ساااعدوني الله يسعدكم و يساعدكم .. عفش للبيع

[mekkawy]

السلام عليكم

ازيكم يا إخواننا يا حلوين

عندي شوية حاجات كدة في الخفيف اللذيذ يا ترى حد يقدر يساعدني فيهم أو لو حد له رغبة فيهم أو في حاجة منهم أو يعرف حد لسة جاي أو عاوز الحاجات دي

طبعاً كلكوا عارفين إني رايح العزيزة المعزوزة جدة .. و لأن النقل غالي بهبل فقلت أبيع أحسن

موفر عليكم اللف في الأسواق و اختيار أنسب الحاجات و أقل الأسعار

موفر عليكم التعامل مع العمال و نقل العفش و الفصال و غيره

الحاجات خفيفة و سهلة النقل و سعرها ممتاز إن شاء الله

الحاجات مختارها بعناية حتى المستعمل منها و الجديد بضمانه من كارفور لم يمر عليه شهرين

الحاجات كلها مختومة بختم مكاوى الأول رمز الحرية و الاستعباد في الشرق الأوسط و الأقصى

و الحاجةعبارة عن:

غرفة نوم وطني (سرير - خزانة - 2 كومودينو - تسريحة) + مرتبة مضغوطة فاخرة جداً

سرير صغير للطفل أو للزوج لما ينطرد من غرفته :) + مرتبة

كنبة للجلوس (أيوة كنبة واحدة)

ثلاجة 10 قدم جديدة من كارفور بالضمان استعمال شهرين فقط لسة بأكياسها و كراتينها

غسالة حلتين 7 كيلو مشتراة مع الثلاجة

بوتاجاز خمسة شعلة بفرن و شواية مستعمل لكن حالته راااائعة + أنبوبة

شوية رفايع مطبخ و بعض أدوات النضافة (طقم حلل + طقم أطباق + أطقم ملاعق و شوك + أطباق بلاستك و مصافي و سكاكين .. كدة يعني)

تلفزيون + دش + رسيفر .. شاريهم من أسبوعين بس

البيع لغرض نقل مقر العمل إلى جدة و لأن نقل العفش غالي و كمان فضلت أخد هناك شقة جاهزة بعفشها من زميل خارج نوهائي

المبلع المطلوب في كل الحاجات دي هو 3500 ريال .. اه أوكازيونات دلوقتي عندنا .. شفتوا

الأغراض على عيني شاريها و ليكم هاديها و هي مناسبة جداً لأسرة صغيرة زوجين أو زوجين و طفل أو حتى إخواننا العزاب و ربنا يرزقهم

مكاوي

[اغابي]

ممتاز يا مكاوى يابرنس

ياريتك فى الكويت - داه سعرهم ممتاز بجد وطريقة عرضك للمنتج امتز وامتز

حلوة امتز دى :lol:

بس انا راى كنت نقلتهم وخلاص وبيع اللى فى شقة صاحبك

اللى فى جدة لانهم مش حيكونو حالتهم افضل من اغراضك

ربنا يعترك فى اولاد حلال يشترو منك الاغراض

بدون فيصال

انا بس حبيت ادخل وارمى التماسي

اغابي

[MZohairy]

فعلا خساره يا مكاوي

النقل مش غالي ابدا

يعني ممكن تنقلهم بأقل من الف ريال من الرياض لجده

انما حرام عليك تخسر فيهم بدون لزوم لمجرد خوفك من تكلفة النقل

خصوصا و الحاجه لسه جديده

[Mr MAGED]

ميكو ... ايه يا صديج

يابني مش اتكلمنا في الموضوع ده ... بلاش تغلط غلطتي

انا عملت زيك كده وجيت في الخفيف ... ودفعت دم قلبي لأني اشتريت كله جديد فجديد

انت لسة يا دوب شاريهم ومتعرفش الكواليتي بتاع العفش اللي فالشقة اللي هنا

النقل مش غالي ولا حاجة ... ابعتلك رقم تليفون سواق دينا ( مش الاميرة ديانا خد بالك ) ينقلك كل حاجة مرة واحدة

فكر ومتستعجلش ومتشتريش حاجة عمياني .. ومتخدش شقة عمياني ... لازم تشوف كل شيء بنفسك

اللي بيعجب غيرك مش شرط يعجبك .. وأكيد مش هيعجب الحكومة وهو ده المهم

في انتظارك يا صديج

[mekkawy]

و الله يا مس أغابي نورتي الموضوع و جبرتي بخطري

طب لو عجبامي الأسعار نبعتهملك ع الكويت مفيش مشاكل .. أصل بيني و بينك النقل غالي بعباوة من 2000-4000 .. و أنا أصلاً لما اشتريت اشتريت تسليكة مش عفش يعني اللي أمسك فيه و أتبت .. فبيعه أحسن من شحنه .. الله المستعان .. ربك يسهلها من عنده

أنا حبيت بس ألقف التماسي اللي دحرجتيها سعادتوم :lol:

صباحك شريف

مكاوى

[mekkawy]

زوهيري باشا و أخويا ماجد

الله يستركم و يعزكم .. أصل أنا لما جبت العفش ما اشترتش مكيفات و كدة كدة هأشتري و فيه حاجات كتيرة ما جبتهاش لأني كنت عارف إني هأتنقل .. فالحاجات دي موجودة في الشقة اللي هناك و الراجل نازل نهائي و كان جايب كله جديد في جديد .. و السعر المعروض مناسب الصراحة .. بس هي الشقة غالية أوي و كمان مش على مزاج الحكومة يا عم ماجد عشان ترتاح بس :happy: لكن آرائكم الصراحة فوقت فيا حتة كدة و هدتني شوية لأني مندفع أوي و غبي في الحتة دي و بالذات رأي أخويا انفستور

فكر ومتستعجلش ومتشتريش حاجة عمياني .. ومتخدش شقة عمياني ... لازم تشوف كل شيء بنفسك

فعلاً الجملة دي غالية أوي و الله bv:-

تصدقوا بالله .. إنتوا فعلاً إخوات الواحد بجد .. ربنا يخليكم ليا يا رب :sad:

بس بأة عشان هأعيط خلاص .. لو حد عنده رأي زيادة بالله ما تبخلوا على أخوكم الصغير

مكاوى .. جونيور

[se_ Elsyed]

طب ما تربي زبون وتراعينا لو عاوزين حاجات قطاعي يا معلم ميكو

يعني نقرا الفاتحه ونشوف الحاجات اللي عالعروسة زي البوتاجاز والأنبوبة .. وقولي حلال عليك يا معلم سين سين ... وإحنا نوصلوا لك العروسة بهاند باجهاببوتاجازها بسلاطتها ببابا غنوجها بصوانيها .. والمجاملات اللي إنت عارفها دي ....

بُص ... أرفع لنا صور الحاجات ديكهيا .. بما فيها البوتاجاز بتاعي .. الأنبوبة عارفه شكلها طبعاً ..

سمعني الفاتحة بقى

[egyptawy]

طيب يامكاوى مش هتبيع عربيتك

تم تعديل 3 أغسطس 2010 بواسطة egyptawy

[se_ Elsyed]

طيب يامكاوى مش هتبيع عربيتك

خلي بالك يا أيجو ...

ميكو كمان عنده كام بدله حلوين ... وعليه شوية كرافتات ترُد الروح ... عاوزين نخليه يروح جده زي ما جه الرياض .. بالشورت - الشرعي - والفانله رقم 22 بتاعت ابو تريكه ...

[the consultant]

حاول تفكر يا برنس لان فكرة إنك تشتري جديد في جدة كابوس تخلصت منه في وقت كبير أوي مصاريف كتييييير و لف و تعامل مع صديج و سيم سيم و سوا سوا و حاجة ومش محببة تماما حاول تعيد حسابتك . لكن خلي بالك اللي انت عملتو دلوقتي كإعلان يعتبر قانونا إيجاب ملزم و لو إقترن بالقبول إنعقد العقد يا ريس و لازم تسلم B) عموما ممكن أطلعك من الحوار ده برده بس المهم تنجز و تيجي الفيصلية. بالمناسبة لاقيتلك جيم حكاية قريب و جميل ممكن نبقى نروح مع بعض نفسي حد يقولي "أحسن وحش " :P و الكلام بتاع زمان ده بس مش لاقي. يلا أشوفك على خير في جدة غير

[egyptawy]

طيب يامكاوى مش هتبيع عربيتك

خلي بالك يا أيجو ...

ميكو كمان عنده كام بدله حلوين ... وعليه شوية كرافتات ترُد الروح ... عاوزين نخليه يروح جده زي ما جه الرياض .. بالشورت - الشرعي - والفانله رقم 22 بتاعت ابو تريكه ...

ههههههههههههههههههه

ياخى مش عارف ازى انت بتخلينا نضحك كده بس برضه يامكاوى مش عايز تبيع عربيتك وهاخد معها البوتاجاز

[mekkawy]

ما شاء الله ما شاء الله

حاضر حاضر حاضر

لكل عشاق البوتاجاز و العربية

لكل عشاق الكنبة و المشربية

لكل عشاق الكريم كراميل و المهلبية .. هأهديكم صور العفش حتة حتة و قطعة قطعة

عشان الأمانة بس و عشان اسمنا في السوق ما يتهزش

كلمنى أخ عربي أظنه أردني قبل ما أطلع على طلباتكم و أنا اديته وعد بالرؤية الشرعية و هو هيشوف النهاردة .. لو خلص في الدور يبقى ربنا يباركله و لو مخلصش يبا حلال على كل واحد اللي هو عاوزه

أخويا الكبير س س

ده أنا أقطع من لحمي الحي و أديلك و الله .. البوتاجاز بس يا راجل .. أنا قولت س س بقى هيجي و يقولي .. يا مكاوى يا ابني .. خد المبلغ أهو و خلي عفشك معاك يا حبيبي .. أنا ما أسيبش ولادي يتبهدلوا أبداً .. بس لو ع البوتاجاز يا برنس ممكن نشقلطه من الجدع التاني .. دعواتك انت بس

إيجبت واي

ثمن يا معلم أنا عارف إنك دايخ على عربية

تويوتا كامري 2008 جي ال 2400 سي سي باور و كاسيت و دبة حكاية بحالة الزيرو تكييف تلاجة .. و بتقول بابا و ماما و فيها مساحات للمطر و ستاير داخلية و شوية شرايط طيور الجنة يا عم خلي العيال تهيص

فكرتني باعلانات كونتاكت كارز :lol:

بحبكوا و الله

مكاوى شاكر

[زيكو]

ما شاء الله ما شاء الله

حاضر حاضر حاضر

لكل عشاق البوتاجاز و العربية

لكل عشاق الكنبة و المشربية

لكل عشاق الكريم كراميل و المهلبية .. هأهديكم صور العفش حتة حتة و قطعة قطعة

عشان الأمانة بس و عشان اسمنا في السوق ما يتهزش

كلمنى أخ عربي أظنه أردني قبل ما أطلع على طلباتكم و أنا اديته وعد بالرؤية الشرعية و هو هيشوف النهاردة .. لو خلص في الدور يبقى ربنا يباركله و لو مخلصش يبا حلال على كل واحد اللي هو عاوزه

أخويا الكبير س س

ده أنا أقطع من لحمي الحي و أديلك و الله .. البوتاجاز بس يا راجل .. أنا قولت س س بقى هيجي و يقولي .. يا مكاوى يا ابني .. خد المبلغ أهو و خلي عفشك معاك يا حبيبي .. أنا ما أسيبش ولادي يتبهدلوا أبداً .. بس لو ع البوتاجاز يا برنس ممكن نشقلطه من الجدع التاني .. دعواتك انت بس

إيجبت واي

ثمن يا معلم أنا عارف إنك دايخ على عربية

تويوتا كامري 2008 جي ال 2400 سي سي باور و كاسيت و دبة حكاية بحالة الزيرو تكييف تلاجة .. و بتقول بابا و ماما و فيها مساحات للمطر و ستاير داخلية و شوية شرايط طيور الجنة يا عم خلي العيال تهيص

فكرتني باعلانات كونتاكت كارز :lol:

بحبكوا و الله

مكاوى شاكر

[mekkawy]

طيب يامكاوى مش هتبيع عربيتك

خلي بالك يا أيجو ...

ميكو كمان عنده كام بدله حلوين ... وعليه شوية كرافتات ترُد الروح ... عاوزين نخليه يروح جده زي ما جه الرياض .. بالشورت - الشرعي - والفانله رقم 22 بتاعت ابو تريكه ...

تعالى يا إيجو خش ع الدولاب نقي اللي نفسك فيه

شوف دي كدة .. دي بدلة رصاصي ميتاليك ألبيرتو فيردي هتعجبك أوي و شدلك معاها الكرافت النيكسس ده مع القميص الموف .. يا خرااااشي عليك .. كدة خلاص بقيت كمدير مبيعات يلا يا عم

سي السيد .. تعوزلكش حاجة يا باشا .. شرابات فانلات مناديل قماش .. أي حاجة من تراثنا الشعبي الحلو ده .. أصلي لما جيت من العزيزة المحبوبة مصر جبت معايا شراباتي و فانلاتي و سلاطاتي و البفتة البيضا كمان :lol:

مكاوى .. تاجر شنطة أد الدنيا

[Howayda Ismail]

فتحتوا سوق جمعة فى المحاورات ولا ايه الواحد يغيب شوية يلاقى الدنيا اتغيرت اوى كده

هى فكرة ممتازة ربنا يوفقكم

[mekkawy]

شفتي يا مس هند :)

مش عاوزة منشر ولا ترابيزة مكواة ولا حاجة ؟

عندي قلاية كرهباء تفحة .. تقلي فيها برجر .. بطاطس .. حد م العيال لما يعملوا شقاوة .. واسعة و تشيل

[yasser moustafa]

يا خسارة، انا كنت جاى بعد العيد - ان شاء الله

خيرها فى غيرها وربنا يكرمك فى الشقة الجديدة

[الغريب]

معقولة يا مكاوي زي ما بقول س س أنك كنت جاي بالشورت الشرعي وفنلة أبو تريكة رقم 22 ، وأكيد كنت بالجزمة الباتا وشراب لاكوست وشينكار

الله شكلك هيبقى يجنن وأنت رايح جدة بالمنظر ده :lol:

[the consultant]

حاول تفكر يا برنس لان فكرة إنك تشتري جديد في جدة كابوس تخلصت منه في وقت كبير أوي مصاريف كتييييير و لف و تعامل مع صديج و سيم سيم و سوا سوا و حاجة ومش محببة تماما حاول تعيد حسابتك . لكن خلي بالك اللي انت عملتو دلوقتي كإعلان يعتبر قانونا إيجاب ملزم و لو إقترن بالقبول إنعقد العقد يا ريس و لازم تسلم B) عموما ممكن أطلعك من الحوار ده برده بس المهم تنجز و تيجي الفيصلية. بالمناسبة لاقيتلك جيم حكاية قريب و جميل ممكن نبقى نروح مع بعض نفسي حد يقولي "أحسن وحش " :P و الكلام بتاع زمان ده بس مش لاقي. يلا أشوفك على خير في جدة غير

أه على فكرة بقولك إيه لو حتيجي معايا الجيم حاول تفكك من تيشرت ابو تريكة دي أنا حسلمك تيشرت حسين ياسر أو شيكابالا إنت عارف انتمئاتي البيضاء

[hOuSsAm]

ميكاوى انشاء الله نقلة الخير

بس اخاف تروح تلاقى العفش فى جدة جودته اقل من اللى انت كنت جايبه

تانى حاجة بجد مهم اوى تشوف الشقة ومكانها وشكلها قبل متسكن فيها

لان جدة المناطق فيها بتفرق بجد

عالاقل اسال حبايبك اللى هناك عن المنطقة دى نضيفة ولا تعبانة

كمان خد بالك من حاجة تتفق مع الشركة عليها........ ان اى خسارة هتخسرها فى موضوع بيع العفش وشراء عفش جديد يعوضوك عنها لانك وفرت عليهم مصاريف النقل..... يعنى متشلش الليلة لواحدك وحط مديرك فى الصورة معاك يا معلم خطوة بخطوة

كمان فيه رفايع ممكن تنقلهم مع العربية زى التلفزيون مثلا......... او اى حاجة انت شايف انها ممكن تتنقل

وبالتوفيق باذن الله