آلية لمتابعة و معرفة تقييم الأعضاء لمشاركاتك (Reputation)

[عبير يونس]

باختصار شديد اللى يقصده دياب اللى عمله السادات مع المسيحيين

فى فترة من الفترات علشان يمنع صوتهم يتسمع دى تلميحاته

أنت مش مذاكرة تاريخ كويسة يا استاذة أغابى

مجرد ذكر هذه الجمل ( و بقيتوا مراكز قوي في المحاورات ، ولازم السادات -قصدي المشرف - يدي الأوامر لليثي ناصف ) فى تعليق الإستاذ دياب ، يوضح فعلا مابينته الفاضلة " نايت " لان فعلا هذا كان من السيناريو الذى حدث فى عملية القضاء على مراكز القوى وثورة التصحيح ، وليس فى شيئ آخر.

:blink: :blink:

يرضيكي كده يا أ. مصرية , دي فيها قعدة عرب ورد اعتبار جامد قوي , انا بسبب الكلمة دي همسك قائد الجناح العسكري لأعضاء التحرير

مع تحياتي

يا سيدي جناح... دبوس... اهو اي حاجة تتاكل

(وش واحدة قايمة من النوم واخدة في وشها و ع التلاجة مباشرة :lol: )

[الترجمـان]

واضح من ردك زميلتي الفاضلة اغابي

ان محاولة شرحي لأسباب دفاعي عن تلك الآلية -بالموجب أو بالسالب- لم تكن مقنعه بالنسبة لك ..

على العموم لن نختلف ولو ان اسباب رفضك لها لم تقنعني أنا الآخر ..

فكونك تشعرين بالإضطهاد في المنتدى فهذا شئ سئ فعلا ويثير تعاطفي حقا ..

ولكن كونك استطعتي التعرف - من خلال آلية التقيم - على هؤلاء الذين وعلى حد قولك وصفتيهم "بالمتشددين" الذين يعترضون على مداخلتك فقط لأنك مسيحية دون دوافع منطقية أخرى فهذا شئ أراه يحسب لخاصية التقييم ولا يحسب ضدها ..

إلا لو كان موضوع تراكم النقاط الحمراء في رصيدك يمثل نوع من الإساءة المعنوية بالنسبة لك ويزيد من شعورك بالإضهاد ..

فهذا شئ آخر ولك كل الحق ان يصل صوتك وأن يكون محل دراسة من قبل أعضاء الإدارة الفاضلة والأدفيزور...

وخالص تحياتي مرة أخرى

[Alshiekh]

أنت مش مذاكرة تاريخ كويسة يا استاذة أغابى

مجرد ذكر هذه الجمل ( و بقيتوا مراكز قوي في المحاورات ، ولازم السادات -قصدي المشرف - يدي الأوامر لليثي ناصف ) فى تعليق الإستاذ دياب ، يوضح فعلا مابينته الفاضلة " نايت " لان فعلا هذا كان من السيناريو الذى حدث فى عملية القضاء على مراكز القوى وثورة التصحيح ، وليس فى شيئ آخر.

اركني انتى بقي يا اغابي يا اختى على جنب كده , اما اشوف ايه حكاية الفاضلة "نايت" دي كمان.

صباح الفل يا مشرفنا يا غالى , أ. محمد , معاك اخوك الكابوس , مفرد مذكر عازب

مع تحياتي

ياخبر أبيض ، معقول أنا أعمل كده؟؟؟؟؟

أنا آسف جدا لسوء الفهم من جانبى ، اصل الحقيقة انا قرأت مداخلة الاستاذة أغابى والتى قالت فيها " مش بقولك يا نايت انت ملاك " وبنيت عليها ردى ولم آخذ بالى انها غيرت " كابوس " الى " ملاك " :blink:

مرة ثانية أنا آسف واوعدك انى آخد بالى بعد كده

[اغابي]

:lol: :lol: :lol:

شككتونى فى معلوماتى

اصل انا متاكدة ان نايت داه رااااجل

ضحكتونى بجد

:lol:

لولا انى كنت على الاخر امبارح سهرت اوى فى اخر مشاركة ولازم اصحى الصبح بدري للشغل

كنت حانزل برسالة على الخاص اسال فيها نايت انتي انسة

طب كاتبة فى خانة النوع ليه Male

ضحكتونى وشككتونى

ثم يا نايت مالهم الستات انت تطول تتستت

وتبقى ستوتة امورة كدا ونغير اسمك لنايتى بدل نايت

خالص التحية يا نايت اوعى تزعل منى انا بضحك معاك

:lol:

تحياتى للجميع

اغابي

[Diab]

مسيحين مين يا أغابي

أنا قصدي علي الأعضاء القدامي اللي زي حالاتي واو اللي عندهم نسبة مشاركات عالية

لو كنتي في المحاورات من زمان كنتي عرفتي أن حصل نفس الحكاية مع أعضاء بقوا قدامي فحبوا يعملوا تعديل علي لوائح المحاورات وكأنه لوي دراع

بس يعني دي موجة بتجيي كل فترة

فاللي بيحصل قدامي بيفكرني بالذي مضي

والله ده كان قصدي م الاول

الموضوع كان دعابة مش أكتر

أنتي ظلمتيني بس أنا مسامحك : :sad: :

تم تعديل 18 أكتوبر 2010 بواسطة Diab

[اغابي]

قييم ولا يحسب ضدها ..

إلا لو كان موضوع تراكم النقاط الحمراء في رصيدك يمثل نوع من الإساءة المعنوية بالنسبة لك ويزيد من شعورك بالإضهاد ..

فهذا شئ آخر ولك كل الحق ان يصل صوتك وأن يكون محل دراسة من قبل أعضاء الإدارة الفاضلة والأدفيزور...

وخالص تحياتي مرة أخرى

ميرسي اوى يا ترجمان على السطرين اللى فى الاخر

انت وصلت لمكان الالم بمشاركتين فقط

مع ان الكثيرين اعطوا مشاركاتهم

ولم يستطيعو الوصول

تحياتى

اغابي

:roseop:

تم تعديل 18 أكتوبر 2010 بواسطة اغابي

[اغابي]

مسيحين مين يا أغابي

أنا قصدي علي الأعضاء القدامي اللي زي حالاتي واو اللي عندهم نسبة مشاركات عالية

لو كنتي في المحاورات من زمان كنتي عرفتي أن حصل نفس الحكاية مع أعضاء بقوا قدامي فحبوا يعملوا تعديل علي لوائح المحاورات وكأنه لوي دراع

بس يعني دي موجة بتجيي كل فترة

فاللي بيحصل قدامي بيفكرني بالذي مضي

الموضوع كان دعابة مش أكتر

أنتي ظلمتيني بس أنا مسامحك : :sad: :

خلاص يا دياب

ما هو انت عارف السبب انى مذاكرة التاريخ بتاعك معايا كويس

عموما

ما دام انا ظلمتك - وانت ما تقصدش خالص -

انا متاسفة وما تزعلش حقك عليا بجد

وشكرا على قلبك الابيض اللى بيسامح

زى ما سمحتك قبل كدا

اعمل ايه بس ... انتم كدا يا ناس اسوان

ما يقدرش الواحد يزعل منكم فترة طويلة

:hearts:

بس ايه رايك الظلم اللى حصل داه وتعاطف الناس معاك هنا

عملك تشي غيفارا المحاورات - اشكرنى بقى - اى خدمة

نتكلم فى النقطة التانية

الموضوع مش تعديل علي لوائح المحاورات ولا الكلام داه هو طلب وعاوزين الناس تضم صوتها لصوتنا

اننا نشيل النقاط السالب او الاتنين والاختيار للادارة والمشرفين ضم صوتك لصوتنا

وسمعنى الضحكة الحلوة

اغابي

:roseop:

[Diab]

و

سمعنى الضحكة الحلوة

اغابي

:rolleyes:

بصي أقولك كلمة حق وهأحلف تاني بالله

أنا بتعامل مع المسيحيين حوليا بمنتهي الأريحية - حلو الأريحية دي :happy:

أقولك أنا كان زميل التختة بتاعتي في المدرسة جاري وزميلي كامل" مسيحي"

مقاول البيت بتاعي عندي وعندي جدي لوالدتي برضه مسيحي وصديق برضه "كامل"

بتاع العفش عندي وعند أهلي كلهم مسيحي " جورج "

وتاجر الدهب

ودكتور العيلة بتاعنا كان دكتور "أنطوان" بس هو مات لانه كان عجوز قوي بس كان دكتور عقر و كان بيعالجنا من أيام جدي في الستينات

وغيره وغيره

طول عمرنا عايشين كدة اللي حصل بقي

[اغابي]

خاصيه غير منطقيه و مثيره للتنابذ

فإذا تم السماح لكل من يعارضك الرأي ان يقيمك تقييم سالب و هو أمر لا عيب فيه

لكن اذا كان بناء عليه سيتم حرمانك من بعض الصلاحيات

فمعنى هذا ان اي شخص مخالف لفكر جماعة ما(ايا كان مستوى تفكير هذه الجماعه) ممكن يطرده مخالفيه من المكان مثلا

انا مثلا ممكن الاقي نفسي بره المكان خلال نص ساعه

:)

حبيت انى اعمل ريفرش للمشاركة دى وكان كاتبها زوهيري

وياسلام على كل كلمة فيها شوفوا عدى وقت اد ايه وكلام زوهيري بحذفيره اتحقق نقول عليه بس

صوتك يا زوهيري يشبه صوتى كتير

انا رايي ان كمان قدام وحتحصل كوارث جديدة بسبب النقاط السالب دي

ربنا يهدي الامور وترجعلنا المحاورات تانى يا زوهيري

وتسيبك من الواحات والنخل اللى انت سكنت فيها

اغابي

[اغابي]

تشرفت بالنقاش تليفونيا مع الأستاذ عادل ابو زيد صباح اليوم في مسألة الريبيوتيشن

و حابب اعرض وجهة نظري المتواضعه تلخيصا

اولا الحوار في مجتمع المنتيدات هو حوار في غرف مظلمه لا يرى فيه المتكلمون بعضهم البعض و لا يسمعون اصوات بعضهم البعض

و بالتالي فكل متحاور قد يختلف جذريا عن الآخر سنا و ذوقا و ثقافة و تعليما و خبرات حياتية و انتماءات عقائدية و ايمانية و سياسية

و بما ان الغرفة مظلمة و الجميع اصبح له سلطة بشكل ما ... فأنت معرض لرد فعل غير مسئول من اي شخص معترض على اراءك منتهزا فرصة الظلام

التقييم الحالي سيتحول الى نوع من اعطاء السلطة للجميع

و هو امر مضر جدا في رأيي في مجتمعاتنا العربية

كمـــــان انا عاوزة اكد على كدا يا زوهيري

يا ريت الادارة تركز فى كلامك داه مرتين وتلاتة وعشرة

اضم صوتى لصوتك

اغابي

تم تعديل 18 أكتوبر 2010 بواسطة اغابي

[اغابي]

قـائمــة الاعضــاء الاحــرار

--------------------------

ضحـــــى

اغابــــي

تيمــــور

هنــد على

ديـــــاب

خالد المسلم

مصرية متغربة

نايت مــــار

زوهـــــــيري

-------------

مين ينضم للتصويت

الاعتراض حق من حقوق الاعضاء

--------------------------

اغابي

[اغابي]

الاعـتــراض مصلحتـــك اولا

---------------------------

ساهم معنا فى حملتنا لايقاف النقـاط الحمــراء

من اجـل الديمقراطية والراى الحـر

دعوة مفتوحة لاعضاء المنتدى الكرام

[Simba]

انا معاكم

وبتمني الادارة ان تشيل التقييم ده

[اغابي]

قـائمــة الاعضــاء الاحــرار

--------------------------

ضحـــــى

اغابــــي

تيمــــور

هنــد على

ديـــــاب

خالد المسلم

مصرية متغربة

نايت مــــار

زوهـــــــيري

سمـبـــا

-------------

مين ينضم للتصويت

الاعتراض حق من حقوق الاعضاء

--------------------------

اغابي

[المهندسه]

قـائمــة الاعضــاء الاحــرار

--------------------------

ضحـــــى

اغابــــي

تيمــــور

هنــد على

ديـــــاب

خالد المسلم

مصرية متغربة

نايت مــــار

زوهـــــــيري

-------------

مين ينضم للتصويت

الاعتراض حق من حقوق الاعضاء

--------------------------

اغابي

اضيفى الى هذه القائمه ...المهندسه بالرغم من انى لست متضرره من النقاط الحمرا ولكن ارى انها ليس لها معنى...غير منطقى ان اعطى نقطه بالسالب و انقص من رصيد عضو لمجرد اختلافى معاه فى الرأى او الدين مثلما حدث مع بعض الاعضاء.

النقاط الحمرا تولد البغضاء بيننا البعض ..فأرجو الغائها

[خالد شحاته]

انا اكيد معكم في المجموعه

[akramgroup]

طيب معلش ياجماعة انا عاوز اقول حاجه بعد اذن الجميع

بخصوص الغاء خاصية التقييم مع انى ليا وجهة نظر اخرى فى الموضوع ده wst::

وجهة نظرى فعلا ان الاداه دى ليها مميزات وليها عيوب

طبعا مميزاتها قام بسردها اكثر من عضو فى المشاركات اللى فاتت

والعيوب ايضا واضحة

وبصراحه الهدف من هذه الاَليه هدف مفيد وتقنيه حديثة لاعيب فى وجودها

بس بصراحة موضوع التقيمات السالبه ده الناس بتستخدمه فعلا بشخصنه وعدم مسئولية

الحل فى وجهة نظرى هى الغاء التقييم السالب( النقط الحمراء) والابقاء على التقييم

الايجابى (النقط الخضراء)

ويبقى الموضوع زى LIKE or DISLIKE

بهذه الطريقه ستكون الاداة متاحة لمن يريد أن يعبر عن اعجابة بمشاركة ما ( نقطة خضراء)

بدل من مشكور والله ينور و .......

ومن يراها غير ذلك يمتنع عن التقييم بنقطة خضراء أو لو اثارت هذه المشاركة تحفظه بصورة

قويه حينها يقوم بابداء رأية فى مشاركة اخرى وابداء اعتراضة وتحفظه على مشاركة العضو الاخر

ويبدأ النقاش بعرض وجهات النظر المختلفة مما يزيد من ثراء وقيمة اى موضوع.

هذه وجهة نظرى الخاصة وما اراه منطقياً ومفيداً .

تحياتى لجميع الأعضاء

أكرم,,

تم تعديل 18 أكتوبر 2010 بواسطة akramgroup

[samehmagdy]

انا معاكم

[شريف مان]

ايه دا !!

انا اغيب يومين ارجع الاقيكم عاملين ثورة

وكمان المستشارة أغابى قايمة بدور القائد

على العموم انا معاكم قلبا وقالبا ... ولازم أكون قائد التنظيم ... لانى الوحيد هنا اللى اتمنعت من حقى القانونى فى التصويت ( التقييم ) وكمان انا الوحيد اللى تم اعتقالى ( ايقافى ) لمدة اسبوعين

يا سلام ... شووووف إزاي

يعني لو ما كانتش الخاصية دي إتمنعت عنك - إنت الوحيد من دون الاف الأعضاء - ... كان هايبقى مبارك فُله وشمعه منورة ورجل البر والتقوى ؟

مين !!

عم الشباب س س اللى بيرد عليا

والله كنت عايز مشرف تانى اللى يرد

قلبى معاك والله بعد صعود دولة الترجى للنهائى وفوزه بالبطولة بأذن الله .. بس خليك فى تامر آمين وملكش دعوة بعمورة الزملكاوى

حتة الاف الاعضاء دى فين

احنا بالكتير 50 اللى بندخل باستمرار وكمان عارفين بعض

أما موضوع اتمنعت ... فدا لانى الوحيد اللى وقفت ضد محاربة الفكر الوهابى فى الموضوع الشهير وأديت للسيد عادل تقييم سالب فعشان كده اتشتمت واتوقفت :lol:

وحتة اساءة استخدام الخاصية

فبالله عليك أقرأ التعليقات اللى فى الموضوع وانت تعرف ان كل الاعضاء بلا استثناء بما فيهم انا بنسىء استخدام الخاصية ( بمعايير الادارة )

وبالله عليك بردواااااااااااااااااااااا قولى هوا ايه الاستخدام الامثل للخاصية

وبالنسبة لموضوع مبارك فأكيد انا عرفت اننا نستحق ان واحد زيه اللى يحكمنا

لما نبقى منتدى اسمه محاورات وواحد يختلف مع الفكر الليبرالى اللى معظم اعضاء الادارة مقتنعين بيه

فتتحدف ردوده بدون حتى تنبيه ( باستثناءك انت ) وكمان تتحذف مواضيعه

يبقى نستحق مبارك

لما اكتب على القذاقى ( ليس عليه حرج ) فيحذف السيد عادل ردى لانه فيه تجاوز وفى نفس الموضوع المشرف محمد يمسح بالقذافى الارض ومحدش يكلمه يبقى نستحق مبارك

لما ينحذف موضوعى عن شيخ الازهر الحالى بداعى ان فيه تجاوز ويتساب موضوعك اللى مسحت فيه بأبو الغيط الارض يبقى نستحق مبارك

شوفت ازاى بقى

على العموم عشان منخرجش عن الموضوع انا مع اقتراح أغابى مليون %

تحياتى بس ياريت ردى دا كمان مايتحذفش

[م تيمور المراغي]

ردك جميل اوي يا شريف

كنت عاوز اضع لك تقييم موجب لكني استنفذت العدد اليومي من التقييمات المتاح لي

اهلا بيك معانا ,, مع الاحرار ,, انت من الاحرار يا شريف :happy: