قانون إيكا

[se_ Elsyed]

كل سنة وإحنا طيبين ومهاودين وشايفين كل حاجه وساكتين

ههههههههههههههههه

من كام اسبوع قليلين مسكوا أخت الممثلة " زينه " قدام جراند مول المعادي وهي بتبيع كوكايين .. وكانوا مراقبينها بقى لهم فترة والبنت اعترفت انها شريكة لواحد امريكي ( هارب ) وإن لها زباين من الوسط الفني مشهورين قووووووووووووووي

ماشي كده ؟

أختها زينة بقى ... عيطت وبكت واعتكفت وقالت مش هاتكلم وأعلق على الموضوع وحرام عليكم سيبوني في حالي ... لكن أول ما قناة القاهرة والناس وتحديداً برنامج طوني خليفة شخللوا لها بـ

بـ

بـ 40 الف دولار من كام يوم .... وافقت وقالت " ده أنا ابيع أبويا واختي من أجل الدنانير " وهاطلع في البرنامج تتكلم عن موضوع أختها اللي أتعكشت

بص العجب بقى في زمن العجب

من أول جلسة يا كتاكيت .. بالصلاتو عالحبيب بهاء الدين أبو شقه وأبنه .. جابوا لها براءه من أول جلسة النهاردة وكأنها قضية سرقة غسيل مش مخدرات ههههههههه

قضت محكمة جنايات جنوب القاهرة برئاسة المستشار عمر عبد العظيم الشريف ببراءة كلا من ياسمين رضا إسماعيل شقيقة الفنانة زينة وشريكها نادر أحمد شوقى بعد اتهامهما بالاتجار بالمواد المخدرة وحيازة الكوكايين وغسيل الأموال وذلك فى أولى جلسات نظر القضية.

كانت الإدارة العامة لمكافحة المخدرات ألقت القبض على ياسمين أمام جراند مول المعادى فى المعادى وبحوزتها 50 جرام كوكايين ومبلغ 22 ألف جنيه و650 دولاراً، كما تم القبض على شريكها وصدر قرار بمنعها من التصرف فى أموالها والتحفظ عليها.

أنظر الكتاب صفحة قضية طلعت مصطفى .. ما هو تدخل في النقض وحل رقابته من على حبل المشنقة ....

اصلي يا ابو شقه ... اصلي

بس هاتروح من ربنا فين ؟....

في محاكم دنيوية ... ممكن تشتغلهم وتكلفتهم وتلعب بالقانون لعب

وفي محاكم أخروية .... عند الحكم العدل اللي ما عندوش ظلم ولا نقض ولا أستئناف

[Howayda Ismail]

المعروف ان ابو شقة بيكسب قضياه اعتمادا على تفنيد اجراءات الضبط وخبرته الطويلة والدقيقة

ب(دخانيق)القانون يعنى معظم موكليه مش ابرياء ولكنه بيحصل لهم على البراءة من اول جلسة

والمعروف طبعا مين زباينه ومافيش حد ودى البلد فى داهية الا عينة ابو شقة لما خرجوا عتاة الاجرام

وتجار المخدرات نتيجة لاخطاء فى الاجراءات مش اكتر اوالدفع بكبش فدى يعنى براءة مشبوهة منهم لله

[doha]

الخبر ده ريحني ياسين سين .. اصلي كنت بدأت افقد الثقة في نفسي لما الاقي ( النجمة ) زينة متواجده في اعمال فنية كتير وشايفه ان شكلها يقطع الخميرة من البيت ومع ذلك الكل بيعاملها على انها فاتنة هوليود .. كان الحمار بيلعب في عبي ان اكيد في حاجه غلط والبنت دي من عينة شيرين وجدي ولا لبنى عبد العزيز الي مفروضين علينا بالفلوس .. كنت بكذب نفسي واقول مش معقول زينة باين عليها مش بنت نعمه وباين عليها من ملامحها وطريقة كلامها انها لا مؤاخذة يعني ( بيئة ) بعكس شيرين وجدي الي شكلها مصروف عليها جامد .. كنت بقول يعني هيجاملوها ليه بس .. البنت وصلت بمجهودها .. دي اكيد ( غيرة فنية ) ..

مش بقولك الخبر ريحني ..

يعني في امل احتمال ان الخبر صحيح وان الناس دي فعلا لهم ظهور بتستنفع من وراهم وان التواجد المكثف لوجه غير سينمائي بالمرة واداء باهت والادهى مدح واشاده من النقاد هو نتيجه للواسطه والمحسوبيه مش للكفاءة الي كنت فاكره نفسي احوليت لما مش قادره خالص اشوفها ..

حد تاني معايا ان زينة ابدا .. مو زينة ..

[se_ Elsyed]

أنا معاكي يا ضُحى ولا لها في البطيخ اول ظهور لها اخدت بطولة في مسلسل ما حدش شافه رمضان الماضي إسمه " ليالي " ...

وخليهم يعجنوا في الدنيا .. أما نشوف أخرتهم هاتبقى إيه

بُصوا خبر تاني من عينة قانون ساكسونيا

- كلنا عارفين " عماد الكبير " صاحب أشهر كليب غنائي عرفه التاريخ المصري .. فهو أول ضحيه للتصوير في أقسام الشرطة واللي هتكوا عرضه وصوروه بالموبيل وأنتشر الكليب أنتشار النار في الهشيم وكل اللي شاركوا في الكليب ده أتحكم عليهم بالسجن ... ومن ساعتها والداخلية حطه عماد في دماغها .. وهو أساساً سواق ميكروباص في أمبابة .. يعني عمله وثقافته على قده وبيئته بتحكم عليه الأحتكاك بنوعيات مش مظبوطه وممكن يتخانق عادي يعني كل يوم .. الأسبوع اللي فات حصلت خناقه في الموقف .. ولبسوها لعماد الكبير من أولها لأخرها .... هههههههههههههههههههه ... زتونة الموضوع بقى إن أمبارح قبضوا عليه وحولوه لمحكمة أمن الدولة العُليا بتهمة التجمهر ...

امن دولة وهايبقى حُكم يقطم الوسط طبعاً أشبة بأحكام التجسس أو قلب نظام الحكم ..

بُصوا الناحية التانية .. الأسبوع الماضي حصلت مشاجرة دموية في الفيوم بالأسلحة الرشاشة بين تجار أراضي وواضعي يد وكان ناقص يستخدموا المدافع كمان وراح ضحيتها 4 غير المصابين وكانت مجزرة بكل معنى الكلمة .. وعادي الدنيا هادية وهاترسى على حكم " ضرب أفضى إلى موت " ومشاجرة عادية جداً بين ناس بيلبعوا كوره

[engmido]

يا اخى انت بتعرف ازاى تضحكنى من قلبى

وتنكد علييا قوى فى نفس الوقت

بس برده لن اقول الا .. لك الله يا مصر ..... وحسبى الله ونعم الوكيل

[ذهبية]

يعنى من اول جلسة كدة براءة طيب كانوا سبكوها شوية كانوا جابوا لها البراءة فى النقض زى اكياس الدم كدة و لا كانوا صبروا عليها كدة و الخبر نام فى الادراج زىابراهيم سليمان

طيب كانوا هربوها زى ممدوح اسماعيل صاحب العبارة

استعجلوا بسرعة لية كدةةةة ا

طيب ما احنا عارفين النتيجة واحدة عادى متعودين

ومش غريبة انها معترفة و برضة تاخد براءةةةة

برضة عادى

[mamdowh]

'ذهبية'

يعنى من اول جلسة كدة براءة طيب كانوا سبكوها شوية كانوا جابوا لها البراءة فى النقض زى اكياس الدم كدة و لا كانوا صبروا عليها كدة و الخبر نام فى الادراج زىابراهيم سليمان

طيب كانوا هربوها زى ممدوح اسماعيل صاحب العبارة

استعجلوا بسرعة لية كدةةةة ا

طيب ما احنا عارفين النتيجة واحدة عادى متعودين

ومش غريبة انها معترفة و برضة تاخد براءةةةة

برضة عادى

مستعجلين عاوزين حد يمونهم بالمخدرات مش لاقيين

تم تعديل 12 أغسطس 2010 بواسطة mamdowh

[برنس سمير]

'ذهبية'

يعنى من اول جلسة كدة براءة طيب كانوا سبكوها شوية كانوا جابوا لها البراءة فى النقض زى اكياس الدم كدة و لا كانوا صبروا عليها كدة و الخبر نام فى الادراج زىابراهيم سليمان

طيب كانوا هربوها زى ممدوح اسماعيل صاحب العبارة

استعجلوا بسرعة لية كدةةةة ا

طيب ما احنا عارفين النتيجة واحدة عادى متعودين

ومش غريبة انها معترفة و برضة تاخد براءةةةة

برضة عادى

مستعجلين عاوزين حد يمونهم بالمخدرات مش لاقيين

ايوة انا معاكى يا ضحى البت زينه دى قمه القرف فعلا زينه ليست زينه خالص حاجه تقرف كفايه بقى عشان انا اتقرفت