العشم القاتل وسيف الحياء

[مغتربة]

الموضوع مش مساله مين مسافر و لا مين قاعد فى البلد المساله مين بيعرف يفرض ارادته

تقول ايه فى بيت ملك من ثلاث شقق مشترك فيه جميع الورثه و البيت خالى الا من شقه واحد تسكنها قريبه من دائره المحارم

و اختها ساكنه برضه فى شقه جنب نفس البيت مفيش خطوه على رجلك و برضه عايشه لوحدها

طيب يا ستى يالى فى البيت اسكنى وع اختك و نسوا بعض و سيبى البيت علشان نعرف نبيعه و هو مصلحه ليكى برضه لانك شريكه فى الميراث يكون الرد لا لا يمكن اسيب بيتى

طيب بلاش تسبيه الشقتين الفاضيين هنوضبهم و نسكنهم نستفيد بايجارهم ولا بيعهم

لا انا ست وحدانيه و مقبلش حد غريب يدخل عليا البيت

طيب نشترى نصيبك و تطلعى لا انا عامله عقد ايجار بجنيه و نص يتيح ليا تملك الشقه مدى الحياه

و يكون فى علمكن الشقه من بعدى لبنتى ( بتها المتجوزة و عايشه مع زوجها فى ميسره اللهم لا حسد و استحاله تنقل من شقتها الفخمه للشقه المتواضعه دى )

و النتيجه يبقى الحال على ما هو عليه و التضرر يضرب راسه فى اتخن حيطه

رغم ان البيت فى مكان مميز و ارضه ممكن تتباع بمبلغ محترم

و النتيجه ان البيت عامل زى البيت الوقف بقاله اكتر من عشر سنين و اصبح منفعه خاصه لها

و تبقى حاير ما بين قطيعه رحم و ما بين اخذ حقك

تقول ايه فى قريب يستحل مالك مش مره و لا اتنين لا اكتر و من غير ما تعرف بالبدى بيسرقك جهارا نهارا و لما تكلم اخوه الاكبر يقولك انا عارف و حقوكم عندى و سلام على كده

و برضه يا قطيعه رحم يا تاخد حقك

تقول ايه فى اخوات متغربين ربنا يعلم اد ايه بيتعبوا فى القرش و كل ما ينزلوا يلاقوا دفاتر الحسابات الى ماسكها ليهم اخوهم الاكبر على كل قرش بيتصرف على امهم او حتى اى تجديد يقرروا يعملوا من غير ما يقولولهم فى البيت ( يعنى مش مصاريف ضروريه ) و هما بس الى يتحملوا كل المصاريف دى بما انهم طبعا هما بس المتغربين

و تدور السنين و تموت الام و يرجع المتغربين و يعيشوا يدوبك على القد مستورين قدام الناس و بس و اخوهم الاكبر دا الى كان بينتظرهم بلسته المطالبات الى عمره ما اتغرب يوم واحد و بيشتغل وضيفه حكوميه عنده بدل الشقه تلاته و بدل الارض اتنين

كفايه كدا و لا ايه

بس انا عندى و الله سؤال بجد ليه دايما الطرف المنهوب و المقور هو دايما الى بيراعى صله الرحم ليه الطرف الى قدامه و لا كان فى باله

و ليه دايما ناس بتدفعك انك لازم تختار واحد من اتنين مالهومش تالت يا حقك يا صله رحمك

يالله الحمد لله على كل حال

[se_ Elsyed]

بس انا عندى و الله سؤال بجد ليه دايما الطرف المنهوب و المقور هو دايما الى بيراعى صله الرحم ليه الطرف الى قدامه و لا كان فى باله

و ليه دايما ناس بتدفعك انك لازم تختار واحد من اتنين مالهومش تالت يا حقك يا صله رحمك

لأ مش دايماً ....

لكن بتبقى مسألة أخلاق مش اكتر ...

يعني أوقات كتيرة الطرف اللي يبستهبل بيستغل كرم أخلاق الطرف الأخر ويسوء فيها

[مصري أصيل]

ليه كده بس يا سي السيد بتقلب علينا المواجع و احنا داخلين علي شهر مفترج

موضوع مشابه او يمكن مطابق

http://www.egyptiantalks.org/invb/index.php?showtopic=84470&st=0&p=505199&fromsearch=1entry505199

طبعاً الخمسين يورو مش هيكفوا لأني مش بعرض مشكله دا انا بعرض موضوع بحاله فقولي عايز كام و ابعتهم امتي و ازاي و فين و يا تري أقدر ابعتهم بالريال الكويتي

لو اليورو مش متوفر؟؟؟؟؟

تم تعديل 10 أغسطس 2010 بواسطة مصري أصيل