رمضان وعيد كندا

[Damo]

السلام عليكم

ترددت كتير قبل ما افتح الموضوع ده عشان باب كندا مليااان عمالقة والواحد خايف ميبقاش قد المقام

من الاخر أنا فاتحة الموضوع ده عشان رمضان والعيد

هتقولولي مدورتيش وفي مواضيع اتفتحت قبل كده على رمضان في كندا

هقولكم لأ دورت ولقيت لكن اللي لقيته مواضيع فيها تصادمات وتشتيت كتير فقلت لأ ملوش لازمه نطلع في مشاكل قديمة.

نفتح موضوع جديد ونبتدي صفحة جديدة أحسن

ويا ريت يا جماعة نمسك نفسنا شوية. أنا حابه الموضوع يكون غايته المشاركه مش الجدل. عايزين موضوع نعرف نكمل عليه كل سنة...مش نفتح حاجة جديدة عشان السنة اللي فاتت حصل كذا

هنا هنعمل أي حاجة ليها علاقة برمضان. لو مثلا حد لقي مكان فيه مسلمين وعاملين أي زينه أو حاجة ليها علاقة برمضان ينشر صور. يعرف تجمعات أو أي اكشن له علاقة يشاركنا. لو حد عامل شقلباظ في الجدول اليومي عشان رمضان يقلنا...أي حاجة فيها كلمتين : رمضان +كندا

يلا توكلنا على الله

تم تعديل 7 أغسطس 2010 بواسطة Damo

[Damo]

بسم الله الرحمن الرحيم

أنا اول حاجة عايزه أقولها : هتعرفوا أخبار الهلال ازززاااي؟؟؟

مشكلة فظيعة عندنا منعرفش حد ومشعرفين هنعرف إزاي رمضان يبدأ امتى

تم تعديل 7 أغسطس 2010 بواسطة Damo

[yosef elmadysm]

مواعبد الصلاة

تم تعديل 7 أغسطس 2010 بواسطة yosef elmadysm

[MZohairy]

من اصعب الرمضانات اللي عدت عليا في حياتي هو رمضان اللي فات في فانكوفر

رمضان ابتدا و الفجر على اتنين و نص صباحا و المغرب تسعه و نص مساء تقريبا

يعني الصيام حوالي 19 ساعه و الفطار حوالي 5 ساعات

يعني على ما الواحد يفطر و يصلي العشا و التراويح يكون الفجر على الأبواب

mfb: mfb: mfb:

[اغابي]

شكرا يا دامو على الموضوع الجميل

لانه سمح لنا نسمع صوتك تانى

بدل ما بتغطسي مرة واحدة وتختفى

اهو بكدا اضمن انى اسمع صوتك على المحاورات يوميا

وكل سنة واخوانى المسلمين طيبين

وتقبل الله صيامكم

وكل عام وانتم بخير

اختكم اغابي

[لماضة مصرية جدا]

السلام عليكم

هنا هنعمل أي حاجة ليها علاقة برمضان. لو مثلا حد لقي مكان فيه مسلمين وعاملين أي زينه أو حاجة ليها علاقة برمضان ينشر صور. يعرف تجمعات أو أي اكشن له علاقة يشاركنا. لو حد عامل شقلباظ في الجدول اليومي عشان رمضان يقلنا...أي حاجة فيها كلمتين : رمضان +كندا

يلا توكلنا على الله

و عليكم السلام و رحمة الله و بركاته

براااااااااااااااااافو يا دامو....بجد مبسوطة جدا انك بتاخدي الخطوة دي...ربنا هيفتح ليكي ابواب انتي مش متخيلاها و بكرة تقولي لماضة قالت

بصي يا ديمو...انا بحب دايما نبتدي بنفسنا و عشان كده ابتدي انتي بزينة رمضان في المكان اللي انتي موجودة فيه

ع فكرة انتي كمان ممكن تعملي فانوس....اخويا كان بيعملنا حاجات كده و احنا صغيرين و نجيب لمبات صغيرة وورق ملون و حركات

ابتدي بزينة للبيت عندكم من جوه...و بعدين لو ممكن قدام البيت لو مش فيها مضايقة للجيران

كنت سالتك قبل كده ع المركز الاسلامي....ممكن تلاقي فيه جنسيات تانية كتير...و ماله يا بنتي فرصة تلفي العالم و انتي قاعدة في كنكا...

و لو لقيتي جامع ابتدي كوني مجموعة ممكن من بنات تلاقيهم في سنك....و اعملوا وقت تتجمعوا فيه في الجامع في الصلاة او في قراءة القراءن

لو منفعشي.....شجعي امام الجامع انه يقدم محاضرة للشباب و الشابات....روحي و قابليه و اطلبي منه يخصصلكم حاجة زي كده

اسالي في الجامع او المركز الاسلامي هل فيه افطار جماعي مثلا...و ده هيكون فرصة هايلة للتعارف و التقارب بين الناس حتي برضه لو جنسيات تانية

طب سؤال تاني الجالية المصرية فين؟؟؟

انا عارفة انك بتحاولي من خلال التوبيك دوت انك تتواصلي معاهم....بس ليه منكتشفشي طرق تانية...

انا جربت كده لما كنت في الامارات و الحقيقة المكتب الثقافي بتاع القنصلية بجد كان بيحسسني اني في مصر في كل حاجة (حتي لما كنا بنعمل محاضرة و الناس تخش تقاطع بعضيها....اييييييه ايام)

طبعا زمانك بتهرشي في راسك و بتقولي.....ايه اللي جابك هنا يا لماضة

معلشي

بس حبيت اطمن عليكي

و ااقولك برافو bv:-

مساااكي تواصل......خاص جدا....حتي لو بينا محيطين...او بحرين....او حتي ترعتين

[Damo]

مواعبد الصلاة

متشكرين جدا استاذ يوسف

ميزة الجدول ده ان فيه التواريخ الاتنين الميلادي والهجري عشان الواحد يبقى واخد باله هو فين منين

متشكرين مره تانيه

من اصعب الرمضانات اللي عدت عليا في حياتي هو رمضان اللي فات في فانكوفر

رمضان ابتدا و الفجر على اتنين و نص صباحا و المغرب تسعه و نص مساء تقريبا

يعني الصيام حوالي 19 ساعه و الفطار حوالي 5 ساعات

يعني على ما الواحد يفطر و يصلي العشا و التراويح يكون الفجر على الأبواب

mfb: mfb: mfb:

ههههه يعني الواحد يقضي بليل كله يا أما صلاة يا أما اكل

آهو السنة دي هنبتدي 16 ساعة وشوية. بس أنا اعتقد إن حتى في الايام الطويلة لو مشغول طول اليوم مش هتحس بالوقت خالص ولا إيه ؟

عموما رمضان اللي فات أنا كنت في نيوزيلاند ومكنش طويل زي هنا . فيمكن اغير رأيي بعد التجربة wst::

شكرا يا دامو على الموضوع الجميل

لانه سمح لنا نسمع صوتك تانى

بدل ما بتغطسي مرة واحدة وتختفى

اهو بكدا اضمن انى اسمع صوتك على المحاورات يوميا

وكل سنة واخوانى المسلمين طيبين

وتقبل الله صيامكم

وكل عام وانتم بخير

اختكم اغابي

أهلا أهلا اغابـي :)

أهو حاجة صغيرة كده بس أتمنى الموضوع ينجح بس bv:-

وبعدين أنا هنا كل يوم بس ببص من بعد

ابقي ركزي هناااك ورا الشجر هتلاقيني متشعبطة وبراقب لزوم الأمن طبعا -_-

تحياتي

دامو

[Damo]

السلام عليكم

هنا هنعمل أي حاجة ليها علاقة برمضان. لو مثلا حد لقي مكان فيه مسلمين وعاملين أي زينه أو حاجة ليها علاقة برمضان ينشر صور. يعرف تجمعات أو أي اكشن له علاقة يشاركنا. لو حد عامل شقلباظ في الجدول اليومي عشان رمضان يقلنا...أي حاجة فيها كلمتين : رمضان +كندا

يلا توكلنا على الله

و عليكم السلام و رحمة الله و بركاته

براااااااااااااااااافو يا دامو....بجد مبسوطة جدا انك بتاخدي الخطوة دي...ربنا هيفتح ليكي ابواب انتي مش متخيلاها و بكرة تقولي لماضة قالت

بصي يا ديمو...انا بحب دايما نبتدي بنفسنا و عشان كده ابتدي انتي بزينة رمضان في المكان اللي انتي موجودة فيه

ع فكرة انتي كمان ممكن تعملي فانوس....اخويا كان بيعملنا حاجات كده و احنا صغيرين و نجيب لمبات صغيرة وورق ملون و حركات

ابتدي بزينة للبيت عندكم من جوه...و بعدين لو ممكن قدام البيت لو مش فيها مضايقة للجيران

كنت سالتك قبل كده ع المركز الاسلامي....ممكن تلاقي فيه جنسيات تانية كتير...و ماله يا بنتي فرصة تلفي العالم و انتي قاعدة في كنكا...

و لو لقيتي جامع ابتدي كوني مجموعة ممكن من بنات تلاقيهم في سنك....و اعملوا وقت تتجمعوا فيه في الجامع في الصلاة او في قراءة القراءن

لو منفعشي.....شجعي امام الجامع انه يقدم محاضرة للشباب و الشابات....روحي و قابليه و اطلبي منه يخصصلكم حاجة زي كده

اسالي في الجامع او المركز الاسلامي هل فيه افطار جماعي مثلا...و ده هيكون فرصة هايلة للتعارف و التقارب بين الناس حتي برضه لو جنسيات تانية

طب سؤال تاني الجالية المصرية فين؟؟؟

انا عارفة انك بتحاولي من خلال التوبيك دوت انك تتواصلي معاهم....بس ليه منكتشفشي طرق تانية...

انا جربت كده لما كنت في الامارات و الحقيقة المكتب الثقافي بتاع القنصلية بجد كان بيحسسني اني في مصر في كل حاجة (حتي لما كنا بنعمل محاضرة و الناس تخش تقاطع بعضيها....اييييييه ايام)

طبعا زمانك بتهرشي في راسك و بتقولي.....ايه اللي جابك هنا يا لماضة

معلشي

بس حبيت اطمن عليكي

و ااقولك برافو bv:-

مساااكي تواصل......خاص جدا....حتي لو بينا محيطين...او بحرين....او حتي ترعتين

يا ولكم يا ولكم

احنا بنرحب بالكل يا ريهام مش لازم تبقي في ترعه قصدي كندا عشان تشاركي

موضوع الزينا ده مش خطر على بالي!!! عندك حق أنا هزين البيت من جوه بس مشعرفة موضوع بره ده هينفع ولا لأ...هجس نبض كده واشوف

أنا فعلا نفسي موت اتعرف على مصريين هنا. شم النسيم اللي فات سمعنا عن تجمع بس كان في ميساساجا وقابلنا مصريين كتير هناك بس كلهم ساكنين في ميساساجا احنا بس اللي كنا جايين سفر ...فكان صعب قوي نفضل in touch

عموما يمكن اقابل حد لما الجامعه تبدأ

نرجع لرمضان بقى ...الجامع القريب مننا كله هنود يا لماضة :unsure:

احنا في الاخر كلنا مسلمين آه بس أنا مجربة من نيوزيلاند :unsure: وكنت افضل الاقي حته العرب فيها (وأحسن كمان لو مصريين )

كان في توبـيك اتقال فيه مكان مسجد كلو مصريين وصدفة أول ماجينا شفت المسجد ده. المشكلة بقى اني مشعرفة شفته فين عشان كنت لسة معرفش المنطقة بس اللي فاكراه اني كان قريب من اوتيل كده هابقى أسأل عليه وأروح اتمشى في المنطقة

وحاضر اول ماالاقي حد مسلم في سني هلزقلو :lol:

تم تعديل 7 أغسطس 2010 بواسطة Damo

[لماضة مصرية جدا]

داااااااااااامو.....لازم ازعق....

هيييييييييييه

بصي بقي

انتي اكتبي الجملة دي في الجوجل سيرش بوكس

طريقة عمل فانوس

و هتلاقي خطوات كتير و صور كمان.....انا خفت احطها في التوبيك هنا احسن حد يفتكر ان احنا هنتكلم عن زينة رمضان...و يضربني ويضربك....آه يا عيني...(وش سعيد صالح في المشاغبين)

يالا بقي ورينا الهمة

مساااكي فانوس منور

[MoeTdot]

كان في توبـيك اتقال فيه مكان مسجد كلو مصريين وصدفة أول ماجينا شفت المسجد ده. المشكلة بقى اني مشعرفة شفته فين عشان كنت لسة معرفش المنطقة بس اللي فاكراه اني كان قريب من اوتيل كده هابقى أسأل عليه وأروح اتمشى في المنطقة

Salaheddin Islamic Centre

741 KENNEDY RD, Scarborough, Ontario‎ - (416) 264-3900‎

Muslin Association of Canada-Masjid Toronto

168 DUNDAS ST W, Toronto, Ontario M5G 1C6‎

[Damo]

انتي اكتبي الجملة دي في الجوجل سيرش بوكس

طريقة عمل فانوس

أنا روحت كاتبه الكلمة دي في يوتيوب (بستسهل ) وطلعلي حاجات حلوة قوي

ان شاء الله هحاول أعملهم خلال الاسبوع الجاي وله كده هاخد صور واواريهالكم

كان في توبـيك اتقال فيه مكان مسجد كلو مصريين وصدفة أول ماجينا شفت المسجد ده. المشكلة بقى اني مشعرفة شفته فين عشان كنت لسة معرفش المنطقة بس اللي فاكراه اني كان قريب من اوتيل كده هابقى أسأل عليه وأروح اتمشى في المنطقة

Salaheddin Islamic Centre

741 KENNEDY RD, Scarborough, Ontario‎ - (416) 264-3900‎

Muslin Association of Canada-Masjid Toronto

168 DUNDAS ST W, Toronto, Ontario M5G 1C6‎

ايوووووه ه بتاع dundas ده

ألف ألف شكر استاذ MoeTdot

[yassergaafar]

على فكره

أنا كنت قضيت رمضان فى أمريكا

و مره إتعزمت على إفطار جماعى فى مسجد كل إللى فيه أتراك

و الله كنت حعيط من كتر إنبهارى بتكاتفهم مع بعض و حبهم لبعض

بجد الجاليه التركيه فى الغربه تشرح القلب

[samehelgilany]

تقبل الله منكم الصيام وكل عام وأنتم بخير

[Rock]

كل سنة و اخواتي المسلمين بالف خير بمناسبة حلول شهر رمضان

:roseop: :roseop:

[Damo]

على فكره

أنا كنت قضيت رمضان فى أمريكا

و مره إتعزمت على إفطار جماعى فى مسجد كل إللى فيه أتراك

و الله كنت حعيط من كتر إنبهارى بتكاتفهم مع بعض و حبهم لبعض

بجد الجاليه التركيه فى الغربه تشرح القلب

عقبالنا يا استاذ ياسر :rolleyes:

[Damo]

يا جماعة لو سمحتم اللي يعرف رمضان بكرة ولا لأ يقولي أنا صوابعي ورمت من الإتصال بالجامع مشغووووول علطول

[yosef elmadysm]

كل عام وانتم بخير

العيد ان شاء الله يوم الجمعة 10/9/2010

بعض الجاليات ستحتفل بالعيد يوم السبت

المشكله التى ظهرت ان يوم السبت هو 11/9/2010

يعنى 11 سبتمبر

ولو احتفلنا بالعيد

هيتفهم اننا بنحتفل بذكرى 11 سبتمبر

و القنوات الامريكيه شغاله

طيب نعمل ايه ؟

تم تعديل 7 سبتمبر 2010 بواسطة yosef elmadysm

[Damo]

كل عام وانتم بخير

العيد ان شاء الله يوم الجمعة 10/9/2010

بعض الجاليات ستحتفل بالعيد يوم السبت

المشكله التى ظهرت ان يوم السبت هو 11/9/2010

يعنى 11 سبتمبر

ولو احتفلنا بالعيد

هيتفهم اننا بنحتفل بذكرى 11 سبتمبر

و القنوات الامريكيه شغاله

طيب نعمل ايه ؟

كل سنة وحضرتك طيب استاذ يوسف

احنا لو قعدنا نمشي ورا الميديا دي مش هنخلص لأن العيد لو مطلعش السبت مش هيغلبوا هيلاقوا غيرها

الدين بيقول نحدد يوم العيد من القمر..مش من امريكا. وبعدين كلهم عرفين كويس جدا ان العيد ده خبط لزق بعد رمضان ورمضان شهر والشهر ده ماشي مع القمر.

واكيييد حد في مكان ماهيطلع يقول بيحتفلوا ب11 سبتمبر سواء يومها أو اليوم اللي قبلوا.

يا أستاذ يوسف في ناس بتحب تكره نفسها في الاسلام والمسلمين , والمشي ورا كلام الميديا هويتهم.

من الاخر خليهم مع نفسهم..احنا نعمل اللي علينا وبس .

[Om Zayd]

السلام عليكم

عيد سعيد علينا جميعا

الموقع ده نفعني أوي لما كنت برة

http://www.zabihah.com/

مساجد و مدارس و مطاعم

بمناسبة الصيام ... كان في فتوى ل د. علي جمعة ان المسلمين في الغرب يمكنهم الصيام والإفطار بتوقيت مكة المكرمة إذا زادت ساعات الصيام على ‏18‏ ساعة‏" طبعا في آراء تانية

حاولوا تحضروا صلاة العيد حتى لو مش فيه مسجد عرب .. تكبيرات العيد و المسلمين بيقولوا لبعض "عيدكم مبارك" بالعربي مهما اختلفت لغاتهم بيخفف شوية الغربة

ربنا يكرمنا جميعا

[بيبو كندا]

كل عام و حضراتكم جميعا بخير