سرقة لوحة زهرة الخشخاش .. للمرة الثالثة

[se_ Elsyed]

للمرة الثالثة في تاريخ متحف الفن محمد محمود خليل ...

يتم سرقة لوحة زهرة الخشخاش لفان جوخ... وهي تحفه نادرة تم تقييمها مؤخراً بما يزيد عن 100 مليون دولار

بيقول لك يا سيدي اللوحة أتسرقت النهاردة قبل الظهر

وأن من أمبارح للنهاردة الأقبال كان ضعيف جداً .. ومافيش الا مجموعة من الأجانب اللي زاروا المتحف وسيدة مصرية واحده فقط

وإن الحرامية نشروا اللوحة وسابوا البرواز ... أهو يجيب له تلاته جنيه عشان المصيبة ما تبقاش كبيرة

وأن وزير الثقافة بلغ وزارة الداخلية عشان تشدد على منافذ الخروج من مصر الجوية والبرية والبحرية ... وسلم لي عالملوخية .... قال يعني أي أجنبي هايغلب لما يدفسها في بدلة ولا تحت الهدوم في أي شنطة

متحف عملاق ... يحتوي على نفائس فنية ... وولا كاميرا وولا حراسة ..... وسلم لي عالمترو

أصدر فاروق حسنى وزير الثقافة قراراً عاجلاً بإجراء تحقيق إدارى مع كل المسئولين بمتحف محمد محمود خليل، ومع قيادات قطاع الفنون التشكيلية بالوزارة إثر قيام مجهولين بسرقة لوحة زهرة الخشخاش للفنان فان جوخ من المتحف صباح اليوم.

وقد تم على الفور تكليف المستشار القانونى لوزير الثقافة وفريق من الشئون القانونية بالوزارة بمباشرة التحقيق الإدارى فى موقع الحادث وتم عرض نتيجة التحقيق على وزير الثقافة الذى أحال المسئولين والقيادات المسئولة بقطاع الفنون التشكيلية إلى السيد الدكتور رئيس هيئة النيابة الإدارية لتحديد المسئولية الإدارية وإصدار قرارها فى هذا الشأن.

كما قام الوزير بإجراء اتصالات عاجلة مع الأجهزة الأمنية لاتخاذ الإجراءات اللازمة فى كافة منافذ البلاد الجوية والبحرية والبرية لعدم تسرب اللوحة إلى خارج البلاد.

وقد بدأت الأجهزة الأمنية فى إجراء التحريات اللازمة ويقوم السيد الوزير بمتابعة الموقف لحظة بلحظة مع كافة الأجهزة المعنية وعلى أعلى المستويات.

[RobinHooD]

زهرة الخشخاش باين من اسمها انها اتسرقت لأسباب اخرى

انا عايز اعرف ازاى لوحة بالاهمية دى تتسرق بالسهولة دى ده غير انها اتسرقت مرتين قبل كده

نتمنى ان اللوحة متتهربش بره مصر

تم تعديل 23 أغسطس 2010 بواسطة Salwa

[شريف مان]

ياريت يتم تفتيش فساتين الزفاف بشكل دقيق

وبعدين بيكاسو وللا فان جوخ

ماهى بردو فازة يافطين

:lol:

[nightmare]

إفرح يا سي السيد , لقوا الزهرة بس مش عارف هيعرفوا يزرعوها تانى والا لأ , قمة الإهمال والتسيب بصراحة, ازاي مكان زي ده مفيش كاميرات ولا حراسة.

القبض على سارق "زهرة الخشخاش" لفان جوخ بالمطار

القت قوات الأمن بمطار القاهرة القبض على شاب إيطالى، ومعه لوحة زهرة الخشخاش، التى تمت سرقتها صباح اليوم من متحف محمد محمود خليل، حيث كان يعنزم الشاب تهريبها خارج مصر.

وقد صرح أشرف العشماوى المستشار القانونى لوزير الثقافة، أنه تم القبض على هذا الشاب فى مطار القاهرة منذ نصف ساعة تقريباً، ولم يتم حتى الآن الإفصاح عن أية معلومات عنه، إلا أن تحقيقات النيابة متوالية.

وأضاف العشماوى، أن القبض على هذا الشاب هو نتيجة التعاون بين وزارة الثقافة ووزارة الداخلية، حيث قام الوزير بإجراء اتصالات عاجلة مع الأجهزة الأمنية لاتخاذ الإجراءات اللازمة فى كافة منافذ البلاد الجوية والبحرية والبرية لعدم تسرب اللوحة إلى خارج البلاد.

رابط الخبر

http://www.youm7.com...p?NewsID=268579

تم تعديل 21 أغسطس 2010 بواسطة nightmare

[se_ Elsyed]

خبر يفرح بجد

الحمد لله

بالرغم من إن إحنا ما نستاهلهاش

لكن هل حد سأل كام لوحة وتمثال وتحفه موجوده بالمتحف .... ويا ترى ده كله ما يستاهلش بربع جنيه كاميرات مراقبة وواحد مرزوع يراقب اللي داخل واللي خارج وكمان يركبوا أجهزة إنذار .؟

ولا أنا باسأل ليه ... ما هو نفس الفيلم حصل كذا مره في المتحف المصري نفسه اللي متستف أثار متخزنه وماحدش بيقول لها إنتي فين والتراب أكلها

وإحقاقاً للحق ... شكراً لوزارة الداخلية على سرعة ضبط الجاني ....

وبجد بغض النظر عن تجاوزات الشرطة الكتيرة .. لكن الشرطة والجيش يعتبران أكتر جهتين شغالين في البلد ... والباقي إردم عليه

تم تعديل 23 أغسطس 2010 بواسطة Salwa

[Ahmed Anwer]

علي فكرة فاروق حسني رجع و نفي خبر الحصول عليها

[سكر]

منقول من جريدة اليوم السابع

فيما يشبه الإفيه، أعلنت وزارة الثقافة صباح اليوم سرقة لوحة "زهرة الخشخاش" للفنان العالمى "فان جوخ" من متحف مختار خليل وحرمه، والخشخاش لمن لا يعرفه نبات مخدر يدخل فى تصنيع الحشيش والأدوية المخدرة، لكن فان جوخ اكتشف فيه جمالاً خاصاً فرسم هذه اللوحة تقديراً لجماله، وفان جوخ لمن لا يعرفه فنان هولندى كبير تعتبر لوحاته من أغلى اللوحات اللى فى العالم، أما متحف محمود خليل وحرمه لمن لا يعرفه فهو يقع على بعد خطوات من مديرية أمن الجيزة، ويبدو والعلم عند الله أن آثار لوحة "الخشخاش" المخدرة انطبعت على أجهزة الدولة فتاهت فى لوحة تعتبر الأغلى والأقيم فى كل ما تملكه مصر من لوحات الفن الحديث.

الغريب والمريب والعجيب أن هذه اللوحة التى يقدر ثمنها الخبراء بأكثر من نصف مليار جنيه أدمنت الاختفاء، بما يشير إلى أنها "لوحة شقية" تحب أن توقع قلبنا وتخضنا عليها، سرقوها فى أواخر السبعينيات، ثم وجدوها فى أوائل الثمانينيات، ثم وضعوها فى متحف محمود خليل، وها نحن الآن نعيش نفس أجواء السرقة الأولى، ولا نعرف مصير هذه اللوحة الغالية التى حيرتنا وأتعبتنا وشغلتنا عليها.

الوزارة أعلنت فى الصباح سرقة اللوحة، وبشفافية كبيرة، أمر فاروق حسنى بسرعة إجراء التحقيقات، وبالفعل أحال أربعة من مسئولى المتحف للنيابة، وخرجت تقارير المعاينة الأولية لتقول "إن أجهزة تأمين المتحف معطلة، والكاميرات خربانة وإنذارات السرقة بعافية شوية"، أما عن الأمن بداخل المتحف وخارجه "فمعلش الناس صايمة والنهار طويل والواحد والله مبيبقاش طايق نفسه ولا شايف قدامه"، وفجأة اكتشف المعاينون "أن الحال مش ولابد، وأن الدنيا خربانة يا عم خربانة".

بيان وار بيان، تدافعت البيانات على الإيميلات والفاكسات، حتى كانت الانفراجة المزيفة، إذ أعلنت الوزارة فى بيان رسمى أن اللوحة رجعت سالمة لينا، وتنفس فاروق حسنى الصعداء بعد يوم طويل من العناء والتحقيقات والمعاينات والتقارير، ولم يكد سيادة الوزير أن يستريح شوية، حتى ثبت أن البيان كاذب، وما يفل البيان إلا البيان، فأصدرت الوزارة بياناً آخر قالت فيه إن المعلومات الواردة بشأن العثور على اللوحة غير دقيقة، وأن مصدرها هو الدكتور محسن شعلان رئيس قطاع الفنون التشكيلية، فيما يشبه تحميل القضية برمتها لمحسن شعلان.

لكن الأمانة تقتضى بأن نقول إن "شعلان" ليس المذنب الوحيد، فكل أجهزة الدولة مشتركة فى هذه الجريمة التى لا يجب أن تمر مرور الكرام، فجهاز الشرطة يتحمل قدراً كبيراً من المسئولية باعتباره المفوض بحماية أملاك الدولة، كما أن الوزارة برمتها مشتركة فى الجريمة، سواء بالتخاذل أم بالإهمال أو بالتواطؤ، كما أن بالمتحف شركة تأمين خاصة لها نصيبها من المسئولية، والمسئول الأول عن هذه الكارثة هى سياسة الدولة التى لا تقدر مسئولياتها تجاه واجباتها، فتتبع سياسة "شيلة القضية" فترمى الثقافة المسئولية على الداخلية، والداخلية ترميها على شركات التأمين، بينما يقف السارق مزهواً بـ"سريقته"، كما وقفت شويكار فى مسرحية "سيدتى الجملية" حينما قامت بدور "صدفة بنت حسب الله بعضشى" وسرقت "الفانلة الداخلية" لفؤاد المهندس، بينما يتعجب المهندس، لأن فوق الفانلة قميص بست زراير وصديرى فوقيه جاكت، وفى النهاية لا تتعجبوا إن أصدرت الوزارة بياناً تقول فيه "إن الحادث فردى والمتهم ماس كهربائى"، أو أى تبرير وهمى من تبريراتهم الخرقاء.

[ابو محمد بن مصطفي]

ايـــــــة عكننة المزاج دي

يعني لا يبقي كهربا ولا ميه ولا خشخاش كمان

انا كمصري بقدم تحياتي للسارق ومفروض نبعتله طربة حشيش شكر ...

او يلفوها في سجرتين مع خلفية موسيقية لاغنية ولا وعملوها الرجالة

[أحمد سيف]

أنا بقول لوحة زي دي لو مش مقدرين قيمتها ومش عارفين يحافظوا عليها يبيعوها ويجيبوا بثمنها خشخاش حقيقي ... على الأقل الشعب يتكيف وينسى الهمّ

بس لما يبقوا يلاقوها الأول

[se_ Elsyed]

ده لو ناس لا مؤخذه كوركات .. كان التصرف هايبقى أحسن من كده

اللوحة أتسرقت

لأ لأ الشرطة عملت رقم قياسي وقفشت الواد الإيطالي في المطار وجرته من قفاه

ما فيش نص ساعة .. فاروق بيه حسني وزير المصايب اللي في عهده حدثت كوارث ثقافية وهو أبعد ما يكون عن الثقافة يطلع تكذيب ويقول إن محسن شعلان رئيس قطاع الفنون التشكيلية أتصل بيه وبلغه إن كله تمام وإن اللوحة رجعت .. وإن اللوحة مازلت مفقودة وإن شعلان كذب عليه ً ..

فعلاً بلد مالهاش كبير ...

[se_ Elsyed]

على فكره أنا مش مستغرب من اللي حصل

إذا كان البنك المركزي

البنك المركزي

الوليه اللي كانت موظفه هناك فضلت كل يوم تسلك كرتونة مليانه فلوس من غير ما حد يقول لها إنتي بتعملي إيه ...

وولا فيه جرد وولا فيه مراقبة

وتم إكتشاف السرقة لما لقوا كرتونه مفتوحه من الجنب ومتسلك منها كبشة فلوس ..

ولما جم يشوفوا كاميرات المراقبة .. لقوها ديكور بس .. وشبه لمبة الجاز المطفيه

نرجع نقول .. إذا فسدت الرأس ... فلا تتوقع أن يكون الجسم سليما

وحيث إن الحكومة فاسدة من أولها وأخرها .. فنتوقع أن يتم سرقة الهرم أو الراجل الغلبان ابو الهول .. دون أن ندري

[Howayda Ismail]

ايه المشكلة لوحة اتسرقت ولا راحت بجملة نصف الاثار اللى طلعها فاروق حسنى كادوه (لا لضيشه)

على مدار عهده المديد لملوك ورؤساء وسفراء وخصوصا الامريكان امال هو قاعد فى ابوها لحد دلوقتى ليه

هى مصر خلت من المثقفين عشان يكون وحيد عصره وفريد زمانه و يتبت فى الوزارة لحد دلوقتى

ورغم انه اسكندرانى بس انا متبرية منه ومن افعاله محسوب على الاسكندرانية اونطة

[عادل أبوزيد]

مسئولية التراث الثقافى أكبر بكثير من أن تكون مسئولية موظفين تحكمهم لوائح الحضور و الإنصراف و كل همهم الشخصى العلاوة و الترقية و المنحة و هذا هو الحال فى المؤسسات الثقافية لمحترمة على مستوى العالم.

ما سبق كان إستهلالا لابد منه

فى جريدة الأخبار اليوم على لسان محسن شعلان -

الموظف الغلبان الذى "سيشيل القضية" - أن القدر لم يمهله حيث أن متحف محمود خليل قيد التطوير و قام الإستشارى بعمل مشروع تطويره و تأمينه و أرسل بالفعل إلى المقاولين العرب للبدء فى التنفيذ ، و كنا فى طريقنا لتشوين اللوحات و إرسالها إلى المخازن الجديدة المؤمتة فى الجزيرة ...... و ردا على سؤال عن الكاميرات قال للأسف الشديد الكاميرات من نظام قديم حاولنا إصلاحها أكثر من مرة دون فائدة لأنها من طراز ليس له قطع غيار فى السوق و تعود إلى عام 1995 و كان الحل بتغييرها و هو ما كنا نعد له.

كلام لا يصدر إلا عن موظف تنحصر مسئوليته فى إرسال أوراق و تلقى أوراق !!! و لا أعود عليه باللائمة

أذكر ... زمااان كان مدير الأوبرا المصرية القديمة - مكانها الآن جراج الأوبرا - الأستاذ سليمان نجيب و كان يقيم إقامة كاملة بدار الأوبرا و هى بالمناسبة لم تحترق فى عهده.

الكيانات الثقافية الكبيرة يديرها مجلس أمناء يتم إختيارهم على الفرازة و عندهم صلاحيات أكبر بكثير من توقيع حضور و إنصراف.

ملاحظة: قمت بنقل الموضوع من باب الفساد إلى باب الثقافة فالمسألة تراث أمة أكير بكثير من مسائل إختلاس سلع تموينية أو علاج على نفقة الدولة أو الإستحواز على أراضى .... كل هذا يمكن تعويضه ماديا ... أما التراث الثقافى فلا ... و لذا لزم التنويه.

[se_ Elsyed]

أنا مش هاقول حاجه غير دعاء قبل الافطار

اللهم عليك بالمهملين والظالمين

الراجل الكبير سايبها بتغرق وفاصل عن الدنيا وبيبات يحلم إزاي إبنه يقعد على الكرسي المتنجد بعده إن شالله لو الدنيا كلها ولعت

تحطم تمثال كيوبيد بمتحف محمود خليل

لم تمر ساعات قليلة على سرقة لوحة زهرة الخساش من متحف محمود مختار حتى انتقل النائب العام المستشار عبد المجيد محمود إلى مقر المتحف وذلك لإجراء المعاينة التصويرية بنفسه لبيان كيفية سرقة اللوحة وملابسات الجريمة كاملة حتى وقع حادث آخر يمثل صدمة كبيرة لا تقل أهمية عن صدمة سرقة لوحة زهرة الخشاش حيث تحطم تمثال كيوبيد الموجود بحديقة المتحف وهو التمثال الذى يقدره بعض الخبراء بقيم مالية كبيرة.

وبمجرد سقوط التمثال على الأرض وانقسامه لقطعتين تجمع العشرات من العاملين بالمتحف، وبدت عليهم مشاعر الحزن مؤكدين أن ذلك التمثال هو تمثال كيوبيد الذى يمثل قيمة فنية كبيرة، مضيفين أن التمثال مكانه الأصلى داخل المتحف وليس خارجه، وفى تعبير فجائى من إحدى العاملات بالمتحف قالت " إحنا خلصنا من مصيبة علشان تطلع لنا مصيبة تانية؟".

وعلى الفور بدأ أحد المسئولين عن المتحف باستدعاء أحد القيادات الأمنية لتحرير محضر عن الواقعة، فيما أجرى آخرون اتصالا بمكتب وزير الثقافة فاروق حسنى لإبلاغه بالواقعة أيضا.

[عادل أبوزيد]

السرقة الأولى للوحة سنة 1978 لم يتم الإعلان عند تفاصيل إعادة اللوحة و عما إذا كان السارقون عوقبوا أو حوكموا و لم يعلن عن المكان الذى وجدوا فيه اللوحة فى الكويت سنة 1980.

ما سبق كان إستهلالا لابد منه

دوائر المهتمين بالفن فى العالم لديهم شكوك أن اللوحة المسروقة اليوم هى لوحة مزيفة و فى أحد التعليقات فى جريدة أجنبية :

By

The origin painting by van Gogh was 65 by 54 cm... this one seems to be 30,5 by 30,5 cm....

Vase with Viscaria

Oil on canvas

65.0 x 54.0 cm.

Paris: Summer, 1886

F 324a, JH 1137

Something went wrong from 1978-80.... was the painting faked and why was an dublica sold on auction in London for 43 M $.

Corruption is not bad...if you have a share in it

و معلومة غريبة أن لوحة مقلدة للوحتنا المسروقة بيعت فى لندن بمبلغ 43 مليون دولار

الرابط : http://nymag.com/daily/entertainment/2010/08/on_closer_inspection_mysteriou_1.html

[Mostafa Kasem]

أنا بقول لوحة زي دي لو مش مقدرين قيمتها ومش عارفين يحافظوا عليها يبيعوها ويجيبوا بثمنها خشخاش حقيقي ... على الأقل الشعب يتكيف وينسى الهمّ

بس لما يبقوا يلاقوها الأول

gra:-

[خالد التهامى]

الفنان المصرى محمود خليل

يعتبرابننا من اغنى العائلات المصريةولد عام 1877 لاسرة ثرية درس الزراعة وما ان تخرج من الجامعة اشرف على ادارة املاك عائلتة ثم سافر الى فرنساوبدل انيكم دراستة

قام بدراسة الحقوق واثناء دراستة تعرف على زوجتة الفرنسية املين التى كانت تدرس الموسيقى وتهوى الفن التشكيلى وفى احدى زيارتة لاحد المتاحف قام بشراء اول لوحة فنية

للفنان الفرنسى رينوار وكانت قيمتها اربعمائة جنيها وهى موجودة الان بمتحفة اول اعمالة كان تمثال عايدة ثم قام بعمل تمثال نهضة مصر الموجود امام جامعة القاهرة

وظل يقوم بشراء التحف واللوحات من شتى بقاع الارض ووضعها فى قصرة وهو متحفة الان وقبل موتة اوصى لزوجتة بالقصر وما فية ومن بعد موتها تؤل ملكية كل شىء الى الشعب الصرى

لكن الزوجة، الفرنسية، وإنفاذا لرغبة خليل العميقة والحقيقية " كتبت في وصيتها ما يلي: "... ويهمني هنا أن أوضح أنني أردت بهذه الوصية أن أعبر عما أشعر به في الصميم من حب مصر التي صارت لي وطنا منذ زواجي بمحمد محمود خليل، وأن ما أحاطني به من عطف وما شملني به من رعاية كزوج مخلص بادلني حبا بحب، وقد رأيت من حقه علي أن أخلد ذكراه في نفوس مواطنيه كجندي من ابرز جنود مصر الأوفياء، ومن أجل ذلك فإنني اقرن وصيتي بشرط اقتضيه من الحكومة، وهو أن تجعل المنزل والتحف التي يضمها متحفا باسم محمد محمود خليل وحرمه، على أن يُتاح هذا المتحف للجمهور، وإذا وُضعت تذكرة دخول فلتكن زهيدة بحيث يكون الدخول ميسورا للجميع

[se_ Elsyed]

رحم الله الفنان الكبير محمد محمود خليل فهو غني عن التعريف

ولو كان يعرف اللي هايحصل لتحفه ومقتنياته من إهمال وقلة أدب .. كان باعهم على حياة عينه وشبرق نفسه بهم ....

لأن زي ما قال أستاذ عادل ... إن حتى الأماكن الفنية دي بتدُار بعقلية محمد أفندي كاتب الأرشيف المربوط على الدرجة الثالثة واللي كل مُناه انه يشتغل في وظيفة ميري من 8 الى 2 ظهرا

على فكرة نلف وندور ونعيد ونزيد ونرجع نقول " إدارة "

فشل إداري بشع

مش إمكانيات أبداً ..

فمن حوالي 8 سنوات تم إنفاق 20 مليون جنيه على وضع نظام أمني متكامل للمتحف ...

20 مليون يا ظلمه ياللي ما بتتقوش ربنا ؟؟؟؟...

بوابات إلكترونية ...

كاميرات مراقبة على أعلى مستوى

أجهزة أنذار حساسة متوصلة باللوحات بحيث لو حد قرب بس فالدنيا كلها تعرف

لكن كالمعتاد .. هاتلاقي اللي نفذ المشروع الضخم ده نسيب أو قريب وزير الثقافة أو حد من الاضيشه الحرامية ..

وبالتالي النظام من ساعتها لا يعمل وكل الحاجات دي كانت ديكور فقط

ولو تشوفوا الكليب اللي صورة بعض طلبة كلية الفنون الجميلة لحالة المتحف من الداخل وأتعرض على موقع اليوم السابع.. تصعب عليكم والله حالة المتحف المزرية ....

لا أمن ولا أمان ... ومنتهى الإهمال حتى في تعليق اللوحات اللي معلقينها بحبلين في السقف زي المشانيق وطل واليوم تتمرجح من الهوا ... قال يعني دي أسلاك متوصلة بالإنذار وبطريقة بدائية فجه ... لدرجة إن احد الطلبة فضل يهز في الصورة ويمرجحها يمين وشمال وكان ناقص يطبقها في جيبه ويمشي وولا حد هايحس بيه

للعلم المتحق يحتوي على مقتنيات تم تقديرها بما يفوق 4 مليار جنيه

لكن عارفين ..

أنا مُشفق على الموظفين اللي شغالين هناك

أه والله بجد

موظف غلبان بياخد 400 ج ... جه الشغل الصبح والنور كان قاطع في بتهم من أمبارح ... وهو ساكن في الدورس السادس أساساً والميه ما بتطلعش غير بموتور .. فجه من غير ما يغسل وشه كمان ..

متوقعين منه إيه ؟

إنه يقدر فان جوخ وريمبران وبيكاسو أو تمثال كيوبيد اللي إتفتفت أمبارح ؟

في برنامج القاهرة اليوم أستضافوا مديرً سابقاً للمتحف ... وهو فنان تشكيلي مصري مٌقيم في إنجلترا منذ سنوات عديدة وله خبرة طويلة في إدارة المتاحف .. ورجع يستقر في مصر منذ 8 سنوات ...

المهم لإنه معروف بكفاءته وحسه الفني العالي .. تم تعيينه مديراً للمتحف ...

الراجل من كلامه أنبهر بالسيستم الموجود ( على الورق ) أبو 20 مليون وبقى له أيام بسيطة ..ههههههههه

جه يجرب البوابات الإلكترونية ... مش شغاله

الإنذار .. تعيش إنت يا حج ...

نظام الإضاء المُسلط على اللوحات لإبراز جمالها وتفاصيلها .. نظام مُخزي وحاجه تقرف .... والشمس داخله من السقف وبتاكل في اللوحات طول اليوم

وكتب كله ده في تقرير وحاول ياخد موعد مع فاروق حُسني اللي يعرفه من زمان ويكاد يكونوا أصدقاء .... طبعاً مساعدينه قالوا له مستحيل .. معالي الوزير مش فاضي ..

وبمرارة وأسى يستكمل حديثه ... كان الراجل يعرف وزير الصناعة وقتها .. فكلمه يتوسط لديه لمقابلة مديره وهو وزير الثقافة ... وبالفعل وزير الصناعة كلم وزير الثقافة عشان يقول له واحد من موظفيك معاه تقرير خطير عاوز يعرضه عليك .. وحددوا له موعد

وراح شرب شاي بالياسمين مع روقه الرايق... وعرض عليه التقرير

ههههههههههههههههههههههههههههههههههههههههههههههههههههههههههههههههههههه

تاني يوم حولوه للتحقيق ... وأصدر محسن شعلان اللي فاروق حُسني شيله الليلة أمبارح .. اصدر قرار بإقالته ... راح واخد شنطته ومفلسع على إنجلترا تاني وقال توبه من دي النوبة ..

خدوا دي كمان ..

بيقول لك أعلى معدل زيارات للمتحف .. لا يتعدى 20 فرد في اليوم .. ده لما تكون الدنيا زحمه ويكون في إقبال مقطع الجماهير على الفن

وأتحدى إن كان 99 % من الشعب عارف موقع المتحف فين أو بيعرضوا فيه إيه

بأختصار ... إحنا ما نستاهلوش ... وخسارة فينا حاجات زي دي ... وياريت يبيعوا اللوحات دي ويفضوها سيرة ويجيبوا بها لينا لحمه وفته .. أهو الناس تتقوت وتبر نفسها بلا فن بلا فان جوخ بلا قرف ....

[se_ Elsyed]

من أول أمس بأتابع بشغف هذا الموضوع لأنه لا يخُص لوحه أو حاجه أتسرقت ...

بل يخُص نظام بلد كامل فاشل في كل شيء .. لإنه بيعتمد على حكم فرد لازق في الكرسي من 30 سنة ولا يُجيد إختيار المسئولين عن إدارة هذا البلد ومن ضمن هؤلاء الفشلة وزير لا نعرف مؤهلاته ولا حتى من هو .. وبقى له في وزارة الثقافة 20 سنة ... تخيلوا ؟

أتفرجوا على فضيحتنا اللي بجلاجل في الصحف العالمية ومنها طبعاً الصحف الصهيونية اللي أخدتها مادة للفكاهة والسخرية

ولاقى الحدث إهتماماً غير عادياً في الميديا العالمية كلها

عارفين ليه ؟

لإن دي اللوحة الوحيدة لفان جوخ في الشرق الأوسط ..

وتعتبر لوحة زهرة الخُشخاش هي أجمل وأشهر لوحة رسمها فان جوخ ..

تماماً زي ما الموناليزا أشهر لوحة رسمها دافنشي

الغريب بقى إن لحد دلوقت وزير الثقافة ما كلفش نفسه وزار المتحف عشان يشوف المصيبة اللي حصلت

الأغرب بقى أن يقوم النائب العام بالرغم من مشغولياته ... وهو من أكثر الأشخاص أحتراماً في مصر ... قام بزيارة المتحف ظهر أمس وتعبيرات الراجل كانت تدل إن هايجيله شلل أو ذبحة من اللي شافه .... ومنظره يا عيني وهو بيكلم أحد الموظفين المسئولين عن الجرد اليومي للوحات واللي بيتم في دفتر وبيوقع عليه كذا موظف .... الراجل بيقول له " بصراحة بقى لي كتير ما شوفتش الدفتر .. وولا في جرد بيتم ولا يحزنون "

[masraweya]

المشكلة أنهم عصابة فاشلة .. بيدبحوا الفرخة اللي بتبيض دهب

عاملين زي حرامي ساكن في شقة مفروشة .. أساسا مبيدفعش الإيجار .. و لما أصحاب الشقة قربوا يخدوها باع البلاط و الحيطان و أجرها من الباطن كمان

السؤال هو .. ليه أصحاب الشقة سايبينه!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟