آلية لمتابعة و معرفة تقييم الأعضاء لمشاركاتك (Reputation)

[se_ Elsyed]

شكرا اوى اوى

شكرا يا س س

انت مش حتعرف ماساتى اللى اتحطيت فيها

هل اعتبر ان ردك داه انك معانا فى الاعتصام

خلاص نضم للقائمة يا جماعة اسم س س

معا ضد النقاط الحمراء والخضراء كمان

الاعتراض مصلحتك اولا

يا أغابي .... يا ماما .... يا ست الكل

مش مسالة معانا او ضدنا

الحمد لله لا يوجد من يحجر على رأيي ... حتى ونحن في الإدارة ونتناقش ونختلف في إطار محترم ومنا المعارض ومنا الموافق حسب الموقف والموضوع ومنا من يختلف مع الأخر بشكل عام في أفكاره وأتجاهاته .. لكن يظل خيط قوي يجمعنا جميعاً وهو حب المكان وحب الحرية وحب المصلحة العامة .

لكن ليس معنى إني لا أوافق على موضوع أو قرار ما إني أعتصم واعترض وأعتبرها نهاية العالم

فهناك الإعتراض الإيجابي

وهناك دائماً المهم والاهم

والله والله والله لا يعنيني في شيء موضوع التقييم الإيجابي أوالسلبي ... لأنني ببساطة أقول ما أقتنع به .. وأقرا ما أتفق معه أو اختلف وفي جميع الحالات أستفيد من ذلك....

وبرضوا في الأخير ... نحن مجرد أفكار على شاشات النت ... وبالتالي لا يوجد مجال إني اختلف مع أحد بشكل شخصي عشان شكله أو شخصيته مش عجباني .... وإذا أمنا كل الإيمان بأن أساس الحياة هو الإختلاف .... فعلام إذن الحزن والشعور بان هناك مشكلة ومأساة ؟

[se_ Elsyed]

إشهدوا يا ناس

تعالوا شوفوا يا عالم

أغابي بتدفع لي رشوى وأدتني نجمه في المداخلة اللي فاتت عشان أنضم لصفوف المعارضة ونروح نحتل باب شئون المحاورات

صحيح .. أنا وصلت 97 ... هو أنا كده لو كملت الـ 100 أبقى حلو ؟

[المهندسه]

ايه دا !!

انا اغيب يومين ارجع الاقيكم عاملين ثورة

وكمان المستشارة أغابى قايمة بدور القائد

على العموم انا معاكم قلبا وقالبا ... ولازم أكون قائد التنظيم ... لانى الوحيد هنا اللى اتمنعت من حقى القانونى فى التصويت ( التقييم ) وكمان انا الوحيد اللى تم اعتقالى ( ايقافى ) لمدة اسبوعين

يا سلام ... شووووف إزاي

يعني لو ما كانتش الخاصية دي إتمنعت عنك - إنت الوحيد من دون الاف الأعضاء - ... كان هايبقى مبارك فُله وشمعه منورة ورجل البر والتقوى ؟

مين !!

عم الشباب س س اللى بيرد عليا

والله كنت عايز مشرف تانى اللى يرد

قلبى معاك والله بعد صعود دولة الترجى للنهائى وفوزه بالبطولة بأذن الله .. بس خليك فى تامر آمين وملكش دعوة بعمورة الزملكاوى

حتة الاف الاعضاء دى فين

احنا بالكتير 50 اللى بندخل باستمرار وكمان عارفين بعض

أما موضوع اتمنعت ... فدا لانى الوحيد اللى وقفت ضد محاربة الفكر الوهابى فى الموضوع الشهير وأديت للسيد عادل تقييم سالب فعشان كده اتشتمت واتوقفت :lol:

وحتة اساءة استخدام الخاصية

فبالله عليك أقرأ التعليقات اللى فى الموضوع وانت تعرف ان كل الاعضاء بلا استثناء بما فيهم انا بنسىء استخدام الخاصية ( بمعايير الادارة )

وبالله عليك بردواااااااااااااااااااااا قولى هوا ايه الاستخدام الامثل للخاصية

وبالنسبة لموضوع مبارك فأكيد انا عرفت اننا نستحق ان واحد زيه اللى يحكمنا

لما نبقى منتدى اسمه محاورات وواحد يختلف مع الفكر الليبرالى اللى معظم اعضاء الادارة مقتنعين بيه

فتتحدف ردوده بدون حتى تنبيه ( باستثناءك انت ) وكمان تتحذف مواضيعه

يبقى نستحق مبارك

لما اكتب على القذاقى ( ليس عليه حرج ) فيحذف السيد عادل ردى لانه فيه تجاوز وفى نفس الموضوع المشرف محمد يمسح بالقذافى الارض ومحدش يكلمه يبقى نستحق مبارك

لما ينحذف موضوعى عن شيخ الازهر الحالى بداعى ان فيه تجاوز ويتساب موضوعك اللى مسحت فيه بأبو الغيط الارض يبقى نستحق مبارك

شوفت ازاى بقى

على العموم عشان منخرجش عن الموضوع انا مع اقتراح أغابى مليون %

تحياتى بس ياريت ردى دا كمان مايتحذفش

bv:- bv:- bv:- bv:- bv:- bv:- bv:-

تم تعديل 19 أكتوبر 2010 بواسطة المهندسه

[لماضة مصرية جدا]

السلام عليكم و رحمة الله و بركاته

انا كل يوم اشوف التوبيك دوت بيترفع و اقول يا ربي هما بيقولوا ايه

و دخلت النهاردة و لقيت ما شاء الله لا قوة الا بالله حوالي 13 صفحة....اعتقد ان الصفحات الاولي فقط هي اللي كفت ووفت فيما يتعلق بالموضوع

مستغربة حد الذهول ان احنا بدل ما نحاول نتعلم من الاصدار الجديد ان احنا نفتح مساحات عقلية للاستماع للاخرين....و اكتشاف تجربة التفكير من منطلق آخر....و التعلم و هو ده السبب الاساسي للمحاورات

اندهش جدا ان نتناسي كل ده و ننشغل بلمبة حمرا او خضرا

سؤال علي جنب

لو انا اخدت تقييم سالب....هل حاولت اكتشف ايه وجهة نظر الشخص المقيم مثلا....يا اما حاجة من اتنين يا اما انا موفقتش اني اوصل فكرتي صح...او اننا في حوار....و محاورة...إذن الاختلاف وارد جدا....و طبيعي جدا جدا

لو انا اخدت تقييم ايجابي....يعني ده هيخليني ابروز مداخلتي....طب ما انا فكرت فيها و قولتها و كتبتها من قبل ما اي حد يقراها

ثقتي في نفسي....و قناعاتي....مالهاش اي علاقة باللمبات

و ارجو الا يفهم من كلامي اني ضد او مع ...عشان انا مبفكرشي بمنطق ابيض و اسود للاشياء

دي تقنية مفيدة للاصدار الجديد في المحاورات...ليه بجد منحاولشي نستفيد منها

ليه منحاولشي نتعلم بيها و معاها ازاي نتحاور...و ازاي نفتح طرق جديدة للحوار بعيد عن اي حساسية...كل منا ياتي للمحاورات بافكاره فقط....و يطرحها من منطقه فقط....و هيضيع فرصة علي نفسه جبارة جدا في التعلم لو قفل علي نفسه و حاول يخلي الناس مجرد اشباه منه

ادوا نفسكوا فرصة...تقراوا ما بين السطور...و تقراوا افكار الناس....مش تقروا تقييمهم

اقتراح

اغلاق التوبيك

لانه اصبح ....معذرة في اللفظ....عبث

و لو فيه اضافة...اري ان اضافة استاذة ضحي في استطلاع الراي بشكل عام....هي الانسب...و بخاصة ان المنتدي ليس افرادا.....و انما افكار تفوق الالاف

تحياتي و معذرة علي الاطالة

[شريف مان]

ردوا قالولى يمكن خطأ من البرماجيات

يمكن يا شريف كدا اللى بيحصلك برضه خطأ برماجيااات

خطأ برمجيات دا زى ماس كهربائى كده :P

لا طبعا ... مفيش موضوع بيتحذف عشان خطأ برمجيات ... أنما ان يبقى فيه تنبيه للعضو ان موضوع اتحذف .. دا ( ممكن ) يبقى فيه خطأ برمجيات

وبعدين خدى بالك بقى ليحصل ماس كهربائى ( خطأ برمجيات ) ويتحذف الموضوع دا كمان

:lol:

[شريف مان]

اقتراح

اغلاق التوبيك

لانه اصبح ....معذرة في اللفظ....عبث

هوا دا اللى بتكلم عليه ياريهام

أهو الموضوع مش على مزاجك يبقى عبث ولازم يتقفل !!

يمكن موضوع اللمبات مش بيفرق معاكى وأكيد مع الجميع

انما احنا مش بنتكلم فى كدا

أنما بنتكلم فى الاضطهاد اللى بيتم لعضو بسبب دا

يعنى واحدة هنا فى المتدى خد بتاع 55 تقييم سالب فى موضوع !!!!

وفيه ناس كانت بتقييم 5 و 6 مرات بالسالب

ودا أكيد شىء مش ظريف وبيشغلنا بحاجات ملهاش لازمة

على العموم انا مؤمن بالديمقراطية عشان كده هحط حضرتك مع النظام

فيبقى العدد الحالى 700 مع الغاء الخاصية و 3 مع بقائها :P

تحياتى

على جنب ..... الباشمهندسة حطت رد وسبتنى أعلق عليه

وجريت وعدلت رأيها ... كده بردوا تحطينى فى وش المدفع وتجرى

تم تعديل 19 أكتوبر 2010 بواسطة شريف مان

[اغابي]

إشهدوا يا ناس

تعالوا شوفوا يا عالم

أغابي بتدفع لي رشوى وأدتني نجمه في المداخلة اللي فاتت عشان أنضم لصفوف المعارضة ونروح نحتل باب شئون المحاورات

صحيح .. أنا وصلت 97 ... هو أنا كده لو كملت الـ 100 أبقى حلو ؟

مش عاوزة اقولكم انى رشيت الكل بنقاط خضرا

علشان التصويت ضد النقاط الحمرا

وانت يا س س لو بقيت 100 او من غير ما تبقى

انت صاحب اكبر جمهور ومعجبين - لانك صاحب الراى المعتدل - انت دايما كوووول

معتدل جدا ونقدر نعتبرك زعيم شعبي للمحاورات - بجد انت تستاهل بصراحة

نادرا ما اختلف معاك على اى حاجة يعنى نقول انك ساحر او ساحر مثلا ساحر يعنى ساحر

>

>

>

على جنب B)

شد حيلك معانا فى الانتخابات وانا حاظبطك بنقطتين اخضرون

قبل ما يتحذفو وكمان وكلمتين حلوين زى اللى فوق

وما تبوزش الموضوع علشان مش حارجع عن اللى فى دماغى ابدا - يعنى ما تحاولش

انشالله تحط السيخ المحمى فى صرصور ودنى

:lol: :lol:

خد الكلمتين دول احفظهم صم ومشي بيهم الليلة بتاعتك

الاعتراض مصلحتك اولا

معا ضد النقاط الحمراء

اغابي

[اغابي]

اقتراح

اغلاق التوبيك

لانه اصبح ....معذرة في اللفظ....عبث

و لو فيه اضافة...اري ان اضافة استاذة ضحي في استطلاع الراي بشكل عام....هي الانسب...و بخاصة ان المنتدي ليس افرادا.....و انما افكار تفوق الالاف

تحياتي و معذرة علي الاطالة

هل اعتبر ان رايك هو تعدي على كل الاراء

هل بتعتبري رايك هو الراى السليم وهل بتسمي اعتراض الاعضاء على شيء من وجهة نظرهم هما سبب لهم الكثير من المشكلات عبث

- ازاى يعنى عبث - عبث ؟؟

طب وكل الناس دي فين وجهة نظرها واعتراضها اللى قدموه

بصراحة منطق غريب يا اخت لماضة ما اتوقعتهوش منك ابدا

واكيد حيصدم ناس كتير هنا

قدمى رايك لكن بدون اختيار كلمة او وصف تؤثر على الاخرين بحزازيات

رايك هيكون راى شخص واحد ضد الاغلبية وخاصة فى التوبيك اللى بتسميه عبث

هو عبث اننا نقدم راينا للادارة والمشرفين بطريقة محترمة ومنطقية ومتحضرة !!

هو عبث اننا نرفع شيء سبب ظلم لناس كتير وحط ناس تانية فى مواقف محرجة !!

ولا يبقى عبث لو ناس كتير مشيت من المنتدى !! صدقيني الموضوع مش عبث ابدا

وازاى تقولى ان التوبيك يتقفل - ليه يتقفل

الاغلبية والتصويت هو الصوت الاعلى اللى المفروض يتسمع

ولا داه كمان نكتة اتقالت وممكن تتحذف

تحياتى ونورتينا

اغابي

تم تعديل 19 أكتوبر 2010 بواسطة اغابي

[اغابي]

اقتراح

اغلاق التوبيك

لانه اصبح ....معذرة في اللفظ....عبث

هوا دا اللى بتكلم عليه ياريهام

أهو الموضوع مش على مزاجك يبقى عبث ولازم يتقفل !!

يمكن موضوع اللمبات مش بيفرق معاكى وأكيد مع الجميع

انما احنا مش بنتكلم فى كدا

أنما بنتكلم فى الاضطهاد اللى بيتم لعضو بسبب دا

يعنى واحدة هنا فى المتدى خد بتاع 55 تقييم سالب فى موضوع !!!!

وفيه ناس كانت بتقييم 5 و 6 مرات بالسالب

ودا أكيد شىء مش ظريف وبيشغلنا بحاجات ملهاش لازمة

على العموم انا مؤمن بالديمقراطية عشان كده هحط حضرتك مع النظام

فيبقى العدد الحالى 700 مع الغاء الخاصية و 3 مع بقائها :P

تحياتى

على جنب ..... الباشمهندسة حطت رد وسبتنى أعلق عليه

وجريت وعدلت رأيها ... كده بردوا تحطينى فى وش المدفع وتجرى

شوف يا شريف انا قولت قبل كدا وبكرر

ان موضوع النقاط داه ناس مستفيدة منه على حساب ناس تانية

وانا وانت وكل اللى اشتركوا معانا فى التصويت مش من الناس اللى مستفيدة منه باى حال

وعلشان الكل يبقى على المنتدى سواسية - وكلنا متساويين امام القانون زى ما بيقولوا

يبقى لازم النقاط الحمراء يتوقف العمل بها

بس لسة ما خلص الكلام

اغابي

تم تعديل 19 أكتوبر 2010 بواسطة اغابي

[لماضة مصرية جدا]

اقتراح

اغلاق التوبيك

لانه اصبح ....معذرة في اللفظ....عبث

هوا دا اللى بتكلم عليه ياريهام

أهو الموضوع مش على مزاجك يبقى عبث ولازم يتقفل !!

يمكن موضوع اللمبات مش بيفرق معاكى وأكيد مع الجميع

انما احنا مش بنتكلم فى كدا

أنما بنتكلم فى الاضطهاد اللى بيتم لعضو بسبب دا

يعنى واحدة هنا فى المتدى خد بتاع 55 تقييم سالب فى موضوع !!!!

وفيه ناس كانت بتقييم 5 و 6 مرات بالسالب

ودا أكيد شىء مش ظريف وبيشغلنا بحاجات ملهاش لازمة

على العموم انا مؤمن بالديمقراطية عشان كده هحط حضرتك مع النظام

فيبقى العدد الحالى 700 مع الغاء الخاصية و 3 مع بقائها :P

تحياتى

على جنب ..... الباشمهندسة حطت رد وسبتنى أعلق عليه

وجريت وعدلت رأيها ... كده بردوا تحطينى فى وش المدفع وتجرى

السلام عليكم و رحمة الله و بركاته

استاذي الفاضل

سؤال هو لو حد حاسس بالاضطهاد مثلا لو شلنا اللمبات الحمرا...و الخضرا و الفوحلقي....كده هيستريح

صدقني

كمان شوية

هنرجع و نغني نفس الاغنية بس بمفردات تانية

يا استاذي الفاضل

احساس الشخص بالاضطهاد....و لو انها كلمة كبيرة اوي.....و معرفشي ايه يعني اللي يوصل مشاراكات في محاورات للموضوع ده...و خصوصا الناس هنا متعرفشي بعضها سلفا

الاحساس بالاضطهاد...و نظرية الكل ضدي....اصلهم مش معايا.....دي بقت قديمة اوي

و دي حاجة داخلية......مش هتتغيرها غير لماالبني ادم يغير قناعاته بنفسه.....

ع فكرة انا ياما اتقفلي توبيكات...عاااااادي جدا

هو يعني كانوا ختموا عليا انا شخصيا

كانت وجهة نظر.....و كان لدي وجهة نظر و تلاقينا في ارض محايدة

افتح قناة حوار مع الادارة.....استفهم....اسال.....ابحث عن اجابة ترضيك....تكفي عقلك

عدا ذلك.....فهو استسلام فعلا للاضطهاد....بس مش من الاخرين....اضطهادك لنفسك....

و بالنسبة لعرض حضرتك السخي انك..."تحطني" في خانة

سيدي الفاضل

وضعوني في اناء و قالوا لي تاقلم....و قد ضاق انائي بنموي فتحطم

مساحاتي في المحاورات...اصنعها بقناعاتي الشخصية.....و ليس بالقولبة مع الاخرين

تحياتي

ع جنب بقي

هو بالنسبة ل.."علي مزاجك أنت"....تقصد حضرتك....التوبيك اللي بنحط فيه الغزالة دلوقتي اخبارها ايه؟؟؟

لو سالتني

اقدر ااقول لحضرتك

الغزالة عندي كانت رايقة جدا....بس لما جيت التوبيك هنا حسيت بطاقة سلبية.....(عارف لما تحس ان فيه هوا مغبر كده في الافق)...و عشان كده

مش هقعد هنا

هتنفس هوا آخر.....في مساحة تكفيني جدا

مسا حضرتك....هوا....يحرك افكار....و يبقي

في امان الله

[masraweya]

يا فرحة أحمد نظيف و المطبلاتية بتوع الحكومة

أودي وشي منه فين ؟ ..في الطلعة و النازلة يقولي .. لسة بدري عليكم

لما ده حال المتعلمين .. المثقفين .. المحاورين .. يبقى حال باقي الشعب إييييه؟

تقييم كل فايدته يعبر عن الرأي .. يبقى هو السبب في الحجر على الآراء و الحرية؟؟

ليه؟ هو حسب نتيجته بيتمنع الواحد من التعبير عن رأيه؟

موافقة بس على شيل المجموع عشان نخرج من انه تقييم للشخص

فتكم بعافية

[لماضة مصرية جدا]

اقتراح

اغلاق التوبيك

لانه اصبح ....معذرة في اللفظ....عبث

و لو فيه اضافة...اري ان اضافة استاذة ضحي في استطلاع الراي بشكل عام....هي الانسب...و بخاصة ان المنتدي ليس افرادا.....و انما افكار تفوق الالاف

تحياتي و معذرة علي الاطالة

هل اعتبر ان رايك هو تعدي على كل الاراء

هل بتعتبري رايك هو الراى السليم وهل بتسمي اعتراض الاعضاء على شيء من وجهة نظرهم هما سبب لهم الكثير من المشكلات عبث

- ازاى يعنى عبث - عبث ؟؟

طب وكل الناس دي فين وجهة نظرها واعتراضها اللى قدموه

بصراحة منطق غريب يا اخت لماضة ما اتوقعتهوش منك ابدا

واكيد حيصدم ناس كتير هنا

قدمى رايك لكن بدون اختيار كلمة او وصف تؤثر على الاخرين بحزازيات

رايك هيكون راى شخص واحد ضد الاغلبية وخاصة فى التوبيك اللى بتسميه عبث

هو عبث اننا نقدم راينا للادارة والمشرفين بطريقة محترمة ومنطقية ومتحضرة !!

هو عبث اننا نرفع شيء سبب ظلم لناس كتير وحط ناس تانية فى مواقف محرجة !!

ولا يبقى عبث لو ناس كتير مشيت من المنتدى !! صدقيني الموضوع مش عبث ابدا

وازاى تقولى ان التوبيك يتقفل - ليه يتقفل

الاغلبية والتصويت هو الصوت الاعلى اللى المفروض يتسمع

ولا داه كمان نكتة اتقالت وممكن تتحذف

تحياتى ونورتينا

اغابي

مسا الخير يا استاذة اغابي

تصدقي نفسي احط ايدي...علي حاجة من اللي ذكرتيها حضرتك فوق.....نفسي المس ايه هي المشكلات الجسيمة التي ستجعل الناس تفر من المنتدي....(ده ع اعتبار ان المنتدي هو عربية لوري بتجمع انفار)

نفسي.....اشوف الحزازيات...اللي حضرتك مغرقانا فيها.....و اي حد بيعارض...و يا ريته بيعارض مجرد بيقول لحضرتك.."اهدي شوية"....تاخديها بشكل اخر تماما

نفسي يكون عندي نفس الذاكرة الحديدية التي تمتلكينها لتذكر تعليق لي في توبيك اسمه "اضحك....اضحك"....يعني مساحة للتنفسي لينا كلنا...و استاذنتك الا نتطرق للاديان....لاني كنت بشيل عن حضرتك حرج انا وقعت فيه من قبل و محبتكيش تتحطي في نفس الموقف

نفسي افهم.....ايه اللي خيلني اقرا التقييم قبل الفكرة....و اقرا الشخص قبل التوبيك.....و اقولب الناس في خانتين يا ابيض ... يا اسود

نفسي بجد....نهتم.....بحاجة.....حقيقية.....مش عبث

العبث.....لما احط كل طاقتي....اللي ربنا كرمني بيها....و اداني فرصة اني افتح شباك للخدمة مع الناس....بدل ما اعمل كده....انجرف في عالم افتراضي آخر موازي للعالم الافتراضي الاصلي....و كلاهما.....افتراضي

نفسي نبطل نختلق معارك وهمية......مش عشان حد.....عشان نكسب نفسنا مش اكتر

نفسي

حقيقي نفسي

دي اخر مشاركة ليا في التوبيك...لم يعد هناك شيئا نتعلمه....سوي....مشاعر سلبية.....و دي مش هتجيب فكرة و لا تحدف لقدام

تحياتي

نفسي.....في حاجات كتير

بس ه

[اغابي]

يا فرحة أحمد نظيف و المطبلاتية بتوع الحكومة

أودي وشي منه فين ؟ ..في الطلعة و النازلة يقولي .. لسة بدري عليكم

لما ده حال المتعلمين .. المثقفين .. المحاورين .. يبقى حال باقي الشعب إييييه؟

تقييم كل فايدته يعبر عن الرأي .. يبقى هو السبب في الحجر على الآراء و الحرية؟؟

ليه؟ هو حسب نتيجته بيتمنع الواحد من التعبير عن رأيه؟

موافقة بس على شيل المجموع عشان نخرج من انه تقييم للشخص

فتكم بعافية

برغم ان الكلام مش موجه ليا خالص لكنه موجه لاحمد نظيف والمطبلاتية بتوعه

لكن انا حارد

غريبة اوى كلامك بيتناقص تماما مع مشاركة ليكي نهارده

مع ان اتوقعتك حتيجي تدينا صوتك بطريقة مختلفة عن طريقة صوتك اللى سمعناه دلوقتى

ما هو لازم يا مصراوية يا اختى تبقى بتتكلمى حاجة انت مقتنعة بيها

انت نهاردة فى مشاركة من المشاركات فى موضوع الفاضلة ام زياد

زعلتى من نقطة حمرا وحزت فى نفسيتك اوى اوى وعملتك شوية حساسية كدا

فازاى جايا تناقضي نفسك دلوقتى

مع ان متاكدة انك من العينة اللى مش بتستحمل النقطة الحمرا

حترجعلى بعد اقل من شهرين واوعدك حترجعلى تدورى على مكان فى التوبيك

داه وسط الزحمة تتزقى فيه علشان تعرضى صوتك وتعترضي على النقاط الحمرا

تحياتى يا اختى والله يعافيكي

اغابي

[مغتربة]

شوف يا شريف انا قولت قبل كدا وبكرر

ان موضوع النقاط داه ناس مستفيدة منه على حساب ناس تانية

وانا وانت وكل اللى اشتركوا معانا فى التصويت مش من الناس اللى مستفيدة منه باى حال

وعلشان الكل يبقى على المنتدى سواسية - وكلنا متساويين امام القانون زى ما بيقولوا

يبقى لازم النقاط الحمراء يتوقف العمل بها

بس لسة ما خلص الكلام

اغابي

دا على اعتبار ان الى بياخد نقطه خطرا الاداره بتصرفه مكافاه 2 كيلوطماطم مثلا

او اول واحد هيوصل للميه هيتصرفله علبه ملبس

بجد يا اغابى انا مش قادره افهم معنى تكرارك لكلام ان فى ناس مستفيده من موضوع التقييم دا

ايه هى وجه الاستفاده الى حضرتك متوقعاها

كنت هتفهم كلامك لو فعلا بيترتب على التقييم اى ميزات لصاحبه فى المنتدى

لكن لغايه دلوقتى مفيش اى حاجه من كدا

مش عارفه انت ليه اخدى الموضوع حياه او موت

كلنا اخدنا تقيمات سلبيه فى كتير من المواضيع

انا واحده من الناس تقريبا نص التقيمات السلبيه الى اخدتها كانت منك انتى شخصيا

لكن عمرى ما سالتك و لا حتى لمحت لك على الموضوع دا

و لا بيفرق معايا اساسا مين قيمنى بايه

لاننا السبب الاساسى لتواجدنا هنا هو التعبير عن افكارنا

و طبيعى جدا ان عمر ما الكل هيتفق معانا

الاختلاف سنه الله فى كونه

انا طبعا متفهمه موضوع عدم تقبلك للموضوع و ليكى الحريه فيه

لكن حاسه ان الموضوع بدا ياخد منحنى غريب شويه

او يمكن نقدر نقول ان الموضوع افور

اهدى شويه علشان اعصابك انت قبل اى حد تانى

و يا ريت متحطيش مداخلتى دى فى خانه الهجوم انا بحاول ابرزلك جوانب تانيه فى الموضوع يا ريت تفكرى فيها بشكل اكبر شويه

[Advisor]

آلية التقييم جزء مهم من آليات إدارة محاورات المصريين ... من خلالها يشارك الجميع فى مهام التنسيق و الإشراف.

ما سبق كان إستهلالا لابد منه

الأصل أن كل أعضاء محاورات المصريين على مستوى راقى من الفكر و الأصل أيضا أن كل - أكرر كل - أعضاء محاورات المصريين يهمهم بالدرجة الأولى رقى مستوى الحوار هنا ... الكل يهمه التمسك بتقاليد الحوار التى نسير جميعا عليها طوال العشر سنوات الماضية.

المتصور أن النقاط السلبية تعكس إنحرافا عن تقاليد الحوار و التى تتمثل فى قواعد المشاركة فى محاورات المصريين مثل تشتيت الموضوع ....... الأصل أن كل المشاركات تستحق مستوى عاليا من الإطراء و القليل جدا الذى يستحق - موضوعيا - نقط سالبة.

الفاضلة أغابى أدائك فى هذا الموضوع يتعارض مع قواعد المشاركة و لكنك إستعملت نوعا من الإرهاب الفكرى شبيه بذلك السائد فى الغرب و هو الإتهام بمعاداة السامية و هنا حضرتك قمتى بنثر الإتهامات المغلفة أنك مضطهدة و لا تستطيعين الكلام لأنك مسيحية و أدعوكى للحظات من الصدق مع النفس.

[اغابي]

نفسي

حقيقي نفسي

دي اخر مشاركة ليا في التوبيك...لم يعد هناك شيئا نتعلمه....سوي....مشاعر سلبية.....و دي مش هتجيب فكرة و لا تحدف لقدام

تحياتي

نفسي.....في حاجات كتير

بس ه

اولا انا مش حاعيد وازيد تانى

انا كتبت كل حاجة وبصراحة حصلت فى مشاركات سابقة

انا حاشرحلك حاجة يا اخت لماضة انا بحب اعمل الموضوعات

بروقان يعنى لما انزل بموضوع بحبه يبقى رايق كدا

وعمر اعتمادي لا بيكون على عدد المشاركات اللى فيه ولا التقييمات اخضر واحمر نهائي

اغلب موضوعاتى بقدمها للقراء هديه ومش باعتمد فيها على مشاركات بقدر اهتمامى بالقراء

ولما افكر ادخل فى موضوع معين - بناءا على رسالة من الاستاذ عادل

او حديث تليفونى بينى وبينه

يبقى انا لازم اضمن عدم التعرض من اى شخص ليا

خاصية بميزة النقاط الحمراء

وهذا لا يمنع انى اطلب كدا لان ليا حق طبيعى اطلبه فى المنتدى

ولما انا قررت انى ما احبسش نفسي فى باب كندا ولا باب مغتربين الكويت يبقى انا اخترت الانطلق بالراى والفكر - يبقى علشان انا اللى اخترتها لنفسي حريه التعبير

يبقى لازم ليا مساحة من الحرية وانا لما عرفت فى الاول التقييمات لا كنت فرحانة باخضر ولا زعلانة من الاحمر كنت بركز فقط على المشاركات والقراءات والمواضيع اللى بانزل بيها

ولا فارق معايا ابدا النقاط دى لكن لما افاجأ انها من قبيل بعض العقول والافكار عملوها سلاح ضد رايي - يبقى لازم اتكلم

برغم انى مش فارقة معايا عمرى ما اتنططت فى مشاركة وقولت

بالزمة ايه رايكم استاهل نقطة خضرا ولا حنست

لان الموضوع عندى كان لا معنى له لكن ان يتسبب نفسيا معايا فيما بعد النقاط الحمرا

لكل هذا الكم من الكراهية والاعتراض - ليه - ايه السبب

انا عارفة ان استاذ عادل

عاوز موضوع التقييمات - خلاص الادارة تخليه بطريقة اخف

فليكن السالب يتوقف

ويتعمل بالموجب فقط

صحيح كمان فى ناس اصحابي فى باب كندا قالولى احنا بناخد احمر

من ناس ما نعرفهاش - فيه جهل بيه كخاصية او كميزة

من ناحية الذاكرة يا اخت لماضة

انا ذاكرتى قوية لما اتظلم بس او يضيع حق من حقوقى

انا عمرى ما اتعاملت مع حد على انه اسمه ايه او شكله ايه

انا بتعامل مع الشخص على اساس هو عاوز يقولى ايه

او يفهمنى ايه وايه الراى او الفكرة اللى حابب يوصلهالى

وكان نفسي الناس تتعامل معايا زى ما بتعامل معاهم

اتمنى تكونو فهمتو انا عاوزة اقول ايه

؟؟

خالص تحياتى

اغابي

[اغابي]

شوف يا شريف انا قولت قبل كدا وبكرر

ان موضوع النقاط داه ناس مستفيدة منه على حساب ناس تانية

وانا وانت وكل اللى اشتركوا معانا فى التصويت مش من الناس اللى مستفيدة منه باى حال

وعلشان الكل يبقى على المنتدى سواسية - وكلنا متساويين امام القانون زى ما بيقولوا

يبقى لازم النقاط الحمراء يتوقف العمل بها

بس لسة ما خلص الكلام

اغابي

دا على اعتبار ان الى بياخد نقطه خطرا الاداره بتصرفه مكافاه 2 كيلوطماطم مثلا

او اول واحد هيوصل للميه هيتصرفله علبه ملبس

بجد يا اغابى انا مش قادره افهم معنى تكرارك لكلام ان فى ناس مستفيده من موضوع التقييم دا

ايه هى وجه الاستفاده الى حضرتك متوقعاها

كنت هتفهم كلامك لو فعلا بيترتب على التقييم اى ميزات لصاحبه فى المنتدى

لكن لغايه دلوقتى مفيش اى حاجه من كدا

مش عارفه انت ليه اخدى الموضوع حياه او موت

كلنا اخدنا تقيمات سلبيه فى كتير من المواضيع

انا واحده من الناس تقريبا نص التقيمات السلبيه الى اخدتها كانت منك انتى شخصيا

لكن عمرى ما سالتك و لا حتى لمحت لك على الموضوع دا

و لا بيفرق معايا اساسا مين قيمنى بايه

لاننا السبب الاساسى لتواجدنا هنا هو التعبير عن افكارنا

و طبيعى جدا ان عمر ما الكل هيتفق معانا

الاختلاف سنه الله فى كونه

انا طبعا متفهمه موضوع عدم تقبلك للموضوع و ليكى الحريه فيه

لكن حاسه ان الموضوع بدا ياخد منحنى غريب شويه

او يمكن نقدر نقول ان الموضوع افور

اهدى شويه علشان اعصابك انت قبل اى حد تانى

و يا ريت متحطيش مداخلتى دى فى خانه الهجوم انا بحاول ابرزلك جوانب تانيه فى الموضوع يا ريت تفكرى فيها بشكل اكبر شويه

طب ما تدخلى تشوفى ال 16 ولا ال18 تقييم بتوعى ليه

ومن مين انا اعترض معاكى فى موضوع اديكي نقطة -لكن كل داه - الموضوع كان حساس وما يحتملش اى تخمين - كان واضح تماما انا اخدتهم ليه اسالو اللى ادونى النقاط دي بالاسم

الموضوع بالنسبالى انا عاوزة اشارك بدون شغل التهييج اللى ممكن يحصل

لازم الادارة تحط خطوط حمرا وشروط لمن يستخدم خاصية التقييم

يعنى تحدد بشروط معينة للجميع

اغابي

[Om Zayd]

برغم ان الكلام مش موجه ليا خالص لكنه موجه لاحمد نظيف والمطبلاتية بتوعه

لكن انا حارد

غريبة اوى كلامك بيتناقص تماما مع مشاركة ليكي نهارده

مع ان اتوقعتك حتيجي تدينا صوتك بطريقة مختلفة عن طريقة صوتك اللى سمعناه دلوقتى

ما هو لازم يا مصراوية يا اختى تبقى بتتكلمى حاجة انت مقتنعة بيها

انت نهاردة فى مشاركة من المشاركات فى موضوع الفاضلة ام زياد

زعلتى من نقطة حمرا وحزت فى نفسيتك اوى اوى وعملتك شوية حساسية كدا

فازاى جايا تناقضي نفسك دلوقتى

مع ان متاكدة انك من العينة اللى مش بتستحمل النقطة الحمرا

حترجعلى بعد اقل من شهرين واوعدك حترجعلى تدورى على مكان فى التوبيك

داه وسط الزحمة تتزقى فيه علشان تعرضى صوتك وتعترضي على النقاط الحمرا

تحياتى يا اختى والله يعافيكي

اغابي

برغم ان الكلام مش موجه ليا خالص .. لكن مصراوية كانت بتسأل عن التقييم السالب اللي اديتيهولي على فتح الموضوع

استفسار .. ليه بعد ما يقولي نفد رصيدكم أجرب تاني و تشتغل؟؟

[أبو محمد]

كنت قد دخلت فى مناقشة مع الأخت الفاضلة "ضحى" فى موضوع من موضوعاتى وهى قليلة بالنسبة لعدد مواضيع الكثير من الزملاء الأفاضل .. وقد تبلورت تلك المناقشة فى أواخر مداخلات الموضوع وهو ما يهمنى أن يقرأه الجميع .. سأضع نافذة للموضوع .. ولكن قبل ذلك أود أن أبدى ملاحظتين لفتتا نظرى عند قراءتى (التى أرهقتنى فعلا) لهذا الموضوع الذى تحول إلى ما يشبه المظاهرة

1) ثقافة رمى مشاكلنا - الناتجة عن أخطائنا - على الإدارة أو الحكومة أو حتى مجلس الأمن ليحلها لنا ونوفر على أنفسنا متاعب السعى لتصحيح الأخطاء التى لو صححناها ما كانت المشاكل لتوجد أصلا .. الأمثلة كثيرة بيننا كشعب ، وبيننا كأعضاء فى "المحاورات" ولكن محاولة تعدادها ستزيد ماأشعر به من إرهاق بسبب متابعة هذا الموضوع

2) ثقافة التفسير الدينى والعقائدى لكل مشاكلنا وكل ما نطرحه للبحث .. وتتمثل هذه الثقافة فى زملاء أفاضل بعينهم كنت أعتقد أنهم موجودون فقط بين الأعضاء "المصريين المسلمين" .. وإن أردت أن أعين شخصا منهم بذاته فسأقول بلا تردد إنه الفاضل abaomar .. اليوم اكتشفت - بعد هذا العمر - أن "المصريين المسيحيين" لا يختلفون عن "المصريين المسلمين" فى هذه الثقافة .. وإذا أردت أن أنسب فضل هذا الاكتشاف إلى صاحبه فلن أجد (من بين كل المسيحيين الذين عرفتهم) سوى الفاضلة "أغابى" .. راجعو الثلاث عشرة صفحة فى هذا الموضوع وراجعوا عشرات المواضيع الأخرى وقدروا الوقت الذى أهدرته تلك الثقافة

أكتفى بهاتين الملاحظتين - مؤقتا - وأرجو أن تقرأوا نافذة موضوع "تحاوروا تصحوا .. تحاوروا يرحمنا ويرحمكم الله" .. مع بعض الاهتمام بما جاء فى الموضوع عن ديموقراطية الإدارة (ربما من المداخلة 43 وما بعدها) وهو ما أنوى أن أجعله مدخلا لمداخلتى القادمة "غدا إذا أحيانا الله"

أما إلغاء أو بقاء أو وضع ضوابط لخاصية التقييم فسيتقرر بعد المشاورة داخل "الغرفة المظلمة" التى يجتمع فيها فريق الإشراف ولن يتقرر بجمع الأصوات على العام .. وأرجو أن تكفينى قراءتكم - فضلا لا أمرا - لنافذة "تحاوروا تصحوا .. تحاوروا يرحمنا ويرحمكم الله"

[عبير يونس]

بصراحة الموضوع خد اتجاه غريب جدا

يعني أعجبني رأي ضحى في نقطة ازالة التقييم السالب و لي أسبابي التي سأذكرها لاحقا

و بعدين لقيت تصويت و ضم صوتك لصوتنا

وبعدين التعليقات أعطتني انطباع ان اسلوب جمع الأصوات نوع من الدعابة

و بعدين دخلت ضحى و قالت لازم يكون التصويت عن طريق مخاطبة الادارة رسميا و برضه عجبني رأيها

بعد كده لقيت الموضوع بيشعلل

و نظام اللي مش معانا يبقى علينا

و ساءني جدا اصطدام الفاضلة أغابي بالفاضلة لماضة

الموضوع كده مبقاش ظريف خالص

لما ابديت موافقتي على اقتراح إلغاء التقييم السلبي

كان في اطار نبذ السلبية و الابقاء على كل ما هو ايجابي

رأي عجبني حأقيمه

معجبنيش حاناقش و اذا كان الأمر ممكن يسبب حرج حاراسل العضو او العضوة على الخاص

من منطلق

" من كان يؤمن بالله و اليوم الآخر فليقل خيرا او ليصمت"

انا اعطيت تقييم سالب لعضو مرتين

و ما كررتهاش تاني

و ندمت بجد

لأني كان ممكن اخاطبه ع العام او الخاص

و ده نفس الخطأ اللي وقعت فيه زمان مع الفاضلة ضحى

و شكرا لأستاذي ابو محمد انه اورد المداخلات بتاعتي في موضوع " تحاوروا تصحوا"

عشان تكون فرصة اعتذر على الملأ من أختي الفاضلة ضحى

انا وقتها جهلت عليها و على الملأ

و كان ممكن أراسلها على الخاص

احنا في محاورات يعني نتحاور

أخطاء باتعلم منها

عشان كده حتى لو لم يتم الغاء التقييم السلبي

لن اقوم باستخدامه مرة أخرى

المفروض ان اتحكم في نفسي

و لا أطالب الآخرين بمنع ما يجب ان امنع نفسي عنه

درس تعلمته

أتمنى أن يستوعبه الآخرون

تحياتي