ساااعدوني الله يسعدكم و يساعدكم .. عفش للبيع

[mekkawy]

أحبابي الغاليين

جزاكم الله عني خير من نصح و من غرض المساعدة

خلاص اتلغى عرض البيع لأن الشركة المبجلة مش هتشارك في التأثيث هناك بس هتدفع الشحن .. مع إن الشحن اكثر :lol: بس هون كدةهون .. لزمن نمشي مع الكومباني بوليسي

بعتذر لكل اللي طلب القرب و احنا اللي خسرنا رجالة و الله :happy:

دعواتكم معانا باة ننقل بالسلامة لحي السلامة أو أي حنة تانية كويسة

مكاوى

[زيكو]

]

تيجي بالسلامة يا ريس جدة هتنور

[MZohairy]

وسع يابني انت و هو

انا شاري

-_-

ممكن يا مكاوي لو سمحت تقولي سعر منظم الأنبوبه كام لو سمحت بعد ما تعملي عليه خصم؟

:closedeyes:

[mekkawy]

زيكو

تسلم يا رب و جدة منورة باهلها .. ربنا يبارك فيكم جميعاً

زوهيري يا كبير

المنظم عاوزه بجلدة ولا من غير جلدة .. و عاوزه ديجيتال ولا عقارب .. و يا ترى عاوزه بيغني ولا بيصوصو :lol:

بص يا باشا .. لو بالكماليات اللي فوق دي هنديهولك بـ 75 ريال

لو من غير الكماليات هيكون بـ 150 ريال و متسألنيش إزاي

و الأسعار دي عشان خاطر عيونك بس اصطفي بأة مع س س لأنه كان مطبخه كان متقدم للبوتاجاز و كدة إنت بتخطب على خطبة أخيك :happy:

مكاوى

[MZohairy]

اسعارك غاليه يا ريس

انا اعرف واحد عارض المنظم الي عنده في وادي الدواسر بدون جلده و استعمال نضيف ب30 ريال بالتوصيل

عموما فكر و اتخذ قرار و لو هزيت السعر انا فلوسي جاهزه

[mekkawy]

تااااااااني

المزاد اتفتح تاني يا جدعان

معلش بأة على اللخفنة و اللخبطة

حد له شوق في حاجة

هأنزلكم دلوقتي حالاً بالصور إن شاء الله

سلامات سلامات يا حبيبنا يا بلديات

مكاوى

[MZohairy]

انا طمعان في كرمك يا مكاوي

و عشمي فيك كبير تحققلي رغبتي قبل رمضان

محتاج المشابك لو سمحت

كتر خيرك

[mekkawy]

المشابك اتباعت يا باشا بصراحة

بعنا نصها وودينا نصها جمعية خيرية :)

مكاوى

[sayed_ossman]

الاخ مكاوى ربنا يوفقك فى جده - بس بجد الحاجات تستاهل اكتر من كده

بص ترجمهم ونزلهم على موقع الاكسباتريت عرفه؟

http://www.expatriates.com/classifieds/riy/household_items/

وحط تليفونك وهتلاقى 1000 واحج يتصل عليك مع شوية صور هيتشالو هوه

[engmido]

بالشورت - الشرعي

اه ...عشان شيخ

تبع تنظيم زغاليل الحق........ههههههههههههه

بس فيه سؤال ...هو فيه فرع للتنظيم بجدة....عموما لو مفيش قوللى ابعتلكم المدد..ونمشى فى الاجراءات مع امير جدة

[mekkawy]

السلام عليكم

إخواني بجد بجد متشكرين أوي على المشاركة الجميلة منكم :)

الحاجة لسة صاخ سليم ولا الهوا .. ما بعناش مشبك غسيل حتى رغم إن الرفيق زوهيري عرض رغبته في المشابك

عموماً .. دي صورة جامعة العفش كله للي عاوز حاجة لأني خلاص ماشي بكرة إن شاء الله أو الاتنين بالكتير

مكاوى

[se_ Elsyed]

برضوا عشان تسهل العملية ..

ممكن تحط سعر مستقل لكل حاجه لوحدها ..

وبنا يوفقك وتخلص بقى ...

[MZohairy]

صح فكرة سي السيد يا مكاوي

عشان مش شرط كل الناس تكون عايزه كل الحاجه

حط سعر لكل حاجه على انفراد

بس وحياة ابوك ما تنساني في المشابك

:sad:

[Diab]

بالمناسبة لاقيتلك جيم حكاية قريب و جميل ممكن نبقى نروح مع بعض نفسي حد يقولي "أحسن وحش " :P و الكلام بتاع زمان ده بس مش لاقي. يلا أشوفك على خير في جدة غير

تصدق انا كمان نفسي حد يقولهالي

يا أخي تدخل الجيم هنا تحس انه مش زي بتاع مصر

وانا في مصر كل ما امسك الدمبل ألاقي 100 واحد يقولك لا مش كدة الدمبل بيتمسك كدة

واللي يقولك

عااااااااااااش يا وحشششششششششش

هنا لو ماسك البار بالمقلوب وممكن يجيلك كسر ولا حد بيعبرك

حاجة تخنق ومحدش بيحسها غير اللي عاش في دنيا الجيم

علي جنب

ليه منعملش موضوع مثبت او باب فرعي لبيع وشراء الحاجات المستعملة وخصوصا انا أحنا متغربين وانك تشتري من حد ثقة دي مش سهلة برضه

ايه رأيكم دام فضلكم

تم تعديل 7 أغسطس 2010 بواسطة Diab

[mekkawy]

الغسالة = خلاااااااص راحت

البوتاجاز = خلااااااااص مبارك للي خده

ها مين يزود .. قبل ما يعقل يا جودعاااااان

[mekkawy]

غرفة النوم

سرير لحمادة .. تسريحة لميادة

و المرتبة عليها عرض خاص بس مش لأي حد :happy:

الغرفة لوحدها(سرير + دولاب + تسريحة + 2 كومودينو) بدون المرتبة = 500

خفيفة و لذيذة و مريحة

المرتبة مستني فيها رد من حد و لو مكنش إذن فالعرض بيع المرتبة بالتقسيط 100 ريال * 4 شهور

يلا يا جدعان .. ألااونيه .. ألا دوسة .. ألا تريه (أيون دوسة)

مكاوى

[mekkawy]

ليفنج السعداء

ليفينج جميل لحضرتك لما تنطرد من أوضتك و تتحبس في الصالة

كنبة و سرير = 300 ريال

و العرض الخاص إن السرير بالمرتبة .. أهو حاجة تنام عليها أحسن من بلاط الصالة يا معلم

مكاوى .. 300 ريال يا إخواننا

[mekkawy]

الثلاجة = راحت خلاااااص

التليفزيون = 450 .. بدشه بحاجته بسلكه و خد عليه أي حاجة هدية (دستة مشابك شبشب حمام مساحة شرشوبة) خد اللي في نفسك

ممكن تاخد التلفزيون عشان رمضان جاي و المدام طبعاً هتحتل التلفزيون لما بعض رمضان بـ 6 شهور عما تحفظ المسلسلات

ممكن تاخده عشان الولاد يلعبوا عليه بلاي استيشن

و لو معندش ولاد بيلعبوا بلاي استيشن .. ممكن تاخده و تلعب انت بلاي استيشن

و لو مش متجوز .. ممكن تاخده و تتجوز و تخلف ولاد يلعبوا عليه بلاي استيشن

كدة يعني

مكاوى

[se_ Elsyed]

البوتاجاز = خلااااااااص مبارك للي خده

هو ورانا ورانا

قولي بقى إن البوتاجاز ده من أيام حرب التحرير وأنه عبر مع اللي عبروا ؟

يالله ما التاريخ بقى مستباح وأي حد بيلغوص فيه

[mekkawy]

يا باشا البوتاجاز ده كان له الكلمة الأولى و الأخيرة في الطلعة الجوية و النزلة البحرية و الغطسة المستخبية

البوتاجاز ده تاااااريخ يا ابني :lol:

طب تصدق بايه؟ قول بالله

البوتاجاز ده تحط فيه البطاطس في الفرن .. تطلع لحمة من الناحية التانية

اللي هياخده هيدعيلي .. شوفلنا بس الشحن امتى و ميهمكش

مكاوى