ايه مده هذه الاجراءات

[حنين حسن]

عاوزا اعرف بس ايه هى المده اللى بياخدها اجراء الاستقدام من اول التقديم عليه الى ان يستلم الزوج الاستقدام والحمد لله كل اوراقنا جاهزه ومصدقه وموثقه

وكذلك الوقت اللى بتاخده الزوجه من اول ارسال تاشيره الاستقدام الى ان تسافر الى الزوج وبرضوا كل اوراقى جاهزه اضافه ابنى ع الباسبور وكل شئ

وشكرا للافاده

[aboueyad alex]

نبدء من الاخر وهو الاسكندرية

بالنسبة لحضرتك أول لما تستلمى الخطاب الخاص بالاستقدام من زوجك نقول مثلا استلمتيه الجمعة وحتبدىء اجراءتك السبت

تروحى مكتب الحى اللاتينى السبت صباحا على 8.30 أو 9 بكتيره حيعملولك رقم النت وده بياخد حوالى من ساعة لساعة ونصف أول لما يطلع رقم النت لحضرتك بتروحى راكبه تاكسى وتقوليله مستشفى السلامة الجديدة ( لأنها أقرب لمكتب الحى اللاتينى ) وتروحى عامله الكشف الطبى وده حياخد منك حوالى ساعة بكل إجرائته ومبلغ 220 جنيه بس خدى زيادة احتياطى ومش حتستلمى نتيجة فى ايدك لأنها بتروح تلقائى على القنصلية السعودية بالاسكندرية

بس بأكد عليكى خلى زوجك يبعتلك الاستقدام على مكتب الاسكندرية

لو حضرتك خلصتى قبل الساعة 12 يبقى جرى على معامل مستشفى الحميات بالحضرة وتعملى التحاليل هناك لو تأخرتى عن 12 يبقى تانى يوم على طول 9 صباحا تكونى هناك وبرده النتيجة بتروح على القنصلية خلصتى الاجراءات دياه ترجعى على المكتب وتديله الاوراق والباسبور وتنتظرى على يوم الخميس تسألى يكون الباسبور فى ايدك على الخميس بعد 4 ونصف عصرا

إستلمتى الباسبور بأمر الله على خير جرى تحجزى الطيران أنا مش عارف على فين عشان اقولك أحسن حاجة وارخصها اليومين دول ايه علشان ده موسم ذهاب وعودة

نيجى لزوجك إجراءته هناك برده فين فى المملكة ؟؟ مش بتاخد غير يوم بأمر الله بس يكون وظيفته مسموح لها بإستقدام والورق كله سليم

[Melhakim]

بعيدا عن الموضوع بس لفت انتباهى عنوانه لأنى معرفتش اقرأه هل العنوان هو مدى هذه الاجراءات ولا مدة هذه الاجراءات

(( التاء المربوطة هي التي تنطق هاءً عند الوقوف وتاءً عند الوصل , ولابد أن تعلوها نقطتان , وتكتب (ـة) و ( ة)فلو واصلنا النطق في قولنا ( هناك حديقةٌ واسعة ) لنطقناها تاء ولو وقفنا عند حديقة لنطقناها ( هاء ) مع بقاء النقطتين ))

[se_ Elsyed]

يا أخت حنين .. لو سمحتي .. جمعي كل تساؤلاتك في موضوع واحد وبلاش كل سؤال تفتحي له موضوع مستقل .. بالرغم أن تساؤلاتك كلها عن الاستقدام تم الاجابة عليها في موضوعات عديدة

[حنين حسن]

اسفه لو كنت فتحت للموضوع اكثر من سؤال بس دا لانى لسه جديده ع المنتدى

وبالنسبه لحرف ال (ه) او (ة) يمكن انا بكتب بسرعه بس لكن انا كتابتى عروضى وهجائها صحيح وعروضى دى جزء من قواعد اللغه العربيه يعنى المشكله التعود على الكتابه فقط ع الكى بورد عمتا انا لغه عربيه فمثال هناك حديقه واسعه او كما كتبت هناك حديقة واسعة انا استطيغ قراتها بنفس المعنى فى الحالتين لانه تخصصى

اما بالنسبه لاخى ابو اياد مشكور جدا اهتمامك بالرد على اسئلتى انا زوجى فى الرياض وهو مراجع حسابات واكدت عليه انه يبعتلى على الاسكندريه

وربنا يسهل تخلص اجراءات اقامته ويخلص على طول اجراءات الاستقدام لانه سكنه متوفر وكافه شئ اتاحها له عمله لانه مع ناس محترمه جدا واول ماتصل الى التاشيره ساقوم بعمل كل الاجراءات اللى ذكرتها وباذن الله يتيسرلى الامر وانهى اجراءات الخاصه بالكشف الطبى والتحليل بنفس اليوم

شكرا اخى وبارك الله فيك