صور أعضاء المحاورات وهم أطفال

[kokowawa1979]

ماهو أنا اللي جبت ده كله لنفسي :rolleyes:

ماكنت خلليت الطابق مستور - ولا طماطم بالحليب والسكر ولا دياولو - وكنت خلليت الناس تفضل تاكل المبيدات المتغذية على الطماطم - يوووووووووه نسيت قصدى الطماطم المتغذية على المبيدات :lol:

بس إيه اللي بيرقص ده :lol: ده ولا شجرة جميز وضعوها في شوال :lol:

بس بصراحة يا نجفة إنت 100 100 والله - مواهبك دي عايزة صحافة حقيقية .

[badroora]

لا طبعا يا كوكوواوا حنيتك وطيبة البك مش هتخلينا نهون عليك وناكل طماطم ملوثة

وانت والله اللى 100مية

كفاية انك بتقرالى وبتشجعنى هنا بالظبط كانى باكت فى احلى واهم الجرائد عشان متاحة لكوكوا يقرالى

استاهل انا بقي قفصين طماطم عالحتة دى صح

[Ahmad Farahat]

مبروك يا عم كوكو.......

والله فرحتلك........

بس يا نجفة أنا مش عارف كوكو فرحان ازاي.........

مع إن الطماطم حمرا!!!!!!!!!!

ده حتى كوكو ما بياكلشي غير البطيخ الأقرع.........

فيه حاجة غلط ;)

[badroora]

يا بني انت بردة مش فاهم كوكوا بيحاول يقضى على اللون الاحمر باللبن عشان تتحول لابيض ولكن الحكمة الالاهية افسدت خطة كووا كل مايشربها لبن تحمر اكتر واكتر سبحان الله

[kokowawa1979]

أرسين كتب :

مبروك يا عم كوكو.......

والله فرحتلك........

بس يا نجفة أنا مش عارف كوكو فرحان ازاي.........

مع إن الطماطم حمرا

ياعم أرسين أنا فرحان إن نجفة قايمة بالدعاية الله ينور :closedeyes: ,انا بالمناسبة مابكالش الطماطم الحمرا - كل أكلي الشخصي بيتم بطماطم لونها برتقالي :rolleyes:

وزي إنت ماقلت برضه أنا باكل البطيخ الأبيض مش الأقرع لإن الأقرع قد يكون مشحوبا بلون أحمر وده بيعمل لي حساسية :blush2:

أستاذة يا نجفة والله

إدخلي بقى على أرسين داخلة جامدة مادام ظهر تاني في الصورة - بس ياريت يكون في موضوع الطماطم برضه :FN:

[badroora]

طماطم برتقالى يا كوكوا انا طبعا مش هاقول ام الكيلوا بفلس وانك بتوفر لا سمح الله ولكن هاقول طماطم برتقالى

مزروعة بعصير الجزر وكسر البرتقال ودا النوع الغني بيفتامين سسي

أستاذة يا نجفة والله

إدخلي بقى على أرسين داخلة جامدة مادام ظهر تاني في الصورة - بس ياريت يكون في موضوع الطماطم برضه :closedeyes:

حاضر يا كوكواوا انت تئمر انا مقادر ارفضلك طلب هاظبطلك ارسين

تحياتى وانتظر

قصة لارسين

نجفة

[badroora]

سوق العبور فرع المحاورات كوكواواو واعوانه

طبعا ارسين لسه شباب وبيعمل رياضة عشان يحافظ على رشاقتة

قام كوكواواو قالوا ها يا ارسين شربت عصير الطمام عالصبح ولا لسه قالوا لا نسيت يا ابيه قالوا لا تعالى ادارة عصير وزود الجرعة

ارسين ضحية كوكواوا اعطاه جرعة زيادة من عصير الطماطم المنتج الذى غزا به كوكواوا سوق العبور بالمنتدياات

دلوئتتي ارسين بقي تورلى مش ارسين ليه بس كدا يا كواواو ,,,,,,,,,,,,,

دا زائر للمحاورات جندة كواوا قال اهو بردة وجهه للسوق فعلا واقفة بروفيشونال

هنا اخوانى الصورة التى امامنا عبارة عن قسم الخضار بسوق العبور فرع المحاورات وكوكووا معجب بالطماطم وبيعد

الاقفاص ومصور نفسه لزود الدعاية

هنا سوق العبور فرع المحاورات اضطروا للفرش فى الشارع لما البلدية هجمت على السوق اتابي الاخ كوكواوا مكنش مرخص السوق ولا بيدفع ضرائب

ومافات كان استهلالالا لابد منه,,,,,,,,,,,,,

قام كوكواوا اول واحد فر من البلدية وباقى الاعضاء اضطرا للفرش هنا بعيدا عن عيون البلدية

واصبحت الهتافات بالدعوى على البلدية هى شعار المحاورتية طوال الوقت

يا فرحة ما تمت يا كوكووا

واخوانى واخواتى

الشعب والراى العام يتسائل هل ما حدث لسوق العبور فرع المحاورات

الخاص بالباش مهندز كوكواوا عاقب عم بدر منه تجاه الشاب المتفائل فى الماضي والضائع حاليا ارسين

اخوانى اخواتى انتهت النشرة الاخبارية الان وسوف نوفيكم بالموجز بعد فليل

كانت معكم

نجفة ابو العافية

سوق العبور

فرع المحاوات

[kokowawa1979]

وده كوكو واوا بعد نجفة ما خلت بتوع الضايب ياخدوا بالهم منه - ويحطوه في دماغهم :closedeyes:

[Ahmad Farahat]

حاجة حلوة يا نجفة..........

بجد ممكن تفتحي فرح خاص لقصص الأطفال الحلوين.......

إليكي هذه الفكرة........

ممكن تدي الأطفال الحلوين فكرة عن الناس اللي بيشجعوا الزمالك أخرتهم بتبقى إيه........

يلا نبتدي بكوكو........

[kokomen]

الأخت نجفة

الأخ أرسين

عايزين محل للأيجار عندكم في سوق العبور للمحاورات علشان نبيع فيه الخضروات بشرط تكون كلها بيضاء بخطين حمر .. ولا عزاء للبطيخ الأحمر والأهلوية .. اما الطماطم فتباع خضراء اتحادوية وليست حمراء ... يعنى حنوريكم العين الحمراء .. بس خلاص ؟؟؟؟؟؟؟؟؟؟

أبو أحمد الأسكندراني

:cry1: :)

[badroora]

سوق العبور بالمحاورات فرع كوكومن وشريكة كوكواوا

دعاء كوكومن وكوكواوا عالصبح

سهلها علينا يارب واليوم نطلع بسبوبة رزق العيال ,,,

اعمى البلدية عننا يا رب ,,,,,,,,,

امين ,,,,,,,,, يا رب العالمين

يلا يا كوكومن افتح ورش مية وبخر خالى ربنا يفتحها فى وشنا ان شاء الله ,,,,,,

كوكواوا افتحها على عبيدك يا رب لجل حبيبك النبي ,,,,,,,,,,,,,, يا مسهل يا كريم ,,,,,

كوكومن الخضار العسل متغذى على عسل النحل والزبادى ,,,,,,,,

عربية كوكومن اخرتها كدا يا كوكواوا تورطنى فى السوق وتقولى متخفش البلدية مش هيقربوا مننا

بس دى فكرة حلوة اول مالمح البلدية اطير بالعربية ويبقول يقابلونى ,,,,,,,,,,,

صورة من الواقع لسوق كوكومن وكوكواوا

اجرى يا كوكووووووو البلدية وراك اجرىىىىىىى

كوكومن يا عيني تعب من الجرى من البلدية ,,,,,,,

ظابط البلدية عكش كوكومن وكوكومن من اول ماشاه اعترف

يا بيه انا غلبان لا لى فىالطماطم ولا فى الخضار اصلا كوكواوا يا بيه بيرضع الطماطم لبن سيراميك بيقول عشان يخلى الشعب حديد ويتحمل الصدمات ,,,,,,,,,

نداء الى كوكومن

اصمد يا كوكو انا نجفة مش هاسيبك

عيش وحلاوة وخلافه

بلاش تعترف على اخوك ,,,,,,,,,,,,,

تحياتى

اى خدمة يا كوكوين كوكومن وكوكوواوا يا رب تعجبكم

نجفة ,,,,,,,,,

تم تعديل 12 مايو 2007 بواسطة نجفة المغرورة

[kokowawa1979]

نجفة كتبت :

نداء الى كوكومن

اصمد يا كوكو انا نجفة مش هاسيبك

عيش وحلاوة وخلافه

بلاش تعترف على اخوك ,,,,,,,,,,,,,

إجري يا كوكومن ولايهمك فداك سوق العبور كله :lol:

بس شوفت الأهلوية جدعان إزاي - آخرتها العيش والحلاوة على حسابهم :lol:

إنما يا نجفة هو لسه فيه في مصر حاجة اسمها البلدية !!! دي كانت زمان قوي في الستينات - وبعدين سموها مجلس المدينة !!!

في انتظار الجزء التالي ونشوف كوكومن عمل إيه بعد الجري ياترى اتقبض عليه - واللا ركب الناقة واختفى :lol:

[Ahmad Farahat]

يا ولاد يا ولاد..........

هيييييييييييه

تعالوا تعالوا.......

علشان نسمع أبلة نجفة هتقلنا حكاية جميلة.......

أبلة نجفة

[badroora]

سوق العبور قسم المحاورات ابو احمد الغالى الاسكندرانى والفاضل كوكواوا

كوكواو قاعد بيفكر فى الفيقد ضحية البلدية كوكومن وبيقول فى عقل بالة وينك يا غالى سوق العبور مالوش طعم من غيرك !!! يلا ربنا يصبرة

الفاضل ابو احمد قعد يجرى لحد ماوصل للسودان الشقيقة وطبعا متنكر فى زى شحات حتى ينجو من الاتفاقيات الدولية فى تسليم الهاربين من البلدية وبيتحدث فى المحمول ومش عرفة بيكلم مين خلينا نشوف

دعاواتكم معانا يا جماعة ان ربنا يرجع ابو احمد الغالى الاسكندراتى لبيته وولادة ويبعده عن فكرة سوق العبور اللى مجناش منها غير المشاكل !!

جميع الاعضاء الافاضل فى انتظار وصول الغالى ابو احمد من السودان الشقيقة . يا رب تجي بالسلامة يا ابو احمد بس يا ترى هيجي طيران ولا هيجي ازاى دلوئتى نشوف

.

وسع يا جدع ابو احمد الغالى وصل وسع وسع

طبعا كل اعضاء المحاورات من الفرحة مقدروش يستنوا لما الغالى ينزل قاموا اتشعبطوا فى التوك توك

وطبعا كوكواوا عاوز يجامل صحبة وحبيبة كوكومن جابلة اكبر فرقة فى المحاورات عشان يثبتلة انه اخوه وفرحان برجوعه

ا لفنان المعجزة حبايب الملايين طبعا الاسم غانى عن التعريف

اغنيته الشهيره اللى الملايين بيحبوها

تم تعديل 18 مايو 2007 بواسطة نجفة المغرورة

[kokomen]

الأخت نجفة

الأخ أرسين

انتي عارفة اللى ورطنى ف سوق الخضار هو كوكواوا .. بعد ما أتوسطلى وجابلي عربية خضار صوغنونه

بس برده حا أبيع عليها .. باذنجان أبيض .. وتفاح أخضر مش أحمر...وطماطم خضراء مش حمراء .. وطماطم بالحليب الأبيض بتاعة كوكواوا مطعمة بالسراميك المعتبر

مستوردة من ايطاليا مخصوص للأهلاوية ... وفلفل أخضر وفلفل أصفر والأحمر ممنوع ...وشكرا لنجفة وأرسين .. على زيارتهم لى في الحجز ومعاهم العيش والحلاوة الطحينية

بس عايز منهم حليب أبيض من كوكواوا من اللى بيحقن بيه الطماطم ... وبعدين يا نجفة مفيش حاجة أسمها البلدية ... أسمها الازالة موجوده في حي المنتزه بأسكندرية

يعنى تروحي تدفعلي الكفالة وهي كرتونتين طماطم بالحليب الأبيض علشان عارف ان كوكواوا مش حايسأل عني في قسم المنتزه ... ياعالم ألحقونا .. بعدين يحبسونا

مع الأخ مرتضى منصور ويفتكرونا من بتوع الأنتخابات ... فينك يا كوكواوا ياحبيبى سايبني للأهلوية حرام عليك ... هذه صرخة من سوق الخضار

أبو أحمد الأسكندراني

:sad: :sad: :sad:

[kokomen]

الأخت نجفة

أيه الصور الجميلة دي ده أنتى فنانة بجد ... حأعملك معرض للصور دى في قصر ثقافة الحرية في شارع فؤاد بالأسكندرية ... والحمد لله أخيرا

بقى عندي توك توك أصبحت من ذوى الأملاك .....وتجار الجملة والقطاعي أستقبلوني أجمل أستقبال ... وبعدين بأشكر الأخوة السودانييين اللى أستقبلوني

أحسن أستقبال .. بس خلوني أكسل أركب طيران فركبت الجمال لحد حلايب ومنها ركبت التوك توك حتى وصلت لسوق العبور واستقبلتني الأخت

نجفة المغرورة وكوكواوا وللأسف لم أجد الأخ أرسين لوبين في انتظاري .... وأخيرا أشكر كل أهل السوق الشرفاء .... الذين أستقبلونى أستقبال الأبطال .. شكرالكم جميعا

المفرج عنه

أبوأحمد الأسكندراني

:sad: :sad: :sad:

[kokowawa1979]

أبو أحمد الاسكندراني كتب :

يعنى تروحي تدفعلي الكفالة وهي كرتونتين طماطم بالحليب الأبيض علشان عارف ان كوكواوا مش حايسأل عني في قسم المنتزه ... ياعالم ألحقونا .. بعدين يحبسونا

مع الأخ مرتضى منصور ويفتكرونا من بتوع الأنتخابات ... فينك يا كوكواوا ياحبيبى سايبني للأهلوية حرام عليك ... هذه صرخة من سوق الخضار

بقى معقول كوكو واوا ما يسألش في حبيبه أبو أحمد ده مش ممكن أبدا !!!

ده أنا من يومها وانا باعمل اتصالاتي بكبار الشخصيات علشان ألبس القضية لاخونا أرسين - لإنه قال لك خللي بالك من العربية لحد ماروح أشوف مباراة الأهلي والاسماعيلي - ولما شاف الأهلي اتغلب 3 نسي العربية معاك وكان هو مخالف التسعيرة الجبرية - وانت علشان راجل طيب ما خدتش بالك من عمايل الأهلوية اللي بيضحكوا بيها على الشعب الغلبان :sad:

خلليك لابد في مكانك يابو أحمد ياخويا لحد مابعتلك إيميل واقول لك إنهم قبضوا على المتهم الأصلي ولو إني أشك في الشغلانة دي لإن النائب العام أهلاوي وكله حقد على الزملكاوية وأولهم أخونا مرتضى منصور :sad:

[badroora]

مشكور يا غالى وحمدالله عالسلامة ,,,,

ومين قدك يا سيدي توتوك بي ام دبليوا هنيالك ,,,

كفارة ومبروك البراءة وابعد عن كوكواوا وسوق العبور

بس ايه رايك فى المفاجئة السارة

والمطرب المعجزة

انا حسيت انه هيعجبك اوى :sad:

يلا حمالله عالسلامة

[badroora]

خلليك لابد في مكانك يابو أحمد ياخويا لحد مابعتلك إيميل واقول لك إنهم قبضوا على المتهم الأصلي ولو إني أشك في الشغلانة دي لإن النائب العام أهلاوي وكله حقد على الزملكاوية وأولهم أخونا مرتضى منصور :lol:

يا كوكومن انا قولتلك ابعد عن حاحا قصدى كوكواوا

انت بقيت مسجل خطر

وانا كلمتلك دكتور تجميل عشان نغير ملامحك عشان البلدية متتعرفش عليك ,,,

:lol: يلا اراكم بعد عملية التجميل للغالى ابو احمد

نجفة

[kokomen]

الأخت نجفة

شكرا لدفعك الكفالة .. صندوقين الطماطم الحلوين بالحليب والشوكلاتة الجميلة .... واشكرك انك شرفتينا بمطرب مشهور وخفيف على قلوبنا

مطرب العنب العنب .. والمانجا ... والحاجات اللى بترقص على واحدة ونص دي .. وأخويا كوكواوا فرحان وبيرقص على العنب

والطماطم بالحليب والسراميك اللى ودتنا في داهية وشمتت فينا الأعادي قصدي الأهلوية ... فين الكفالة يا كوكواوا يا حبيبي ...

أسمع كلامك أصدقك أشوف أفعالك أستعجب .. ولنا لقاء في سوق العبور ونعمل قاعدة رجاله .. ونتصالح مع بتوع الازالة دول

باين عليهم أهلوية ومتخفيين في السوق ؟؟؟؟؟؟؟؟؟؟؟؟

أخوكم المظلوم

أبو أحمد الأسكندراني

:lol: :lol: :lol: