة نتلمَّض دى :)؟).. أرجوكى عودى إلى المطبخ وأكملى

الأخت الفاضلة سوسو رانى

أهلا وسهلا بعودتك للكتابة أيا كان سبب العودة .. فكما قالت أختنا "قلب أبيض" هى عودة لبيت العيلة .. وفى أوقات كتير الواحد بيتشوق للتغيير .. حتى ولو كان تغيير جو "بيت العيلة"

طبعا حضرتك حرة إنك تكتبى بناء على دعوة صديقتك "لماضة مصرية" .. بس ما دمتى قلتى

انا كتبت دلوقتى كرغبة من التنفيس و برضه طلب من العزيزة لماضة صديقتى...

المحاورات ما بقتش زى زمان وده مالوش أى علاقة بتغيير الشكل او البرمجيات

الحقيقة الجو العام اتغير..و الناس اتغيرت ...ما بقتش المحاورات اللى عرفتها من سنتين

انا آسفة لو كلامى فيه شوية كآبة بس حبيت أشارك برأيي...و أشد من أزر ماما قلب أبيض

ما تزعليش جد...واضح إن ده حال الدنيا

ودوام الحال من المحال

تحياتى

تبقى مدينة لنا بشرح ما تقصدين .. الوضوح بلا شك أفضل من التلميح .. واللجوء للتلميح يكون عادة لتجنب جرح مشاعر الآخرين .. ومع ذلك فهناك طرق متعددة للوضوح بدون جرح المشاعر .. ولكن هذه الطرق تحتاج لبعض الجهد فإذا كنت على استعداد لبذل بعض الجهد سنكون آذانا صاغية وعيونا تقرأ

مع خالص تحياتى

[أحمد سيف]

الوالد الفاضل ابامحمد

أشكرك لتدخلك بحذف بعض العبارات الشديدة اللهجة التي كتبتها سوسوراني في ردها على مداخلتي ... والحقيقة أنني كنت قد قررت - بعد التفكير - تقديم رد على ما ساقته من افتراءات واستفزازات حتى لا تترسخ في الأذهان إذا لم تفند ... ولكن طبعا ذلك ليس في استطاعتي الآن لحذف معظم تلك العبارات ... لكن أحببت أن اقدم توضيحا عاما للجميع بشأن بعض ما ورد في مداخلتها ... وأرجو أن يفهم على هذا الأساس وليس كرد على مداخلة بعينها

أولا مسألة انسحابي من المنتديات وهل هي مسرحية لاستجداء التعاطف ... قطعا ستكون نكتة الموسم أن يقوم شخص في موقع مسؤولية وسلطة بافتعال مسرحية حتى يعتزلها ... الطبيعي أن يفتعل شخصا مسرحية ليبقى في السلطة مثلما حدث بعد هزيمة 67 حسب بعض الأقاويل ... وعموما فإن خروجي الذي استمر لمدة شهر تقريبا وليس أسبوع كما أدعت كان بسبب اضطراري لرعاية بناتي الثلاثة إضافة لعملي أثناء انشغال زوجتي بالتحضير للامتحان الشامل لدرجة الدكتوراه ... وقد توقعت أن يطول ذلك ولكن تم تأجيل الامتحان وبالتالي أتيح لي الوقت الكافي ثانية للمشاركة في المنتديات لاسيما بعد دخولنا في فترة الأجازة الصيفية ... وأنا من النوع الذي لا يحب أن يكون مجرد اسم في السجلات طالما كنت في موقع مسؤولية ولذا كان القرار بانسحابي حينها

النقطة الثانية الخاصة بانتمائي للمحاورات ومشاركتي في منتدى المطاريد ... فأنا في جميع مشاركاتي هناك أقول بصراحة أن انني عضو في المحاورات وانتمائي لها وأحاول تحقيق نوع من المصالحة والألفة بين المنتديين المحترمين ... ولعل موضوعي المشترك الذي أكتبه مع المهندس سلامة طارق بالتزامن في المنتديين خير دليل على ذلك ... ثم إن عضويتي في المطاريد أقدم من عضوية جميع من انضموا لها في المشكلة الأخيرة حيث تمتد الى شهر أبريل 2009 عندما انضممت اليه بدعوة خاصة من مديريته ومؤسسته الأستاذة بدرية مكاوي ... ولم أنضم اليه خصيصا لأشتم في المحاورات وأحرض الناس على تركها كما فعل الكثيرون خلال المشكلة ومنهم من تتباكى عليه الآن ... ثم أن سعيي الدائم لتطوير المنتدى وإثراءه ... سواء ما رآه الأعضاء أو ما خفي عنهم في أبواب الإدارة ... ينفي عني تهمة عدم الانتماء للمنتدى

أخيرا مسألة أنني كنت أحد الأسباب في المشكلة الأخيرة التي أدت الى خروج بعض الأعضاء من المنتدى ... حقيقة عندما تكون هناك مشكلة بين طرفين نتيجة اختلاف في المواقف ورغبة كل طرف في فرض موقفه فإن من العبث البحث عمن تسبب في المشكلة لأن الطرفان شريكان فيها ... الحكاية أننا كنا نريد فرض وتطبيق قواعد المنتدى على باب كندا وكان غيرنا يريد منحه وضعا خاصا واعتباره منتدى داخل المنتدى لا يخضع لقواعده ... ومن هنا حدث الاختلاف والصدام وحدث الافتراق المحتوم ... والطريف أن نفس الحوار الآن يتكرر في المنتدى الآخر وهناك من يدعو لفصل باب كندا كمنتدى مستقل ومنع أعضاء المنتدى الذين لا يؤيدون الهجرة لكندا من الانضمام اليه ... وطبعا الإدارة الواعية هناك تقف بالمرصاد لهذا التهريج

كانت هذه بعض التوضيحات التي لم أكن مضطرا لتقديمها طبعا ولكني فضلت ذلك لتبديد الشوشرة التي أثارتها مداخلة سوسوراني ... أرجو أن يتسع صدركم لها وأعتذر إذا كنت قد أضعت وقتكم بهذه المسائل الخاصة

تحياتي واحترامي

[لماضة مصرية جدا]

السلام عليكم و رحمة الله و بركاته

مش عارفة ليه عايزة اخش ااقول الكلمتين دول....هما مش كلمتين...هما شوية كلام

النهاردة كنت بلعب مع ابن اخويا....اللي احنا هاريين بعض خروج و لعب و تنطيط....و حاجة كويسة الحمد لله...معرفشي ليه و احنا بنلعب....لقيته راح طبق ايده علي شكل بونية و اداني بيها في بطني....و بجد وجعتني اوي....قربت منه و بقوله ليه يا كماشة (ده الاسم الحركي بتاع الصيف دوت)....قالي عشان نكمل لعب مع بعضينا

استاذ احمد.....و دكتورة سوسو....تسمحولي ازق كتف و ااقول....استاذ احمد...حضرتك كنت قاسي في ردك جدا....,و مختلفة مع حضرتك في موضوع الصراحة....الانذار... الايقاف....الموضوع ببساطة يا استاذي أن

الفلاح بيبقي عارف كويس امتي الارض اللي قدامه بتكون عطشانة....و بيعرف امتي يفتح الهويس (علي راي الفيلم)

احتياجنا للمنتدي....و المحاورات بعينها....مش اي مكان تاني.....احنا مش مجبرين عليه....بقدر ما هو احتياجنا للاحساس بالامان اللي حسينا بيه في المحاورات.....في الشكل القديم....مع ناس معينة.....في سنة من السنين....هو احتياج ارض عطشانة.....للارتواء....عشان تعرف تنبت تاني.....في حياتها...

اصل يا استاذي الحياة بره المنتدي....قاسية....اوي.....صعبة أوي

عشان كده كلنا.....و يمكن بتكلم عن نفسي في الغالب لما جينا المكان ده....كنا ارض عطشاانة....عطشانة للانتماء....عطشانة انها تلاقي مكان آمن...ياخدها و ولو لساعة واحدة بعيد عن عالم ابتلعنا بكل مفاجاته الغير سارة.....بس مش قادرين نقول آه....و مش قادرين نتكلم.....عارف ليه استاذي....عشان دايما اللي حوالينا فاكرين ان احنا جامدين و اقوياء....و مستنيين مننا ان احنا اللي نشد ازرهم....و احنا في العالم ده بيجيلنا احساس تاني

و هو ده الافتقاد اللي بنتكلم عليه هنا في بيت العيلة

طب ما هو مش كل واحد فينا بيتجوز و بيبقي ليه شقة لوحده....بس برضه بيحن للبيئة الامنة....اللي روت في يوم ارضه العطشانة

هي دي الفكرة ببساطة.....افتقاد لاشخاص بعينهم....افتقاد....لنوع من التواصل....او سرعة التواصل....افتقاد للحظات مميزة كتير...عاشها البعض هنا.....و يمكن تكون اضافت لون علي حياتهم اللي كانت بتتارجح بين الابيض و الاسود...و في اوقات كتير بين الاسود....و الاسود

مع حضرتك ان النت عالم....كبير.....و محيط قادر علي ابتلاع الاشخاص.....بس انا بالنسبة لي جربت...اماكن...تانية....من باب....الفضول.....القاتل....و هتضحك لما تعرف اني جربتها...من باب اني اشوف افتقادي...و ارتباطي بالمكان هنا ازاي...و لقتني بحس اني غريبة....مهما تفاعلت افتراضيا في اماكن تانية....و لقتني بحن لهنا....للحتة دي بالذات.....و اكيد فيه زيي كتير...و منهم معظم الناس اللي كتبوا في التوبيك دوت

انا عارفة اكيد حضرتك بتقول....يا بنتي فوقي من الدنيا اللي انتي عايشاها دي...و انزلي علي ارض الواقع

بس اسمحلي ااقول لحضرتك....سامحني....رد حضرتك كان قاسي...في وقت يمكن اللي قدام حضرتك بيدور علي الونس اللي اتعوده في مكان خاص جدا علي قلبه مينفعشي يطلعه بضغطة زرار و يستبدله بمكان تاني... :sad:

و عشان احنا في بيت العيلة.....كان لازم ااقول كده...و لك مني كل الاحترام

و دي وجهة نظر

ع جنب بقي

ع فكرة حتي في بيت العيلة.....لازم نتخانق.....و يمكن نتصادم.....و يمكن ناخد بونية....زي اللي ابن اخويا حدفني بيها النهاردة الصبح.....بس الاكيد.....ان احنا بنتصالح......في اخر الليلة

مسااااااكم......بيت عيلة بكل تفاصيله....اللي منها بونيات....و اللي منها حاجات احلي كتير

تم تعديل 3 أغسطس 2010 بواسطة لماضة مصرية جدا