سؤال عن حج الزائرين

[dena donia]

السلام عليكم

انا زوجى عمل زيارة لوالدى ووالدتى وان شاء اللة هيجو نصف رمضان وخدوا اقامة ثلاث شهور يعنى ان شاؤ اللة يحضروا الحج بس لى سؤال لو سمحتم زوجى عايز نروح حملة فى جدة واحنا فى الرياض بيقول علشان ناخد خدمة احسن بنفس السعر الحملات الموجودة بالرياض ونروح جدة بالعربية بس انا سمعت ان اللجان الموجودة على الطريق ممكن تمنع والدى ووالدتى من الوصول لجدة فهل هذا الكلام صحيح ولا لا ؟

وما هى اسماء الحملات الى اسعارها فى حدود 4000 ريال فى الرياض وهل السعر دة يدينا خدمة كويسة ولالا؟

[doha]

خليهم يجوا ويجربوا يمكن مين عارف ممكن جدا يعدوا من غير مشاكل .. عن نفسي مشفتش حد رجعوه من الطريق خالص وفي ناس بتحج وهي زياره عادي بل وفي ناس كتير بتحج بدون ترخيص عادي برضه .. المعلن ان الحاجات دي ممنوعه لكن وقت الجد محدش يقدر يمنع حد من بيت الله خاصه لو ربنا سبحانه عاوز الحد ده يحج مفيش قوة ممكن هتمنعه ..

بالنسبة لاسعار الحملات معنديش فكرة هتبقى بكام السنة دي بس السنة الي فاتت زوجي حجز على آخر لحظه وبالعافية لقينا حملة بـ 3500 على مااذكر او يمكن 3000 مش فاكره وكانت على مازوجي بيقول ممتازه جدا .. بس اذكر وقتها الناس قالت لنا ان كان ممكن جدا نلاقي حملات بـ 2500 بس لاننا حجزنا متاخر فملقيناش .. لو الاسعار فضلت زي ماهي فسعر 4000 ممتاز هتلاقي بيه حملات كويسه باذن الله بس خلي بالك 4 الاف للفرد الواحد مش الاثنين .. لو عاوزه للاثنين مش اقل من 5000 لهم مع بعض وممكن تزيد ..

[dena donia]

خليهم يجوا ويجربوا يمكن مين عارف ممكن جدا يعدوا من غير مشاكل .. عن نفسي مشفتش حد رجعوه من الطريق خالص وفي ناس بتحج وهي زياره عادي بل وفي ناس كتير بتحج بدون ترخيص عادي برضه .. المعلن ان الحاجات دي ممنوعه لكن وقت الجد محدش يقدر يمنع حد من بيت الله خاصه لو ربنا سبحانه عاوز الحد ده يحج مفيش قوة ممكن هتمنعه ..

بالنسبة لاسعار الحملات معنديش فكرة هتبقى بكام السنة دي بس السنة الي فاتت زوجي حجز على آخر لحظه وبالعافية لقينا حملة بـ 3500 على مااذكر او يمكن 3000 مش فاكره وكانت على مازوجي بيقول ممتازه جدا .. بس اذكر وقتها الناس قالت لنا ان كان ممكن جدا نلاقي حملات بـ 2500 بس لاننا حجزنا متاخر فملقيناش .. لو الاسعار فضلت زي ماهي فسعر 4000 ممتاز هتلاقي بيه حملات كويسه باذن الله بس خلي بالك 4 الاف للفرد الواحد مش الاثنين .. لو عاوزه للاثنين مش اقل من 5000 لهم مع بعض وممكن تزيد ..

جزاكى الله كل خير وشكرا على الرد السريع طمنتينى يارب يكتب لنا جميعا حج مبرور ان شاؤ اللة