على باب سفارة كندا !!!

[شريف مان]

على باب سفارة كندا لمحت ابليس وفأيده استماره

بقوله ايه على فين قالى بص ياهجره يا اعاره

انا كفرت ملقيش معاك سجاره

ياراجل انا خلاص لابقيت وسواس ولا خناس ولا ليا عيش وسط الناس

خلاص بقالى سنين عاطل

وانتوا تعرفوا تقلبوا الحق باطل

وتقتلوا القتيل وتسلكوا القاتل ومفيش مشاكل

خلاص انا مسافر مهاجر

ياراجل داانا بقيت بوسوس للناس بالمقلوب

اقول للحرامى انت مش هتوب

يعنى انت هتعمل كل الذنوب لوحدك

وانا ابليس اشتغل ايه واعظ وللا كمسرى فى اتوبيس

ياراجل داانا خلاص

زمان كنت اقعد استنى حد ينسى وهوا بياكل لقمته

دلوقتى بصراحه كل اكلكوا ملوث والواحد بيخاف على صحته

دا مفيش ضمير اساسا عشان اموتو

ياراجل دا من كتر ما لطشت معايا

مشيت مع الناس اللى بتقول كفايه

وبردوا مفيش فايدة

الشاعر / على سلامه

[باهى الطائر الحزين]

الوجيه / شريف مان

لو ان الصياغه جميله

فا الروعه اختيارك الموفق

شكرا ل/على سلامه

على الفكره و الصياغه

و شريف مان للتقديم و التعريف

شكراً لكليكما جميعا

دمت/ بود