القبض على 900 تاجر مخدرات خلال شهر يوليه !!!!!!!!!!

[se_ Elsyed]

الخبر قرأته امبارح وأندهشت وما بقتش عارف أقول إيه

وعمال افكر من أمبارح

يعني أقول شكراً لرجال وزارة الداخلية وربنا يبارك لكم إنكم بتخلصونا من الناس اللي زي دي اللي تستاهل الشنق !!!

ولا أقول طب أنتي كنتي فين يا داخلية لما دول كبروا وبقوا تجار ووصل العدد للرقم المهول ده ... إجنا بنتكلم عن شهر واحد بس يا جماعة و 900 تاجر

ولا اقول وأشك إن ممكن يكون دول بساريا صغيرين وعيل سارح بباكته بانجو وبيتضحى بيه عشان الحيتان الكبار يعيشوا ؟

مما لا شك فيه إن في الشهور القليلة الأخيرة موضوع المخدرات في مصر إتوجه له ضربات متلاحقه قوية لدرجة إني ضحكت إن في مظاهرات في أسرائيل لحد دلوقت من الشمامين اللي بيتعاطوا مخدرات عشان ما بقاش المخزون اللي كان بيتهرب من مصر لإسرائيل قل جداً وبالتالي جسمهم نمل والعملية نشفت خالص ...

أتمنى إن الموضوع ما يكونش زي حملات المرور أو ييجي يقول لك " أسبوع المرور " وأختزلوا السنة ام52 أسبوع في أسبوع واحد

[تامر مصطفى]

تلاقي ال900 دول مدفعوش المعلوم الشهر اللي فات كما هو محدد لهم سلفا ودي قرصة ودن ليهم وفي نفس الوقت تحذير لمن تسل له نفسه بالتخاذل او التأخير في الدفع خصوصا ان الموسم بتاعهم قرب وهيضيع عليهم شغل العيد

تقبل تحياتي

[justtrying]

مصر اكبر مستهلك للحشيش والمواد المخدرة في الشرق الاوسط بلا منازع

وطبعا اعتقد والله اعلم لا يجب شكر وزارة الداخلية على سجن هؤلاء لان هذا اصلا عمل وزارة الداخلية والشرطة وهناك تقصير كبير جدا منهم

لأن اي حاجه بتحصل في البلد دي بمزاج الشرطة والجيش وكونهم انهم كبروا وفيهم ناس اكبر منهم بكتير فده ايضا بمزاج الشرطة والجيش

وهيه دي مصر بمنتهى البساطة هيه دي بلدنا

الراقصة والفنان ومعدومي الشرف هما الي بقوى اكابر القوم والشيوخ والعلماء بيهربوا برة مصر امثال الشيخ وجدي غنيم والدكتور زويل والشيخ القرضاوي وامثالهم كتير قوي قوي

حد لسه عنده امل ؟ !!!!

انا عن نفسي فقدت الامل من 3 سنين وعرفت انها خلاص خربت ومفيش اي نوع من انواع الامل للاصلاح

تم تعديل 8 أغسطس 2010 بواسطة justtrying

[Diab]

تلاقي ال900 دول مدفعوش المعلوم الشهر اللي فات كما هو محدد لهم سلفا ودي قرصة ودن ليهم وفي نفس الوقت تحذير لمن تسل له نفسه بالتخاذل او التأخير في الدفع خصوصا ان الموسم بتاعهم قرب وهيضيع عليهم شغل العيد

تقبل تحياتي

:lol: :lol: :lol: bv:- bv:- bv:- bv:- bv:- bv:-

[engmido]

لا حول ولا قوة الا بالله

لكى الله يا مصر

[جسار]

شاهدت منظرا فى الحى الذى أقطن به ، أضحكنى وأحزننى فى ذات الوقت ، داهمت الشرطة

المنطقة وجرى المخبرون وراء عيلين صغيرين معاهم لفة أو لفتين بانجو وقوام راحوا رامينيهم جوه البوكس

على القسم وهناك زلومة الاقرع اللى مابيرحمش ، وقلت فى نفسى كويس آهى الحكومة شغالة وعاملة منظر

وأنفض الجمع وتحركت بضعة أمتار ووجدت المخبر بتاع المنطقة أبو بالطو فى عز الصيف واقفا فى ركن من

الشارع و يستجدى الاتاوة من واحد من الصبيان السريحة وبيقوله : أنا مش حاخد أقل من خمسين جنيه

أنا رنيت عليك الموبايل لما عرفت أن الحملة طالعة ليكم ، عايز تضحك على بالعشرين جنيه دى

غيرى بياخد ورقة بمية متطبقة بس أنتوا معرفتى وزى أولادى .، ده أنا بأعملهالكم خدمة ، أى والله ..

[Howayda Ismail]

عاوزين نعرف بس المخدرات دى بتدخل اصلا البلد ازاى ولا الدولة منعت زراعة القمح وسمحت بزراعة بانجو

فاصبحت متوفرة ايسر من رغيف العيش مين بيدخلها غير الكبار اللى مش بيتفشوا وبيدخلوا من قاعة كبار الزوار

وبعض اعضاء مجلس الشعب معدومى الضمير ولا يكونش فى الحقائب الدبلوماسية حد يعرفنا