فوائد الوديعة

[شريف مان]

السلام عليكم

عايز احط مبلغ كوديعة لمدة 3 سنوات

فعايز اعرف الفوائد كام فى المية

ولو هحط المبلغ كحساب جارى

هتبقى الفوائد كام فى المية

وهل فيه بنوك قيمة الفوائد فيها اعلى من بنوك اخرى ام لا

تم تعديل 16 أغسطس 2010 بواسطة شريف مان

[أشرف محمد]

السلام عليكم

عايز احط مبلغ كوديعة لمدة 3 سنوات

فعايز اعرف الفوائد كام فى المية

ولو هحط المبلغ كحساب جارى

هتبقى الفوائد كام فى المية

وهل فيه بنوك قيمة الفوائد فيها اعلى من بنوك اخرى ام لا

بسم الله الرحمن الرحيم

الأخ الفاضل / شريف مان

تحية طيبة وبعد 000

لا أنصحك بالودائع لأن الفائدة فيها ضعيفة جداً فأعلى عائد على الوديعة في مصر لا يتجاوز 6.50 % سنوياً0

طالما حضرتك لست بحاجة إلى أصل رأس المال لمدة 3 سنوات فعليك بشهادات بنك تنمية الصادرات ( مدتها 3 سنوات ) وتعطي عائد سنوي مقدارة 10 % 0 و ممكن تحويل هذا العائد السنوي إلى دفتر توفير في نفس البنك حيث يعطي عائد سنوي قدره ( 7.25 % ) يصرف شهرياً و ممكن تعطي للبنك تعليمات بأن هذا العائد يضاف إلى رأس المال 0

خالص تحياتي

مهندس / أشرف محمد

تم تعديل 16 أغسطس 2010 بواسطة أشرف محمد

[شريف مان]

شكرا جزيلا يا باشمهندس

[doha]

مش هتكلم عن الحلال والحرام بس لو فرضنا انها حلال فالمشكلة ان بعد ثلاث سنين المبلغ بعوائده هيبقى هو نفس قيمته النهرده يبقى انت معملتش حاجه ..

لو هي فكرتك انك عاوزه ميخسش بس ومش مهم الزياده احتفظ بيه على هيئة نقد اجنبي دولارات او يورو او حتى ريال ..

على العموم فكر كويس واستخير قبل وضع المبلغ في البنك لانها اصبحت هي الاخرى مغامرة محتاجه تنحسب الاول ..

[hOuSsAm]

هيئة نقد اجنبي دولارات او يورو او حتى ريال

دولارات ويورو لاء

مفيش استقرار اقتصادى ولا سياسى الكام سنة الجايين وتوقع اى شئ يحصل وهتلاقى الدنيا طالعة ونازلة قدام عنيك

ولو مش مصدقنى شوف اليورو السنة اللى فاتت دى طلع ونزل اد ايه (بمعامل الريال) من 6 لحد 5.3 لحد 4.5 لحد 5.7 لحد 4.6 لحد اخر حاجة 4.8 (انت ممكن تنسى اسمك وانت كل يوم بتشوف الارقام دى طالعة نازلة وانت حاسس انك بتخسر راس مالك)

اللى عايز يشتغل فى العملات يشتغل مضاربة واستثمار قصير الاجل وليس استثمار طويل الاجل (دى وجهة نظرى الشخصية انا معرفش خبراء الاقتصاد ممكن يقولوا ايه)

مش هتكلم عن الحلال والحرام بس لو فرضنا انها حلال فالمشكلة ان بعد ثلاث سنين المبلغ بعوائده هيبقى هو نفس قيمته النهرده يبقى انت معملتش حاجه

انا متفق مع حضرتك فى الحاجة دى بس مش هيبقى نفس القيمة ............ بتجربة السنين اللى فاتت هيبقى اقل من القيمة

اظن ان اسلم حل يا شريف ومن تجربة ناس كتيرة فى المنتدى انهم بيتجهوا للذهب (السبايك) وهو من اضمن الحجات فى الوقت الحالى لحفظ الاموال

استخير ربنا واستشير حد من اهل الخبرة تانى او من لهم تجارب زى بالبشمهندس اشرف قالك

ثم توكل على الله

وتحرى الحلال وبالتوفيق باذن الله تعالى

[شريف مان]

والله انا لسه بفكر ومستقرتش على حاجة

هوا المبلغ مش كبير 50000 فقط

وانا عايز ابعده عن ايدى عشان ميطرش

وبعدين مين عارف يمكن بعد 3 سنين لو فيه عمر اتبرع بالفائدة واحتفظ بأصل المبلغ :blink:

موضوع الذهب دا يا حسام انا فكرت فيه

بس المبلغ دى يجيب ايه ( سبيكتين )

ومش عارف يطلعله زكاه ولا لا

وهندخل فى قصص وحكايات

mfb:

تم تعديل 17 أغسطس 2010 بواسطة شريف مان

[MZohairy]

هل لو حطيت 50000 جنيه في البنك بفائده 7% سنويا بحيث يكون الرصيد في نهاية الثلاثة سنوات 61 الف جنيه تقريبا

فهل القيمه الشرائيه لل 61 الف بعد 3 سنين تساوي القيمة الشرائيه للخمسين الف حاليا؟

و هل لو حولتهم لدولارات بحيث يعملولك حاليا قرابة ال 8700 دولار و خليتهم في الدولاب مركونين لمدة 3 سنوات

هل بعد 3 سنين القيمه الشرائيه للمبلغ ده لن تتغير؟

[egyptawy]

هل لو حطيت 50000 جنيه في البنك بفائده 7% سنويا بحيث يكون الرصيد في نهاية الثلاثة سنوات 61 الف جنيه تقريبا

فهل القيمه الشرائيه لل 61 الف بعد 3 سنين تساوي القيمة الشرائيه للخمسين الف حاليا؟

و هل لو حولتهم لدولارات بحيث يعملولك حاليا قرابة ال 8700 دولار و خليتهم في الدولاب مركونين لمدة 3 سنوات

هل بعد 3 سنين القيمه الشرائيه للمبلغ ده لن تتغير؟

طيب ايه الحل يازوهيرى من وجهة نظرك

[yasser moustafa]

بص يا شريف

انا عندى اقتراحين

الاقتراح الأول: انك تضع هذا المبلغ فى اسثمار عقارى كأن تشترى كام قيراط زراعى (حوالى 5 قراريط) وممكن تأجرهم بالسنة أو تشترى محل صغير تمليك أو شئ من هذا القبيل

الاقتراح الثانى: انك تشترى سيارة بالقسط على ثلاث سنوات وتأجرها الى اى مكتب لتأجير السيارات بحيث تدفع قيمة القسط من عائد الايجار الشهرى وهايفيض مبلغ معقول ممكن يودع فى دفتر توفير وبحيث فى نهاية الثلاث سنوات سيتوفر مبلغ معقول فى دفتر التوفير وكمان السيارة

وممكن نعمل مثال محلول كالتالى

لو اشتريت سيارة شيفروليه اوبترا بحوالى 90 الف جنية كاش

المقدم= 50 الف

المتبقى= 40 الف

الفوائد على 3 سنوات حوالى 10 الاف جنيه

يعنى قسط شهرى فى حدود من 1400 الى 1500 جنيه

وتأجيرها ها يكون فى حدود 3000 جنيه شهرى

يعنى سيوضع 1500 جنيه فى دفتر التوفير شهريا

وبالتالى فى ثلاث سنوات يكون فى دفتر التوفير 54 الف جنيه

بالاضافة الى السيارة

ايه رأيك ؟

[doha]

مازلت عند رأيي ادخرهم بالريال او الدولار افضل .. حتى لو نزلت القيمه حاجه بسيطه فده مش هيفرق معاك كتير هو بيفرق في المبالغ الكبيرة اوي اكتر ..

اما الذهب عيبه انه ( قلق ) محتاج تحفظه في حته امان .. زكاته مش مشكلة خاصه وانت برضه على حد علمي لازم تدفع زكاه على المبلغ المدخر حتى لو مكانش ذهب .. وبيني وبينك الزكاه الحاجه الوحيده الي بتبارك في الفلوس وبتضمن لك انها متطيرش .. بس المشكلة انك متضمنش الذهب يرجع ينزل تاني وبقوة كمان خاصه والكل دلوقت بيستثمر فيه ..

لو تعرف حد ( ثقة اوي ) اشتري بالمبلغ ده ـ اكرمك الله ـ مواشي .. جواميس ومعيز وغنم .. بتكسب كويس جدا تقريبا الضعف في خلال سنة .. بس المشكلة انك تلاقي حد تثق فيه وميسرقكش ويقولك ماتت او مجابتش انتاج.. كل الي محتاجه مكان مناسب وشخص في منطقة قروية بعض الشيء ويتولى هو الرعاية والاطعام مع المشاركه في نصف التكاليف وبتتقسم الارباح الثلث والثلثين او النص بالنص على حسب الاتفاق ولو عدد المواشي المشتراه كتير بيبقى في امكانية للتربح من بيع الحليب كمان .. مشروع ممتاز بس عيبه زي ماذكرت انك تلاقي الثقة الي بقى عمله نادرة اليومين دول ..

على العموم المشاريع كتير بس كلها عاوزه دراسة وتأني وانا لو مكانك هحتفظ بفلوسي نقد اجنبي وعيني على السوق بحيث اطلعهم من تحت البلاطه وقت مالاقي المشروع المناسب..

ربنايبارك لك فيهم ويجعلهم نواة طيبة لرزق وفير . . حلال ..

[hOuSsAm]

لو تعرف حد ( ثقة اوي ) اشتري بالمبلغ ده ـ اكرمك الله ـ مواشي .. جواميس ومعيز وغنم .. بتكسب كويس جدا تقريبا الضعف في خلال سنة .. بس المشكلة انك تلاقي حد تثق فيه وميسرقكش ويقولك ماتت او مجابتش انتاج.. كل الي محتاجه مكان مناسب وشخص في منطقة قروية بعض الشيء ويتولى هو الرعاية والاطعام مع المشاركه في نصف التكاليف وبتتقسم الارباح الثلث والثلثين او النص بالنص على حسب الاتفاق ولو عدد المواشي المشتراه كتير بيبقى في امكانية للتربح من بيع الحليب كمان .. مشروع ممتاز بس عيبه زي ماذكرت انك تلاقي الثقة الي بقى عمله نادرة اليومين دول ..

فكرة بردوا (بس المخاطرة فيها عالى) واظن ان شريف عايز حاجة المخاطرة فيها قليل لانه محتاج الفلوس دى بعد 3 سنوات وبالتالى حاجة المخاطرة فيها قليلة يبقى الربح او العائد فيها قليل كمان

امبارح فكرت فى الليلة وحطيت نفسى مكانك وقولت يا حس هتعمل ايه قولت لو معايا الفلوس دى ومعايا وقت كويس ومحتاج انها تتحول لسيولة فى اى وقت يبقى هجيب شوية كتب بورصة اقراها وممكن اخد كورس كمان (بقت موجودة كتير فى القاهرة) واستثمر فى الاسهم (واعمل محفظة لنفسى اقسم الفلوس كذا جزء استثمار طويل الاجل ودى فى الاسهم اللى المخاطرة فيها قليلة والربح قليل ودى اللى هتوقع عائدها بعد 3 سنوات ومش محتاجة متابعة اوى لانها بتتميز بالاستقرار النسبى والجزء التانى اجيب بيهم اسهم درجة المخاطرة عالية فيهم شوية وبالتالى العائد هيكبر ودى اللى محتاجة وقت منك انك تتابعها يوميا)

او لو مكنش عندك وقت يبقى اشترى فى اسهم تكون سمعتها كويسة ومستقرة فى السوق (وبردوا محتاج تتابعها لان السوق عندنا فى مصر مش مستقر وبيتغير اتجاهه من تداول الاشاعات.......... فعلا لو مكانك هعمل كدة

او زى مقال اخونا ياسر الاستثمار العقارى وده مش هينفع تدخل فيه لواحدك انت محتاج لشريك لان المبلغ ده ميعملش استثمار عقارى....... وفى ظل ظروف سوق العقار الموجودة حاليا فان تحويل العقار لسيولة خلال 3 سنوات امر صعب شوية لانى شايف ازدياد العرض عن الطلب.......وبالتالى الاسعار هتقل او هيبقى فيه تسهيلات ائتمانية

مازلت عند رأيي ادخرهم بالريال او الدولار افضل .. حتى لو نزلت القيمه حاجه بسيطه فده مش هيفرق معاك كتير هو بيفرق في المبالغ الكبيرة اوي اكتر ..

بردوا انا شايف ان بصفة عامة القوة الشرائية لاى عملة او قيمة نقدية بتقل مع الزمن

هو صحيح النقدية استثمار بس استثمار مخاطره صفر وبالتالى العائد بتاعه صفر وفى ظل التغيرات الاقتصادية او السياسية فبيبقى فيه نوع من التضخم السنوى فى الاسعار وده على مستوى العالم بس بتختلف نسبة التضخم من دولة للتانية وبالتالى تضخم + عائد صفر يبقى قيمة راس المال بتقل واظن ان ده مش هدفك من الفلوس

بردوا قبل متحدد انت ناوى تعمل ايه حدد درجة المخاطرة اللى ممكن تتحملها ودى بتحدد بصورة كبيرة نوع الاستثمار اللى ممكن تحط فيه واعرف ان فيه تناسب طردى بين المخاطرة والعائد (فى الغالب الشباب بيقبلوا بدرجة مخاطرة عالية وكلما زاد السن بيقل تقبلهم لدرجة المخاطرة....... نظرية اقتصادية)

بالتوفيق بان الله

[شريف مان]

يا سلام كل دى اقتراحات وافكار

فعلا احلى حاجة فى المصرى دماغة bv:-

انا ان شاء الله استقريت على البعد عن الشبهات

واشتغل فى حاجة مخاطرها قليلة

فى حاجة قدامى دلوقتى قريبة قوى من فكرة الاستاذ ياسر مصطفى

بتاعة السيارة

وربنا يقدم اللى فيه الخير

[أشرف محمد]

لو تعرف حد ( ثقة اوي ) اشتري بالمبلغ ده ـ اكرمك الله ـ مواشي .. جواميس ومعيز وغنم .. بتكسب كويس جدا تقريبا الضعف في خلال سنة .. بس المشكلة انك تلاقي حد تثق فيه وميسرقكش ويقولك ماتت او مجابتش انتاج.. كل الي محتاجه مكان مناسب وشخص في منطقة قروية بعض الشيء ويتولى هو الرعاية والاطعام مع المشاركه في نصف التكاليف وبتتقسم الارباح الثلث والثلثين او النص بالنص على حسب الاتفاق ولو عدد المواشي المشتراه كتير بيبقى في امكانية للتربح من بيع الحليب كمان .. مشروع ممتاز بس عيبه زي ماذكرت انك تلاقي الثقة الي بقى عمله نادرة اليومين دول ..

على العموم المشاريع كتير بس كلها عاوزه دراسة وتأني وانا لو مكانك هحتفظ بفلوسي نقد اجنبي وعيني على السوق بحيث اطلعهم من تحت البلاطه وقت مالاقي المشروع المناسب..

ربنايبارك لك فيهم ويجعلهم نواة طيبة لرزق وفير . . حلال ..

[color="#FF0000"]بسم الله الرحمن الرحيم

أختي الفاضلة / doha

تحية طيبة و بعد 000

كلام حضرتك فكرني بمشروع مواشي أقدمت عليه منذ بضعة سنوات فقد إتفقت مع بعض المعارف لي و الذين كنت أتوسل فيهم الأمانة حيث قمت بشراء بعض الماشية بغرض التسمين و إعادة البيع و أتفقت معهم على أن يتولواً هم الإشراف على هذا المشروع مقابل نسبة من الأرباح و بالفعل تم البدأ في المشروع و كنت أرسل لهم مبلغ 3000 جنيه شهرياً للأكل و للأسف الشديد نظراً لإنشغالي المستمر لم أكن أتابع هذا المشروع و إكتفيت بالتمويل المالي فقط 0

إستمر الوضع على هذا الحال لمدة سنة كاملة و بعدها سافرت إلى البلد لمعرفة موقف المشروع حينهاإكتششفت أن الماشية الموجودة قد صغر حجمهاعن وقت شراؤها - و الله العظيم هذا حصل 0

المهم قدموا لي مبررات كثيرة منها أنها قد أصيبت ببعض الأمراض التي أثرت على حجمها و أنه لا داعي للقلق و نظراً لعدم خبرتي في هذا الموضوع و صغر سني وقتها أقتنعت بكلامهم وللأسف الشديد إستمريت مرة أخرى لمدة 3 شهور أخرى إلى أن إتصلوا بي تليفونياً ليخبروني أن الماشية قد ماتت و الدوام لله وحده 0

خالص تحياتي

مهندس / أشرف محمد[/color]

[Diab]

بفضل ان نفصل المشاركات عن الموضوع وخصوصا انها كلها بتتكلم عن كبف تستثمر اموالك

كمغترب وبقالي فترة بعيد عن السوق في مصر

شايف ان انك لازم تبقي جنب فلوسك وبلاش حكاية حد يدير لك الشغل مقابل الأرباح لأنها ناااااااااادرا في الزمن ده ما بتصيب

انا شايف استثناء في الحالة دي

انك تكون ضامنه قوي قوي قوي

والحاجة التانية انه يكون خبير لا يشق له غبار في المجال

للأسف محدش بقي بيفكر يتعمق في مجال واحد حتي انا برضه

تم تعديل 18 أغسطس 2010 بواسطة Diab

[doha]

كلام حضرتك سليم مية في المية باشمهندس اشرف وعشان كده انا اكدت اكتر من مرة في كلامي ان لازم الشخص يكون ( ثقة اوي ) وساعتها بس المشروع ده هيبقى من اكسب المشروعات برغم ضآلة المبلغ المطلوب للبدأ فيه ..

[Howayda Ismail]

يا سلام كل دى اقتراحات وافكار

فعلا احلى حاجة فى المصرى دماغة bv:-

انا ان شاء الله استقريت على البعد عن الشبهات

واشتغل فى حاجة مخاطرها قليلة

فى حاجة قدامى دلوقتى قريبة قوى من فكرة الاستاذ ياسر مصطفى

بتاعة السيارة

وربنا يقدم اللى فيه الخير

تمهل الاول واسأل مرة واتنين قبل موضوع السيارة لان زوجى فكر نفس الفكرة لكن اصحاب التجربة نصحوه

انها مش مضمونة لان المعرض بيأجرها بمجرد بطاقة ممكن تكون مزورة وده سهل عمله دلوقت وايصالات

امانة لو نصاب اللى ماضى عليها مش بيفرق معاه ولا 100 وتضيع العربية على كده ولكن الكارثة ان واحد

منهم عربيته ضبطت فيها مخدرات ولولا اثبت انه مأجرها لمعرض كان ادبس فى القضية

حتى لو محصلش ده على ماتاخد عربيتك حتبقى خردة لان اكتر اللى بياجر يااما زفة فرح واستعراض ياشباب

طايش وانت ونصيبك فكر واسال

الموضوع الاضمن حاول بالمبلغ ده شراء شقة حتى لو فى المدن الجديدة واجرها ايجار جديد لمدة سنة

وجدد لو عاوز يبقى كسبت فلوس حلال وقيمة الشقة بتزيد بسرعة رهيبة ممكن تبعها بعد كده فى اى وقت

وناس كتيرة عاملة كده دلوقت وده اامن استثمار فى الوقت الحالى وربنا يوفقك

[عنبو]

لو تعرف حد شغال فى شركه من الشركات الكبيره ممكن تشترى بيهم عربيه وتأجرها للشركه دى

تحياتى

عنبو