آلية لمتابعة و معرفة تقييم الأعضاء لمشاركاتك (Reputation)

[engmido]

لو سمحت اوضح ابن افصح

ازاى اعرف اقيم واحد وازاى اعرف ان واحد مقيمنى

دخلت على ريبوتيشن ولقيت reputation received by adel abu zeid

بس مش عارف الريبوتيشن ده ايه سلبى ام ايجابى

وكان فى موضوع التمريض المصرى

[أحمد سيف]

يا مدام ضحى احنا في المنتدى مش أعداد كبيرة ولا حاجه ... احنا كلنا كام واحد وعارفين بعض ... وكل واحد بيكتب رأيه وعارف تقريبا مين اللي هيعجبه ومين اللي مش هيعجبه ... لذلك التقييم هيكون غالبا شخصي وليس موضوعي ... شوفي عندي مثلا واحد لا أعرفه ولا يعرفني ويمكن أول مره يشارك في المنتدى دخلت معاه في مناقشة بالصدفة قام مديني تقييمين سلبيين في يوم واحد لإني اختلفت معاه ... طبعا هما مش فارقين معايا وأوضحت ليه في مداخلة سابقة ... لكن هيفرقوا لما يترتب عليهم منح أو سحب صلاحيات من العضو كما أقترح الاستاذ عادل. طبعا كان ممكن أنا كمان أهبده تقييم سلبي على كل مشاركة له ويبقى ماينص خمسه كانتقام ... لكن لو الأمور مشيت كده (وهي في النهاية هتمشي كده) هتقلب تحزبات وخناقات واستقصاد وعداوات. وهذا ما لا نتمنى حدوثه.

تم تعديل 21 أغسطس 2010 بواسطة أحمد سيف

[MZohairy]

يا مدام ضحى احنا في المنتدى مش أعداد كبيرة ولا حاجه ... احنا كلنا كام واحد وعارفين بعض ... وكل واحد بيكتب رأيه وعارف تقريبا مين اللي هيعجبه ومين اللي مش هيعجبه ... لذلك التقييم هيكون غالبا شخصي وليس موضوعي ... شوفي عندي مثلا واحد لا أعرفه ولا يعرفني ويمكن أول مره يشارك في المنتدى دخلت معاه في مناقشة بالصدفة قام مديني تقييمين سلبيين في يوم واحد لإني اختلفت معاه ... طبعا هما مش فارقين معايا وأوضحت ليه في مداخلة سابقة ... لكن هيفرقوا لما يترتب عليهم منح أو سحب صلاحيات من العضو كما أقترح الاستاذ عادل. طبعا كان ممكن أنا كمان أهبده تقييم سلبي على كل مشاركة له ويبقى ماينص خمسه كانتقام ... لكن لو الأمور مشيت كده (وهي في النهاية هتمشي كده) هتقلب تحزبات وخناقات واستقصاد وعداوات. وهذا ما لا نتمنى حدوثه.

الموضوع ده بيفكرني جزئيا بمجلس الشعب ايام عبد الناصر و موضوع العمال و الفئات لتمثيل الشعب خير تمثيل

بس للأسف اتخاذ القرار موضوع كبير و مهم و مش أي شخص يقدر ياخد القرار السليم في الوقت السليم

لذلك من يمثل الشعب يجب ان يملك مؤهلات معينه تساعده على اتخاذ القرار الأصح حتى و لو ظهر للعامه انه غير مفيد حاليا

تماما كالبتر في بعض الحالات الفائده منه اكبر كثيرا من ضرره

رغم قسوة و وحشية التصرف في نظر البعض

لذلك الغالبية احيانا لا تعني صحة الرأي

[doha]

يا مدام ضحى احنا في المنتدى مش أعداد كبيرة ولا حاجه ... احنا كلنا كام واحد وعارفين بعض ... وكل واحد بيكتب رأيه وعارف تقريبا مين اللي هيعجبه ومين اللي مش هيعجبه ... لذلك التقييم هيكون غالبا شخصي وليس موضوعي ... شوفي عندي مثلا واحد لا أعرفه ولا يعرفني ويمكن أول مره يشارك في المنتدى دخلت معاه في مناقشة بالصدفة قام مديني تقييمين سلبيين في يوم واحد لإني اختلفت معاه ... طبعا هما مش فارقين معايا وأوضحت ليه في مداخلة سابقة ... لكن هيفرقوا لما يترتب عليهم منح أو سحب صلاحيات من العضو كما أقترح الاستاذ عادل. طبعا كان ممكن أنا كمان أهبده تقييم سلبي على كل مشاركة له ويبقى ماينص خمسه كانتقام ... لكن لو الأمور مشيت كده (وهي في النهاية هتمشي كده) هتقلب تحزبات وخناقات واستقصاد وعداوات. وهذا ما لا نتمنى حدوثه.

اوعى يكون قصدك على الراجل الي ( اتهمته ) بانه من جماعة التكفير والهجرة .. بصراحة وبيني وبينك ومتقولش لحد ردك كان قاسي جدا ومش في محلة ابدا واستغربت جدا صدوره من حضرتك ازاي تقول لواحد انت تنفع تنضم للجماعه دي نفس افكارهم وانت عارف ان دي تعتبر ( شتيمه ) .. توقعت انك تكون متسرع في ردك ده وانك تعتذر له لكني فوجئت بهجومك عليه لمجرد انك مختلف معاه في الرأي ..

بيني وبينك برضه ومن غير ماتقول لحد لو الشخص ده قيم مشاركتك سلبيا فانا معاه في التقييم ده للمشاركه دي بالذات لانها كانت شخصنة غير مبرره و ( ارهاب ) للطرف الآخر في محاولة لاثناءه عن متابعة الحوار ..

طبيعي جدا انك تشوف مشاركتك دي عادية ومفيهاش حاجه وطبيعي اكتر ان اشخاص تانيين يشوفوها عكس كده .. لو كل واحد في المحاورات قام بما عليه وصوت للمشاركه كنت ساعتها هتعرف الحقيقة وهي هل الشخص ده ظلمك فعلا وعمال يقيم مشاركاتك سلبيا لغرض في نفسه ولا هي فعلا سلبية ..

بعدين انت زعلان له مهو ربنا باعت لك الاخ العقيد المفدى مظهيري ماشي وراك بمبخرة كل ماتقول كلمه ينفحك تقييم ايجابي لدرجه اني بقيت عارفه من غير مااضغط ان الي مديلك زائد واحد على مشاركة عندك هو الحاج المايسترو مفيش غيره ..

[se_ Elsyed]

شوفتوا ؟

سيبنا المحتويات والمشاركات الإيجابية .. وبقينا نمسك في التقييم ونجمة وعشرة على عشرة والحركات دي

دخلت على بروفايل زُهيري .. لقيته مصوت لنفسه 3 مرات ( يا حلاوه ... مين يشهد للعروسة غير العروسة نفسها )

ومحمود يوسف مصوته له مرتين خلال دقيقتين في نفس الموضوع ....

وأهو سبحان مغير الأحوال .. بعد ما كانت شعبية الرئيس زهيري بالسالب أمبارح .... فجأتن بقى ذو شعبية جارفه

طب إستفدنا إيه من كل ده ؟

[MZohairy]

اديت لضحى و سي السيد تقييمين سالبين لعدم صحة محتوى مداخلتهم من وجهة نظري

[أحمد سيف]

اوعى يكون قصدك على الراجل الي ( اتهمته ) بانه من جماعة التكفير والهجرة

هنرجع ثاني نقول اتهمته ... الراجل استخدم كلمة كفر ومشتقاتها ومرادفاتها ييجي 20 مرة في مداخلة واحدة ... قمت اقترحت عليه ينضم للتكفير والهجرة مادام بيحب الكلمة دي

تم تعديل 21 أغسطس 2010 بواسطة أحمد سيف

[أحمد سيف]

أستاذ عادل ... ممكن مسألة التقييم دي تبقى اختيارية للعضو ... يعني اللي عايز الناس تقيم مداخلاته يشترك فيها واللي مش عايز بلاش<div>لو الموضوع ده ينفع أستأذن حضرتك تطلعني منها لإنها هتخلق حساسيات وتعمل مشاكل مالهاش لازمه</div><div>مع تحياتي</div>

[se_ Elsyed]

اديت لضحى و سي السيد تقييمين سالبين لعدم صحة محتوى مداخلتهم من وجهة نظري

شوفتوا والنبي

أه يا واكل من خيري وبتدي علامات إيجابية لغيري

البيه متصل بيه بعد الفطار يطلب خدمة ... وفي نفس الوقت بيفرحني إنه أداني كحكه

وكتاب الله لأوريك يا مزاهيري

أنا رديتهالك دلوقت وأديتك كحكاية بالسكر وهارجعك ماينص تاني

لكن شوف ربك ... بيقطع من هنا ويوصل من هنا ... قبل أن تمتد يدك الأثمه بالماينص .. لقيت شيكوز وحسام عبد الفتاح دخلوا وادوني نجمتين

تسلموا لي يارب ..

يارب يا شيكو يا بنت طنط ام شكيو بحق رمضان والايام المفترجة دي .. يهدي سرك ويمتعك بالصحة والعافية ويوفقك

وانت يا حسام ... اللهي ما يغلب لك كفيل ... ولا يوريك في يوم الخروج النهائي .... وتاخد يارب مكافأة نهاية الخدمة مرتين مع خطاب نقل كفالة مفتوح

علامة موجب قليلة تمنع بلاوي كتيره ... تبرع يا صائم يقعد لك في عينك وعافيتك .... ناقص لي علامه واعلق لواء

[doha]

أستاذ عادل ... ممكن مسألة التقييم دي تبقى اختيارية للعضو ... يعني اللي عايز الناس تقيم مداخلاته يشترك فيها واللي مش عايز بلاش<div>لو الموضوع ده ينفع أستأذن حضرتك تطلعني منها لإنها هتخلق حساسيات وتعمل مشاكل مالهاش لازمه</div><div>مع تحياتي</div>

على فكره كل ده تقييم لمدى الاتفاق او الاختلاف مع المشاركات ملهاش علاقه خالص بتقييم العضو نفسه الي تقييمه بيبقى موجود في ملفه الشخصي مقدرا بالنجوم .. وطبعا التقييم الشخصي مينفعش من عضو لآخر مينفعش يتكرر كذا مرة بمعنى كل عضو له صوت واحد بس لتقييم العضو الاخر وبالتالي هتضمن الحيادية والنتيجه غالبا لو اشترك فيها عدد كبير هتبقى واقعية ..

[لماضة مصرية جدا]

السلام عليكم و رحمة الله و بركاته

اكتر حاجة بتعجبني بجد في المحاورات....هي الصفحة التانية من اي توبيك

لاني لاحظت ان دايما الصفحة التانية او التالة فيها الموضوع بجد بياخد زوايا تانية بتخلي للتوبيك الالي كان بيبدو من العنوان امر محسوم....امر يستحق الجدل و تقليب الامور من اكتر من زاوية

راي الشخصي....المداخلة الجيدة التي تنير في العقل منعطفامغايرا لما كنت كمحاور ارغب في كتابته هي المداخلة التي تستحق اعطاء النجمة او النيشان او اي ما تسمونه

و احب ااقول ليه منحطش اطار زمني نجرب فيه كل فكرة جديدة

يعني اول ما اتغير شكل المحاورات كلنا اخضينا لكن بعد كنا اكتشفنا ان التغيير كان افضل

خلوا فيه فترة زمنية و لتكن حوالي 3 شهور نرصد فيه أهمية و فاعلية اضافة زي دي.....في اثراء الحوار و تقوية التواصل بين المحاورين

بعد كده نبقي نشوف ازاي ممكن نستثمرها

معترضة جدا ان احنا و احنا لسه بنجرب الخاصية نلوح انه ممكن يكون فيه مستقبلا قناة للمحاورين الصفوة....او الاليت....او اللي جايب نجوم اكبر....اصل حتي اللي بيخش يحط تساؤل في اي توبيك اويعرض وجهة نظر حتي لو مش عميقة من وجهة نظر البعض....من حقه او حقها انه يشارك

و دي وجهة نظري

ع جنب بقي

انا اول مرة اسمع عن موضوع تقييم العضو دوت.....ممكن حد يقولي يعني ايه الليلة دي؟؟؟

صباحكم.......بيت جديد بنبنيه كلنا

[doha]

انا اول مرة اسمع عن موضوع تقييم العضو دوت.....ممكن حد يقولي يعني ايه الليلة دي؟؟؟

تقييم الاعضاء موجود من الاصدار القديم

بتدخلي على الملف الشخصي للعضو الي عاوزه تقيميه هتلاقي فوق على الشمال في خمس نجوم بجوار كلمه تقييم العضو .. حددي منهم العدد الي شايفه ان العضو يستحقه (( اقفي على النجمه الاولى يبقى هو نجمه واحده اقفي على الخامسة يبىق هو خمس نجوم وهكذا ) ثم اضغطي كليك واحده بالماوس وخلاص على كده

وفيما بعد كل زائر للملف الشخصي للعضو ده هيشوف اجمالي التقييمات الي حصل عليها بعدد النجوم الموجوده بجوار كلمه تقييم العضو دي نفسها ..

[مغتربة]

من وجهه نظرى ان انا اشوف العضو الى مقيم سواء بالسلب او الايجاب مفيهاش مشاكل ابدا

و هيدى مصداقيه اكتر للتقيم لان كل واحد هيحط تقيم هيكون عارف انه هيتعرف مين ادا مين ايه

علشان كدا هيطبق المثل الى بيقول ان خفت متقولشى و ان قولت متخفشى wst:: wst:: wst::

لكن سؤال سريع على الماشى

هو ينفع ان انا اقيم نفسى سواء بالسلب او الايجاب

اعتقد ان دا ملهوش مغزى و حجبها افيد من اتاحتها

[عادل أبوزيد]

انا اول مرة اسمع عن موضوع تقييم العضو دوت.....ممكن حد يقولي يعني ايه الليلة دي؟؟؟

تقييم الاعضاء موجود من الاصدار القديم

بتدخلي على الملف الشخصي للعضو الي عاوزه تقيميه هتلاقي فوق على الشمال في خمس نجوم بجوار كلمه تقييم العضو .. حددي منهم العدد الي شايفه ان العضو يستحقه (( اقفي على النجمه الاولى يبقى هو نجمه واحده اقفي على الخامسة يبىق هو خمس نجوم وهكذا ) ثم اضغطي كليك واحده بالماوس وخلاص على كده

وفيما بعد كل زائر للملف الشخصي للعضو ده هيشوف اجمالي التقييمات الي حصل عليها بعدد النجوم الموجوده بجوار كلمه تقييم العضو دي نفسها ..

حضرتك تتكلمين عن تقييم الموضوعات و للأسف هى موجودة ب فونت صغير جدا على نفس سطر عنوان الموضوع فى أقصى اليسار و هذا التقييم للموضوع فقط و سأطلب من الفاضل محمد - من فريق التنسيق و الإشراف و الذى أخذ على عاتقه عبء تعديل ال skins - تعديل الفونت الخاص بتقييم الموضوع.

الحديث يدور حول تقييم المشاركات Reputation و التى تتمثل فى الضغط على علامة الزائد الخضراء أو علامة الناقص الحمراء الموجودة أسفل يسار المشاركات.

[engmido]

ايه يا جدعان يعنى محدش رد على سؤالى

لو سمحت اوضح ابن افصح

ازاى اعرف اقيم واحد وازاى اعرف ان واحد مقيمنى

دخلت على ريبوتيشن ولقيت reputation received by adel abu zeid

بس مش عارف الريبوتيشن ده ايه سلبى ام ايجابى

وكان فى موضوع التمريض المصرى

بس بالراحة لو سمحتم

[doha]

انا اول مرة اسمع عن موضوع تقييم العضو دوت.....ممكن حد يقولي يعني ايه الليلة دي؟؟؟

تقييم الاعضاء موجود من الاصدار القديم

بتدخلي على الملف الشخصي للعضو الي عاوزه تقيميه هتلاقي فوق على الشمال في خمس نجوم بجوار كلمه تقييم العضو .. حددي منهم العدد الي شايفه ان العضو يستحقه (( اقفي على النجمه الاولى يبقى هو نجمه واحده اقفي على الخامسة يبىق هو خمس نجوم وهكذا ) ثم اضغطي كليك واحده بالماوس وخلاص على كده

وفيما بعد كل زائر للملف الشخصي للعضو ده هيشوف اجمالي التقييمات الي حصل عليها بعدد النجوم الموجوده بجوار كلمه تقييم العضو دي نفسها ..

حضرتك تتكلمين عن تقييم الموضوعات و للأسف هى موجودة ب فونت صغير جدا على نفس سطر عنوان الموضوع فى أقصى اليسار و هذا التقييم للموضوع فقط و سأطلب من الفاضل محمد - من فريق التنسيق و الإشراف و الذى أخذ على عاتقه عبء تعديل ال skins - تعديل الفونت الخاص بتقييم الموضوع.

الحديث يدور حول تقييم المشاركات Reputation و التى تتمثل فى الضغط على علامة الزائد الخضراء أو علامة الناقص الحمراء الموجودة أسفل يسار المشاركات.

لا ياسيدي الفاضل فكلامي عن خاصية تقييم الاعضاء والموجوده من الاصدار القديم .. زمان كانت على اليمين بنجوم كبيرة واضحه ودلوقت في الاصدار الجديد هتلاقيها في الملف الشخصي على الشمال فوق في نفس المكان الموجوده فيه نجوم تقييم الموضوعات ..

حضرتك ادخل على ملفك الشخصي وهتعرف انا بتكلم عن ايه ..

مغتربة .. مينفعش حد يقيم نفسه ولا مشاركاته وعشان كده هتلاقي الايقونة الخاصة بالتقييم في موضوعاتك مش ظاهرة لك ولا في ملفك الشخصي تقدري تقيمي نفسك وطبعاالامر هو نفسه بالنسبة لبقية الاعضاء ..

[doha]

ايه يا جدعان يعنى محدش رد على سؤالى

لو سمحت اوضح ابن افصح

ازاى اعرف اقيم واحد وازاى اعرف ان واحد مقيمنى

دخلت على ريبوتيشن ولقيت reputation received by adel abu zeid

بس مش عارف الريبوتيشن ده ايه سلبى ام ايجابى

وكان فى موضوع التمريض المصرى

بس بالراحة لو سمحتم

تقيم ( واحد ) انك تدخل في ملفه الشخصي وتحط له عدد نجوم يساوي تقديرك له كعضو ..

اما ازاي تقيم مشاركة حد حاططها فعندك زرين تحت كل مشاركة واحد سالب والثاني موجب لو عجباك اضغط على الموجب ولو مش عجباك اضغط السالب

بجوار الزرين دول هتلاقي رقم بيدل على عدد التقييمات الي الشخص حصل عليها ..

لو اللون اخضر يبقى التقييم اجمالا ايجابي لو اللون احمر يبقى التقييم اجمالا سلبي ..

على العموم متتعبش نفسك انت لما تدخل ورا الستارة حط صح على الجمل وخلاص ..

[مغتربة]

مغتربة .. مينفعش حد يقيم نفسه ولا مشاركاته وعشان كده هتلاقي الايقونة الخاصة بالتقييم في موضوعاتك مش ظاهرة لك ولا في ملفك الشخصي تقدري تقيمي نفسك وطبعاالامر هو نفسه بالنسبة لبقية الاعضاء ..

ما دا الى انا كنت فهماه بس كلام سى السيد لخبطنى شويه

شكرا للتوضيح

[se_ Elsyed]

مغتربة .. مينفعش حد يقيم نفسه ولا مشاركاته وعشان كده هتلاقي الايقونة الخاصة بالتقييم في موضوعاتك مش ظاهرة لك ولا في ملفك الشخصي تقدري تقيمي نفسك وطبعاالامر هو نفسه بالنسبة لبقية الاعضاء ..

ما دا الى انا كنت فهماه بس كلام سى السيد لخبطنى شويه

شكرا للتوضيح

هو أنا جايب الكلام ده من بيتنا ؟؟

انا قلت لكم مثل وكان ممكن تتأكدوا بنفسكم من البروفايل بتاع زهيري

أهو عشان تصدقوا

shiko اليوم, 09:44 AM الإيمان ... فعل واع أم إحساس عفوي

أحمد سيف الأمس, 10:27 AM الإيمان ... فعل واع أم إحساس عفوي

أحمد سيف الأمس, 01:38 AM الإيمان ... فعل واع أم إحساس عفوي

se_ Elsyed Aug 21 2010 08:28 PM آلية لمتابعة و معرفة تقييم الأعضاء لمشاركاتك (Reputation)

أحمد سيف Aug 21 2010 01:38 PM آلية لمتابعة و معرفة تقييم الأعضاء لمشاركاتك (Reputation)

shiko Aug 21 2010 12:33 PM مسلسل الجماعة , حقائق, إفتراءات أم إستخفاف بعقل المشاهد

أحمد سيف Aug 20 2010 11:35 PM آلية لمتابعة و معرفة تقييم الأعضاء لمشاركاتك (Reputation)

MaYousof Aug 19 2010 11:33 PM آلية لمتابعة و معرفة تقييم الأعضاء لمشاركاتك (Reputation)

MaYousof Aug 19 2010 11:31 PM آلية لمتابعة و معرفة تقييم الأعضاء لمشاركاتك (Reputation)

MaYousof Aug 19 2010 11:29 PM اكبر خطأ يقع فيه المهاجر الى كندا

friend Aug 15 2010 12:26 AM لماذا يرى الحمار الشياطين ويرى الديك الملائكة؟؟؟

عادل أبوزيد Aug 14 2010 03:35 PM لماذا يرى الحمار الشياطين ويرى الديك الملائكة؟؟؟

Advisor Aug 14 2010 11:03 AM لماذا يرى الحمار الشياطين ويرى الديك الملائكة؟؟؟

bongeorgeo Aug 06 2010 10:44 PM الجنسية بدون الاقامة في كندا !!

mzohairy Jul 27 2010 11:04 AM ترميم جدار الوحدة الوطنية

mzohairy Jul 27 2010 11:00 AM ترميم جدار الوحدة الوطنية

mzohairy Jul 27 2010 10:52 AM ترميم جدار الوحدة الوطنية

[عادل أبوزيد]

الأرجح أنه حدث خطأ ما فى البرمجيات لأن هذا الموضوع تاريخه 10 أغسطس و ال reputation الخاصة من الفاضل زهيرى إلى نفسه تاريخها 27 يوليو ، و ربما يكون الخطأ مازال موجودا ، لا نوجد وسيلة للتأكد .... على الأقل حتى الآن و سأبحث المسألة.

طبعا إذا كان هناك معلومات عند الفاضل زهيرى ربما تساعد فى البحث.