شيء فظـيع مـريع ..بيدخل جسـمنا - اه يا كليتي يانى ..

[عنبو]

بنتنا اغابى بتقول

طب خدى دى كمان يا بشمهندس

اقرى كويس اللى بيبقى مكتوب على ازايز المية المعدنية

لان الحاجات دى مضرة

طيب ما المية المعدنية اللى فى الاسواق مش كلها حسب المواصفات

وانتم اقرو بنفسكم التركيب النموذجى اللى على كل ازاة معدنية من مغنسيوم وصوديوم وبوتاسيوم

ما هو كل داه نسب بتختلف من مية للتانية ومن شركة للتانية

مثلا لو قارنا المية اكوفينا بمواصفاتها غير الروضتين غير تماما الحياه

- داه مية الحياه - مالحة بشكل غريب

اللى بيعمل لها اعلانات حاليا عمر دياب

ومرة عملت منها شاى كان مجير كانى راشة جير فوق الشاى واهو اسمها ميه معدنية

طب نعرف ازاى المواصفات دى كلها

مين يدينا معلومات فعلا موثوق بيها لكل نسبة لان شركات المية المعدنية كترت جدا جدا

الموضوع خطيييير يا جماعة

الموضوع مش بسيط زى ما احنا بنعتقد

اغابي

ياعم اغابى المواصفات دى مش عباره عن رفم محدد مينفعش ينزل او يزيد عنه

لا عباره عن رينج يعنى من 10 الى 10 مثلاً واى قيمه هتقع بين القمتين دى هتبقى صالحه للشرب

المهندسه بتقول

طيب منين اجيب المياه قليله الصوديوم دى ده انا عندى بنت رضيعه و بنت 4 سنين ...الواحد يعمل ايه... فى مياه تباع مخصوصه للرضع فى السوبرماركت الكبير و اشتريتها مره و بعدين استسهلت المياه العندنا فى القوارير

ياريت بشمهندس عنبو يرد علينا علشان الاطفال دى

اللى اعرفه ان الصوديوم ممكن يأثر على الضغط يعنى الناس اللى عندهم ضغط مرتفع ينصح انهم مش يستعملوا مياه فيها نسبة صوديوم عاليه وله ايضاً تأثير على العضلات من خلال حركة الصوديوم والبوتاسيوم

لكن بقى هل يأثر على الاطفال ام لا فده بقى اللى يفتى فيها طبيب اطفال هو ادرى بالحاله الفسيولوجيه للاطفال

لكن اللى له تأثير خطير على الاطفال هو النترات وخصوصا الاطفال تحت سن 6 شهور ممكن يعمل حاجه اسمها Blue baby syndrome

ولذلك ينصح ان الاطفال تحت سن 6 شهور مش يشربوا مياه اصلا او يشربوا مياه معلومه خصوصا ليهم ويمكن دى المياه اللى بتتكلموا عليها

تحياتى

عنبو

[زهقان]

أتفق تماما مع ما ذكره الاستاذ عنبو

وأنصح أغابى بأستخدام المياه المفلتره بطريفة الـ RO أو الـ Reverse Osmosis او باللغة العربية التناضح العكسى وهى الطريقة التى يعتمد عليها الجهاز فى التنقية على أعمال الطبخ على ان يتم أستعواض الاملاح بشرب مياه معدنية وان لا تشرب نهائيا من هذه المياه المفلتره لان خطورتها عاليه لعدم أحتوائها على املاح

[akramgroup]

بنتنا اغابى بتقول

طب خدى دى كمان يا بشمهندس

اقرى كويس اللى بيبقى مكتوب على ازايز المية المعدنية

لان الحاجات دى مضرة

طيب ما المية المعدنية اللى فى الاسواق مش كلها حسب المواصفات

وانتم اقرو بنفسكم التركيب النموذجى اللى على كل ازاة معدنية من مغنسيوم وصوديوم وبوتاسيوم

ما هو كل داه نسب بتختلف من مية للتانية ومن شركة للتانية

مثلا لو قارنا المية اكوفينا بمواصفاتها غير الروضتين غير تماما الحياه

- داه مية الحياه - مالحة بشكل غريب

اللى بيعمل لها اعلانات حاليا عمر دياب

ومرة عملت منها شاى كان مجير كانى راشة جير فوق الشاى واهو اسمها ميه معدنية

طب نعرف ازاى المواصفات دى كلها

مين يدينا معلومات فعلا موثوق بيها لكل نسبة لان شركات المية المعدنية كترت جدا جدا

الموضوع خطيييير يا جماعة

الموضوع مش بسيط زى ما احنا بنعتقد

اغابي

ياعم اغابى المواصفات دى مش عباره عن رفم محدد مينفعش ينزل او يزيد عنه

لا عباره عن رينج يعنى من 10 الى 10 مثلاً واى قيمه هتقع بين القمتين دى هتبقى صالحه للشرب

المهندسه بتقول

طيب منين اجيب المياه قليله الصوديوم دى ده انا عندى بنت رضيعه و بنت 4 سنين ...الواحد يعمل ايه... فى مياه تباع مخصوصه للرضع فى السوبرماركت الكبير و اشتريتها مره و بعدين استسهلت المياه العندنا فى القوارير

ياريت بشمهندس عنبو يرد علينا علشان الاطفال دى

اللى اعرفه ان الصوديوم ممكن يأثر على الضغط يعنى الناس اللى عندهم ضغط مرتفع ينصح انهم مش يستعملوا مياه فيها نسبة صوديوم عاليه وله ايضاً تأثير على العضلات من خلال حركة الصوديوم والبوتاسيوم

لكن بقى هل يأثر على الاطفال ام لا فده بقى اللى يفتى فيها طبيب اطفال هو ادرى بالحاله الفسيولوجيه للاطفال

لكن اللى له تأثير خطير على الاطفال هو النترات وخصوصا الاطفال تحت سن 6 شهور ممكن يعمل حاجه اسمها Blue baby syndrome

ولذلك ينصح ان الاطفال تحت سن 6 شهور مش يشربوا مياه اصلا او يشربوا مياه معلومه خصوصا ليهم ويمكن دى المياه اللى بتتكلموا عليها

تحياتى

عنبو

السلام عليكم اولا

انا اولا قريت بداية الموضوع اول صفحتين وبعدين نطيت على اخر صفحه على طول عشان اسال يعنى انا فى السعودية بجيب القوارير الكبيرة زى ما الاخت اتفضلت وقالت والمفروض ان هنا فى جدة افضل مياة هيا مياه العين ده على حسب معلوماتى wst:: wst:: وبردو استنتجت كده عشان هيا اغلى فى السعر

وفى يوم من الايام كنت رايح مشوار تبع الشغل فى منطقة الصناعيه لقيت عربيات الشركة بتاعة العين دى هيا وعربيات شركة تانيه واقفين بيحملوا قوارير ميه من مصنع اصلا اسمعه كان حاجه تانيه غير اسم الشركتين اللى اسمهم على العربيات( المفروض انهم شركتين محترمتين) bv:- بس بقى الله اعلم المصنع ده تبع ايه ولانظامه ايه ....ربنا يستر علينا

عموما انا مش عارف يعنى الفلاتر دى هاتتركب ازاى وخصوصا انى بستخدم الكولدير اللى بيتقلب فيه القارورة ده

ولا هيا الفلاتر دى بتستخدم عشان انا افلتر بيها ميه الحنفيه وبعدين اشربها -_- عموما لو قصدكم كده يبقى عمرى ماهعمل الفكرة دى عشان الميه اللى بتنزل من الحنفيه هنا فى السعودية عشان تبقى نقيه اكيد لازم تدخل من قوى تحالفية تتكون من 75 عالم اجنبى وبردو عمرى ماهثق فيها بردو :D

اما بخصوص الاخت اللى بتسال عن ميه الاطفال فاوعى تشربيهم ميه القارورة دى ولازم تجيبى ميه بتاعة الاطفال من الصيدليه او السوبر ماركت

ياريت اى حد يشوفلنا كلام من الاخر ويكون موثوق منه

وربنا يتولانا

أكرم

[اغابي]

طب سؤال لو سمحت مسيو عنبو

الفلتر الجديد داه

اشرب منه انا واولادى ولا خطر علينا

واستمر زى الاول على المية المعدنية

ولا اشرب من هنا وهنا

كمان سؤال

الاملاح اللى انا محتاجالها

مش بتتعوض فى المخللات والاجبان والبرتقال وكل حاجة فيها ملح مش دى برضوه املاح

وكل داه وجسمنا لسة محتاج املاح تانى

ولا لازم الاملاح اللى فى المية اللى مش مفلترة

وشكرا مقدما

اغابي

[شريف مان]

يعنى لازم تنكدى عليا يا اغابى

يعنى انا عايش على مية الحنفية وبجد انا مدمن مية لدرجة ان فى البيت بيتريقوا عليا من كتر شرب المية

آآآآآآآآآآآآآآآآآآه كده انا عرفت انا انا مدمن مية ليه :wub:

[المهندسه]

شكرا جدا يا كيميائى المحاورات يا كبير

افدتنى فعلا اشكرك

علشان كده كنت بشوف ناس كتير بتشترى المياه المخصوصه للرضع فى هايبر بانده مياه مخصصه للرضع تحت عمر سنه و لعلم الامهات و الاباء العاوز

يعرف اسمها bambini مكتوب عليها باللون الروز و غطاها كمان روز 2 لتر ناس كتير جدا بتشتريها و تشكر فيها للرضع

وشكرا لك و طبعا اى سؤال معملى تحليلى انت اكيد فى الخدمه و لا ايه؟؟؟

وكل سنه و انتم طيبين و رمضان كريم

[doha]

شكرا جدا يا كيميائى المحاورات يا كبير

افدتنى فعلا اشكرك

علشان كده كنت بشوف ناس كتير بتشترى المياه المخصوصه للرضع فى هايبر بانده مياه مخصصه للرضع تحت عمر سنه و لعلم الامهات و الاباء العاوز

يعرف اسمها bambini مكتوب عليها باللون الروز و غطاها كمان روز 2 لتر ناس كتير جدا بتشتريها و تشكر فيها للرضع

وشكرا لك و طبعا اى سؤال معملى تحليلى انت اكيد فى الخدمه و لا ايه؟؟؟

وكل سنه و انتم طيبين و رمضان كريم

مش عارفة ليه انا مش مع الراي ده .. بالنسبة لي كنت بشرب بنتي وهي بترضع مياه معدنية بس لغايه ماكبرت شويه وبدأت تاكل بقيت اشربها من المية العادية الي بشرب منها.. ودي النصيحه الي وصلتني من دكتور اطفال كبير ..قال ان دي المية الي هتشرب منها طول عمرها فخليها تتعودعليها وخلي كليتها تشتغل على هذا الاساس ..

قليل من التلوث مطلوب بل ومطلوب جدا لتقوية المناعة وتعويد الطفل على البيئة الطبيعية الي هيعيش فيها لان مش هنقدر نعقم له حياته طول عمره ...

اغابي..

على حد علمي الاملاح المعدنية مش مقصود بيها ملح الطعام وانما كذا صنف من ( الملح ) الي ملح الطعام هو واحد منها مش الكل ..

وبالتاكيد الفاضل عنبي عنده المعلومه الاكيده اكتر ..

[المهندسه]

والله يا doha انا كنت نازله اشترى المياه بتاعة الاطفال دى و اشوف نسبه الاملاح فيها قد ايه و اقارنها بالمياه العاديه البنشربها

لو اقل شويه يبقى كويس علشان كليتهم و بعدين ادخل شويه شويه فى استخدام الميه بتاعتنا و الله المستعان و ربنا يحمى ولادنا من اى شر يارب

و كل سنه و انتى و بنوتك بخير ورمضان كريم

[عنبو]

الاستاذ محمد عبد العزيز

فى حاجة لسه مش واضحة من المعترضين على موضة الفلاتر اللى بتقلل الأملاح بنسبة كبيرة جداً

الاعتراض مش على إن الفلاتر مش بتؤدى الوظيفة اللى بتتباع بيها, بالعكس الفلاتر دى فعلاً بتقلل الأملاح بنسبة كبيرة جداً, وهو ده الخطر الحقيقى وده اللى المعترضين بيحذروا منه.

اللى هو تقليل نسبة الأملاح فى الميه والجسم بيكون محتاجها, النصب بقى فى الحالة دى هو إن المندوبين بيقنعوا الناس إن نسبة الأملاح اللى فى الحدود الآمنة بمواصفات منظمة الصحة العالمية هى اللى مضرة, وبيستغلوا تفاعلات كيميائية بينتج عنها مواد بألوان تشمئز منها النفس الإنسانية فى إقناع الناس بشراء الفلاتر دى, وخداعهم بإن مية الفلاتر دى صحية عشان نسبة الأملاح قليلة جداً, وده هو اللى غلط.

الجسم بيحتاج نسبة أملاح معينة عشان يحافظ على توازنه ويحمى نفسه من أمراض مختلفة, وعلى ما أعتقد فى أملاح معينة مش بتكون متوفرة غير فى المياه.

أما بقى الرواسب الرملية اللى ممكن نشوفها, فهى دى الأملاح اللى بنتكلم عنها بس بعد ماتكون اتفصلت من الميه.

يعنى تخيلوا كده لما ندوب شوية سكر فى كوب مياه, هل بيبقى السكر باين وفى حالته الصلبة قبل الذوبان؟

أكيد لا.

ييجى بقى واحد يعرف شوية كيميا يقولك المية دى ملوثة وفيها رواسب وحثبت لك الكلام ده

ويعمل لك تجربة كيميائية يفصل فيها السكر عن الماء, ويترسب فى صورتة الصلبة قبل الذوبان.

هل انت كده اقتنعت إن الماء ملوث وانت بنفسك اللى لسه مدوب السكر من شوية؟

نفس القصة بتحصل مع الأملاح, اللى بتكون موجودة بنسبة محددة ومقننة حسب منظمة الصحة العالمية, لأن الجسم بيحتاجها.

كلام سليم ميه الميه

اغابى تسأل

طب سؤال لو سمحت مسيو عنبو

الفلتر الجديد داه

اشرب منه انا واولادى ولا خطر علينا

واستمر زى الاول على المية المعدنية

ولا اشرب من هنا وهنا

متشربيش منه لانه المياه الناتجه عنه غير مطابقه لمواصفات مياه الشرب اشربى المياه اللى الكل بيشتريها فى الخليج دى

كمان سؤال

الاملاح اللى انا محتاجالها

مش بتتعوض فى المخللات والاجبان والبرتقال وكل حاجة فيها ملح مش دى برضوه املاح

وكل داه وجسمنا لسة محتاج املاح تانى

ولا لازم الاملاح اللى فى المية اللى مش مفلترة

فيه عناصر كتير قوى فى المياه وبنسب مختلفه وهذه العناصر صعب انك تحصلى عليها من الاكل لان ممكن تكون اساسا مش موجوده فيه

ولما يقولوا مثلا ان المياه الصابحه للشرب تبدأ من 100 ppm يبقى اكيد عاملين جساب ان الراجل اللى هيشرب المياه دى اكيد بياكل يعنى

ضحى كتبت

مش عارفة ليه انا مش مع الراي ده .. بالنسبة لي كنت بشرب بنتي وهي بترضع مياه معدنية بس لغايه ماكبرت شويه وبدأت تاكل بقيت اشربها من المية العادية الي بشرب منها.. ودي النصيحه الي وصلتني من دكتور اطفال كبير ..قال ان دي المية الي هتشرب منها طول عمرها فخليها تتعودعليها وخلي كليتها تشتغل على هذا الاساس ..

قليل من التلوث مطلوب بل ومطلوب جدا لتقوية المناعة وتعويد الطفل على البيئة الطبيعية الي هيعيش فيها لان مش هنقدر نعقم له حياته طول عمره ...

انا بتفق تماما مع الرأى ده وعندى نظريه غريبه شويه ان كل لما الانسان يثق فى الحاجه اللى بيتناولها كل لما تكون الافاده اكبر واكبر وكل لما الانسان يبقى موسوس وياكل حاجه هو شاكك فيها عمرها ما هتفيد فى جسمه بل ممكن تضره ضرر كبير قوى

ربنا جعل فى الجسم حاجه اسمها موديفيكاشن يعنى الجسم بيتأقلم على حسب الظروق وبيتعايش معها

وفيه نوع من الامراض غريب قوى اسمه امراض المناعه الذاتيه او الاتوميونو ديذيذ

وده بقى لحد انهارده مالوش سبب معين او بيقولوا عليه فى الكتب وز ان نون ريزون

ولكن سمعت من دكتور بيقول ان من ضمن الاسباب الحاله النفسيه وفكرة الانسان عن نفسه

كتير قوى بشوف ناس ربنا مش بيكتب ليهم الشفا الا على ايد طبيب واحد بس هم واثقين فيه مع ان الطبيب ده بيكتب نفس الدوا

ونفس كل حاجه بس ثقته فى الطبيب هى اللى خلت جسمه يستجيب للدوا

وتعالى بقى شوف الناس البسيطه قوى لما ياكل فراح مثلا الفراخ البيضه دى

ويقعد بقى يقولك على الطاقه اللى اكتسبها وان صحته ردت وانه واثق جدا فى الاكل

على العكس من الجماعه اللى لابسين نظارات لما ياكل فرخه بيضا يقعد بقى يحسب الهرمونات ومعرفش ايه

وتحس انه مرض

الجسم بشرى ده حاجه غريبه قوى لازم نأخذ فى الاعتبار عند التعامل معاه

الجانب العضوى والجانب النفسى والاتنين بنفس الدرجه

لذلك انا اتفق مع ضحى

فى ان لازم منقفلش قوى على اولادنا ونسيبهم يتعاملوا مع البيئه علشان ياخدوا مناعه

انا طفل قريبى مره واحد تاجر بهايم باسه كانت مشكله والواد تعب ودخنا به عند الاطباء

وطفل تانى طول النهار فى الشارع يجرى ويلعب ويروح ويجى وبسم الله ما شاء الله عليه

صحته كويسه جداً

العموم ياريت منخليش اولادنا زى الفراخ البيضا

تحياتى

عنبو

[yasser moustafa]

وتأكيدا لكلام ضحى وعنبو

قريت من كام شهر انه فى بريطانيا بيحذروا من النظافة المبالغ فيها للأطفال، لأن وجود بعض الميكروبات ينمى المناعة لديهم

وفى مقولة فى مصر بالنسبة للأكل - ان البطن على ما تعودها

يعنى تعودها على الفول والطعمية والملوخية والاكلات المصرية الجميلة واللى ممكن تسبب المغص لأشخاص بيأكلوها لأول مرة

وفى مسل بلدى بيقول - ابن الهبلة بيعيش اكتر

[احمد رضوان]

نسبة الأملاح في المياة الصحية لا تزيد عن 500 طبقا لمنظمة الصحة العالمية

النسبة الأمثل في حدود 120

المياة الخالية من المعادن أو القليلة المعادن المذابة غير صحية وهناك أبحاث أنها تدمر جدار المعدة (جريدة الرياض) لذا في حال شراء محطة تنقية يجب أن تكون معها صمام لتحديد نسبة الأملاح المذابة في الماء الناتج عنها وذلك في حدود 120

يوجد جهاز لقياس درجة الأملاح المذابة إسمة تي دي إس

TDS

ويباع بسعر من 70 إلى 150 ريال عند سمنان

ذلك والله أعلى وأعلم

[اغابي]

على فكرة يا جماعة بمناسبة الجهاز اخر الاخبار يعني

الجهاز موفر جدا زى ما ضحي قالتلى قبل كدا

انى اشترى 5 كراتين مية معدنية كل شوية داه خلاص بطلناه - ودى ميزة واضحة جدا

واى اضرار مفيش بالعكس دا انا مشترية دماغى وموفرة فلوس ومتابعة معاهم

لانهم اتصلو بيا الصيانة مرتين بيطمنوا على اخبار الجهاز

او لو فيه اى مشكلة - بس لغاية دلوقتى كله تمام

اغابي