آلية لمتابعة و معرفة تقييم الأعضاء لمشاركاتك (Reputation)

[se_ Elsyed]

طبعا إذا كان هناك معلومات عند الفاضل زهيرى ربما تساعد فى البحث.

زُهيري ما عندوش معلومات إلا عن أذية الناس ... وواخدها لعبه وكل شويه يدخل على المشاركات بتاعتي ويديني تقييم بالسالب .. وكأني بأكل وأمسح في راسه ..

[MZohairy]

والله العظيم يا جماعه ماعرف حاجه خالص عن الموضوع ده

و حتى انا نفسي استغربت لما لقيتني مديني تقييم ايجابي mfb:

لذلك اعطيت سي السيد تقييم سالب على المداخله اعلاه لما فيها من ظلم

[doha]

والله العظيم يا جماعه ماعرف حاجه خالص عن الموضوع ده

و حتى انا نفسي استغربت لما لقيتني مديني تقييم ايجابي mfb:

لذلك اعطيت سي السيد تقييم سالب على المداخله اعلاه لما فيها من ظلم

وانا مصدقة الحاج زهيري في كل كلمه يقولها وان ملوش دخل بالتقييم الايجابي لمشاركاته .. الحاج راجل كله مفهومية ومستحيل يغلط غلطه زي دي ويقيم حاجه ايجابيا وهو مش مقتنع بيها smk:

ولذلك اعطيت اخوية في المظلومية سين سين تقييم ايجابي على مشاركته عشان يبقى ده قصاد ده ويادار مادخلك شر ..

ملاحظة : من قدم السبت .. متنساش ياسين ابن العم سين تقيمني ايجابيا على المشاركة دي عشان تعادل البي اتش لما يقيمها الحاج المايسترو سلبي ..

[السويفي]

السلام عليكم

اهلا بالجميع من جديد

هذه اول مره اخش من سنه تقريبا

بالنسبه لهذه الخاصيه الجديده ستخلق فكره مسبقه عن اي شخص قبل قراءه ما يكتبه

فمثلا لو كتب هذا الشخص رأيا جيدا في موضوع ما وتقيمه كان سالبا ستقوم الغلبيه بتجاهل ما يكتبه

ايضا سيتسبب هذا بمعايره اصحاب التقيم الايجابي اصحاب التقيم السلبي في اي حوار بأن يقول له

شوف تقيمك وشوف تقيمي وهتعرف رأي مين اصح

[friend]

من وجهه نظرى ان انا اشوف العضو الى مقيم سواء بالسلب او الايجاب مفيهاش مشاكل ابدا

و هيدى مصداقيه اكتر للتقيم لان كل واحد هيحط تقيم هيكون عارف انه هيتعرف مين ادا مين ايه

علشان كدا هيطبق المثل الى بيقول ان خفت متقولشى و ان قولت متخفشى wst:: wst:: wst::

لكن سؤال سريع على الماشى

هو ينفع ان انا اقيم نفسى سواء بالسلب او الايجاب

اعتقد ان دا ملهوش مغزى و حجبها افيد من اتاحتها

حضرتك بتكلمى عن اية واى مصداقية

دا فى ناس بتستخدمها كااللعبة للاسف

على الفاضى والمليان

وليس دليل كافى لمصداقية الموضوع او عدمة

وانا مع راي الاخ (سى السيد) الذي قال فية

لأ يا عم عادل .. شيل البتاعه اللي مالهاش لازمه دي الله يكرمك ..

والله العظيم ما أعرف هي بتشتغل إزاي ولا جربت إزاي الواحد يقيم حد معين ..

وفعلاً مممكن تخلق عداوة مالهاش أي لازمه ...

وأساساً أهمية الواحد ليس بالتقييم ولا بالدرجات ولكن بتبقى بأفكاره ومشاركاته

واقرب مثال انا نقلت موضوع لا اقصد فية زيادة مشاركاتى او اى شىء

ولكن لنقل فكرة انا رايتها ممكن تكون معلومة جديدة لعبض الناس

لقيت سخرية ليس لها داعى ولقيت اللى رايح واللى جاى يقيم ولاسف ممكن ميكنش فاهم فى اية فى الموضوع ولكن

كمثل الفرح كله بيجامل

مع احترامى للجميع ودا رائى بالنسبة لموضوع التقييم

انما لو احنا عاوزين نقيم الموضوع فى النجوم زى ما حضرتك زكرت بداخل الموضوع

ويتم تقييم الموضوع وليس الشخص وعلى اساسه ممكن نستنتج افضل الموضوعات والاراء

[MZohairy]

والله العظيم يا جماعه ماعرف حاجه خالص عن الموضوع ده

و حتى انا نفسي استغربت لما لقيتني مديني تقييم ايجابي mfb:

لذلك اعطيت سي السيد تقييم سالب على المداخله اعلاه لما فيها من ظلم

وانا مصدقة الحاج زهيري في كل كلمه يقولها وان ملوش دخل بالتقييم الايجابي لمشاركاته .. الحاج راجل كله مفهومية ومستحيل يغلط غلطه زي دي ويقيم حاجه ايجابيا وهو مش مقتنع بيها smk:

ولذلك اعطيت اخوية في المظلومية سين سين تقييم ايجابي على مشاركته عشان يبقى ده قصاد ده ويادار مادخلك شر ..

ملاحظة : من قدم السبت .. متنساش ياسين ابن العم سين تقيمني ايجابيا على المشاركة دي عشان تعادل البي اتش لما يقيمها الحاج المايسترو سلبي ..

ده كاس و داير يا حاجه ضحى

عندك انا مثلا ماسكاني الحاجه شيكو تشريح و كل شويه تديني تقييم سالب في الرايحه و الجايه

يعني مره انتقدتك في مداخله و انتي اعترفتي بصحة الانتقاد بنفسك

و مع ذلك رزعتني واحد ماينص

كاس و داير منه له جاي و رايح منه له

[doha]

[ده كاس و داير يا حاجه ضحى

عندك انا مثلا ماسكاني الحاجه شيكو تشريح و كل شويه تديني تقييم سالب في الرايحه و الجايه

يعني مره انتقدتك في مداخله و انتي اعترفتي بصحة الانتقاد بنفسك

و مع ذلك رزعتني واحد ماينص

كاس و داير منه له جاي و رايح منه له /quote]

لاه وانت الصادق مش كاس ده ربك بيسلط ابدان على ابدان ..

يعني عندك انا مثلا في معانا هنا عضو اسمه مظاهيري .. ماشي ورايا بكوز مخروم كل ماقول كلمه يهفني واحد ماينص لدرجه في الريكورد عندي مفش حد ممينصني غيره هو ومينصاية وحده من احمد سيف ..

تقولش العضو مظهيري ده موراهوش غير يبخر بالموجب ورا احمد ابن سيف ويمينص ورا ضحى بنت احمد..

فعلا .. يمهل ولا يهمل :closedeyes:..

ملاحظة : بعيدا عن الهزار والله العظيم مالي اي علاقه بتقييم شيكو لك هي اكيد شافت ان كلامك مش كويس من وجهة نظرها وعلى هذا اعطتك ماينس .. تماما زي انا مش زعلانه من ( الميانص ) الي عمال تديهالي بسبب وبدون سبب فكل واحد حر في العضو الي يحب يمينصه ..

الرفيق زهيري .. تحمل اقدارك .. دي مش مؤامرة عليك . بالفعل مشاركاتك كانت مش عاجبة الناس وعليه هم مينصوهالك ..

[أحمد سيف]

يا ضحى دي ثاني مره تتهمي فيها المايسترو زهيري بمحاباتي وانه ماشي ورايا بمبخره ... يا ستي اثنين وعاجباهم مدخلات بعض علشان الدماغ واحده والفكر واحد انتي ايه اللي مزعلك ... ايه المشكلة انه لما واحد يقرأ مشاركة للثاني وتعجبه يقوم مديّ له تقييم إيجابي ... مش هو ده الهدف أساسا من موضوع التقييم ... أهو بسبب الكلام ده الراجل هيفكر ميت مرة قبل ما يديني يقييم إيجابي بعد كده حتى لو المداخلة كانت عشره على عشره من وجهة نظره حتى لا يتهم بالمحاباة والتبعية. وبصراحة أنا باسعد بالتقييمات الإيجابية اللي بيديها لي عم زهيري بالذات لإني بحترم فكره واتزانه ... فياريت تخليني بعيد عن خلافاتك مع زهيري لإني ماليش دعوه بيها.

[se_ Elsyed]

ولذلك اعطيت اخوية في المظلومية سين سين تقييم ايجابي على مشاركته عشان يبقى ده قصاد ده ويادار مادخلك شر ..

إن شالله تسلمي يا طنط أم لُجين ... نردهالك في الأفراح يارب

ومازل النيل يجري ومازال موسم الخيرات مستمر

بصراحة أود التوجه بالشكر لأختي الصغيرة شيكو ... اللي شكلها نادرة ندر في رمضان .. فكل يوم تفطر صائم .. وتديني علامة بالموجب هههههه

أنا كده عندي 14 علامة - الله يسامحك يا زهيري كنت زمان 20 دلوقت - .. وبقيت GOOD هل لو وصلت 20 نقطة هابقى very good وبعدها أمتياز وكدهوت يعني ؟

[se_ Elsyed]

الموضوع كده إتقلب تهريج في تهريج .. وللمرة المليون .. من الأساس مالوش أي لازمه

قرأت مداخلة لأختي شيكو في موضوع التجوال الدولي وتوقعت إني أقرأ رأي من خبير لأنها متخصصة في موضوع الأتصالات على حسب علمي .. بأبص كده على مستوى التقييم الخاصة بها لقيته -5 دخلت البروفايل لقيت زهيري مٍدبقها - مستقصدها بس بالفلاحي - وفي موضوع واحد وورا بعض علامات - .. زي ما بيعمل معايا

ممكن بقى نسُك على الموضوع ده بلا تقييم بلا خبير مثمن ؟

[MZohairy]

الموضوع كده إتقلب تهريج في تهريج .. وللمرة المليون .. من الأساس مالوش أي لازمه

قرأت مداخلة لأختي شيكو في موضوع التجوال الدولي وتوقعت إني أقرأ رأي من خبير لأنها متخصصة في موضوع الأتصالات على حسب علمي .. بأبص كده على مستوى التقييم الخاصة بها لقيته -5 دخلت البروفايل لقيت زهيري مٍدبقها - مستقصدها بس بالفلاحي - وفي موضوع واحد وورا بعض علامات - .. زي ما بيعمل معايا

ممكن بقى نسُك على الموضوع ده بلا تقييم بلا خبير مثمن ؟

كان مفروض تدخل البروفايل بتاعي كنت حتلاقيني مرزوع 5 ماينص من الحاجه شيكو

طبعا هي حره

و بالتأكيد انا كمان

و كل واحد حر في تقييمه للناس

[se_ Elsyed]

وكده حلو يعني ؟؟؟؟؟؟؟؟؟؟

دي بقت لعبه ومضيعة للوقت

[عادل أبوزيد]

الفاضل زهيرى

إسمحلى هذا السلوك أن تعطى Reputation بالسالب لشخص ما لا لشئ إلا أنه سبق و أعطال Reputation سالب أيضا لا أستطيع إلا أن أسميه تصرف طفولى !!!

الأصل فى المشاركات العادية الموضوعية ألا يكون هناك Reputation المشاركات التى لا تمثل إضافة أو الخرجة عن الموضوع أو التى تمثل إستظرافا فى غير مكانه هذه تستحق Reputation سالب و المشاركات التى تضيف قيمة للموضوع أو التى "تلم الموضوع و تلخصه" أو التى تمثل جهذا فى وضعها فهذه لها Reputation إيجابى.

بإختصار شديد أصبح جميع الأعضاء كما لو كانوا جزءا من فريق التنسيق و الإشراف.

حتى الآن درجات ال Reputation تحتاج إلى إعادة تقسيم التقديرات حسب محصلة ال Reputation بالوضع الحالى بعد أسبوع سيحصل الجميع على إمتياز !!

[doha]

الموضوع كده إتقلب تهريج في تهريج .. وللمرة المليون .. من الأساس مالوش أي لازمه

قرأت مداخلة لأختي شيكو في موضوع التجوال الدولي وتوقعت إني أقرأ رأي من خبير لأنها متخصصة في موضوع الأتصالات على حسب علمي .. بأبص كده على مستوى التقييم الخاصة بها لقيته -5 دخلت البروفايل لقيت زهيري مٍدبقها - مستقصدها بس بالفلاحي - وفي موضوع واحد وورا بعض علامات - .. زي ما بيعمل معايا

ممكن بقى نسُك على الموضوع ده بلا تقييم بلا خبير مثمن ؟

كلام جميل كلام معقول مقدرش اقول حاجة عنه .. الا الشويتين الي هقولهم دول ..

عن نفسي لما بشوف مشاركه متقيمه بحرص اعرف صاحب التقييم مين .. لو المشاركه حلوة وتستاهل بجد (( سواء اتفقت معاها او لم اتفق )) بيزيد تقديري لصاحب التقييم الايجابي لها .. لو العكس والمشاركه فيها حاجه غلط .. خروج عن القواعد مثلا او ( راي يودي في داهية ) لو حد صدقه ومشي وراه ولقيت حد مقيمه سلبيا برضه بقدر الشخص الي قيم سلبيا لحاجه سلبية فعلا وبعرف ان ( فلان ده .. بيفهم ) ..

العكس تماما بيحدث لما اشوف مشاركه عادية جدا ومفيهاش حاجه ولاقي حد مقيمها سلبيا لغرض في نفسه مش في المشاركه ..فمابالك لما الاقي شخص ما ( مستقصد ) شخص آخر بتقييمات سلبية واضح جدا انها مش لوجه الله خاصه لما يكون بيقيم مشاركاته هو تحديدا من بين كل المشاركات في موضوع معين .. بصراحه ساعتها بعرف ان الشخص ده في الواقع مش مقيم المشاركه بقدر ماهو مقيم نفسه انه كده غير ناضج وصعب اوي يتحمل المسؤولية ..

سلوك طفولي مش مفروض انه يخلينا نتخلى عن خاصية ايجابيه جدا لمجرد ان البعض بيسيء استخدامها تماما زي التلامذة وهم طالعين من المدرسة ويعدوا على ابواب الناس يرنوا الجرس .. ويجروا .. مش معقول هنخلع الاجراس ..

ياريت استاذ عادل او حد من المشرفين يحط لنا قواعد واضحه لاستخدام التقييم بتاع المشاركات وهل كافي ان لمجرد اني مختلفة مع شخص ما في الراي اني اقيم مشاركته سلبيا ولا لازم تكون المشاركه فعلا خارجه او فيها شيء سلبي عشان احط لها ماينص ..

للاسف البعض مننا لسه مش عارف يعني ايه راي ومش عارف يعني ايه يكون في موقع المسؤولية لما يسمح له بابداء رايه ..

[ozoozo]

احنا ممكن نستخدم الموضوع ده زي like في الفيس بوك

او لشكر العضو علي المداخله بدل من كلمات مشكور وتقبل مروري والحاجات دي واظن كان في موضوع للفاضل ابو محمد بيتكلم عن موضوع التشكرات اللي ملهاش لازمه واللي بتزود عدد الصفحات وبس وبتوه الموضوع الاصلي

[MZohairy]

الفاضل زهيرى

إسمحلى هذا السلوك أن تعطى Reputation بالسالب لشخص ما لا لشئ إلا أنه سبق و أعطال Reputation سالب أيضا لا أستطيع إلا أن أسميه تصرف طفولى !!!

size]

تعليقك غير مقبول يا سيد عادل

فالسلوك الطفولي هو وضع هذه الخاصيهفي حيذ التنفيذ (وجهة نظري الخاصة)

فأنا لم اشير مطلقا الى انني اعطيتها تقييم سالب لأنها اعطتني ابدا !! :)

مداخلاتي لم تعجبها فأعطتني تقييم سالب و مداخلاتها لم تعجبني فأعطيتها تقييم سالب بمنتهى البساطه

فلماذا تدخلك و تعقيبك الغريب هذا؟

هل تضع الخاصيه و تريد ان تضع التقييم بدلا من الأعضاء؟ أم انه امر متروك لرؤيتهم؟؟؟

انا اول من رفض هذه الخاصيه و الكل يعلم ذلك

اما تدخلك في اسلوب تقييمي للأعضاء.. و هو أمر متاح للجميع بدون قيود.. فهذا امر مرفوض

تحياتي

[MZohairy]

الموضوع كده إتقلب تهريج في تهريج .. وللمرة المليون .. من الأساس مالوش أي لازمه

قرأت مداخلة لأختي شيكو في موضوع التجوال الدولي وتوقعت إني أقرأ رأي من خبير لأنها متخصصة في موضوع الأتصالات على حسب علمي .. بأبص كده على مستوى التقييم الخاصة بها لقيته -5 دخلت البروفايل لقيت زهيري مٍدبقها - مستقصدها بس بالفلاحي - وفي موضوع واحد وورا بعض علامات - .. زي ما بيعمل معايا

ممكن بقى نسُك على الموضوع ده بلا تقييم بلا خبير مثمن ؟

كلام جميل كلام معقول مقدرش اقول حاجة عنه .. الا الشويتين الي هقولهم دول ..

عن نفسي لما بشوف مشاركه متقيمه بحرص اعرف صاحب التقييم مين .. لو المشاركه حلوة وتستاهل بجد (( سواء اتفقت معاها او لم اتفق )) بيزيد تقديري لصاحب التقييم الايجابي لها .. لو العكس والمشاركه فيها حاجه غلط .. خروج عن القواعد مثلا او ( راي يودي في داهية ) لو حد صدقه ومشي وراه ولقيت حد مقيمه سلبيا برضه بقدر الشخص الي قيم سلبيا لحاجه سلبية فعلا وبعرف ان ( فلان ده .. بيفهم ) ..

العكس تماما بيحدث لما اشوف مشاركه عادية جدا ومفيهاش حاجه ولاقي حد مقيمها سلبيا لغرض في نفسه مش في المشاركه ..فمابالك لما الاقي شخص ما ( مستقصد ) شخص آخر بتقييمات سلبية واضح جدا انها مش لوجه الله خاصه لما يكون بيقيم مشاركاته هو تحديدا من بين كل المشاركات في موضوع معين .. بصراحه ساعتها بعرف ان الشخص ده في الواقع مش مقيم المشاركه بقدر ماهو مقيم نفسه انه كده غير ناضج وصعب اوي يتحمل المسؤولية ..

سلوك طفولي مش مفروض انه يخلينا نتخلى عن خاصية ايجابيه جدا لمجرد ان البعض بيسيء استخدامها تماما زي التلامذة وهم طالعين من المدرسة ويعدوا على ابواب الناس يرنوا الجرس .. ويجروا .. مش معقول هنخلع الاجراس ..

ياريت استاذ عادل او حد من المشرفين يحط لنا قواعد واضحه لاستخدام التقييم بتاع المشاركات وهل كافي ان لمجرد اني مختلفة مع شخص ما في الراي اني اقيم مشاركته سلبيا ولا لازم تكون المشاركه فعلا خارجه او فيها شيء سلبي عشان احط لها ماينص ..

للاسف البعض مننا لسه مش عارف يعني ايه راي ومش عارف يعني ايه يكون في موقع المسؤولية لما يسمح له بابداء رايه ..

مشكلتك يا ضحى انك فاكره ان تلقيح الكلام اتجاه واحد و ماينفعش يبقى رايح جاي :)

و ما يمنعني حقا من مبادلتك الأسلوب نفسه هو كونك سيده من المفترض احترامها

ارتقي حواريا من فضلك و تجنبي الإصطياد في الماء العكر

التقييم ده لو له قواعد ماكانش حد رفضه

انما محطوط بدون اي قوانين و بالتالي ممكن يبقى لعبه في ايد الكل زي ما هو لعبه حاليا

عموما خلونا نشوف

تحياتي

[أحمد سيف]

الخاصية جيدة لو كان التقييم يتم على أسس موضوعية مثل جدّة الفكرة ورقي الأسلوب وقوة الحجة والفائدة التي يجنيها من يقرأ المشاركة.

لكن للأسف في كثير من الأحيان التقييم سيكون على اساس أيديولوجي تماما ... بمعنى أن من يتبع فكر المقيم سيحصل على تقييم ايجابي حتى لو كانت مداخلته منقولة حرفيا من موقع آخر أو تضمنت قذفا وافتراء أو خلت من المنطق والعقلانية أو كتبت بأسلوب ردئ. وبالمقابل فإن المخالف ايديولوجيا سيحصل دوما على تقييم سلبي.

لذلك أنا أتفهم تخوّف أخونا زهيري ... وإن كنت أنا شخصيا لا أنظر للمجموع الجبري للتقييمات التي أحصل عليها لأحكم على مشاركاتي ... هناك بعض التقييمات لها وزن أكثر من غيرها عندي ... وهناك بعضها لها وزن سالب بمعنى أنني لو حصلت على تقييم سلبي من بعض الأعضاء سأكون سعيدا وسأعرف أنني حتما على المسار الصحيح.

ولكن عموما هي فكرة جيدة وتستحق التجربة.

مش قلت لكم أن هذه الخاصية سيساء استخدامها بواسطة بعض الأعضاء

لكن كما قلت أنا سعيد لحصولي على تقييم سلبي من هذا البعض لنفس السبب الذي ذكرته عاليه

*******

[عادل أبوزيد]

إساءة تطبيق خاصية التقييم أمر وارد ...

تم اليوم سحب إمكانية التقييم من العضو شريف مان حيث أنه إستخدمها بدون موضوعية و بقدر كبير من الشخصنة.

[أحمد سيف]

أنا عندي اقتراح لإدارة المنتدى المحترمة

الحقيقة أنا شايف أن المشكلة ليست في وضع تقييم للمشاركات بواسطة الأعضاء ... فهذا أمر ايجابي ومفيد

اللي بيخلق الحساسية ويتسبب في إساءة استخدام خاصية التقييم هو إظهار مجموع التقييمات تحت إسم العضو ... أولا هذا بيعطي انطباع أن التقييم هو للعضو نفسه وفي ناس بتاخذ المسألة دي بشكل شخصي وهم معذورون في ذلك لأن هناك البعض يستخدم الخاصية للانتقام من أشخاص بعينهم سواء لأنهم منحوهم تقييمات سلبية أو بسبب مواقفهم وانتماءاتهم الفكرية بصورة عامة ... ربط التقييم بالمشاركة وليس بالعضو يحل هذه المشكلة

ثانيا ... المجموع الجبري للتقييمات لا يدل على شئ إطلاقا ... الواحد مثلا ممكن يحصل على عشرات التقييمات الايجابية نتيجة الإجابة على أسئلة الأعضاء في أبواب خدمية مثل كندا أو المغتربين ... أو ممكن يشارك في أبواب المنتدى الجادة والحوارية ويحصل على تقييمات متنوعة وأغلبها سيكون سالب لأن الاعتراض أسهل من التأييد في هذه النوعية من الموضوعات ... وطبعا لا علاقة بين مبررات التقييم في الحالتين

لذا أقترح الاكتفاء بمسألة تقييم المداخلات وإظهار نتيجة التقييم أسفل المداخلة مع عدم إظهار مجموع التقييمات التي حصل عليها العضو بجانب اسمه