أرجو النصيحة : عقد فى شركة إكسترا بالسعودية

[moatazgoal]

السلام عليكم

أنا / معتز عندى 30 سنة و متزوج و لدى طفل لم يتم عامه الأول بعد

حاصل على ليسانس حقوق 2001 و أعمل حاليا بـ " كارفور " سوبرفايزر بمرتب 1690 جنيه مصري

حصلت على عقد فى شركة إكستر الرائدة فى كجال الأجهزة الكهربائية و الإلكترونية فى المملكة

و ذلك للعمل بوظيفة (MIT) مدير تحت التمرين أو ما يعادل سوبرفايزر

العقد لمدة سنتين

المرتي الأساسى : 3500 ر.س

بدل سكن سنوى : 10500 ر.س

بدل إنتقال شهرى : 350 ر.س

أجازة سنوية مدفوعة الأجر : 30 يوم كل سنة

تذاكر الطيران : 4 تذاكر سنوية لى و لزوجتى و لطفلين دون الـ 18 عاما

تأمين صحى شامل

بالإضافة إلى عمولة كما يقولون و لم تذكر فى العقد أو الأوفر 1000 ر.س معتمدة على الحضور و الإنصراف

عدد ساعات العمل : 48 ساعة إسبوعية

مكان العمل : الرياض أو القصيم

المهنة المذكورة فى العقد : مستشار خدمات فنية

أرجو من سيادتكم توجيه النصيحة لى بالقبول أو الرفض

بالإضافة لكيفية الحياة فى المملكةو بالأخص الرياض و القصيم

من حيث أجرة المسكن

و كذلك الإنتقالات

و غيره مما ترون

[MZohairy]

اكسترا شركه يملكها مجموعه اسمها الفوزان و شريك اسمه الصغير

عندهم قرابة ال 15 فرع في السعوديه تقريبا

رواتبها منتظمة و فرص الترقي فيها موجوده للي بيشغل دماغه

[ahmedramy]

الاخ العزيز

اطمنك لانى انا كمان جالى عقد فى نفس الشركة بس ىف القسم المالى فى فرع الخبر

بيان من طريقه العقد والاتفاق انهم ناس محترمه ومحترفين فى شغلهم

بس زى ما تفضل الزميل ووضح ان لابد من العمل والاجتهاد وتشغيل الدماغ

وصدقنى لو بنص مجهودك بتاع كارفور اشتغلت ماعهم هتترقى بسرعه

الاهم انك تتقى الله فى شغلك وخلى بالك من مصاريفك شويتيتن

اخوك فى الله

[moatazgoal]

ألف شكر للردود السيابقة و التى تدعو للإطمئنان

[خالد التهامى]

عناية/ الاخ معتز

اتمنى لك التوفيق

شركة اكسترا من الشركات الكبيرة التى تعمل فى مجال توزيع الاجهزة الالكترونية والكهربائية فى المملكة اتوكل على اللة وسافر بالنسبة لاسعار السكن فى القصيم فهى ارخص

من الرياض يعنى بدل السكن دة هيقدر يسكنك فى شقة جيدة لان السكن فى القصيم ارخص من الرياض والاسعار اقل نسبيا من الرياض لللفواكة والخضروات

اما بالنسبة للرياض فهى العاصمة ببدل السكن دة يدوب ويمكن تدفع من جيبك الفين اوثلاثة عشان حجرتن وصالة يعنى القصيم ارخص ولاكن الرياض العاصمة

[ozoozo]

قبل الفلوس الاهم السيستم فانك تشتغل في شركه فيها سيستم وبعيدعن مؤسسه محمد كفته للتجاره فده في حد ذاته مكسب

انت ممكن تصرف حوالي 1500 ريال اكل وشرب لكن المشكله في السكن في الرياض لو انت متزوج فاعتقد مش هاتلاقي حاجه كويسه بعشره

تم تعديل 22 أغسطس 2010 بواسطة ozoozo

[se_ Elsyed]

في زميل لسه سأئل من أسبوع عن أكسترا برضوا وردينا عليه

على فكره بدل السكن قليل جداً وهاتتعب لو جيت الرياض على ما تلاقي حاجه بالمبلغ ده ...

كمان بدل الإنتقال قليل

[TitoELGabry]

السلام عليكم

أنا / معتز عندى 30 سنة و متزوج و لدى طفل لم يتم عامه الأول بعد

حاصل على ليسانس حقوق 2001 و أعمل حاليا بـ " كارفور " سوبرفايزر بمرتب 1690 جنيه مصري

حصلت على عقد فى شركة إكستر الرائدة فى كجال الأجهزة الكهربائية و الإلكترونية فى المملكة

و ذلك للعمل بوظيفة (MIT) مدير تحت التمرين أو ما يعادل سوبرفايزر

العقد لمدة سنتين

المرتي الأساسى : 3500 ر.س

بدل سكن سنوى : 10500 ر.س

بدل إنتقال شهرى : 350 ر.س

أجازة سنوية مدفوعة الأجر : 30 يوم كل سنة

تذاكر الطيران : 4 تذاكر سنوية لى و لزوجتى و لطفلين دون الـ 18 عاما

تأمين صحى شامل

بالإضافة إلى عمولة كما يقولون و لم تذكر فى العقد أو الأوفر 1000 ر.س معتمدة على الحضور و الإنصراف

عدد ساعات العمل : 48 ساعة إسبوعية

مكان العمل : الرياض أو القصيم

المهنة المذكورة فى العقد : مستشار خدمات فنية

أرجو من سيادتكم توجيه النصيحة لى بالقبول أو الرفض

بالإضافة لكيفية الحياة فى المملكةو بالأخص الرياض و القصيم

من حيث أجرة المسكن

و كذلك الإنتقالات

و غيره مما ترون

يا جماعة الموضوع فى اكسترا مش زى ما انتو متخيليين انا كنت شغال هناك وسيبتها من حوالى سنه مش سيستم يعنى عموما لو انت هاتكبر دماغك وتخليك فى شغلك وبس روح اشتغل لو هاتبقى حنبلى كده زى حالاتى يبقى خليك هنا احسن لو محتاج اى استفسار كلمنى هاشرحلك كل حاجه انا اسمى تامر الجبرى 0101555468

[ahmedramy]

الاخ عزيز تامر

لو عندك شىء تعرفة قولو ياريت لان انا كمان جيلى عقد هناك ومسافر بعد العيد

علما بان عملى محلل مالى بالمركز الرئيسى بالخبر

ارجو التوضيح والإفادة

اخيك فى الله

[MZohairy]

الاخ عزيز تامر

لو عندك شىء تعرفة قولو ياريت لان انا كمان جيلى عقد هناك ومسافر بعد العيد

علما بان عملى محلل مالى بالمركز الرئيسى بالخبر

ارجو التوضيح والإفادة

اخيك فى الله

حقولك نصيحه صادقه و مخلصه من مجرب

اذا كنت مقتنع بالراتب و المزايا اتكل على الله

و الأهم انك حتشوف فوارق كتير بين الناس و ما تقارنش نفسك بحد عشان ما تتعبش و تقدر تستمر

بمعنى ان الراتب و المزايا بتاعتك اللي كانت عجباك قبل ما تروح... ممكن جدا تلاقيها قليله بالنسبه للي زيك هناك في نفس المكان

اللي حتتعاقد عليه حتاخده لكن الترقي مش سهل ابدا الا للي يشغل مخه و يكون مديره قوي و يعرف يرفعه

الإدارة الماليه فيها موظفين كتير و هي ليست من الادارات القويه اللي يقدر مديرها يرفعك لفوق للأسف

استخير و ربنا يوفقك

[TitoELGabry]

الاخ عزيز تامر

لو عندك شىء تعرفة قولو ياريت لان انا كمان جيلى عقد هناك ومسافر بعد العيد

علما بان عملى محلل مالى بالمركز الرئيسى بالخبر

ارجو التوضيح والإفادة

اخيك فى الله

متقلقش حضرتك اتكل على الله طالما محلل مالى يعنى فى الادارة حيث الدلع والميلات اللهم لا حسد واعتقد محلل مالى ( مع انى خريج تجارة ) يعنى 1+1=2 عمرها ما هتبقى 3 انا بتكلم على السيلز والعملاء والتأليف لما ميكونش فى قواعد ثابته يتمشى عليها وكله بيعمل اللى عايز يعمله بس النصيحة الوحيدة اللى هاوجها لحضرتك هى انك تخلى بالك من بدل السكن لان السكن فى الخبر اغلى من الرياض نفسها ده طبعا هايعتمد اذا كنت هاتسكن لوحدك او شيرنج مع حد وبالتوفيق ان شاء الله

وبعدين يا اخ mozhairy انا بوجه نصيحه اللى عايز يسمعها هو حر واللى مش عايز برده هو حر دى نصيحة لوجه الله

تحياتى للجميع

[ahmedramy]

حقولك نصيحه صادقه و مخلصه من مجرب

اذا كنت مقتنع بالراتب و المزايا اتكل على الله

و الأهم انك حتشوف فوارق كتير بين الناس و ما تقارنش نفسك بحد عشان ما تتعبش و تقدر تستمر

بمعنى ان الراتب و المزايا بتاعتك اللي كانت عجباك قبل ما تروح... ممكن جدا تلاقيها قليله بالنسبه للي زيك هناك في نفس المكان

اللي حتتعاقد عليه حتاخده لكن الترقي مش سهل ابدا الا للي يشغل مخه و يكون مديره قوي و يعرف يرفعه

الإدارة الماليه فيها موظفين كتير و هي ليست من الادارات القويه اللي يقدر مديرها يرفعك لفوق للأسف

استخير و ربنا يوفقك

الاخ العزيز / تامر والاخ العزيز mzohairy

جزاكم الله كل خير

اولا الحمد لله انا صليت استخاره قبل اول مقابله ومع كل خطوه

اللى مطمنى انى كنت عامل مقابله على محاسب اول فؤجت ان المدير المالى اللى قبلنى كلمنى وقالى احنا عايزينك فى التحليل المالى هتفدنا اكتر

يعنى مش انا اللى سعيت يعنى ربنا اللى كلفنى بالعمل ده ومدام كلفنى يبقى هايعنى عليه

ثانيا كل كلمه اتقالت بالفعل اتكتب فى العقد الاساسى هبقى حوالى 7000 ريال والباقى اعتقد زى القانون العمل ما بيقول+ 25% سكن + 10% انتقالات + هشر اجازه بعد سنة مدفوع .... العادى يعنى

بس انا حبيت اعرف الناس دع سمعتها ايه فى السوق وانا عارف انهم واحده من مجموعه الفوزان

ومعدل الترحيل والتعاقد عندهم كتير ولا معقول

كمان محدش رد عليا هل الراتب ده يكفى خصوصا انى هستقدم اسرتى وطفلين معايا

وكمان بفكر اشوف عمل لزوجتى قريب من السكن خصوصا انها باحثه كيميائيه والعمل بالتخصص ده متاح

مع اعلم انى خلصت كل ورقى عدى الكشف الطبى لسه فلو الموضوع مش كويس حد يقولى ويطمنى

لذا ارجو منكم المساعده والتوضيح

جزاكم الله كل خير

[TitoELGabry]

من ناحية تنفيذ العقد متقلقش هى شركة محترمة وهما مش بيمشو حد حتى لو لسه ما اثبتش نفسه بيصبرو عليه متقلقش على رأى السعوديين صاحب الحلال ابن حلال بالنسبة لبدل السكن علشان تاخد شقه كويسه ممكن تزود مرتب شهر على بدل السكن اللى هاخده وكمان بالنسبة للعربية يستحسن يبقى معاك رخصة مصرية علشان تعمل استبدال بعد الاختبار علطول انما لو مش معاك رخصه لازم تروح مدرسة لمدة 21 يوم حتى لو بتعرف تسوق بالنسبة للراتب ان شاء الله هيكفيك وتوفر متقلقش مصاريفك انت والعائلة مش هتعدى ال 2000 ريال فى الشهر بالنسبة للبيت وطبعا العيلة معاك يعنى الاتصال بمصر هيبقى قليل وهو عموما مش غالى يعنى والنت برده مش غالى متقلقش الحياة فى السعودية رخيصة وطالما معاك العيلة يبقى انشاء الله هاتبقى مرتاح وتقدر تدخل المولات فى اى وقت مش زى ما كانو بيعملو معانا ويقولونا عوايل توكل على الله وبالتوفيق ولو فى اى استفسار انا تحت امرك

[ahmedramy]

الاخ العزيز تامر

جزاك الله كل خير على الرد الجميل

دعواتك نتم كل شىء على خير

اخيك فى الله

[TitoELGabry]

الاخ العزيز تامر

جزاك الله كل خير على الرد الجميل

دعواتك نتم كل شىء على خير

اخيك فى الله

دى اقل حاجه لحد عايز يبنى حياته وهو مطمن ودى نصيحة اخ لاخوه فى الله ربنا يوفقك ان شاء الله

[moatazgoal]

يا جماعة الموضوع فى اكسترا مش زى ما انتو متخيليين انا كنت شغال هناك وسيبتها من حوالى سنه مش سيستم يعنى عموما لو انت هاتكبر دماغك وتخليك فى شغلك وبس روح اشتغل لو هاتبقى حنبلى كده زى حالاتى يبقى خليك هنا احسن لو محتاج اى استفسار كلمنى هاشرحلك كل حاجه انا اسمى تامر الجبرى 0101555468

شكرا لك تامر على النصيحة و سأكون معك على الهاتف قريباإن شاء الله

[mhamed]

استاذى الكريم طالب النصيحة يمكن تكون قد جمعت معلومات اكثر منى عن الشركة فنصيحة منك لى على هذه الوظيفة

لقد اتصلوا بى لعمل مقابلة فى شركة اكسترا على وظيفة Inventory Coordinator

ولكن لاعرف الراتب الصحيح لهذه الوظيفة فى السعودية او ما يكفينى هناك

وشكرا

[anis71]

السلام عليكم ورحمة الله

ردي موجه للأخوة الأفاضل اللي جالهم عروض وظيفية في اكسترا.

واضح إن شروط العقد جيدة بخصوص المزايا العائلية واقصد بيها الاجازة السنوية 30 يوم ، والتذاكر لك وللعائلة، والتامين الصحي والذي يجب ان يشمل العائلة ايضا.

أولا : لكن بدل السكن وبدل الانتقال ضعيف وكما ذكر الاخوة قبلي صعب تلاقي سكن محترم بالمبلغ ده في المدن الرئيسية، إحنا في جدة حاليا راحت ايام الشقق النضيفة ام 12 او 14الف في السنة أو بمعنى اصح مش بتلاقيها معروضة أصلا لأن كل الشقق اللي في المستوى ده بيكون الساكن القديم ظبط حد معرفة يسكنه فيها قبل مايمشي،

ثانيا: هتروح شغلك إزاي؟؟ يعني هل عندهم باص بيمر ياخد الموظفين يوصلهم ولا كل واحد يتصرف، لو ماعندهمش باص يبقى هتصرفلك 30 ريال اقل شئ كل يوم مواصلات حسب موقع سكنك من العمل ، يبقى أحسن تعمل حسابك هتحتاج تشترى سيارة اول ما توصل او على الأقل اول ما تستقدم عائلتك الى المملكة، ودي محتاج تتدبرلها مبلغ ياحلو، وفي الغالب ده بيبقى صعب جداً لأن الواحد بيبقى خارج السفرية وهو مديون أساساً وبياخدله كام شهر على ما يسدد ديونه.

ثالثاً: أيه فرص الترقى في الوظيفة دي؟ يعني الكاريير ده له مسار ترقي ولا محلك سر. في شركات بيفضل الموظف فيها 10 ، 12 سنة لحد ما يفضى المكان اللي فوقيه عشان يترقى وده على فكرة بيكون عرف سائد في الشركة ومش بيتغير نتيجة طريقة الادارة اللي بتشتغل بيها، يعني الحكاية ماشية بالدور الأقدم يترقى الأول مش بالكفاءة، الموضوع ده بيخليك تتخنق ومش عاوز تشتغل لأنه حصل معايا ونفدت بمعجزة إلهية منه.هو طبعا صعب تعرف ده غير من حد شغال في الشركة نفسها.

الأخ اللي رايح على وظيفة محلل مالي .. رأيي إن العرض بتاعك ممتاز وربنا يوفقك

لأخ اللي رايح وظيفة سوبرفايزر إستخير واحسبها صح عرضك هيخليك تعيش مستور والتوفير هيكون ضئيل إلا لو هتختار تعيش أعزب في سكن مشترك وتخلي العائلة في مصر وده إختيار صعب جدا خصوصا في البداية.

الأخ اللي رايح وظيفة منسق جرد مخزون Inventory coordinator الوظيفة دي مرهقة لأن كل شغلك في المستودعات والمخازن في وسط الحر والعمال، لو إنت مش متعود على بيئة العمل دي هتتعب جداً ولازم يكون مرتبها أعلى كمان من مرتب المحاسب اللي قاعد في مكتب، لكن عادة الوظيفة دي الشركات السعودية بتدي سيارة نتيجة طبيعة الوظيفة والتنقل المستمر بين المستودعات. اسألهم هيدوك سيارة ولا ايه؟

كلمة أخيرة للجميع.. لا تحاول أن تقيس الوظيفة اللي جايلك هي كويسة ولا لأ! وفلوسها اكتر من وظيفتي الحالية بكام جنيه في الشهر، لأ فكر بطريقة مختلفة وشوف الخطوة دي هتخليك تتقدم قد إيه في مهنتك وهتضيف لرصيدك في الكاريير بتاعك ولا لأ؟ مثلا بعد خمس سنين هتكون ايه؟؟ وهل لو اشتغلت 5 أو 10 سنين هينفع تنزل مصر وتلاقي شغل شكله ايه؟؟ ولا انت عاوز مجرد تجربة ... فكر بالظبط إنت عاوز ايه لأن الغربة بتضيع منك حاجات كتير مش بتحس هى قد ايه حلوة غير لما تفقدها.

[ahmedramy]

الاخ العزيز Anis 71

بجد جزاك الله كل خير هن كل حرف كتبته وربنا يجعلهولك فى ميزان حسانتك

وياريت كل واحد يراجع ظروفه وحالو كويس والاهم يستخير ربنا فى كل خطوه ومع كل تطور يتم

ويعتبر سفرو مش للعمل والرزق فقط بل يعتبر هجره لاننا اصبحنا من المستضعفين فى الارض من كتر ما انتشر الفساد

ونسال الله سبحانه انه يتقبل مننا سعينا للخير

اخيك فى الله

( الأخ اللي رايح على وظيفة محلل مالي )

[TitoELGabry]

السلام عليكم ورحمة الله

ردي موجه للأخوة الأفاضل اللي جالهم عروض وظيفية في اكسترا.

واضح إن شروط العقد جيدة بخصوص المزايا العائلية واقصد بيها الاجازة السنوية 30 يوم ، والتذاكر لك وللعائلة، والتامين الصحي والذي يجب ان يشمل العائلة ايضا.

فعلا حضرتك عندك حق شروط العقد كويسه والشركه لغير السيلز محترمه بالنسبه للتأمين بصراحه مش متأكد للعائله ولا بيدفع مبلغ علشان يضيف العائلة

أولا : لكن بدل السكن وبدل الانتقال ضعيف وكما ذكر الاخوة قبلي صعب تلاقي سكن محترم بالمبلغ ده في المدن الرئيسية، إحنا في جدة حاليا راحت ايام الشقق النضيفة ام 12 او 14الف في السنة أو بمعنى اصح مش بتلاقيها معروضة أصلا لأن كل الشقق اللي في المستوى ده بيكون الساكن القديم ظبط حد معرفة يسكنه فيها قبل مايمشي،

فى مناطق فى الرياض جديده ممكن يلاقى شقه محترمه ابتداء من 17000 او 16000 وفى والله ب 12000 بس ملحق

ثانيا: هتروح شغلك إزاي؟؟ يعني هل عندهم باص بيمر ياخد الموظفين يوصلهم ولا كل واحد يتصرف، لو ماعندهمش باص يبقى هتصرفلك 30 ريال اقل شئ كل يوم مواصلات حسب موقع سكنك من العمل ، يبقى أحسن تعمل حسابك هتحتاج تشترى سيارة اول ما توصل او على الأقل اول ما تستقدم عائلتك الى المملكة، ودي محتاج تتدبرلها مبلغ ياحلو، وفي الغالب ده بيبقى صعب جداً لأن الواحد بيبقى خارج السفرية وهو مديون أساساً وبياخدله كام شهر على ما يسدد ديونه.

السيلز بس ليهم باصات اى حد تانى لا ولا كوردنيتور ولا سوبر فايز ولا محلل مالى

ثالثاً: أيه فرص الترقى في الوظيفة دي؟ يعني الكاريير ده له مسار ترقي ولا محلك سر. في شركات بيفضل الموظف فيها 10 ، 12 سنة لحد ما يفضى المكان اللي فوقيه عشان يترقى وده على فكرة بيكون عرف سائد في الشركة ومش بيتغير نتيجة طريقة الادارة اللي بتشتغل بيها، يعني الحكاية ماشية بالدور الأقدم يترقى الأول مش بالكفاءة، الموضوع ده بيخليك تتخنق ومش عاوز تشتغل لأنه حصل معايا ونفدت بمعجزة إلهية منه.هو طبعا صعب تعرف ده غير من حد شغال في الشركة نفسها.

الترقيه صعبة لان المركز اللى فوق المحلل المالى والكودنيتور مش اقل من 6 سنين وبعدين انت بيبقى عندك فى كل منطقه حوالى 4 او 5 كوردنيتور ورئيسهم واحد بس ونادرا ما حد بيمشى من الشركه لما بكون مركزه اداى لانه غالبا بيبقى مستريح وفلوسه كويسه

الأخ اللي رايح على وظيفة محلل مالي .. رأيي إن العرض بتاعك ممتاز وربنا يوفقك

كلام حضرتك صح

لأخ اللي رايح وظيفة سوبرفايزر إستخير واحسبها صح عرضك هيخليك تعيش مستور والتوفير هيكون ضئيل إلا لو هتختار تعيش أعزب في سكن مشترك وتخلي العائلة في مصر وده إختيار صعب جدا خصوصا في البداية.

التوفير مش هايبقى ضئيل ولا حاجه حتى لو اخد سكن صغير غرفه وصاله ودفع مرتب شهر فى سبيل ان الاسرة تبقى موجوده معاه وبعدين فى حاجه تانيه ان فى عمولات يعنى مش المرتب وبس.

الأخ اللي رايح وظيفة منسق جرد مخزون Inventory coordinator الوظيفة دي مرهقة لأن كل شغلك في المستودعات والمخازن في وسط الحر والعمال،

كل فرع ليه كوردنيتور هو مش بيتنقل ولا حاجه عايز اقول لحضرتك ان الكوردنيتور ده اكتر حد فى الشركة مستريح وشغله من 7 الصبح ل9 فى المعرض وبعد كده ل 1 او 2 فى المكتب وشكرا.

لو إنت مش متعود على بيئة العمل دي هتتعب جداً ولازم يكون مرتبها أعلى كمان من مرتب المحاسب اللي قاعد في مكتب، لكن عادة الوظيفة دي الشركات السعودية بتدي سيارة نتيجة طبيعة الوظيفة والتنقل المستمر بين المستودعات. اسألهم هيدوك سيارة ولا ايه؟

لا مفيش سيارة

كلمة أخيرة للجميع.. لا تحاول أن تقيس الوظيفة اللي جايلك هي كويسة ولا لأ! وفلوسها اكتر من وظيفتي الحالية بكام جنيه في الشهر، لأ فكر بطريقة مختلفة وشوف الخطوة دي هتخليك تتقدم قد إيه في مهنتك وهتضيف لرصيدك في الكاريير بتاعك ولا لأ؟ مثلا بعد خمس سنين هتكون ايه؟؟ وهل لو اشتغلت 5 أو 10 سنين هينفع تنزل مصر وتلاقي شغل شكله ايه؟؟ ولا انت عاوز مجرد تجربة ... فكر بالظبط إنت عاوز ايه لأن الغربة بتضيع منك حاجات كتير مش بتحس هى قد ايه حلوة غير لما تفقدها.

طبعا اسف لتدخلى بس بحاول برده اوضح الوضع من داخل الشركة والرياض

تم تعديل 2 سبتمبر 2010 بواسطة TitoELGabry