عيد ميلاد بيت العيله

[لماضة مصرية جدا]

يقدر يهنى المحاورات

3- طبعا معلوم انه هيكون فى موضوع للاعضاء خاص بالتهنئه لكن ممكن نعمل موضوع تانى علشان مش نهنى و لكن نكتب خواطرنا عن المحاورات و استفادتنا منها

صباح التكاتيك يا معلمي

عجبتني انا فكرة الخواطر المحاوراتية ديت

خلينا نسميها ايه

خواطر انسانية....من المحاورات المصرية

محاورات...عشر سنين...خد و هات

بيت العيلة....محاورات و حكايات

او اي اسم تاني تحبوه

ع فكرة مهم اوي ان الناس اللي كانت هنا من بالبداية تكون معانا...عشان فيه ناس كتير مرقوا علي المحاورات و لازم نبعتلهم سلام و تحية و تقدير

بالنسبة لموضع الشات.....انتو هتجننوني يا جدعان.....انا مش اديلي عشرين سنة بزعق و بقول كده

ما علينا.....نقول تاني بصوت وااااااطي

حددوا الموعد....هو راس السنة هيوافق ايه في الشهر...يا ريت جمعة و صابح سبت...او خميس و صابح سبت برضه....ههههههه...قصدي جمعة

و نختار مواعيد ليل....يعني بعد 10 مساءا....عشان نكون خلصنا المواعين و المذاكرة و الشغل و كده يعني

ايه كمان.....ع فكرة كل اللي في المحاورات لازم يشارك معانا.....و عشان كده اتعبي يا مغتربة و ارفعيلنا التوبيك كل يوم....(هبعتلك علبة فيتامينات...عشان عضلات الكتف و الزند)

هاجي كمان شوية لو جت فكرة

صباحك.....فكرة...جنب فكرة...تطلع....حفلة...و لمة حلوة باذن الله

[مغتربة]

السلام عليكم و رحمة الله و بركاته

هما فكرتين

الاولانية اليوم ده.....كله يشيل الصور الرمزية و يظهر بصورته الشخصية....لان احنا مش عارفين نتقابل علي ارض الواقع....يبقي خلينا نحاول نحس ان احنا حقيقين و بجد و كده يعني

و طبعا....هتبقي مذبحة......(وش شرير مووووت)

بتكلم بجد ع فكرة

الفكرة التانية بقي

نعمل توحيد لجبهة الساري لماضة.....و معسكر الكتلة الشرقية دوت بتاع الكويت

و نوضب دماغنا و نعلم فيلم وثائقي عن المحاورات كلها من ساعة ما قالت واء واء....لغاية ما بقت بين المنتديات في اعلي الاجواء

لو الباشمهدزين...الساري....و فريق عمل الكويت وافقوا

ممكن نبتدي نعمل برين ستورمينج ع الافكار و السيناريو....نفصله مع بعض...

ايه رايكم؟؟؟؟

احب انا جو الاستعداد للحفلات و كده

ع جنب بقي

ح يطمني.....هو فين البوفيه....(صوت كركعة اوي)

افكار جميله يا لماضه انا فعلا كنت هقترح ان مادام عندنا مواهب فنيه فظيعه بالشكل دا فى الانتاج الفنى ليه منستغلهاش فى انها تعمل حاجه فعلا عن المنتدى الجميل فى عيد ميلاده

يالله انتى بذات لما بتركزى بطلعى افكار جهنميه فكرى معانا فى افكار تانيه

[مغتربة]

و الله يا لماضه الافكار كتير بس محتاجيين التشجيع

يا اعضاء ايه رايكم فى الافكار و ايه الافكار الى عندكم

يا اداره انتى شيفانا طيب موافقه على ايه و ايه لا

عايزنها تولع يا جدعان همتكم معانا

[مغتربة]

فى كمان فكره ان المنتدى يبعت رساله لكل الاعضاء يهنيهم فيها بعيد الميلاد و يدعوهم للمشاركه فى الفاعليات

و دا ممكن يشجع ناس كتير من الى سابت المنتدى انها ترجع معانا فى اليوم دا

ها ايه رايكم

[قلب ابيض]

بيت العيله دا الاسم الجميل الى اطلقته ماما قلب ابيض على منتدانا الجميل

تسلمى يا مغتربه عالفكره الجميله دى .....

وبما ان الايام بتدور حول شهر العظماء .اللى شرفت الدنيا فيه شهر ديسمبر ..اقترح يكون مع نهايه السنه يعنى 31 ديسمبر وتبقى بدايه كل سنه فى عمرنا وعمر المحاورات الى جمعتنا عيله واحده

واقترح ايضا ان يحتفى به فى كل مكان يعنى يبقى يوم لقاء دورى للاعضاء فى كل مكان

اللى بالقاهره بالقاهره

والكويت بالكويت

وكندا بكندا ..........وهكذا

الهدف ان نلتقى جميعا فى نفس التوقيت فى جميع بقاع الارض بأرواحنا وخيالنا وربنا يستر من الصدمات بقى

تقبلوا تحياتى لكم جميعا

"بتوع السعوديه خليهم مستريحين عندهم والنق هايوصلنا لحد عندنا ان شاء الله " الا فتفوته فين ؟؟؟؟؟ من زمان ما نقتش علينا اقصد ماطلتش علينا

اذكر بفكره لقاء للاعضاء سواء لايف او عالشات بتاع المنتدى اللى مهجور يا ولداه ده

[لماضة مصرية جدا]

السلام عليكم و رحمة الله و بركاته

و لأننا رجال....افعال لا اقوال

و لاننا....وقفنا وقفة رجالة.....فين مش عارفة....بس المهم

احنابتوع التنفيذ.....دولم غير احنابتوع الاتوبيس خالص

نحب نزف اليكم

باكورة الاحتفال

اتفضلوا هنا

احتفلوا معانا...هنا

يا رب يعجبكم

[مغتربة]

هذه القائمه التى طلبتها منى استاذ محمد لافكار الاحتفال بعيد ميلاد المنتدى ارجو الا اكون تاخرت فى انزالها جمعت فيها مقترحات الاعضاء التى وصلتنى حتى الان و مقترحاتى انا لونتها باللون الاحمر ان كان هناك اى شيىء غير واضح او غامض استفسر عنه و ان شاء الله اوضحه

1- عقد اجتماعات للاعضاء على ارض الواقع سواء اجتماع واحد فى مصر او عده اجتماعات فى عدد من البلدان

2- تحديد ميعاد لاجتماع الاعضاء جميعا فى غرفه الشات مع مراعاه ان يلائم التوقيت معظم الاعضاء على اختلاف الدول التى يتواجدوا فيها

3- لوجو سريع موحد يرفعه جميع المشتركين ...بدل الصورة الرمزية للاعضاء

4- موسيقى احتفالية .....عند تشغيل الصفحة سواء عند فتح المنتدى نفسه او موضوع التهنئه و عن نفسى اقترح تشغيل اغنيه

we are family ل sister sledge

5- فتح اوتجراف للتوقيع بمناسبة الاحتفالية .

6- ان يقوم كل الاعضاء برفع صورهم الشخصيه بدلا من صورهم الرمزيه

7-عمل فيلم وثائقى عن المنتدى

8- ان تستمر الاجواء الاحتفاليه فى المنتدى عشره ايام على عدد سنوات عمره

9- فتح اوتوغراف تهنيئه فى باب الزوار بحيث ان حتى من هو ليس عضو يقدر ان يهنىء المحاورات

10- عمل لوجو مخصوص للاحتفال يستمر رفعه على المنتدى لمدى عشره ايام

11- ان يرسل المنتدى رسائل لجميع الاعضاء لدعوتهم للشاركه فى الاحتفالات

12- عمل موضوع خاص بان يتحدث الاعضاء عن علاقتهم بالمنتدى و اثره و خواطرهم عنه و حوله

13- عمل استفتاء موجه للاعضاء حول افضل اكثر المشرفين تميزا من وجهه نظرهم يمتد طيله العشر ايام و اكثر مشرف يحصل على نتيجه فى الاستفتاء يحصل على وسام او ميداليه مصممه بهذا المعنى

14-تختار الاداره اسماء عشره اعضاء لعمل استفتاء للاعضاء حولهم ايضا يستمر عشره ايام و فى النهايه صاحب اعلى اختيار يحصل على وسام بمعنى العضو المميز

15 – استضافه استاذ عادل ابوزيد فى كرسى الاعترف طيله ايام الاحتفال ليجيب الاعضاء فى اسئلتهم عن المنتدى و نشاته

16 – تختار الاداره عدد من الاعضاء القدامى الذين رحلوا و تكرمهم بوسام لن ننساكم او لن ننسى مجهوداتكم

17 – عمل موضوع تجميع لصور لقاءات الاعضاء السابقه

18-عمل مسابقه للاعضاء باسئله متعلقه بالمنتدى مثل اسئله تتمركز حول قوانين المنتدى او اعضاءه طيله العشر ايام و الشخص الفائز فى النهايه هو الذى يجيب عن اكثر الاسئله قبل غيره بشكل صحيح و يمكن ان تكون جائزته بان يسمح له بالمشاركه فى الاشراف مثلا لمده يوم واحدبشكل شرفى

19- يقدم استاذ عادل كلمه فى المنتدى بمناسبه مرور عشر سنوات على خروجه للنور

20-رفع موضعات معينه تعتبر من كنوز المحاورات ليتسنى للاعضاء الجداد الاطلاع عليها

21- اختيار احد الاعضاء ليحصل على وسام العضو الشرفى للمنتدى تقديرا لمجهوداته و عن نفسى اتمنى ان يتم اختيار استاذ الافوكاتو رحمه الله و عمل موضوع عنه طيله ايام الاحتفال مع دعوه اسرته اذا امكن اتشهد معنا احتفالنا به

22- استحداث نظام نقاط مكافئات للاعضاء تمنح لهم نظير مدى فاعليه مشاركتهم فى الاجواء الاحتفاليه على ان تحدد نظام لاستبدالها بمميزات معينه على حسب المعدل التراكمى

هذا ما لدى حتى الان و ان جدت فكره لدى او لدى احد الاعضاء ساعمل قائمه جديده محدثه بها

و ارجو ايضا ان اسمع اراء الزملاء الافاضل فى اقتراحاتى

تحياتى