العرقســــــــوس .. شِفا وخمير

[se_ Elsyed]

أبنائي العرقسوسيون الأحرار ..

إحنا لازم يكون لنا وقفة . ولازم نطالب بوطن حُر مستقل لنا .... ونقسم السبوبة على بعض ..

إيه رأيكم لو نستقل بالساحل الشمالي ونسمية " جمهورية العرقسوس الحلوه الساقعه المشبرة " ؟

عرق سوس يييييييييععععععع

احب اقولك ما فيش احلى من الكركدية بالتمر الهندي

ماشي يا ريمو ... بس أبقي هوبي نواحي جمهوريتنا وشوفي هايحصل لك إيه

خلي بقى الكركدية بالمايونيز ينفعك وخليكو بلا جمهورية كده

سؤال ع جنب ل سي السيد

السوبيا ايه نظامها

في ماما نورا ولا فيه سكك تانيه للسوبيا

لا ماما نورا ولا يا مال الشام

السوبيا .. واللبن ... والبليلة .. والكباب ...

كل هؤلاء وتيلكمو من الافخاخ اللي لازم يقع فيها اي مصري جاي جديد للسعودية ..

أقول لك إزاي :

1- السوبيا هنا عبارة عن منقوع الشعير أو الزبيب .... في حين إنها في مصر هي منقوع جوز الهند مع الحليب المُحلى بالسُكر .... على فكرة أنا بأستوردها من مصر .. بتتباع في كارفور ....ويادوب بس تدوبها في المياه أو الحليب ... جنننننننننننننان ومالهاش حل وأحلى من الجاهزه مليون مره ... مش عارف بتتباع فين تاني بصراحة .

2- اللبن .... في مصر هو الحليب ... لكن إنت عارف الحليب هنا هو اللي بيتشرب أو يوضع على الحلويات ... واللبن هو بتاع الهضم

3- البليلة .... هنا هي حُمص الشام ... في حين في مصر هي اللي بتتعمل من القمح والحركات ..

4- الكباب ... هنا هو الكفته ( اللحمة المفرومة ) المشوية والغريبة إنه بيُسمى كفته برضوا ... يعني الكفته والكباب هنا هما أسمان لمخلوق واحد ... في حين إن الكباب في مصر هو اللحمه المقطعه قطعه صغيرة ومشوية .... الكباب بتاعنا بقى يُسمى هنا " أوصال "

انا لي سؤال ..هل لازم نغسل العرقسوس في شاشة قبل مايتنقع؟؟؟

انا شايف صراحة انة لازم يتغسل عشان بيبقي معروض في الهوا بس للاسف لما بغسلة بينزل كل لونة و بيبقي بعد كدة المنقوع باهت و طعمة مش قوي

يا عم لأ ما بيتغسلش وإذا جت على الشوية اللي في الأخر ما تشربهمش .. وزي ما قلت لك الجاهز دلوقت طعمه أحلى ..

كت معزوم أمبارح عند ناس ... وكانوا عاملين عرقسوس على الفطار على الطريقة المصرية .. كانوا جايبينه من مصر أساساً ... ومع أول شفطه كان هايجرا لي اللي جرا ....

بصراحة طعم بشع وغير مُتقن ومن غير بيكربونات .. ويمكن من غير عرقسوس ... وتحس بجد إنك بتشرب مياه لغسيل منقوع بقى له 3 شهور ...

دي أساءه للعرقسوووووووووس

روحت البيت بقى وكنت مخزن شفشق قبلها بيوم .... في التلاجه .. وما أن رأني قادماً حتى أرتمى في أحضاني .. بجد .. نسفته ..... وسأسأت شفشق تاني ... بس ما قدرتش أشرب إلا نصه عشان أعرف أروح

[pocy]

انا بصراحه العرقسوس بعمله كل ما يخلص من التلاجه يعنى بعمل شفشف ياخدله يومين تلاته لان زوجى بس اللى بيشرب منه ومعرفش ازاى بيشربه زى اخواتى وبابا بس انا بقي استحاله ثم استحاله ده حتى الواد عمر طالع زى ياخده شفطه واحده من ابوه وطول اليوم مطلع لسانه بره وبيمسح فيه الطعم الفظيع المريع اللى انتوا بتحكوا عسكه والله انا نفسي احبه علشان افيد نفسي بيه لكن بصراحه مش قادره ييييييييييييييييييييع وأُعععععععععععععععع كمان

وربنا يجازيك خير يارب يمكن لو قدر لى ان ده هو العلاج لاى شئ ممكن افكر كانه دواء طعمه وحش ومضطره لكن غير كده ابدا ماحطوه فى بقي

ورمضان كريم علينا وعليكم وعلى فكره انا كنت بقول كده على عصير القصب وانا دلوقتى علشان اشرب كوبايه بروح اشربها فى الفروانيه حتى بعيده عنى لانى مفيش عصير قصب فى منطقتنا إهي إهي عقبال العرق سوس وعلى فكره انا حبيت عصير القصب بعد ما عرفت ان عندى املاح فظيعه على الكليه وستؤدى الى صديد ووصفولى عصير القصب كعلاج لمده اسبوعين ومن ساعتها وانا بحبه عقبال العرق سوسو

هههههههههههههههههه

وكل سنه وانت طيب مين حابب اعمله شفشق عرق سوس