يطلق زوجته بسبب عملية تجميل

[Mohammad Abouzied]

يطلق زوجته بسبب عملية تجميل (09-06-2004)

قام الرجل الصيني جيان فنج، البالغ من العمر 38عاماً بمقاضاة زوجته بعد تطليقها وطالب أيضا بتعويض مالي يعادل خمسة وخمسين ألف جنيه إسترليني بعد أن اكتشف أنها أجرت عملية جراحية تجميل قبل أن يلتقيا.

وقد بدأت المشكلة عندما أنجبت الزوجة طفلة دميمة أثارت شكوك الزوج في أن الأم على علاقة مع رجل آخر.

وقد اعترفت الزوجة بأنها خضعت لعملية جراحية تجميل أجريت لها في كوريا الجنوبية، بتكلفة تعادل سبعين ألف جنيه إسترليني كما قدمت له صورة توضح كيف كان شكلها قبل العملية، فما كان من الرجل إلا أن أقام دعوى للمطالبة بالطلاق والانفصال عن امرأته بعد عامين من زواجهما وبعد قصة حب عنيفة.

وقد نشرت إحدى الصحف أن الزوج المخدوع كسب القضية لأنه كان ضحية الغش والخداع.

[Cleo]

أمال لو اتجوز إليسا ولا نانسى عجرن كان ولع فى روحه؟؟

[فــيــروز]

وقد بدأت المشكلة عندما أنجبت الزوجة طفلة دميمة أثارت شكوك الزوج في أن الأم على علاقة مع رجل آخر.

دى حاجه لطيفه خالص :P

نفهم من هذا ان لو رجل وسيم تزوج امراه جميله "من غير عمليات تجميل" :D يبقى حتما ولزما ومن كل بد ينجبوا طفله جميله !! mfb: ولو البنت طلعت مش حلوه يرجعوها مثلا ولا يعملوا فيها ايه!! :P الرحمه من عندك يا رب

تم تعديل 12 يونيو 2004 بواسطة فــيــروز

[se_ Elsyed]

قام الرجل الصيني جيان فنج، البالغ من العمر 38عاماً بمقاضاة زوجته بعد تطليقها وطالب أيضا بتعويض مالي يعادل خمسة وخمسين ألف جنيه إسترليني بعد أن اكتشف أنها أجرت عملية جراحية تجميل قبل أن يلتقيا.

طب انا مستعد اتجوز ام سحلول نفسها ومن غير عمليات تجميل ولا أي مرمات بس تصارحني قبل الجواز بحالتها وتلايمني على المبلغ ده : عندك 55 ألف إسترليني ..قول في 10 جنية يعني بنتكلم في حسبة نص ارنب ..... قشطة ونعمة ورضا .. أشتري بربعهم تاكس عالزيرو من غير أقساط أشتغل عليه بعد الضهر .. والربع التاني أشتري بيه شهادات إستثمار المجموعة أ عشان لما ام سحلول تموت اتجوز بالمبلغ واحده تانية تعوضني عن أيامها السودا واهو يبقى من دقنه وإفتله .. والربع التالت أشتري به نص طن حبوب منومة من النوع اللي بينيم الفيل وكل يوم ابلبع قد 10 حبات وانا طالع على السلم قبل مادخل الشقة عشان أتدرمغ وماشوفش خلقتها .. والربع الأخير أكتب به وصية عشان لو مت قبلها يبقى الورثة يشتروا به شوريك وبلح وقرص بعجوة ويطلعوا بيها القرافة ويفرقوها على روحي لعل وعسى ربنا يغفر لي إثمي وخطيئتي في حق نفسي ...

وقال على رأي المثل " يا واخد ام سحلول على مالها ... بكره تغور ام سحلول ويفضل لنا مالها "

أو المثل الأخر

" لاجل النص أرنوب تنسقي أم سحلول "

وبعدين انا أبتديت أقلق عليك يا عم محمد .. إيه حكايات الطلاق الكتير اللي عمال تتكلم فيها دي ؟.. مش عارف مين اللي طلق مراته عشان بتتكلم في التليفون والفاتورة جاتله 35 جنية .. وواحد تاني مراته مناخيرها طويله وبعد ما قصرتها وظبطتها وبقت قد النبقه يقوم راميها في الشارع ... الكلام الكتير في الحاجات دي مش كويس على العقل الباطن .. إسمع كلام اخوك الصغنن س س .