شيء فظـيع مـريع ..بيدخل جسـمنا - اه يا كليتي يانى ..

[Mr MAGED]

يا نهار أبيض ... يعني المية المعدنية كمان مش مش نافعة

طب ايه .. ننتحر بقي يعني ولا ايه في الصحرا اللي احنا فيها هنا دي

بقولك ايه يا أغابي .. يتبعتيلي الفلتر اللي عندك :rolleyes: .. لا لا ... قصدي تبعتيلي واحد من عندك

او تبعتيلي بيناته .. نوعه رقمه موديله .. ونشتريه من هنا وأمرنا لله

يانهار اثووووووود يا انفزثتور

يعنى انا قاعد اصوت طول النهار وانت برده بتقول اشتريه

ياعم ده غش تجارى بحت صدقنى المياه اللى بتشربها زى الفل

ولو عاوز تصرف فلوس يعنى طبق ايدك بخمسائه ريال وابعت عينه على الشركه علشات تبقى مطمئن يعنى

عنبو يا كيميائي ... انا رديت قبل ما اقرا الرد والتحليل بتاعك ( حلوة التحليل بتاعك دي :rolleyes: )

المهم يا بني انا قررت استثمر فيك وأمري لله ... انا هافتحلك كشك فلاتر ونصدر منه للكويت

وطبعا أغابي هتعملنا احلي تسويق ... هيا جربت خلاص وفهمت الفولة

انت بقي تجيبلي أجهزة التحليل بتاعتك وتيجي عندي البيت تديني تقرير مفصل

عندنا أطفال ومش ناقصين بلاوي ... ويا سلام بقي لو تجيبلي فلتر وانت جاي كمان

ويجعله عامر

[sindbad]

يا نهار كحلى على البنسمعه ده الواحد يسيب مصر و ميتها التجيب الامراض و يجى للمياه المعدنيه يلاقيه هى كمان زفت يعنى ماسخم من ستى الا سيدى

طيب سؤال للبشمهندس ذو الشخصيه المعمليه الفذه"عنبو" انا دلوقت فى الرياض بنشرب و بنطبخ من مياه القوارير المشهوره هنا وهى (الفيحاء ..تانيا..الخ) كده المياه دى كويسه و لا ايه محتاجه فلتر يتركب معاها علشان عندنا اطفال وهل تؤثر على الاطفال الرضع لتحضير اكلهم و لا اغليها الاول؟؟؟؟؟

افيدنا افادك الله و لو محتاجين فلاتر نجيبها منين هل موجوده فى هايبر بنده و كارفور عادى و لا تباع فين؟؟وايه مواصفات الفلتر

الاطفال الرضع سشربوا من مياه تكون قليله الصوديوم لحد سنه

قليلة الصوديوم يعني ميزدش نسبه الصوديوم عن 5 علشان الكلى بتاعتهم لسه متقدرش تخرج كميه صوديوم كبيرة اللي في بعض انواع المياه واللي بتوصل ل 18 و20

[اغابي]

تصدقي بايه من اول سطر في موضوعك عرفت انك هتتكلمي عن حكاية المية دي بالذات ..

اصل الفيلم ده حصل قدامي قبل كده واصلي برضه كنت مصدقة تمام زيك كده ..

من كام سنة فكروا عند بابا يركبوا فلتر مياه او مايسمى تجاريا بـ ( محطة تنقية مياه) ودي بتبقى عباره عن اربع فلاتر او خمسة جنب بعض وبتمر المياه بيهم جميعا فكل واحد ينقيها من حاجه شكل لغايه ماتطلع نظيفة من الناحية التانية ..

طبعا الشركه جات وجربت امامهم واختي عجبها الفيلم اوي لدرجه انها استأذنتهم تخلي الجهاز الي بيحللوا بيه عندنا شويه ( الشركه كانت جايه بتوصيه من واحد معرفة فممانعوش ) .. الجهاز عباره عن حاجه زي سخان المية بتاع المكاتب الي هو عمودين معدن متوصلين بسلك كهربا ..

كنت عندهم يومها وعملنا تجاربنا العلمية المعملية الفذة بانفسنا .. جبنا كوباية مية نظيفة زي الفل وحطينا فيها الجهاز وجربنا وتحول بعد دقائق بقدرة قادر من سائل الى ( بالوظه ) خضراء اللون تخلي الواحد يجيب مش بس معدته وانما معد الي جنبه كمان من كتر القرف ..

طبعا بصمنا بالعشرة ان الناس دي معاها حق وان ميتنا مولثه وطبعا كعينا مبلغ وقدره ثمن المحطه !!

بعد فترة طويلة اكتشفنا اكتشاف خطير ان كل الخضار والصفار والكائنات الدقيقة الي شفناها في المية دي ( شيء طبيعي ) وان دي الاملاح المعدنية الذائبة في المية والي بيبقى شكلها كده بعد التحليل والي بطبيعه الحال هي مش بس غير ضاره وانما نسبه كبيرة منها مهمه جدا .. مياه الفلتر ـ كما قرأت بعد ذلك ـ خاليه من الاملاح المعدنية الهامه دي وبالتالي فهي اقل كفاءة من المياه المعدنية العاديه ـ الي مش عجباكم بعد التحليل ..

من الآخر يعني بتوع فلاتر المياه استغلوا الحقيقة العلمية في تغير مظهر المياه ـ طبيعيا ـ بعد التحليل لايهامنا ان المياه دي ملوثة او خطر على الصحه والا مكانوش هيبيعوا العده الي شاغله نص دولاب المطبخ من غير فايده تزيد عن شراء زجاجات المياه المعبئة جاهزه ..

يعنى ايه يا ضحى

عاوزة تقولى ان كمان الفلتر الجديد اللى ب 6 شمعات وخزان - مقلب

طب احمى صحتنا من امراض الكلى ازاى - دا انا عندى عقدة لان كان خالى عايش فى الكويت 25 سنة ونزل مصر بفشل كلوى ومات بيه

وكله داه كنت نسياه واتقلبت عليا المواجع من ساعة المندوبة ما دخلت بيتي

حتى روشتهم فى البيت بقيت خايفة من اى مية

طب الحل الاخير اشرب من الحنفية ولا الفلتر اللى لازق جنب الحنفية ديكور ولا الفلتر الجديد ولا المية المعدنية

اشرب من ايه ما هو كل مية حيتقال عنها انها مش صالحة للشرب

طب ايه الحل -

اغابي

[اغابي]

انت يا عم انت يا بتاع المية و المعامل

يا جماعة حزنتوا الست أغابي على الـ 160 دينار .. مش كدة يعني

معلش يا أغابي

مكاوى

وراحت ال 160 دينار - بس ما رحتش اوى يعنى لان المية بتبرؤ بجد -

مع احترامى لكل حرف كتبو مسيو عنبو

لكن برضوه انا اليومين دول يا مكاوى يا اخويا

ربنا هاديني على الفلتر الجديد وميته نضيفة اوى وطعمها كويس لا ملح ولا سكر

مظبوطة - وشوية الوسواس اللى جوايا داه يخف

اغابي

تم تعديل 4 أغسطس 2010 بواسطة اغابي

[اغابي]

السلام عليكم ورحمة الله وبركاته

كل عام وانتم بخير

وطلبتهم وقلت لها انتم نصابين وانا هرسل أخذ الفلوس وأخذت فلوسي

هذا السيناريو حدث مع كثيرين جدافي مدينتنا ومدينة مجاورة والأرياف

وأنا مع القول القائل بأن أنه مسألة كيمياء وتفاعل أيوني ينتج عنه اختزال وأكسدة (اكتساب وفقد للأكترونات)بفعل القطب تتكون مركبات جديدة طبعا لها ألوان مختلفة وهذا ما يظهر لنا

كل عام وانت بخير

لكن برضوه انا شوفت صناعة الفلتر - وكمان لاقيته بيتباع هو نفسه فى اكبر محلات اجهزة معتمدة هنا فى الكويت صحيح اغلى فى السعر شوية - يعنى هو اللى انا جبته ب 160 دينار لاقيته فى الغانم ب 175 دينار وكدا فيه خصومات

بس كمان ما شوفتيش يا دكتورة تناكر المية وخزانات المية اللى فوق العمارة وكمان صيانه الخزانات دى ونضافتها مين يثبت

انها مضمونة فى النضافة وتؤتمن على اولادنا وعلى صحتنا احنا كمان

يعنى اكتر حاجة ممكن نثق فيها حاليا الفلاتر دى لانها معتمدة بمواصفات خاصة وصناعة امريكية ولها ضمان سنتين وبعدها علطول المية المعدنية دا حتى المية المعدنية واحد صديق جوزى بالصدفة من فترة قاله ما تشربش المية الل مكتوب عليها من بره نسبة السلفات اكتر من 40 ما تشربش منها

اغابي

[اغابي]

يا نهار كحلى على البنسمعه ده الواحد يسيب مصر و ميتها التجيب الامراض و يجى للمياه المعدنيه يلاقيه هى كمان زفت يعنى ماسخم من ستى الا سيدى

طيب سؤال للبشمهندس ذو الشخصيه المعمليه الفذه"عنبو" انا دلوقت فى الرياض بنشرب و بنطبخ من مياه القوارير المشهوره هنا وهى (الفيحاء ..تانيا..الخ) كده المياه دى كويسه و لا ايه محتاجه فلتر يتركب معاها علشان عندنا اطفال وهل تؤثر على الاطفال الرضع لتحضير اكلهم و لا اغليها الاول؟؟؟؟؟

افيدنا افادك الله و لو محتاجين فلاتر نجيبها منين هل موجوده فى هايبر بنده و كارفور عادى و لا تباع فين؟؟وايه مواصفات الفلتر

طب خدى دى كمان يا بشمهندس

اقرى كويس اللى بيبقى مكتوب على ازايز المية المعدنية

لان الحاجات دى مضرة

طيب ما المية المعدنية اللى فى الاسواق مش كلها حسب المواصفات

وانتم اقرو بنفسكم التركيب النموذجى اللى على كل ازاة معدنية من مغنسيوم وصوديوم وبوتاسيوم

ما هو كل داه نسب بتختلف من مية للتانية ومن شركة للتانية

مثلا لو قارنا المية اكوفينا بمواصفاتها غير الروضتين غير تماما الحياه

- داه مية الحياه - مالحة بشكل غريب

اللى بيعمل لها اعلانات حاليا عمر دياب

ومرة عملت منها شاى كان مجير كانى راشة جير فوق الشاى واهو اسمها ميه معدنية

طب نعرف ازاى المواصفات دى كلها

مين يدينا معلومات فعلا موثوق بيها لكل نسبة لان شركات المية المعدنية كترت جدا جدا

الموضوع خطيييير يا جماعة

الموضوع مش بسيط زى ما احنا بنعتقد

اغابي

تم تعديل 4 أغسطس 2010 بواسطة اغابي

[Mr MAGED]

يا نهار أبيض ... يعني المية المعدنية كمان مش مش نافعة

طب ايه .. ننتحر بقي يعني ولا ايه في الصحرا اللي احنا فيها هنا دي

بقولك ايه يا أغابي .. يتبعتيلي الفلتر اللي عندك :rolleyes: .. لا لا ... قصدي تبعتيلي واحد من عندك

او تبعتيلي بيناته .. نوعه رقمه موديله .. ونشتريه من هنا وأمرنا لله

يانهار اثووووووود يا انفزثتور

يعنى انا قاعد اصوت طول النهار وانت برده بتقول اشتريه

ياعم ده غش تجارى بحت صدقنى المياه اللى بتشربها زى الفل

ولو عاوز تصرف فلوس يعنى طبق ايدك بخمسائه ريال وابعت عينه على الشركه علشات تبقى مطمئن يعنى

عم عنبو يا كيميائي .. انا رديت قبل ما اقرا الرد والتحليل بتاعك ( حلوة التحليل بتاعك دي :) )

اعذرني بقي .. انا كنت علمي صحيح .. بس كان علمي متأدب .. ومكنتش اكره فحياتي اد الكيميا

المهم .. انا قررت وأمري لله اني استثمر فيك .. هافتحلك كشك فلاتر ... ونصدر للكويت

وطبعا التسويق موجود .. أغابي هتقوم بالواجب .. هيا جربت وفهمت الفولة خلاص

انت بقي تجيبلي التحاليل والأجهزة بتاعتك دي وتيجي عندي البيت تديني تقرير مفصل

عندنا أطفال ومش ناقصيين ... وبالمرة تجيبلنا فلتر حلو كده معاك

ويجعله عامر

تم تعديل 4 أغسطس 2010 بواسطة INVESTOR

[المهندسه]

يا نهار كحلى على البنسمعه ده الواحد يسيب مصر و ميتها التجيب الامراض و يجى للمياه المعدنيه يلاقيه هى كمان زفت يعنى ماسخم من ستى الا سيدى

طيب سؤال للبشمهندس ذو الشخصيه المعمليه الفذه"عنبو" انا دلوقت فى الرياض بنشرب و بنطبخ من مياه القوارير المشهوره هنا وهى (الفيحاء ..تانيا..الخ) كده المياه دى كويسه و لا ايه محتاجه فلتر يتركب معاها علشان عندنا اطفال وهل تؤثر على الاطفال الرضع لتحضير اكلهم و لا اغليها الاول؟؟؟؟؟

افيدنا افادك الله و لو محتاجين فلاتر نجيبها منين هل موجوده فى هايبر بنده و كارفور عادى و لا تباع فين؟؟وايه مواصفات الفلتر

الاطفال الرضع سشربوا من مياه تكون قليله الصوديوم لحد سنه

قليلة الصوديوم يعني ميزدش نسبه الصوديوم عن 5 علشان الكلى بتاعتهم لسه متقدرش تخرج كميه صوديوم كبيرة اللي في بعض انواع المياه واللي بتوصل ل 18 و20

طيب منين اجيب المياه قليله الصوديوم دى ده انا عندى بنت رضيعه و بنت 4 سنين ...الواحد يعمل ايه... فى مياه تباع مخصوصه للرضع فى السوبرماركت الكبير و اشتريتها مره و بعدين استسهلت المياه العندنا فى القوارير

ياريت بشمهندس عنبو يرد علينا علشان الاطفال دى

[اغابي]

انتم كركبتولى بطنى بسبب اللى كتبتوه ده اولا يا اخى الفاضل غريب انا اكل ما عندى انى اشرب الروضتين مش عارفه بحس ان طعمها فى حاجه وحشه بس الحياه جميله بصراحه ومن فتره قررت انى اشرب من الفلتر ابو شمعه اسبوع ومن المعدنيه اسبوع وده علشان الاملاح او الفلور تقريبا مش بيبقي موجود فى المعدنيه مش فاكره املاح ايه بالضبط اللى ناقصه من المعدنيه ثم يا جماعه بتوع الفلتر قرفنى كل شهر وبيجولى دائما وجوزى مش موجود وطبعا استحاله كنت افتح الباب وبصراحه ايه اللى هيخلينى اصدق مندوبين مبيعات عايزين يبيعوا اللى معاهم مع العلم انه الهدف من اللى بيقولوا البيع يعنى ممكن يطنطط قدامك علشان يبيع المنتج بتاعه بس ارجع واقول لا الموضوع صعب حبيتين ولا زم من رائ خبير افيدونا ياقوم نصدق مين ونكدب مين ؟؟؟؟؟؟؟؟؟؟؟؟؟؟؟؟؟؟؟؟

بس برافو عليكي يا بوسي

- اللى يخاف يسلم - ما تفتحيش الباب لحد

انا بقى يا بوسي قلبي جااامد

بفتح الباب لاى حد - مفيش قلق بالعكس دانا من الناس اللى بحب احكي واستفسر

- عن كل حاجة عارفة لو حد قابلنى فى الشارع بيعمل استبيانات

ادردش معاهم عادى - مفيش مشاكل عندى الحياه بسيطة واخرتى مطوة فى جنبي - ما علينا

بس انا اللى اعرفه ان مية الروضتين افضل مية وانا باستعملها من زمان

لكن التجربة اللى عملتها المندوبة عندى فى البيت كانت موجودين كراتين مية اكوافينا بالصدفة

هى اللى عملنا عليها الاختبارات - لكن الروضتين الله واعلم

وربنا يسترها يا حبيبتي

بس ابقى اقرى النسب اللى موجودة على الازازة من بره ونتكلم فيها هنا

اغابي

[sindbad]

يا نهار كحلى على البنسمعه ده الواحد يسيب مصر و ميتها التجيب الامراض و يجى للمياه المعدنيه يلاقيه هى كمان زفت يعنى ماسخم من ستى الا سيدى

طيب سؤال للبشمهندس ذو الشخصيه المعمليه الفذه"عنبو" انا دلوقت فى الرياض بنشرب و بنطبخ من مياه القوارير المشهوره هنا وهى (الفيحاء ..تانيا..الخ) كده المياه دى كويسه و لا ايه محتاجه فلتر يتركب معاها علشان عندنا اطفال وهل تؤثر على الاطفال الرضع لتحضير اكلهم و لا اغليها الاول؟؟؟؟؟

افيدنا افادك الله و لو محتاجين فلاتر نجيبها منين هل موجوده فى هايبر بنده و كارفور عادى و لا تباع فين؟؟وايه مواصفات الفلتر

الاطفال الرضع سشربوا من مياه تكون قليله الصوديوم لحد سنه

قليلة الصوديوم يعني ميزدش نسبه الصوديوم عن 5 علشان الكلى بتاعتهم لسه متقدرش تخرج كميه صوديوم كبيرة اللي في بعض انواع المياه واللي بتوصل ل 18 و20

طيب منين اجيب المياه قليله الصوديوم دى ده انا عندى بنت رضيعه و بنت 4 سنين ...الواحد يعمل ايه... فى مياه تباع مخصوصه للرضع فى السوبرماركت الكبير و اشتريتها مره و بعدين استسهلت المياه العندنا فى القوارير

ياريت بشمهندس عنبو يرد علينا علشان الاطفال دى

اقرب مياه للرضيع هي اروى لان نسبة الصوديوم 4 بس

[اغابي]

الحمدلله مادام معانا البروفيسور عنبو للرد على أسألتنا، فأنا عندي أسئلة :

هل يا عنبو التناكر بتتفاعل مع المياه وبتعمل مشاكل في تركيبتها ؟

وهل الفلتر العادي بيقدر ينقي بشكل كويس ؟

وهل الحل اللي قالت عليه مدام هند أننا نغلي المياه بخلصها من كافة التلوثات بها ؟

اجاوب انا يا غريب على سؤالين - عبال ما عنبو يخلص كوباية الشاى اللى فى ايده

السؤال الاول

ايوه - طبعا التناكر بتتفاعل مع المية

رغم انهم بيقولو انها مصنوعة من مواد معية

وطبقة عازلة مش عارفة ايه وضد الصدأ -

بس مع مرور السنين ونوعية المية وعوامل الجو والرطوبة كل داه بياثر بالتاكيد

وبعدين انت عايش فى الكويت وعارف ايه الجو وتاثيره فى كل حاجة عمرها قصير من جو الكويت يبقى حتضمن التناكر ازاى

السؤال التاني

الفلتر العادى ولا بيشيل حتى 50 من بلاوى الحنفية

السؤال التالت

ما اعرفش بصراحة اجاوب عليه ... حاسيبه لعنبو

اغابي

[اغابي]

تعالو نبدأكل واحد يجيب ازازة مية ويقول النسب اللى عليها كام

يعنى انا قدامى مية الاكوفينا لانها لسة الكراتين موجودين

وبنستعمل الفلتر الجديد مكانهم

قدامى مكتوب عليها

معدل الحموضة - hp- 6.8

الاملاح الصلبة الذائبة 110

طب خلو بالكم - يبقى الست المندوبة

ما بتكذبش اهو - لان الجهاز اللى معاها -

قاس نسبةالاملاح 104

قريبة جدا من المكتوب على الازازة

نكمل البيانات

اجمالى العسر 53

مثل CaCO3

انا مش فاهمة حاجة حد يبقى يفهمنا

نكمل

التركيب النموذجى

كالسيوم 5

مغنيسيوم 13

صوديوم 16

بوتاسيوم 1

نيترات 0.1

سلفات 51

حد يشرحلنا الحاجات دى اللى مكتوبة ازازة مية اكو فينا

وكل واحد قدامه مواصفات يكتبها يعنى انت اكيد يا بوسي انت وغريب عندكم الروضتين

اكتبو الجدول اللى عليها ونعمل مقارنات بين انواع المية المعدنية

اغابي

تم تعديل 4 أغسطس 2010 بواسطة اغابي

[المهندسه]

شكرا يا سندباد هحاول اجيبها و يارب يعافينا و يعافى اولادنا يارب

و ياريت البشمهندس عنبو يفيدنا و يرد هو اتأخر كده ليه؟؟؟؟

[محمد عبدالعزيز]

فى حاجة لسه مش واضحة من المعترضين على موضة الفلاتر اللى بتقلل الأملاح بنسبة كبيرة جداً

الاعتراض مش على إن الفلاتر مش بتؤدى الوظيفة اللى بتتباع بيها, بالعكس الفلاتر دى فعلاً بتقلل الأملاح بنسبة كبيرة جداً, وهو ده الخطر الحقيقى وده اللى المعترضين بيحذروا منه.

اللى هو تقليل نسبة الأملاح فى الميه والجسم بيكون محتاجها, النصب بقى فى الحالة دى هو إن المندوبين بيقنعوا الناس إن نسبة الأملاح اللى فى الحدود الآمنة بمواصفات منظمة الصحة العالمية هى اللى مضرة, وبيستغلوا تفاعلات كيميائية بينتج عنها مواد بألوان تشمئز منها النفس الإنسانية فى إقناع الناس بشراء الفلاتر دى, وخداعهم بإن مية الفلاتر دى صحية عشان نسبة الأملاح قليلة جداً, وده هو اللى غلط.

الجسم بيحتاج نسبة أملاح معينة عشان يحافظ على توازنه ويحمى نفسه من أمراض مختلفة, وعلى ما أعتقد فى أملاح معينة مش بتكون متوفرة غير فى المياه.

أما بقى الرواسب الرملية اللى ممكن نشوفها, فهى دى الأملاح اللى بنتكلم عنها بس بعد ماتكون اتفصلت من الميه.

يعنى تخيلوا كده لما ندوب شوية سكر فى كوب مياه, هل بيبقى السكر باين وفى حالته الصلبة قبل الذوبان؟

أكيد لا.

ييجى بقى واحد يعرف شوية كيميا يقولك المية دى ملوثة وفيها رواسب وحثبت لك الكلام ده

ويعمل لك تجربة كيميائية يفصل فيها السكر عن الماء, ويترسب فى صورتة الصلبة قبل الذوبان.

هل انت كده اقتنعت إن الماء ملوث وانت بنفسك اللى لسه مدوب السكر من شوية؟

نفس القصة بتحصل مع الأملاح, اللى بتكون موجودة بنسبة محددة ومقننة حسب منظمة الصحة العالمية, لأن الجسم بيحتاجها.

[doha]

يعنى ايه يا ضحى

عاوزة تقولى ان كمان الفلتر الجديد اللى ب 6 شمعات وخزان - مقلب

طب احمى صحتنا من امراض الكلى ازاى - دا انا عندى عقدة لان كان خالى عايش فى الكويت 25 سنة ونزل مصر بفشل كلوى ومات بيه

وكله داه كنت نسياه واتقلبت عليا المواجع من ساعة المندوبة ما دخلت بيتي

حتى روشتهم فى البيت بقيت خايفة من اى مية

طب الحل الاخير اشرب من الحنفية ولا الفلتر اللى لازق جنب الحنفية ديكور ولا الفلتر الجديد ولا المية المعدنية

اشرب من ايه ما هو كل مية حيتقال عنها انها مش صالحة للشرب

طب ايه الحل -

اغابي

هو مش بالظبط مقلب يعني من ناحية تنقية المية فهو بينقيها اكيد وطعمها مبيكونش غريب زي طعم المية المنقاه من فلتر عادي القديم ابو شمعه .. لكن .. هل احنا محتاجين فعلا التنقية دي ؟؟ هو ده السؤال

دائما بفتكر الناس الي كانت زماااااان قبل اختراع الحنفيات كانت بتشرب منين ؟ من طرمبة الماء او حتى بئر او ترعه.. كانت بتشرب ولا حد مات ولا جاله فشل .. جسم الانسان معجزة ربانية كبيرة وبيتأقلم مع كل الظروف البيئية تقريبا يعني انا لو عودت نفسي اني اشرب ماء بنسبة رمل معينة ممكن اتعب اول يوم ولا حاجه بس بعد فترة هتعود عليه وممكن جدا ميصيبنيش منها اي ضرر ..

بالنسبة لك وطالما كنتي بتشتري زجاجات مياه مش بتشربي من الحنفية على طول يبقى انتي وفرتي الى حد ما بشرائك الفلتر .. لكن متبطليش تشربي مياه معدنية لو كنتي في الشارع مثلا .. ومتوسوسيش وتقولي انها ممكن لا قدر الله تجيب كلى والكلام ده لانها سليمه الشركه كانت بتنصب في حته تصويرها مليئة بالقاذورات او ماشابه وهي الفكرة كلها زي ماتيجي تشوفي الفحم والالماس الاثنين تركيبهم كربون لكن فرق الظروف هو الي عمل كده .. فالاخضر المقرف الي شفناه ده ماهو الا حاجه لذيذة بنشربها بس مع التفاعل بقى شكلها كده ..

[عنبو]

اسف يا جماعه ان شاء الله هرد على كل الاسئله بكره علشان بس مشغول جداً

بس حته على جنب بس يا اغابى متشربيش من مياه الفلتر ده نسبة الاملاح قليله جداً

تحياتى

عنبو

[عنبو]

صباح الفل والنور ورمضان كريم علينا كلنا يارب

يسأل اخونا غريب من الكويت يقول

هل يا عنبو التناكر بتتفاعل مع المياه وبتعمل مشاكل في تركيبتها ؟

ده على حسب الماده المصنعه منها التناكر نفسهاالى جانب لابد ان نقوم بعمل disinfection للتناكر وللشبكه كلها كل فتره علشان نتجنب نمو البكبريا الضاره فيها وطبعاً ممكن نحقن مواد كيماويه لمنع حدوث التأكل " الصدأ "وهذه المواد الكيمياويه تستعمل بنسب صغيره جداً 50ppm ولا تؤثر على خواص مياه الشرب

وافضل التناكر او الخزانات لحفظ المياه هى المصنعه من GRP بس دى غاليه جداً

وهل الفلتر العادي بيقدر ينقي بشكل كويس ؟

بص هو الفلتر بيعمل ايه الفلتر ده عباره عن مصفاه فيها فتحتات بسمك معين هذه الفتحات او الثقوب لا تسمح بمرور المواد اللى حجمها اكبر من حجم الفتحات دى

يعنى لو هتستعمل فلتر 5 ميكرون هيعملك ايه هيسمح بمرو كل المواد اللى خمسه او اقل اما اكبر من خمسه فلن يسمح بمروها

وده كافى علشان يشيلك الاتربه والبكتريا اللى ربما تكون متواجده فى المياه

ده طبعاً لما تبقى المياه اساسا اللى واصله لحضرتك طبقاً للمواصفات القياسيه لمياه الشرب والفلتر يكون دوره على قد تشيل شوية اتربه وبكتريا

وهل الحل اللي قالت عليه مدام هند أننا نغلي المياه بخلصها من كافة التلوثات بها ؟

بص انا هقولك على معلومه فيها وحده فى اى محطه اسمها واحدة التظهير وده لاما بيكون بالكلور لاما بيكون باستعمال اليو فى لايت

وده بيقول بقتل البكترياويقلل المواد العضويه الموجوده فى المياه عن طريق عمل اكسده ليها من خلال تفاعل معين يعنى

وفيها حاجه اسمها الكلور الحر free chlorine وده بيكون الكلور الحر اللى فاضل بعد لما كل الكلور اللى تم اضافته تفاعل مع

المواد العضويه والكبتريا يبقى الكلور الحر ده علشان لو فيه اى مواد عضويه او بكتريا دخلت المياه يقوم بالتخلص منها

الى جانب كمان ان فيه انواع بكتيريا بتتحمل درجات الحراره العاليه اصل البكتريا دى موجوده فى كل مكان وفى اى مكان وفيه منها ضار وفيها منها نافع

والى جانب كمان ان الغليان هيؤدى الى زيادة نسبة TDS لان مع الغليان فيه جزء من المياه هيتبخر وهيترك فى المياه كمية املاح وبكده هتزيد TDS

احلى حاجه لو انت يعنى عندك وسواس من البكتريا والفيروسات يبقى عليك انك تجيب يو فى لامب وتركبها اقبل استعمالك للمياه مباشرة وهى هتعمل تطهير للمياه

تحياتى عنبو

[عنبو]

اخونا محمد عبد العزيز يسأل

ياريت يا حاج عنبو توضح أكتر إيه هو الفلتر ال 5 ميكرون اللى بتقول عليه ده؟

ياريت لو له صور كمان تجيهالنا.

كمان أنا عندى فلتر الشمعة بتاعته سيراميك, هل ده يبقى كويس ولا مالوش لازمة؟

بص هو فلتر عادى جداً انت بس وانتى بتشترى الشمعه شوف السيز بتاع الثقوب كام هتلاقى فيه واحد ميكرون هتلاقى فيه خمسه وهكذا

وده زى لما بقولك لو المياه كويسه ومطابقه للمواصفات هيبقى استعماله بس انه يشيل الرواسب اللى فى المياه اللى سببها شبكات

التوزيع ولو عاوز كمان امان يعنى لو انت فى مصر يبقى هاتلك جهاز يو قى لامب وركبه بعد الفلتر اللى حضرتك عامله يبقى كده

الفلتر هيصفى المياه من الاتربه والرواسب المتعلقه واليو فى U V lamb هتعمل تطهير للمياه

ميكو حبيبى

انت يا عم انت يا بتاع المية و المعامل

يا جماعة حزنتوا الست أغابي على الـ 160 دينار .. مش كدة يعني

معلش يا أغابي

أنا مقدر و الله الشعور اللي جالك و زمانك بتقولي يا ريتني ما فتحت الموضوع

بصي .. أنا لو مكانك و اتعمل أدامي الكلام ده .. بغض النظر هو شو ولا حقيقة .. و بصيت له و بصيت للأوسة و المية اللي بتشربها .. طبعاً طبعاً هأشتري الفلتر بدون تفكير

انتي تصرفتي كأم و ده تصرف بأحييكي عليه

نيجي باة للوقائع

الموضوع احتمال يكون نصب (من ثقافتنا المتشككة كمصريين) و احتمال ميكونش نصب

لو مكنش نصب .. أديكي جبتي الفلتر و بالهنا و الشفا المية

لو كان نصب أديكي اتعلمتي تسألي الأول أهل الخبرة و محدش بيتعلم ببلاش

نيجي باة للخبير عنبو ... يا معلم يا معلم يا معلــــــم .. كبير يا ابني و الله .. كبير يا ابن بلدي يا رافع رايتنا

يا معلم زمان كنا بنغط دماغنا في الترعة و نشرب و زي الفل

أحييك يا عنبو على التخصص .. بجد باحب أوي الكلام المتخصص المحدد الفاهم و أنا عن نفسي مقتنع بكلامك

ختاماً غير ذي ختم

يا أغابي فكي دماغك و اشربي و استطعمي المية و اعمليلنا كوبايتين عصير و رشة جريئة كدة على كل اللي شاركوكي فرحة الفلتر

و توكلي على الله .. كله خير كله يخر

مكاوى

انت جاى جده امتى انا جهزت الشيش وعاوزين بقى نعمل خيم رمضانيه

[الغريب]

صباح الفل والنور ورمضان كريم علينا كلنا يارب

يسأل اخونا غريب من الكويت يقول

احلى حاجه لو انت يعنى عندك وسواس من البكتريا والفيروسات يبقى عليك انك تجيب يو فى لامب وتركبها اقبل استعمالك للمياه مباشرة وهى هتعمل تطهير للمياه

تحياتى عنبو

يا سلام عليك يا عنبو طول عمرك مبدع ، علشان كدة أختارك سي السيد لإدارة قسم جودة الكيف

بس قولي بقى رأيك في الفلتر البريكفيلد الإنجليزي المشهور واللي هو من النوع الخزفي ، وكمان أيه يا خويا موضوع اليو في لامب ده بيتجاب منين وشكله أيه

شكرا

[عنبو]

وتسأل صديقة البرنامج

المهندسه تقول

طيب سؤال للبشمهندس ذو الشخصيه المعمليه الفذه"عنبو" انا دلوقت فى الرياض بنشرب و بنطبخ من مياه القوارير المشهوره هنا وهى (الفيحاء ..تانيا..الخ) كده المياه دى كويسه و لا ايه محتاجه فلتر يتركب معاها علشان عندنا اطفال وهل تؤثر على الاطفال الرضع لتحضير اكلهم و لا اغليها الاول؟؟؟؟؟

افيدنا افادك الله و لو محتاجين فلاتر نجيبها منين هل موجوده فى هايبر بنده و كارفور عادى و لا تباع فين؟؟وايه مواصفات الفلتر

انا مقدرش اقول على اى عينة مياه كويسه او لا الا من خلال بعض التحاليل والفحوصات

والحاجه دى على ما اعتقد ان وزراة الصحه بتعملها يعنى بتاخد عينات من الشركات دى وتعمل ليها تحليل علشان تتأكد من جودة المياه والا توقف التصريح

اما بالنسبه للاطفال فاللى اعرفه مافيش حاجه اسمها مياه اطفال ومياه كبار فيه حاجه اسمها مياه للشرب للكل بقى سواء كبار او اطفال

الا فى بعض حالات المرضى وده بيكون لخلل عند المريض يعنى

ممكن بقى تعملى حاجه بسيطه قوى وهى ان لما تجيبى قارورة المياه دى تسيبها تترسب يعنى ايه مش تحطيها على طول على البتاع اللى بسقع المياه ده بالمقلويب يعنى

لا سيبها يومين او يوم تترسب وبعدين تاخدى المياه اللى فوق وتسيبى اخر عشره سم تحت وبكده هتكونى تخلصتى من الرواسب ده لو فيه رواسب يعنى

بس من خلال تجربه عملتها عندى ان المياه دى مبيكنش فيها رواسب بس تحسباً يعنى

وربنا الحااااااااااااااااافظ

عنبو يا كيميائي ... انا رديت قبل ما اقرا الرد والتحليل بتاعك ( حلوة التحليل بتاعك دي )

المهم يا بني انا قررت استثمر فيك وأمري لله ... انا هافتحلك كشك فلاتر ونصدر منه للكويت

وطبعا أغابي هتعملنا احلي تسويق ... هيا جربت خلاص وفهمت الفولة

انت بقي تجيبلي أجهزة التحليل بتاعتك وتيجي عندي البيت تديني تقرير مفصل

عندنا أطفال ومش ناقصين بلاوي ... ويا سلام بقي لو تجيبلي فلتر وانت جاي كمان

ويجعله عامر

لا خلاص اغابى عرفنا ديتها نوريها مياه حمرا وبعدين نخليها بيضه وبعدين نخليها نقيه وهتلاقيها زى الصاروخ شالت الكميه كلها