مشكلة الدخول الى المنتدى

[MZohairy]

بفضل الله و بعده بفضل نصيحة انا عندي في منتدى المطاريد تمكنت من الدخول من المنزل الى المحاورات بعد انقطاع يقارب الشهر او اكثر

بكل تأكيد مش كل اللي بيدخلوا المحاورات بيدخلوا المطاريد وبالتالي يقدروا يقروا الحل اللي انا قريته و نفذته

و بكل تأكيد مش كل اللي قرأ الحل يقدر يطبقه

من المفترض ان يكون هناك حل من الداخل

يعني من المحاورات و ليس من قراء المحاورات

ناس كتير جدا بمجرد ما تحاول تدخل و ماتلاقيش الصفحه بتفتح بيهمل الموضوع

ارجوا اتخاذ اجراء لحل المشكله و رجوع الوضع كما كان عليه سابقا قبل ظهور المشكله و قبل تعثر القراء في الدخول

بمعنى ان الهدف هو ان اي حد يفتح الموقع يفتح معاه مباشرة و بدون حلول تقنيه داخل جهازه

شكرا

[Diab]

بجد مع احترامي الكامل لجهود الإدارة

بس دي أول مرة من أيام ما كنت بستخدم النت من 13 سنة ألاقي موقع بيقول لزواره أتصرفوا أنتوا :blush2:

منتديات أقل منك في المستوي وبكتيييييييييييرر مش ممكن تقول لحد كدة

إشمعني هنا بقي

وصباح الخير

تم تعديل 3 أغسطس 2010 بواسطة Diab

[se_ Elsyed]

يا جماعة ما إحنا مش عارفين المشكلة فين بالظبط ...

والله العظيم اليومين دول بتحصل معايا حاجات غريبة على النت ...

واهو أنا إشتراكي " جو " في المنزل

وشركة " جيل " بالعمل ... لأول مرة في تاريخ النت من ساعة ما أستخدمته إن كل كام يوم تلاقي مواقع عادية جداً ومنها المحاورات وسوبر كوره وجريدة المصري اليوم والدستور .. ده على سبيل المثال يعني ...

ممكن كل كام يوم أجي ادخل عليهم عادي تظهر لي رسالة " الموقع محظور " !!!!!!!! ولما احاول مرة أو مرتين تفتح معايا .

----------

أما الأخ زهيري ..

يعني اغيب وأرجع .. الأقيك غلس زي ما أنت .... !!!!!!!!!!!!!!!

يو أر عجيب . :lol:

طب ما تتعب وتقول عملت إيه عشان تعرف تدخل الموقع بعد محاولاتك المضنية يا ... يا فقيق ... عشان إخواتك يستفيدوا

[MZohairy]

ياأحمد ماهو باقي المنتديات كلها بتفتح

اشمعنى يعني المحاورات؟

مفيش عندي اي موقع مابيفتحش

يبقى المشكله في الجهاز ولا المشكله في الموقع؟؟؟؟

و اللي يزود الموضوع تأكيد ان المحاورات نفسها كانت بتفتح عادي و فجأه مابقتش تفتح عند الكثيرين (المحاورات بس مش مواقع تانيه) يعني الاعتماد على تصليح الأجهزه ده حل مفروض يكون مؤقت انما بكل تأكيد مايناسبش كل الناس و مش كل الناس حتعرف تعمله و الله

انا قلبي على الموقع و على المكان و لازم الحل يكون من الموقع نفسه عشان مايسيبوهوش ناس كتير مش عارفه تدخله

[se_ Elsyed]

هدي نفسك يا زيزو .. وكله هايبقى تمام ..

إنت إخلص نيتك لله ... وأعزمني على الغدا النهاردة في أحد المطاعم الفاخرة .. أحسن راجع أمبارح بالليل من السفر ونفسي مصدودة - على رأي زكي باشا رستم - ومش شايف قدامي ....

ونبقى نناقش الموضوع ده على مائدة المفاوضات ..