استفسار عن جمارك لاب توب

[yamen]

السلام عليكم

انا ان شاء الله نازل مصر و معايا اتنين لاب توب فى الهاند باج واحد بتاعى و التانى هدية لاخى

هل ممكن يدفعونى جمارك بسبب ان معايا اتنين ؟

لو حد عنده تجربة مماثلة ياريت يقولى رأيه

وشكراااااااااااااا

[هيشو]

حط الاتنين في شنطة لاب توب واحد

اصلا النشطة دي محدش بيفتحها من بتوع الجمارك

اللاب توب بقي في الدنميا كلها خلاااااااااص

و المهم ان ميبقاش في كرتونة

إن شاء الله تطبق الكرتونة و تحطها في شنطة الهدوم

لكن اللاب توب يبقي من غير كارتونة معناه للأستخدام الشخصي

[engmido]

تمام يا هيشو

[doha]

من سنة تقريبا نزلت مصر ومعايا اثنين لابتوب .. برضه واحد بتاعي وواحد جديد والدي كان باعته معايا لاخويه ..

كنت هاخذه بكرتونته عشان ( يفرح بيه ) بس ملقيتش لها مكان في الهاندباج فخلعته من كرتونته وحطيته فيها عادي وبتاعي كان على كتفي في شنطته عادي برضه .. محدش قالي انتي فين ولا حد جمرك حاجه .. برضه وانا راجعه المرة دي كان اللابتوب على كتفي ورايحه جايه في صالة الجمارك وطلعت ودخلت كذا مرة ومحدش قالي خالص حاجه عليه ..

بس ملاحظه خلي بالك الكرتونه بيكون عليها الرقم المسلسل للجهاز واحيانا الضمان .. فزياده احتياط لو هترميها اقطع الجزء ده منها وحطه معاك لانك ممكن تحتاجه ..

[engmido]

او لو حتى الكرتونة مهمة طبقها جوه الشنطة مش اشكال

لحسن حظك يقع فى موظف كده ولا كده

[yamen]

انا متشكر جدا

و كل سنة و انتم طيبين جميعا