انتهاء الاقامة والتأمين .... وأشياء أخرى

[الاسم مصري]

السلام عليكم ورحمة الله وبركاته

في البداية أنا سعيد جدا بتفعيل عضويتي وإني هكون على اتصال بأهل خبرة مثلكم

مشكلتي هسردها في نقاط علشان اختصر ولو احتجتكم تفاصيل تانية تحت أمركم

اقامتى انتهت بتاريخ 30/05/2010

عقدي انتهى بتاريخ 30/03/2010

قدمت طلب انهاء عقد بتاريخ 30/01/2010

ونظرا لان المدير كان مسافر ومكنتش عارف الظروف اللي هتحصل عملت لزوجتي خروج وعودة لحد اخر يوم في الاقامة ونزلت مصر في شهر مارس 2010

للولادة

واخيرا ودوا اوراقي للجوازات اخر يوم في اقامتي لعمل الخروج النهائي فالورق رجع نظرا لان زوجتي خروج وعودة ولازم اسقطها من الكمبيوتر الاول

وبالتالي لابد من دفع رسوم الاقامة والغرامة لعمل الخروج

وقالوا هتتخصم عليك وقلت مش مشكلة لاني عايز انزل

ووقفت عن العمل من 15/6/2010 في انتظار تاشيرة الخروج

شوية المكتب مش شغال وشوية ناقص تفويض وهكذا وفي الاخر الورق رجع من الجوازات تاني وقالوا لازم يتدفع له تامين

مع العلم ان متعمليش تامين السنة اللي فاتت لاني الوحيد على الكفالة ( والدة صاحب العمل ) وهو كفيل بالوكالة

المهم بعت ايميل للجوازات اسالهم قالوا لا مش لازم تأمين

كلمت اصحاب العمل وقلتلهم كده وخدوا برينت من الايميل وودوه للمكتب وبرضه رجع وبيقول ان موظف الجوازات زعق فيه

اتصلت بالجوازات بشئون الوافدين قاللي مش معقول هيتعمللك خروج وهتدفع تأمين

قلت له ايه الحل؟ قاللي الكفيل يروح لمدير الجوازات

الكفيل رفض يروح وقال مش فاضي

قلتلهم خلاص اعملوا التأمين وأمري لله بس الموضوع يخلص

الورق اتقدم في شركة التأمين TUCI من 28/07/2010

ولحد الان كل ما ادخل استعلم برقم الاقامة في موقع الداخلية يقوللي لا توجد بيانات محددة

ومش عارف اسأل مين , بتصل بشركة التأمين مش بترد

ومش عارف لو رحت هيفيدوني ولا لازم حد مفوض يروح؟

وهل عمل التأمين بياخد الوقت دا كله

لاني عايز انزل قبل رمضان ان شاء الله وليا شهرين بدون عمل

جزاكم الله خيرا

[الاسم مصري]

للرفع

بارك الله فيكم

[ام الهنا]

فرج الله همك وكربك ان شاء الله

[الاسم مصري]

فرج الله همك وكربك ان شاء الله

جزاكم الله خيرا

أصحاب الخبرة في مجال التأمين لو تعرفوا تفيدوني

بارك الله فيكم

[خالد شحاته]

الاخ الفاضل

السلام عليكم ورحمة الله وبركاته

التامين بخلص في ساعه بس انت كان عندك حل من الاول قبل انتهاء الاقامه كنت كتب علي نفسك اقرار بعدم رجوع الاسره الي المملكه وبكدا بتخد تاشيره الخروج النهائي انما الان الاقامه انتهت فعلا للازم تامين علشان يقبل النظام التاشيره وربنا ييسر لك الامور ان شاء الله