مناسبات وردود واجبه

[MuslimaEgyptian]

السلام عليكم ورحمه الله..

بدل ما أعمل flooding للمحاورات بالرد على كم من الأعضاء والمواضيع بسبب مناسبات شتى حلت بهم، أتمنى أن تتقبلوا منى محاوله جمعهم هنا:

~*الأخت كروسفيلد~*

أعظم الله أجرك وأحسن عزاءك وغفر لوالدك. موضوعك قلب على المواجع بسبب عمى الذى قيل إن وفاته كان أيضا بسبب الإهمال، ولكن كما قلتى،

إن لكل أجل كتاب وإن لله ما أخذ وله ما أعطى..فربنا يصبرك وإن شاء الله يخلفكى خيرا بسبب مجهودك لتحسين أوضاع كهذه لكى لا يتعرض لها آخرين.

~*الأخ SOS~*

بارك الله لكما وبارك عليكما وجمع بينكما فى خير وعقبال الجميع إن شاء الله..

~*الأخ سى السيد~*

ألف مبروك المتسوبيشى لانسوم :) ربنا يحفظك فيها ويحميها من عيون الحاسدين. وقبل ما أنسى، ألف مبروك المنصب الجديد :) رشيت دور أم على على الأعضاء بالمناسبه دى ولا لسه؟

*~الأخت الدكتوره فريده~*

ألف مبروووككك..أخيرا الحمدلله إترحمتى من مشاكل المشرفين التى ذكرتيها لى؟

الحمدلله يا دوك :) إن شاء الله تساهم شهادتك العاليه فى كل ما هو خير

ونافع إن شاء الله . أنتم السابقون ونحن اللاحقون يا ربببب.

*~الأخ هشام عبد الوهاب~*

ألف حمدالله على السلامه وعقبال باقى الأعضاء المتغيبين يا رب (شرقيه، براود مسلم، إلهام، صلاه الليل، لانسلوت، مهم وغيرهم)..ومرحبا بالأعضاء الذين عادوا وبالأعضاء الجدد.

~*الاخ الأفوكاتو~*

حمدالله على السلامه، إن شاء الله تكون إنبسطت فى رحلتك ومنتظره بفارغ الصبر إنى أقرأ مداخلاتك عن الرحلات بما انى بحب السفر اوى وحكاياته..

~*نورا~*

ألف مبروك يا أختى العزيزه على خبر زواجك القريب..أتفق مع أغلبيه الأعضاء إن شعورك طبيعى جدا لأنك بصدد نقله حياتيه مختلفه وأيضا لأنك ستعيشين بعيدا عن البلد التى تعلمينها وإعتدتى عليها والتى سيبقى بها والديكى الكرام..إذن أتمنى ان تضعى شعورك هذا فى موضعه بسبب هذه المتغيرات ولا تحملينه أكثر من ذلك وتصبى تركيزك الأكبر فى فرحه العمر وإستمتعى بكل لحظه لأنها لن تعود. أشكرك لثقتك بنا وان شاء الله على بال ما تقرأى هذه المداخله تكونى عديتى بالشعور ده وخاصا بدعم من الأسره والأقارب وتوفيق الله سبحانه وتعالى اولا وأخيرا..يلا، سيبر ـ زغروطه كده علماشى cr((: <----(متهيألى ده أقرب إيموشن للزغروطه)

~*فيروز~*

جزاك الله خيرا على سؤالك :angry: ; لا أزعم إطلاقا اننى أكثر تأثرا بالأحداث العالميه عن الجميع إلا إن خبر أحداث سجن أبو غريب كان فظيع (وإن كان الإحتلال ذاته وحال الأمه على جميع المستويات أسوأ بلا شك); إكتئبت جدا وشعرت ان الكتابه تقلل من شأن الحدث وإن أقل شئ يجب ان يحدث لإطفاء حرقه الخبر هو الذهاب لهناك بنفسى لفعل اى شئ ولو لضربهم قلمين...ولكن كما ترين، لم أستطع أن أبعد وأفتقدتكم جميعا...ربنا يفرجها ويلهمنا الطرق التى تساعد على تغيير الأوضاع بأنفسنا دونا عن الإكتفاء بالمتابعه..

~*كليو~*

عقبال المداخله ال3000؛ إن شاء الله إضافات مميزه ونافعه دائما وخصوصا فى المواضيع التاريخيه القيمه التى إستمتعت بها شخصيا :)

~*الأخ حشيش~*

لعل غيابك يكون بسبب إنتظار الوحى لكصه كصيره جديده تسعد بها قراءك :)

إن شاء الله مكونشى نسيت حد وربنا يجعل كل مناسبتنا سعيده...

yaw: et:(

تم تعديل 13 يونيو 2004 بواسطة MuslimaEgyptian

[فــيــروز]

~*فيروز~*

جزاك الله خيرا على سؤالك  yaw: ; لا أزعم إطلاقا اننى أكثر تأثرا بالأحداث العالميه عن الجميع  إلا إن  خبر أحداث سجن أبو غريب كان فظيع (وإن كان الإحتلال ذاته وحال الأمه على جميع المستويات أسوأ بلا شك); إكتئبت جدا وشعرت ان الكتابه تقلل من شأن الحدث وإن أقل شئ يجب ان يحدث لإطفاء حرقه الخبر هو الذهاب لهناك بنفسى لفعل اى شئ ولو لضربهم قلمين...ولكن كما ترين، لم أستطع أن أبعد وأفتقدتكم جميعا...ربنا يفرجها ويلهمنا الطرق التى تساعد على تغيير الأوضاع بأنفسنا دونا عن الإكتفاء بالمتابعه..

ايوه كده et:(

كنت هازعل اوى لو مفيش تهنئه ليا ولو من غير مناسبه cr((:

وممكن لو عرفتى تروحى ابو غريب عشان موضوع القلمين ده ننظم رحلة تلطيش لكل اعضاء المحاورات و الجيره و اهل المروه وكل حبايبنا وهما كتير و الحمد لله يتمنوا يخدمونا فى اى واجب :angry:

[se_ Elsyed]

~*الأخ سى السيد~*

ألف مبروك المتسوبيشى لانسوم :angry: ربنا يحفظك فيها ويحميها من عيون الحاسدين. وقبل ما أنسى، ألف مبروك المنصب الجديد cr((: رشيت دور أم على على الأعضاء بالمناسبه دى ولا لسه؟

أختنا العزيزة مسلمة .. ألف شكر على تهنئتي بسيارتي الميكسوبيشي اللانسم التي لم أشتريها ، بعد ما نبر فيها اخونا هـ ك .

أما عن الإشراف فأنتِ عارفه كويس إن كله عشان مصر ومحاورات المصريين وده تكليف مش تشريف .. وإخترناك إخترناك وكده يعني ومهما أزرقيت فعمري مازرق على أصحابي وزملائي واخواتي والمجتمع والناس .

تصدقي بالله .. إني من كام يوم كنت أُعيد قراءة موضوع " لزمات ومشاهير " اللي كنت كتبتية زمان - من حوالي 15 سنة كده yaw: - فلفت نظري هذا الوصف المُعبر من اختنا كليو لكي

مسلمة = طائر البشاروش الرقيق الرشيق الأنيق..

أي نعم لحد دلوقت انا ماعرفش يعني إيه طائر البشاروش .. بس بالتأكيد هو حاجة حلوه .. وبالتأكيد برضوا مابيتكلش زي البط البكيني او الفراخ البلدي .. لأني عمري ما شوفت فرارجي بيبيع بط وفرخ وبشاروش et:(

[MuslimaEgyptian]

عزيزتى فيروز،

طب تعرفى بقى إن الموضوع كان تلكيك شويه لأننا تكلمنا قبلها وشكرتك وقتها ولكننى متخيلتش إنى مذكرشى إسمكyaw:

المداخلات ..قصدى القلوب..عند بعضها et:(

وعقبال ما نباركلك فى مناسبه أهم وأكبر من دى بكتير إن شاء الله :)

وبما إنك بقى فتحتى موضوع عن السفر من قبل، يبقى أرشحك لترتيب رحله أبو غريب :):) ومش لازم نقيد نفسنا بالقلمين وبس...خليها مفتوحه

cr((: me0: :angry:

[Farida]

*~الأخت الدكتوره فريده~*

ألف مبروووككك..أخيرا الحمدلله إترحمتى من مشاكل المشرفين التى ذكرتيها لى؟

الحمدلله يا دوك  إن شاء الله تساهم شهادتك العاليه فى كل ما هو خير

ونافع إن شاء الله . أنتم السابقون ونحن اللاحقون يا ربببب.

عزيزتى مسلمه .....الف شكر على التهنئه و عقبالك يا رب بس الأهم الأول فالمهم :angry: cr((:

[MuslimaEgyptian]

cr((::)yaw:

بما ان الموضوع كده يا أخ سى السيد، فيا ريت بأسم مصر والمصريين تتوسطلنا فى إضافه إيموشن أحمر الوجه من الخجل والذى يستصعب الرد على مداخلتك بدونه et:(

ثم ان 3 صفحات طوال عراض مفتوحين عن الماتسوبيشى اللانسوم وناس بتآخد لفه وصور أثناء شراءها ولحظه إستلامها من المعرض وكل ده ويطلع مفيش عربيه من أساسه؟ :) مين بس عينيه مدوره له يد فى الموضوع ده؟ :angry:

لأ بجد، ربنا يوفقك فى شراءها لو فيها خير..

أما عن تعليق طائر البشباروش...الشباروش..ييه، أقصد البشاروش :)

فجزاك الله خيرا على كرم أخلاقك وكرم أخلاق كليو العزيزه من قبل..

ولكن طائر البشاروش بقى طائر البشاروش المنتوف من ساعه تفرق موضوع لازمات ومشاهير عن رحله الأتوبيس...ولكن إن شاء الله يطلع ريشه بإضافات مجدده وخصوصا بوفود الكثير من الأعضاء الجديده من وقتها..

وأخيرا، الرساله وصلت يا دكتوره فريده ys):

[sos]

~*الأخ SOS~*

بارك الله لكما وبارك عليكما وجمع بينكما فى خير وعقبال الجميع إن شاء الله..

شكر الله لك اختنا الكريمة .... وعقبال باقى غير المتزوجين ان شاء الله

[Cleo]

ألأف حمدلله عالسلامة يا سمسماية... إيه الغيبة الطويلة دى..!!! (وش واحد واخد على خاطره)

إنتى فين عشان تمتعينا بمواضيعك المبتكرة الشيقة زى فوازير رمضان و لزمات و بشاروش و خلافه...

بلاش كسل و شدى حيلك معانا شوية.... يعنى ماتنسانيش كدة بالمرة... :)

أي نعم لحد دلوقت انا ماعرفش يعني إيه طائر البشاروش .. بس بالتأكيد هو حاجة حلوه .. وبالتأكيد برضوا مابيتكلش زي البط البكيني او الفراخ البلدي .. لأني عمري ما شوفت فرارجي بيبيع بط وفرخ وبشاروش 

يا س س لما انت أصلا ما تعرفش إيه هو البشاروش... يبقى إيش عرفك إنه مش موجود عند الفرارجى.... ؟؟؟؟ :P

تم تعديل 13 يونيو 2004 بواسطة Cleo