شيء فظـيع مـريع ..بيدخل جسـمنا - اه يا كليتي يانى ..

[اغابي]

يا اخوانا يا مغتربين ويا مصريين

حاحكيلك على حاجة فظيعة مريعة مش هزار - دى بجد - تجربة عمليه قدام عيونا

البداية

من كام يوم .. جاتلنا على الباب مندوبة من شركة امريكية - بتبيع فلاتر المية عندها الاسعار

من 65 دينار - او 1500ج.م ( 3 شمعات ) الى 220 دينار- او 4400 ج0م (6 شمعات )

انا استحالة افكر اغير المية المعدنية - انا بشترى كل اسبوع خمس كراتين مية معدنية وخلاص .

و اطبخ منهم واعمل كل حاجة من المية الصحة دى - بصراحة - مش ناقص غير الشاور يكون مية صحة ...

المهم لما لاقيت المندوبة مصرية وبنت بلادى - اصريت والحيت انى استقبلها وقولتلها انا مش حاشترى - بس اتفضلى برضوه اكرام الضيف واجب - تعالى يا بنت بلادى - واجب الضيافة حقك ولازم تاخديه - واهو نحكى مع بعض شويتين ..... وحبتين . . . وكدا

المدام دى - دخلت عندى الشقة وسلمت على اولادى - و شايلة شنطة على كتفها زى شنطة اللاب توب بالظبط

وطلعتلى من الشنطة كام جهاز كده اغرب من بعضهم بيشتغلوا بالكهربا وطلعتلى ازازة ميه ..

- وطلبت منى 4 كوبايات مية واحدة املاها من مية المعدنية اللى عندى فى البيت يعنى النوع اللى باستعمله

وكوباية املاها من مية الفلتر العادى الملزوق جنب الحنفية

وكوباية املاها من الحنفية

وكوباية من المية اللى معاها فى الازازة لان دى ميه الفلتر اللى المفروض بتبيعه .

و اولادى الاتنين فرحو جدا واتنططوا حواليها ولازقولها بغلاسة - وانا كل شوية اقولهم - ابعد يا ابنى عن طنط لحسن تزعل وماتعملش التجارب المعملية واولادى ما صدقوا ...

وبينى وبينك - انا برضوه - كلنا عاوزين بقى نشوف طنط الحلوة الجميلة دى - حتعملنا ايه التجربة وحكاية الاجهزة دي ايه

المندوبة شرحتى اول جهاز معاها بترمومتر بارقام - زى ساعة رقمية - بيقيس كمية الاملاح فى المية

اولا قالتلى اولادك لازم من 10-40 نسبة الاملاح اللى ياخدوها فى المية يوميا ما تزيدش عن كدا

- وانا ما اعرفش صدق المقولة العلمية ومصدرها - وهى جابتها من فين - ما علينا . .

طلعت الجهاز الاول - الترمومتر داه لقياس نسبة الاملاح

تعالى نشوف النتيجة

فاصـــل ونواصــــل

اغابي

تم تعديل 4 أغسطس 2010 بواسطة اغابي

[اغابي]

فى مية الحنفية نسبة الاملاح 170

فى مية الفلتر العادى اللى بيبقى جنب الحنفية ابو شمعة داه - 165 - وانا باغسل منه الخضار .

فى المية المعدنية 104

فى المية اللي معاها 16

نيجي كمان للجهاز التاني

بيقيس نسبة الكلور فى المية

- كل ما المية لونت اخضر اوى يبقى نسبة الكلور عالية -

تعالو نشوف النتيجة :

فاصل ونواصل

اغابي

[اغابي]

المية الصحة ابتدا اللون يبقى اصفر وبعدين حول اخضر فاتح جدا - يعنى شوية كويس - افضل من مفاجات الباقيين .

المية الفلتر ومية الحنفية اللون اخضر .... ثم ..... اخضر اوى ..... ثم ..... فوحلقى - بجد بجد

- اخضر بضمير . . خلى بالكم يا جماعة ياللى فى الكويت والخليج ميه التنكات دى مشكلة .

المية اللى معاها فى الازازة واللى هى المفروض الفلتر اللى حنشتريه منها

- لونها بقى اصفر باهت جدا يعنى فاتح جدا لون زيت الذرة الشفاف ودى افضل الحالات

نيجي كمان للجهاز التالت ووصلنا فيشة الكهرباء

تعالو نشوف النتيجة :

فاصل ونواصل

اغابي

[اغابي]

- وكمان طلبت 4 كوبايات جديدة بمية جديدة علشان نعمل تالت اختبار

كوباية من المية اللى معاها وكوباية من مية الحنفية وكوباية من مية الفلتر العادي وكوباية من المية المعدنية

الجهاز داه بيحلل جزيئات المية من اى عوامل مترسبة فى المية واحنا مش بنشوفها بالعين المجردة

المية الحنفية والفلتر اللى بغسل منه الخضار كل يوم

المية عملت رواسب رمل فى قاع الكوبايات دى اولا

- وطبقة خضرا غامق (وبعدها قلب كل الالوان بقى مجارى وريحتها مش كويسة - دى ثانيا )

وبقى زى الوان اخضر وازرق عايمة على سطح الكوباية - وجزيئات الرمل الناعمة جدا زى كدا تراب - كانك رشيتي تراب بجد دى بقت مترسبة فى قاع الكوباية - وبين القاع المترسب والسطح العايم فى الكوباية - بعد الانفصال اللى حصل بينهم ظهرت الميه الشفافة - بس مش نقية وملونة شوية .

المية المعدنية طبقة رواسب قليلة جدا من الاتربة فى القاع - وفوق سطح الكوباية طبقة عايمة باهتة اوى بس ملونة بس لا تنم ابدا على اى صحة خلو بالكم برضوة هى اسمها فى الخليج مية صحة لكن ما كنتش نقية لدرجة انها تدخل جسمى وما يكنش ليها تاثير على الكلى ولا انها فى يوم تضمن انى مايجينيش فشل كلوى .

المية اللى معاها هى فى شنطتها ولا اى حاجة - ولا نقطة رمل ولا تراب ولا مجارى ..

فاصل و نواصل

اغابي

تم تعديل 4 أغسطس 2010 بواسطة اغابي

[se_ Elsyed]

قبل ما تكملي

عارف وشوفت التجربة المعملية الفذة دي

بجد قرفت ...

إنتو عندكو بنات بتعمل تجارب..

إحنا عندنا هنا رجالة وبنقف وقفة رجالة ..

الراجل عمل التجربة على قزازة المياة المعندية اللي كنت بأشرب منها وموجودة على مكتبي ...

وفجأة الميه إتحولت إلى فيلم الأرض .. والأرض لو عطشانه نسقيها بدمانا . وكان ناقص أشمر وأنزل الترعة برجلي ... المية إتحولت إلى مياه ترعة سوووووووووودا وكلها شوائب ..

قال لي تعالى معايا ... وراح ملى ميه من الحنفية اللي جايه من الخزان اللي بالتأكيد مش خزان ولكنه مقبرة للغزاة ولكل الحيوانات الزاحفة والبرمائية واللاعنقودية ... وخد كوباية مية من الصورص ده وعمل عليها التجربة ... تحولت طبعاً وما كانتش محتاجه تتحول أساساً .. تحولت إلى أعزكم الله ( .................) ما علينا ما علينا .... المهم نفس الكوباية راح ممررها على الفلتر ... وحللها برضوا بعد كده .. وسبحان الله تحط اللمبه على راسها تنور على صدرها تنور ... فضلت نقية زي ما هي بصراحة .....

أنا شوفت كده وقلت له طب أطفي النور وسيبني أشرب وما تموتنيش من القرف

الفلتر ده هنا بيبدأ سعره من 500 ريال ...

وبجد مفيد جداً .. بس أهم حاجه إن الواحد يغير الفلتر القطني على الأكثر مره كل 6 شهور ثمنه هنا عشرة ريال ... والفلترين التانيين بيتغيروا كل سنه .. وثمن الفلتر 50 ريال

الجهاز كله بيشتغل بالكهربا ...

وبيبقى في خرطوم صرف ... ولو شوفت المياة اللي نازلة بعد عملية التكرير ... تكره الدنيا كلها .. وبرضوا هاتطفي النور وتشرب

كملي يا أغابي وقولي لنا البنت بعد ما طلعت الأرنب من البرنيطة حصل إيه بعد كده ؟

[اغابي]

ملاحظات على جنب : -

شكل الاجهزة المختبرة دى - و اللى استعملناها فى التجارب - واللى يعرف يجيبها لنا من النت .

3 اجهزة - واحد بفيشة وبترموتر وساعة رقمية وعند الانتهاء من القياس بيدي تصفيرة انذار

وجهاز بقلم استالس وبفيشة

وجهاز - عبارة عن مواسير استالس بطريقة معينة عدد 4 طولها حوالى 15 سم

احنا جبنا فى كل تجربة كوبات مية جديدة ونركن فى الصينية جنبنا .

بعدين قولتلها المية اللى معاكى من اى فلتر قالتلى اى فلتر هو اللى 220 دينار

وعليه عرض بمناسبة شهر رمضان لاخر اغسطس ب 160

انا علطول خليتها بعتت العمال وركبو الفلتر هو حجمه كبير وبياخد مساحة فى المطبخ وكمان من جو فى كذا فلتر صغيرين- كتير - بتقوم بمراحل مختلفة فى تكرار المية وتنقيتها .

وعملنا التجارب مرة تانية تانى يوم على الفلتر لانها قالتلى ما ينفعش اول يوم

والفلتر موتوره له صوت عالى نوعا ما - وكفالة سنتين و كل ست شهور بتتغير الفلاتر على حساب اتفاقنا مع الشركة

و امبارح اجرينا الاختبارات - مرة تانية على الفلتر الجديد- لان داه كان شرطى علشان اشترى منها الفلتر

لاقبنا المية ممتازة ممتازة

بصراحة انا لما شوفت المية اللى بنشربها عرفت منين بيجى الفشل الكلوى للعايشين فى الخليج ومصر كمان

انا اشتريت الفلتر داه يا جماعة صحيح فى لحظة - وسعره غالى - لكن صحتنا وصحة اولادنا امانة بين ايدينا

حبيت اقولكم للامانة بالتفصيل - وخدو بالكم من موضوع الميه -

ومش مرتبط الخبر بشركة معينة

عندكم فى كل بلد الفلاتر دى بدأت تنتشر - من اى شركة او اى مكان - اشترو الفلاتر يفضل النوع اللى فى مراحل للتكرار كتير - وتنقية المية يعنى يفضل الفلتر يكون غالى بالمرة من اى مكان انا بصراحة مش حاقدر اقول مكان معين حتى محلات الاجهزة الكهربائية بتبيع الفلاتر دى دلوقتى .. عادى

وحبيت انبهكم تخلو بالكم من كليتكم ( الفشل الكلوى بسبب المية )

واسفة طولت عليكم

اغابي

[اغابي]

قبل ما تكملي

عارف وشوفت التجربة المعملية الفذة دي

بجد قرفت ...

إنتو عندكو بنات بتعمل تجارب..

إحنا عندنا هنا رجالة وبنقف وقفة رجالة ..

الراجل عمل التجربة على قزازة المياة المعندية اللي كنت بأشرب منها وموجودة على مكتبي ...

وفجأة الميه إتحولت إلى فيلم الأرض .. والأرض لو عطشانه نسقيها بدمانا . وكان ناقص أشمر وأنزل الترعة برجلي ... المية إتحولت إلى مياه ترعة سوووووووووودا وكلها شوائب ..

قال لي تعالى معايا ... وراح ملى ميه من الحنفية اللي جايه من الخزان اللي بالتأكيد مش خزان ولكنه مقبرة للغزاة ولكل الحيوانات الزاحفة والبرمائية واللاعنقودية ... وخد كوباية مية من الصورص ده وعمل عليها التجربة ... تحولت طبعاً وما كانتش محتاجه تتحول أساساً .. تحولت إلى أعزكم الله ( .................) ما علينا ما علينا .... المهم نفس الكوباية راح ممررها على الفلتر ... وحللها برضوا بعد كده .. وسبحان الله تحط اللمبه على راسها تنور على صدرها تنور ... فضلت نقية زي ما هي بصراحة .....

أنا شوفت كده وقلت له طب أطفي النور وسيبني أشرب وما تموتنيش من القرف

الفلتر ده هنا بيبدأ سعره من 500 ريال ...

وبجد مفيد جداً .. بس أهم حاجه إن الواحد يغير الفلتر القطني على الأكثر مره كل 6 شهور ثمنه هنا عشرة ريال ... والفلترين التانيين بيتغيروا كل سنه .. وثمن الفلتر 50 ريال

الجهاز كله بيشتغل بالكهربا ...

وبيبقى في خرطوم صرف ... ولو شوفت المياة اللي نازلة بعد عملية التكرير ... تكره الدنيا كلها .. وبرضوا هاتطفي النور وتشرب

كملي يا أغابي وقولي لنا البنت بعد ما طلعت الأرنب من البرنيطة حصل إيه بعد كده ؟

مش حاوصفلك حالتى يا س س

اكيد كلنا فاكرين مشاهد من افلام امينة رزق

اهو انا استلفت من امينة رزق مشهدين ومسكت كليتي - اه - اه

وحضنت اولادى بكل حنية وقولتلهم المية قتلتنى

ورفعت عينى لفوق وقولت يارب ايه ذنب الاطفال الابرياء دول يشربوا ميه بالشكل داه

حكمتك يا رب

وحضنت اولاد فى مشهد ابيض واسود مؤثر - ونزل تتر النهاية

بجد تعبت نفسيا واخدت قرار انى اشتريه بعد ما كنت باثق فى المية المعدنية

لكن خلاص

بس على فكرة

الشركة حتبدلنا الفلاتر لمدة سنيتين مجانا داه فى العقد مكتوب

وبعد السنتين نشترى على حسابنا بقى

منظر المجارى فظيع

قصدى المية

اغابي

[MZohairy]

طب و ايشعرفك يا اغابي ان الجهاز اللي معاها و بتقيس بيه ده مش اونطه و بيدي نتائج مضروبه بهدف اظهار نتائج لصالح شركتها؟

اصلي مش مقتنع ابدا ان الميه المعدنيه اللي في الأزايز تكون سيئه للدرجه دي ابدا

[الغريب]

الموضوع ده يا أغابي بيمثلي أنعدام ثقة غير عادي في كل أطرافه، شركات المياه المعدنية وشركات الفلاتر والجهات الرسمية بالكويت اللي سمعتها في أكتر من مرة بتأكد على صحية المياه بالكويت

متعرفيش مين الصادق ومين الكذاب فيهم ، والكل للأسف بيلعب على الوتر الحساس اللي الناس مبتبخلش فيه أبدا وهو الصحة ، وده اللي خلاكي بمنتهى الطيبة تجيبي الفلتر بسرعة كدة

أخويا عنده نفس الفلتر بمصر ، أنما أنا بعتمد على المياه المعدنية (روضتين) للشرب فقط وباقي الأستخدمات فلتر ، والاستحمام عادي ..

وربنا يستر في الأول والآخر ويسلمنا أحنا وأولادنا من كل سوء

تم تعديل 4 أغسطس 2010 بواسطة الغريب

[sindbad]

اه يا كلاويا ياني

ده قالولي ميه السالميه انضف ميه في الكويت ضحكوا عليك المصاورة ياسندباد mfb:

[محمد عبدالعزيز]

أنا تعرضت لمشكلة المياه دى قبل كده وكنت كتبت موضوع هنا بسأل فيه عن اختيار الفلتر الأنسب.

ونتيجة البحث ده كانت إن الفلاتر اللى فيها كذا مرحلة أكثر خطورة على صحة الإنسان من أى نوع آخر من الفلاتر.

وإن أفضلها هو النوع الخزفى اللى فيه مرحلة واحدة فقط.

عملت بحث سريع على موضوع الفلاتر ووجدت الآتى:

فلاتر صحية ونظيفة لتنقية مياه الشرب

فلاتر المياه التجارية تزيدالإصابة بالسكتة القلبية وارتفاع الضغط

تحذير من الفلاتر أنقلها لكم من مجلة المياه

ياريت يا جماعة تقروا المواضيع دى بعناية لأن فى نصب بيحصل فى موضوع الفلاتر دى بحجة الحفاظ على الصحة

أنا مع استخدام الفلتر بس بلاش تنخدعوا بالاختبارات المضللة وشوفوا أنسب فلتر للشبكة اللى فى منطقة السكن.

[sindbad]

موضوع اللون ده له علاقه ب ph بتاعه الميه

لو حمضيه اللي هي انسب شيء من 5-6 بيكون اللون اصفر باهت

لو قلوية بيبدأ يدى اللون الاخضر فوق 7-8

وكل مازادت القلويه كلما كان اللون داكن يميل للاخضر الغامق

الاحمر ده بيبقى حامضي زياده عن الطبيعي اقل من 5

[اغابي]

طب و ايشعرفك يا اغابي ان الجهاز اللي معاها و بتقيس بيه ده مش اونطه و بيدي نتائج مضروبه بهدف اظهار نتائج لصالح شركتها؟

اصلي مش مقتنع ابدا ان الميه المعدنيه اللي في الأزايز تكون سيئه للدرجه دي ابدا

لاء يا زوهيري

- لانك لو شفت الاجهزة حتتاكد ان مفيش مجال للنصب

انا فحصت الاجهزة لدرجة ان الست اضايقت منى

من كتر ما انافحصت فى الاجهزة وانا بنفسي شيكت على كل حاجة

بس كانت المية المعدنية ارحم حاجة يعنى اقل فى كل حاجة

وكمان انا باستعمل مية الروضتين

بس كانت بالصدفة عندى ازاة ميه اكوا فينا

وهى اللى عملنا عليها التجارب

بس اقلهم طبعا المية المعدنية

:roseop:

[se_ Elsyed]

اللي بيخلي المياه المعدنية تبقى كده ... تخزينها في المصانع أو المحلات التجارية .... وكمان كتير منهم ممكن يعبي من الحنفية ويقولك معدنية ..

الفلتر مهم في مصر لأن في مناطق كتيرة عايشه على الهامش وبجد بجد حرام اللي الدولة بتعمله في الريف ... والله يا جماعة اللي عايش في مدن ريفية هايشوف بعينه حاجات بتلعب في الميه اللي نازلة من الحنفية ..+ ريحتها لا تطاق ولونها كمان بشع

- أهم حاجه تخلي بالك منها اوعى مندوب الشركة يدوقك المياه اللي متكرره من الفلتر وتحس انها مسكره وطعمها حلو ... لأن ده أكثر شيء مُضر إنه يخفض نسبة الاملاح التي يجب توافرها في الأنسان ... فأتعامل مع شركة كويسة وفاهمين شغلهم لأنهم بيبقوا عارفين النسب دي .

وبالنسبة للي شغالين في الخليج ... لازم كل كام يوم كده تجيب لك قزازة بيرة مشبرة وتدرمغ فيها ..

مش عاوزين أستهبال وواحد يروح يشرب لي هنكل 80 % كحول ويقول عشان كليتي والضرورات تبيح المحظورات ناقص كمان تجيب طبق مزه وتقعد تعمل دماغ .. لا يا خفيف ... في حاجات من غير كحول .. ومش ناقصه سُطل هي ..

[اغابي]

الموضوع ده يا أغابي بيمثلي أنعدام ثقة غير عادي في كل أطرافه، شركات المياه المعدنية وشركات الفلاتر والجهات الرسمية بالكويت اللي سمعتها في أكتر من مرة بتأكد على صحية المياه بالكويت

متعرفيش مين الصادق ومين الكذاب فيهم ، والكل للأسف بيلعب على الوتر الحساس اللي الناس مبتبخلش فيه أبدا وهو الصحة ، وده اللي خلاكي بمنتهى الطيبة تجيبي الفلتر بسرعة كدة

أخويا عنده نفس الفلتر بمصر ، أنما أنا بعتمد على المياه المعدنية (روضتين) للشرب فقط وباقي الأستخدمات فلتر ، والاستحمام عادي ..

وربنا يستر في الأول والآخر ويسلمنا أحنا وأولادنا من كل سوء

يا غريب يعنى انت مش بتشوف تناكر المية شكلها ايه

ولا تناكر المية اللى فوق كل عمارة

ابقى اطلع فى رحلة استكشافية على سطح العمارة

واتفرج على التنكر واللى جواه

اللى سمع غير اللى شاف

ماهو لو انت شفت اللى انا شوفته داه

اكيد حتشترى الفلتر بسرعة لان اليوم بيفرق - بجد

علشان اولادنا لما بشوفم كدا صغيرين وبيشربو مية بالمنظر داه باتجنن

من الخوف عليهم

-

[pocy]

انتم كركبتولى بطنى بسبب اللى كتبتوه ده اولا يا اخى الفاضل غريب انا اكل ما عندى انى اشرب الروضتين مش عارفه بحس ان طعمها فى حاجه وحشه بس الحياه جميله بصراحه ومن فتره قررت انى اشرب من الفلتر ابو شمعه اسبوع ومن المعدنيه اسبوع وده علشان الاملاح او الفلور تقريبا مش بيبقي موجود فى المعدنيه مش فاكره املاح ايه بالضبط اللى ناقصه من المعدنيه ثم يا جماعه بتوع الفلتر قرفنى كل شهر وبيجولى دائما وجوزى مش موجود وطبعا استحاله كنت افتح الباب وبصراحه ايه اللى هيخلينى اصدق مندوبين مبيعات عايزين يبيعوا اللى معاهم مع العلم انه الهدف من اللى بيقولوا البيع يعنى ممكن يطنطط قدامك علشان يبيع المنتج بتاعه بس ارجع واقول لا الموضوع صعب حبيتين ولا زم من رائ خبير افيدونا ياقوم نصدق مين ونكدب مين ؟؟؟؟؟؟؟؟؟؟؟؟؟؟؟؟؟؟؟؟

[se_ Elsyed]

ماهو لو انت شفت اللى انا شوفته داه

اكيد حتشترى الفلتر بسرعة لان اليوم بيفرق - بجد

مع تحيات شركة " هانفلتركو " لصاحبتها ومديرتها الحاجه أغابي ...

شعارنا " هاتشرب يعني هاتشرب "

وكما عودناكم على مفاجآت شركة هانفلتركو .. إليكم العرض الحديدي لفترة محدودة والكمية محدودة والامكانيات محدودة ....

الأن أشتري فلتر كبير .. وهاتاخد معاه فلتر صغير للأطفال ... فلتر الأطفال الجديد تحت إسم " إمبو " مخصص لعمل ميه بسكر للأطفال .....

السعر 199 + مصاريف الشحن من الكويت

هانفلتركو يعني هانفلتركو ...

وعلى رأي المثل " عُمر الدم ما يبقى ميه "

--------

ده صورة الفلتر اللي متركب تحت الحوض عند أغابي

[hOuSsAm]

سين سؤال

انا بستخدم مية نستلة وسعات اكوافينا وسعات بجيب مية من شركة اسمها النهدى

انا محتاج كدة اجيب حاجة ولا انا فى السليم

بالنسبة للاكل انا اصلا مقضيها مطاعم وربنا يستر عاللى بيحصل فيها

بالنسبة للفواكه انا بغسلها من الحنفية وبعد كدة بمسحها بمناديل......... انا كدة محتاج اجيب فلتر ولا ايه؟

والمية بتاعة نستلة (المفروض انقى مية فى العالم) محتاجة بردوا فلتر ولا ايه؟

بالنسبة للكلى ........... انا مركز على مشروبات الشعير اهو عالاقل بشرب يوميا او كل يومين.......... وقاية

تحياتى للجميع وكله يحافظ على صحته

[اغابي]

اه يا كلاويا ياني

ده قالولي ميه السالميه انضف ميه في الكويت ضحكوا عليك المصاورة ياسندباد mfb:

خدعوك فقالوا

وليه ... السالمية

بقى

طيب الاغلبية من الجنسيات - متقسمة فى الكويت كالتالى

منطقة مبارك الكبير ومشرف والدعيةوالعاصمة و . . و المناطق دى عموما

كويتيين

ومنطقة الفروانية - مصريين

ومنطقة حولى - فلسطينيين

ومنطقة السالمية لبنانيين

ومنطقة الجهرا - بدون

منطقة جليب الشيوخ - هنود

ومنطقة خيطان - صعايدة :lol:

ليه بقى يهتموا بمنطقة السالمية

ويسيبوا مبارك الكبير اللى هما اولاد الديرة

لاء المية كلها فى الكويت واحد

شكل ومضمون ولون وريحة

اول مرة اعرف ان المية لها طعم ولون ورائحة

:blink:

غير اللى اخدناه فى المدرسة

[اغابي]

أنا تعرضت لمشكلة المياه دى قبل كده وكنت كتبت موضوع هنا بسأل فيه عن اختيار الفلتر الأنسب.

ونتيجة البحث ده كانت إن الفلاتر اللى فيها كذا مرحلة أكثر خطورة على صحة الإنسان من أى نوع آخر من الفلاتر.

وإن أفضلها هو النوع الخزفى اللى فيه مرحلة واحدة فقط.

عملت بحث سريع على موضوع الفلاتر ووجدت الآتى:

فلاتر صحية ونظيفة لتنقية مياه الشرب

فلاتر المياه التجارية تزيدالإصابة بالسكتة القلبية وارتفاع الضغط

تحذير من الفلاتر أنقلها لكم من مجلة المياه

ياريت يا جماعة تقروا المواضيع دى بعناية لأن فى نصب بيحصل فى موضوع الفلاتر دى بحجة الحفاظ على الصحة

أنا مع استخدام الفلتر بس بلاش تنخدعوا بالاختبارات المضللة وشوفوا أنسب فلتر للشبكة اللى فى منطقة السكن.

بس يا استاذ محمد

حنعمل ايه - ما هو داه بالاختبارات الحل الاضمن الوحيد

وكمان - الشركة دى كبيرة ومديانى ضمان سنتين

وفى اى وقت ممكن ارجع الفلتر ويتخصم نسبة- حسب نصوص العقد اللى بينا

لكن داه الحل الوحيد

بصراحة اللى قدامى حاليا

تحياتى

تم تعديل 4 أغسطس 2010 بواسطة اغابي