فضيحه انقطاع الكهرباء في مصر -بتناقش في اسرائيل

[herohero]

قالت صحيفة هاآرتس الإسرائيلية إن مصر حملت إسرائيل مسئولية انقطاع التيار الكهربائى مؤخراً فى معظم الأحياء والمدن المصرية، مدعية أن صفقة تصدير الغاز المصرى لإسرائيل أثرت سلباً على احتياجات مصر من الطاقة

ووصفت الصحيفة انقطاع الكهرباء عن كثير من المدن والقرى والأحياء المصرية بـ "الكارثة"، نظراً لارتفاع درجات الحرارة بمصر فى فصل الصيف لتصل إلى 40 درجة مئوية، بالإضافة إلى معاناة المصريين من الظلام وإفطارهم على ضوء الشموع فى شهر رمضان، بجانب تكبدهم الكثير من الخسائر لتلف بعض المنتجات فى المحلات التجارية والمصانع

حتى اسرائيل حست بينا يارب اوعدنا ان اللي عندنا يحسوا

http://www.haaretz.com/news/diplomacy-defense/egypt-blames-israel-for-power-blackouts-1.308778

[Howayda Ismail]

قالت صحيفة هاآرتس الإسرائيلية إن مصر حملت إسرائيل مسئولية انقطاع التيار الكهربائى مؤخراً فى معظم الأحياء والمدن المصرية، مدعية أن صفقة تصدير الغاز المصرى لإسرائيل أثرت سلباً على احتياجات مصر من الطاقة

ووصفت الصحيفة انقطاع الكهرباء عن كثير من المدن والقرى والأحياء المصرية بـ "الكارثة"، نظراً لارتفاع درجات الحرارة بمصر فى فصل الصيف لتصل إلى 40 درجة مئوية، بالإضافة إلى معاناة المصريين من الظلام وإفطارهم على ضوء الشموع فى شهر رمضان، بجانب تكبدهم الكثير من الخسائر لتلف بعض المنتجات فى المحلات التجارية والمصانع

حتى اسرائيل حست بينا يارب اوعدنا ان اللي عندنا يحسوا

http://www.haaretz.com/news/diplomacy-defense/egypt-blames-israel-for-power-blackouts-1.308778

مش حايحسوا لان ماعندهمش دم وفوق كده بيكدبوا على الناس وزارة الكهرباء ترمى الحمل على وزارة

البترول ان كمية الغاز نقصت وان المازوت اللى بيشغل محطات الكهرباء غير نظيف ودون المواصفات

والبترول تنفى وتقول الكمية زى ماهى لكن الضغط عالى على الشبكات والمازوت نقى وطبقا للقياسات الدولية

اما احنا عندنا ازمة كهرباء بيصدروها ليه عمركم شفتم شحات بيدى فلوس هو ده حالنا

ويكدبوا ويقولوا احنا مش بنصدر لمجموعة دول الربط الكهربائى وقت الذروة طيب واحنا بنشوفهم

عشان نعرف كلامهم صدق ولا لأ ربنا يرحمنا برحمته

[mamdowh]

وزراء ومسؤلين كدابين وعنيهم بجحة واحد امبارح فى التليفزيون بكل بجاحه يقولك لا احنااقصى حد بنقطع فيه الكهربا ساعة كانه يعنى ان ده وضع طبيعى ويكدبوه فى الاستوديو ويقولوا له انها بتقطع اكتر من 6 ساعات يقول ده يمكن يكون عطل . ايه الاستخفاف بعقول الناس ده؟؟؟ , عموما نستاهل اللى بيجرى لناولسه هو احنا لسه شفناحاجة

[MaYousof]

نفسي ومنى عيني الناس تتعامل بشوية عقل مع الإعلام .. خصوصا لما يكون الإعلام ده هو إعلام العدو الإسرائيلي .. مش معقول يعني لو فيه شوية عقل عند حد فينا مستعد يشغلهم لما يجي يقرأ خبر منقول إنه يصدق إن شوية الغاز اللي مصر بتصدرهم للعدو الإسرائيلي هم دول الليى واقفة عليهم توربينات محطات الكهرباء وإن ماعادش فيه في باطن أرض الوطن غير حبة الغاز دول اللي مصر إختارت إنها تصدرهم للعدو الإسرائيلي بدل ما تشغل بيهم توربينات محطات الكهرباء لإنها مش عايزة تحس بمعاناة أبناءها الأبرار .. أكيد فيه إحتياطي غاز على الأقل شهر ونص قدام ممكن يكفي التصدير واستهلاك الكهرباء مع بعض .. يبقى أكيد السبب في إنقطاع الكهربا مش زي ما بيدعيه إعلام الصهاينة إطلاقا .. عشان لما الناس يشتروا 120 ألف جهاز تكييف زيادة في السنتين اللي فاتوا بس يبقى أكيد محطات الكهرباء الموجودة مش مكفية هوس التكييفات اللي انفجر مرة واحدة في كل بيوت أبناء مصر الأبرار حتي والمحطات دي شغالة بطاقتها القصوى .. ولما يجي حد مسؤول يقول هننظم أوقات عمل المحلات التجارية (زي ما كل اللي عايشين في أوروبا وكندا وأمريكا عارفين إن ده بيحصل عندهم وماحدش شاف إنه غلط) إحنا بنمتعض ونعترض ونشجب ..

أنا مش بدافع عن الحكومة عشان أنا أكيد مضرور من انقطاع الكهربا في الشغل وفي البيت ..

ومش بدافع عن الحكومة عشان عارف إن احنا كلنا معتبرينهم ولاد ستين تييت وشياطين وإن احنا اللي ملايكة ماشية على الأرض .. بس مش معقول يعني عشان إحنا مش طايقين الحكومة نقوم نستخف بعقول الناس .. يعني عيب قوي نبقى ملايكة من غير عقل .. شوية عقل ممكن ينقذوا بلد ..

[se_ Elsyed]

كلامك مردود عليه يا محمود

مش معقول يعني لو فيه شوية عقل عند حد فينا مستعد يشغلهم لما يجي يقرأ خبر منقول إنه يصدق إن شوية الغاز اللي مصر بتصدرهم للعدو الإسرائيلي هم دول الليى واقفة عليهم توربينات محطات الكهرباء

سيدي الفاضل

أسف على الكلام اللي هاقوله .... إسرائيل وللأسف دولة محترمه تحترم مواطنيها ..

إنت عارف إن كتير من مواطني الصهاينة من أوروبا ...

والموضة اللي سارية دلوقت في أوروبا والدول المحترمة هو منع الصناعات الملوثة للبيئة زي صناعة الأسمنت والسيراميك ومزارع الدواجن وكمان محطات توليد الكهربا اللي بتشتغل بالفحم أو المازوت

وأسرائيل عندها حوالي 4 محطات توليد كهربا كانت بتشتغل بالمازوت و الفحم ولما تلكأت مصر في تصدير الغاز في البداية كانت إسرائيل هاتنفجر من الغضب لأنهم برمجوا نفسهم على إستبدال تشغيل تلك المحطات بالغاز الطبيعي المصري النشيف واللي ببلاش بالنسبة لهم

وقد كان يا عزيزي وجميع المحطات هناك دلوقت تعمل بالغاز ويكادوا يسجدوا شكراً لمصر ورئيسها ..

وإن شالله أحنا نولع مش مهم

نشرت كثير من وسائل الإعلام المشادة التي نشبت بين حسن يونس وزير الكهربا وسامح فهمي وزير البترول وذلك في حديقة القصر الرئاسي بعد ان بستفهم الريس على المهزلة اللي بتحدث

بيقول لك الحل في المحطة النووية اللي هاتتعمل في الضبعه عشان توليد الكهربا

هههههههههههه ... لكن الموضوع ده هايستغرق ما لا يقل عن 10 سنوات

يعني اعمل حسابك وبدل ما تلعن الظلام .. روح أشتري لك دستة شمع

هل تتخيل يا عزيزي إن في بعض القري بالفيوم الكهربا مقطوعه فيها بقى لها أسبوعين

وهل تعلم إن شركة مصر للألومنيوم وحدها خسرت 70 مليون جنيه .... لهذا السبب

وإن المنطقة الصناعية في شبرا خسرت 200 مليون جنيه

وأن هناك ملايين أخرى خسرتها مصانع النسيج في المحلة

ناهيك عن خسائر المحلات العادية بتاعت اللحوم والخضروات والأغذية المجمدة

عشان لما الناس يشتروا 120 ألف جهاز تكييف زيادة في السنتين اللي فاتوا بس يبقى أكيد محطات الكهرباء الموجودة مش مكفية هوس التكييفات اللي انفجر مرة واحدة في كل بيوت أبناء مصر الأبرار حتي والمحطات دي شغالة بطاقتها القصوى

طب المفروض الناس العادية تعمل إيه ؟

تموت من الحر أو كل واحد يشتري له مروحه من بتاعت الكبابجية ويهوي بها على نفسه من الحر ؟

يا محمود التخطيط مسئولية الحكومة أولاً واخيراً وليس افراد الشعب العادي اللي الواحد فيهم مطالب على حد قوله بمراجعة نفسه ويقول لأ حرام مش هاشتري تكييف عشان الحمل الكهربائي

والحكومة اللي بتخطط لتحت رجلها بس يبقوا شوية فشلة وما يستهلوش يشتغلوا محصلين كهربا

وهل يا سيدي نستطيع أن نُرجع الزحام اللي في الشوارع دلوقت لهوس الناس بشراء السيارات ونعفي الدولة من المسئولية ؟

ولما يجي حد مسؤول يقول هننظم أوقات عمل المحلات التجارية إحنا بنمتعض ونعترض ونشجب ..

اتحدى إن كان حد امتعض عشان السبب ده

لكن الكل أمتعض من القرار أو الأقتراح الأهبل اللي بيقول هانخلي المحلات تقفل الساعة 7 ما عدا محلات الطعام والصيدليات .....

يعني ما فيش وسط

يعني يا تسيب المحلات تهبل وتشتغل 24 ساعة ... يا تنيم الناس من المغرب ؟

مش ممكن يعني كده

[أحمد سيف]

مبدئيا كده أنا شايف أن تصدير الغاز الطبيعي من مصر لأي دولة أخرى خطأ كبير ... لأن هذا الوقود هو من أكثر الأنواع كفاءة واقتصادية ونظافة لإنتاج الكهرباء ومواردنا منه - مهما عظمت - محدودة ... وطبعا إذا كان التصدير لأي دولة خطأ فالتصدير لإسرائيل بالذات جريمة.

لكن أنا شايف أن الربط بين هذه القضية وبين مشكلة الكهرباء في مصر هو ربط متعسف لأن مشكلة الكهرباء تتجاوز بكثير مسألة توافر الوقود ... ولو كان الرقم الذي قدمه الأستاذ محمود لعدد المكيفات الجديدة صحيحا فإنه يمكن فهم سبب المشكلة بسهولة:

120 ألف مكيف * 1.5 كيلووات (2 حصان) للمكيف الواحد = 180 ميجاوات من القدرة الكهربية مضافة الى حمل الذروة Peak load ... وهذا يعادل قدرة أحد مولدات السد العالي أو قدرة محطة حرارية متوسطة الحجم تعمل بالغاز الطبيعي. هذا طبعا دون احتساب الزيادة الناجمة عن زيادة عدد السكان وارتفاع متوسط استهلاك الفرد بسبب انتشار الأجهزة الكهربية الأخرى. يعني احنا محتاجين كل سنتين أو ثلاثة لإنشاء محطة توليد كهرباء جديدة بتكلفة 10 مليارات جنيه تقريبا

المشكلة لا تقتصر على توليد الكهرباء بل إن مليارات أخرى يجب أن تستثمر في شبكات النقل والتوزيع والمحولات لتوصيل هذه الكهرباء الى المستهلك النهائي. والنتيجة أننا يجب أن نخصص نسبة لابأس بها من ناتجنا القومي لحل مشكلة الكهرباء إذا استمر نمو الاستهلاك بهذا المعدل المرتفع. وحتى مع هذا الاستثمار الكبير فإن مشلكة الكهرباء لن تحل بين يوم وليلة لأن تطوير منظومة الإنتاج والتوزيع يستغرق وقتا طويلا يعتمد على نوع الوقود المستخدم.

طبعا الحكومة يقع عليها جزء كبير من مسؤولية الإخفاق الذي وصلنا اليه لعدم قدرتها على التنبؤ بهذا النمو في الطلب والاستعداد له ووضع الخطط والسياسات المناسبة للتعامل معه. ولكن للعلم فإن مشكلة الكهرباء هي مشكلة عالمية تعاني منها حتى الدول المتقدمة ... وقد قرأت منذ شهور تقريرا يتحدث عن كارثة بانتظار بريطانيا إذا لم تبدأ بضخ استثمارات هائلة في بناء محطات طاقة جديدة لأن المحطات الحالية في طريقها للخروج من الخدمة قريبا والاستثمار في هذا القطاع متوقف منذ عقود لضعف العائد الاستثماري. خصوصا وأن قطاع الطاقة في معظم الدول الغربية هو محرّر ويعتمد على الاستثمارات الخاصة.

الخيار الثاني غير التوسع في قدرة الإنتاج هو ضبط الاستهلاك ... وهناك وسائل مجرّبة لذلك مثل التعرفة المتصاعدة والتسعير الزمني (Time of use pricing) وصولا الى رفع كفاءة الاستهلاك عن طريق استخدام الأجهزة الأكثر كفاءة مثل مصابيح الفلورسنت ووضع معايير كفاءة الطاقة للأجهزة الكهربائية. في فرنسا مثلا فإن تعرفة الكهرباء تتغير بين أوقات الذروة والأوقات العادية والأوقات الحرجة .. ويتم إبلاغ المواطنين بذلك ليقللوا استهلاكهم خلال أوقات محددة تجنبا لانقطاع الكهرباء ... كما أن هناك مجموعة من الأحمال الكهربائية (مثل المضخات - السخانات ... الخ) التي يتم التحكم بها مباشرة بواسطة هيئة الكهرباء وفصلها في حالة الحاجة لذلك لتقليل الحمل في أوقات الذروة interruptible loads مقابل مبلغ يدفع لصاحبها.

وطبعا هناك خيار التوسع في استخدام الطاقات المتجددة مثل الرياح والطاقة الشمسية مع وسائل التخزين الهيدروليكي التي يمكن نصبها بصورة شبه فورية والاستفادة منها في مجالات متعددة لا سيما تزويد المستهلكين في المناطق النائية والجديدة بالطاقة.

الخلاصة أن الحلول التقنية موجودة ومعروفة ولكن لابد من وجود تخطيط سليم وإرادة لحل المشكلة.

تم تعديل 21 أغسطس 2010 بواسطة أحمد سيف