هل عشرتنا فى المنتدى قتلت ابداعنا؟

[مغتربة]

اولا و قبل اى شيىء الموضوع دا انا احترت احطه فين علشان كدا لو حد من الساده المشرفين شاف ليه مكان انسب معنديش مشكله

صلب الموضوع بقى ان انا لفت نظرى فى الحوارات الى دارت فى موضوع التقيمات الجديد عباره ذكرت على لسان اكثر من عضو فاضل و ايدها كمان اعضاء افاضل اخرين

و هى فى ما معناه اننا بقينا بنعرف بعضنا تماما و بقينا بنعرف قبل ما ندخل اى موضوع مين هيكون معاه و مين هيكون ضده

سؤالى بقى الى اى نسبه الكلام دا صحيح

و هل بينسحب فقط على المواضيع الدينيه ام كل المواضيع wst:: wst::

و ايه ايجابيات او سلبيات حاجه زى كدا من وجه نظرك

و هل العيب ناتج من عدم دخول دماء جديده للمنتدى و لا لتعصبنا نحن الاعضاء تجاه افكار معينه او اتجاهات فكريه معينه

هل اصبحنا غير قادرين على اثاره الدهشه عند من يقروا كتاباتنا :blush2: :blush2:

و هل حدث معاك العكس مثلا فى المنتدى بمعنى انك تكون داخل تقرا تعليق عضو ما على موضوع و انت عندك حكم مسبق انه هيعلق بطريه معينه فاتفاجئت انه علق بطريقه اخرى غير الى كنت متوقعها منه

و ما دام ان كلنا اصبحنا مكشوفين امام بعضنا فكريا كدا فايه الدوافع الى بتخلينا لسه ندخل المنتدى و نطرح مواضيع او نعلق او حتى ندخل نشوف الناس كاتبه ايه ما دمنا بقينا محفوظين لبعضنا كده :happy: :happy:

هل دا اثر على كم ونوعيه الموضوعات المطروحه للنقاش

يعنى باختصار هل الشيخوخه اصابت المنتدى ام فكار من فى المنتدى

هل قتل ابداعنا

بالطبع اخر سؤالين هم اسئله استنكاريه و ليست تقريريه

الموضوح دردشه ليس الا فمنتظراكم ندردش مع بعض سوا فى الجزئيه دى

تم تعديل 25 أغسطس 2010 بواسطة مغتربة

[عادل أبوزيد]

أهنئك على هذا الموضوع و أحسب من أكثر الموضوعات أهمية و أحسب أيضا أن هذا الموضوع يستحق أن نعود إليه بين الحين و الآخر حتى نراجع أنفسنا و حتى نتأكد أننا مازلنا "نثير الدهشة فيمن يقرأ لنا"

ما سبق كان إستهلالا لابد منه

فى وقت من الأوقات كتبت الفاضلة "أميرة خليل " موضوع بعنوان "أنا زعلانة مننا" و كان محور الموضوع عتاب لكل أعضاء محاورات المصريين إذ - كما يبدو - أن أعضاء محاورات المصريين وقتها إكتفوا بالقراءة و تكاسلوا عن الكتابة و لهذا كان تعبيرها الرشيق "أنا زعلانة مننا".

بالتأكيد لايكفى أن نفتح موضوعا و نشكو فى حالنا "أننا لم نعد نثير الدهشة" و هو تعبير لو تعلمين قاسى الوقع ... إنه يعنى أننا إستكنا و تحولنا إلى موظفين فى أواخر العمر ننتظر المنحة و الترقية و هذا غير صحيح و لكنى أسأل نفسى كواحد من أبناء محاورات المصريين إذا لم تكن إستكنت و تحولت إلى موظف فى أواخر العمر فلماذا لا تكتب و لماذا لا تتحمس لتثير دهشة الجميع بما تكتب ؟

ليس لدى إجابة سريعة فى رأسى لهذا السؤال و لكن ربما الزهد فى الكتابة يرجع لأن كل الكتابات من ناس مشغولة بنفسها فقط و لا يهمها إلا رد على تساؤل عن الإستقدام و الفيزا أو تساؤلات و توقعات عن إجراءات الهجرة و كأن حياتهم توقفت فقط على مسألة الهجرة و على المسائل الإجرائية المتعلقة بالعمل فى الخليج يبدو أننى أشعر بالإحباط عندما أجد سطح محاورات المصريين مغطى بموضوعات ذاتية بحتة تكاد تطرد كل من يريد مناقشة موضوع عام سواء ثقافى أو سياسى أو إجتماعى.

رغم كثرة العاملين فى الخليج فلم نجد عضوا أو عضوة يتكلم عن تأثير ذلك على حياته الإجتماعية و على أطفاله و أسرته ككل.

كما سبق و ذكرت لا تكفى مشاركة واحدة للتعقيب على هذا الموضوع الهام و أدعو كل الأعضاء أن يحاول كل أن يدلى بدلوه.

ملاحظة : قمت بمنحك reputation إيجابية

[MZohairy]

الأمور للأسف تخضع لمبدأ الشخصنه في معظم المنتديات

يعني حبيبك يبلعلك الزلط و عدوك يتمنالك الغلط

و لو عدوي الحواري ده في موضوع تاني قال كلام كويس يبقى غالبا حطنش ارد عشان مبقاش عملتله اي اضافه

ده اذا ما دخلتش اصطاد في الميه العكره و احاول اشوف اي خطأ و اركز عليه

قطعا ناس كتير بتكتب ردا على الشخوص و ليس على المداخله

و طبعا ده أمر لا يوجد به اي ايجابيات

[عادل أبوزيد]

الأمور للأسف تخضع لمبدأ الشخصنه في معظم المنتديات

للأسف يا سيدى هذا أمر غير وارد فى محاورات المصريين و هذا ما يميز محاورات المصريين عن مواقع أخرى ، و أعتقد أن أغلب أعضاء محاورات المصريين لا يخضعون لمبدأ الشخصنة الذى تتحدث عنه و يعتبرونه نوع من طفولة الفكر.

و مع إختلافى مع تفسيرك فإنى أدعوك لأن تعقب على الموضوع بموضوعية هل تتفق مع الشكوى .... أن كثير منا فقد حماسه فى الكتابة .... هل تتفق مع وجهة نظرى أن عديد من المشاركين يفضلون مسائل تنحصر فى الإقامة و الهحرة كأن الحوار توقف عند ذلك ؟

[MZohairy]

الأمور للأسف تخضع لمبدأ الشخصنه في معظم المنتديات

للأسف يا سيدى هذا أمر غير وارد فى محاورات المصريين و هذا ما يميز محاورات المصريين عن مواقع أخرى ، و أعتقد أن أغلب أعضاء محاورات المصريين لا يخضعون لمبدأ الشخصنة الذى تتحدث عنه و يعتبرونه نوع من طفولة الفكر.

و مع إختلافى مع تفسيرك فإنى أدعوك لأن تعقب على الموضوع بموضوعية هل تتفق مع الشكوى .... أن كثير منا فقد حماسه فى الكتابة .... هل تتفق مع وجهة نظرى أن عديد من المشاركين يفضلون مسائل تنحصر فى الإقامة و الهحرة كأن الحوار توقف عند ذلك ؟

عفوا يا سيدي

الشخصنه موجوده ايضا في محاورات المصريين

و في كل مكان في الدنيا

و اكبر ما سيظهرها لك بشده هو خاصية التقييم بعد فتره ما

و سترى من يقيم من بالموجب و من يقيم من بالسالب و سترى الأحزاب بصوره واضحة

و خصوصا في المواضيع الدينية و ثم تنعكس بعد ذلك على باقي المواضيع

الموضوع بيتحول لمشاعر يا استاذ عادل

و انا لا انسى عضو لا اذكر اسمه فعلا قال لي مره تعقيبا على رأي لي في موضوع ديني : انا اكرهك من كل قلبي

:)

و هذا ما يجعل الردود احيانا متعلقه بالأشخاص و ليس المحتوى

اما وجهة نظرك الأخرى الخاصه بتفضيل البعض لمواضيع الهجرة فأنا اتفق معك فيها بكل قوه

فهذه المواضيع غالبا لا يوجد فيها خلاف و لا شجار و لا تلقيح كلام

هي مواضيع معلوماتية و لها عدد كبير من المتابعين بسبب رغبتهم في المعيشة بشكل أكثر انسانية مما هم عليه

[akramgroup]

اعذرونى ياجماعة

ممكن اتكلم بوجهة نظر عضو يعتبر جديد فى المحاورات ولكن انا كنت عضو قديم من حوالى 5 سنوات ولكن للاسف كنت كل ماادخل على المحاورات يتنابنى شعور بالغربة والغرابة :sad: ولا تسألونى عن الاسباب لانى فعلا لااتذكرها بالتفصيل

ولهذا السبب قد قررت عدم الدخول للمحاورات مرة اخرى الا ان يشاء الله

وأحد اقاربى يهاجر الى كندا ويبدا باقناعى بهذه الفكرة ودعانى للدخول مرة اخرى للمحاورات لمتابعه موضوع الهجرة

ولكن حتى لااطيل عليكم منذ دخولى مرة اخرى هذا العام وتفعيل عضوية جديده اكتشفت ان شىء ما قد حدث لاعضاء المحاورات وان كثير من الاعضاء قد تركوا المحاورات لمنتدى المطاريد وبدأوا باستقطاب الاعضاء الاخرين للمطاريد وهذا مااعرفه جيدا حيث انى لى علاقة ببعض الاعضاء فى المحاورات والمطاريد

ولكن سؤالى هو لماذا كل هذه الصراعات والانقسامات

ولماذا هجر بعض الاعضاء الاجلاء المحاورات لمكان اخر بعد ان امضوا سنوات فيه

وعذرا للأطاله

ولكن فعلا اريد معرفة السبب

[akramgroup]

شكرا هكذا قد وصلنى الردعلى سؤالي

[لماضة مصرية جدا]

السلام عليكم و رحمة الله و بركاته

بما ان الموضوع بقي هيبقي فيه ابداع متمحور حول ذاتية الانسان المنبثقة من شعوره اللاواعي بالفراغ

يبقي خليني ااقولك ع حاجتين

أما الحاجة التانية (و سيبك من الاولانيةاهه حتة ابداع اهه....جبنا القفا قدام و الوش ورا...محرمناكيش من حاجة)

كنا درسنا في الفيزياء حاجة اسمها ظاهرة التشبع...باين في درس الماء العسر

يعني من كتر ما بتضيف علي المية ملح ....خلاص مبقاش فيه ذوبان

نفس الحكاية

ممكن تلاقي من كتر ما بتخشي ع المنتدي....وصلتي لحالة الماء العسر انك مش قادرة تذوبي في الوسط اللي انتي دوبتي فيه من قبل

بس اللي بتقوله قوانين الفيزياء.....مختلف كتير عن تفاعلات البشر

معاكي كتير ان في وقت بتكوني متوقعة ان المحاور الفلاني هيقول كذا في مداخلته في الموضوع كذا.....بس بيني و بينك برضه مبتلاقيش نفسك بتخشي....عشان تثبتي لنفسك الفرضية دي...(وش عيل رخم)

تفاعلات البشر بتقولك.....مافيش وقت نقدر نتوقف فيه عن الدهشة....عارفة ليه.....لأنك كل ما فهمتي نفسك اكتر.....كل ما عرفتي مفاتيحك اكتر....و عرفتي ايه الي يستفزك

بس التحدي الحقيقي

هو ان التفاصيل الصغيرة التي كانت مصدر للدرهشة بالامس....اصبحت اليوم تمر مرورا عابرا لا يتوقف عنده احد

و بالتالي....اصبح لا شيء يدعو للدهشة

كان ليا استاذ معرفشي راح فين دلوقتي في الدنيا....بس كان دايما يقولي...."اعيدي مليء كؤوس الكريستال لديك"

الابداع......كاس كريستال....محتاج يفضي.....عشان يرجع يتملي....عشان يرجع ينور...و يشع بريق للي براه

عشان يرجع يتملي

الواحد بجد محتاج يجرب نفسه في سياق مغاير جدا للمألوف او اللي اتعود عليه

طب اقترح اقتراح صغنتوت

كل واحد فينا ليه حتة معينة في المنتدي بيستريح فيها

صح

طب حد جرب انه ينط في حتة تانية خالص......يقرا فيها او يتعرف علي وجهات نظر جديدة...او علم جديد(طب انا مرة قعدت اقرا اللاندينج بتاع دكتور التهامي في باب كنكا.....ما شاء الله عليه.....حسيت اني عايزة ااقدم ع الهجرة من بعدها :lol: )

طب حد جرب يقرا موضوع من غير ما يبص لمين اللي كاتب الموضوع.....اصل احيانا كتيرة بنبقي عايزين نشوف يا تري فلان النهاردة بيطرح التوبيك ده بانهي طريقة

دي اقتراحاتي

الحاجة الاولانية بقي....لو لسه فاكرة اني قولتلك هقولك علي حاجتين

اتصدقي يا مغتربة اني قعدت اقرا السؤال.... و ضحكت اوي عارفة ليه...لاني تخيلت اتنين متجوزين اديلهم مثلا قيمة 30 سنة و خلاص حكوا كل الحكايات و بقوا عارفين كل الاجابات بتاعت اسئلتهم حتي من غير ما يسالوها....

بس ع الرغم من كده

لسه كاتمين ع نفس بعض....قصدي.....لسه حاسين بالونس بينهم

انا بقول كده ليه

عشان انا بشوف ان المنتدي ده......ونس من نوع خاص

صحيح

البدايل كتير

بس اوقات برضه ببقي داخلة و عايزة ااقرا لشخص بعينه.....نفس وجهة النظر اللي كان قالها او اللي انا متوقعاها.....بيديكي شعور ان فيه حاجة ثابتة.....فيه حقيقة

فيه ونس

و عشان كده

بحس اكتر مشاركة مثلا لما حد بيكتب عن مشكلة شخصية....و انا بشوفها بتبقي انسانية في المقام الاول....لاني بحس ان فيه حتة حديد جوايا بتنجذب لاي مغناطيس فيه مشكلة انسانية او حاجة مجتمعية

يبقي ايه الحل بقي

غرقوا المنتدي مشكلات شخصية....... :lol:

لا طبعا ...دي كانت مزحة

اديني قولتلك ع الحاجتين...و سامحيني ع الرغي.....انا ما صدقت اختلس اللاب من ايدي الاشرار الصغيرين

صباااااحك.....كؤوس كريستال.....نورها يضوي...جواها....قبل براها

[لماضة مصرية جدا]

اعذرونى ياجماعة

ممكن اتكلم بوجهة نظر عضو يعتبر جديد فى المحاورات ولكن انا كنت عضو قديم من حوالى 5 سنوات ولكن للاسف كنت كل ماادخل على المحاورات يتنابنى شعور بالغربة والغرابة :sad: ولا تسألونى عن الاسباب لانى فعلا لااتذكرها بالتفصيل

ولهذا السبب قد قررت عدم الدخول للمحاورات مرة اخرى الا ان يشاء الله

وأحد اقاربى يهاجر الى كندا ويبدا باقناعى بهذه الفكرة ودعانى للدخول مرة اخرى للمحاورات لمتابعه موضوع الهجرة

ولكن حتى لااطيل عليكم منذ دخولى مرة اخرى هذا العام وتفعيل عضوية جديده اكتشفت ان شىء ما قد حدث لاعضاء المحاورات وان كثير من الاعضاء قد تركوا المحاورات لمنتدى المطاريد وبدأوا باستقطاب الاعضاء الاخرين للمطاريد وهذا مااعرفه جيدا حيث انى لى علاقة ببعض الاعضاء فى المحاورات والمطاريد

ولكن سؤالى هو لماذا كل هذه الصراعات والانقسامات

ولماذا هجر بعض الاعضاء الاجلاء المحاورات لمكان اخر بعد ان امضوا سنوات فيه

وعذرا للأطاله

ولكن فعلا اريد معرفة السبب

السلام عليكم و رحمة الله و بركاته

استاذنا الفاضل

طب ممكن سؤال علي سؤال حضرتك بقي

هو ايه اللي هيحصل لما حضرتك تعرف السبب...!!!

هل حالة الغربة اللي حضرتك حاسس بيها هتختفي مثلا

ليه بسال حضرتك كده

عشان انا شايفة و دي وجهة نظري الخاصة

ان حضرتك اتعودت علي كتابات بعض المحاورين في فترة ما

لما رجعت

ما لقتش المحاورين

هل هتسيب نفسك بقي لحالة الغربة و الاغتراب اللي قولت عليهم

بالعكس

انا من مكان حضرتك استمتع بالبحث عن افكار و ليس عن قائلها او كاتبها.....لان هي دي اللي هتبقي

و دي وجهة نظري

ع جنب بقي

صراعات ايه و انقسامات.....بس...يا ربي

يعني بجد هي الدنيا تستحق المعافرة دي في الحقيقة لما كمان هنعافر ع النت في معارك وهمية و افتراضية كمان

لا بجد حرااااااااام

الحياة ابسط من كده

و دي برضه وجهة نظر اخت وجهة النظر اللي فوق

تحياتي استاذي

[Simba]

يذهبون ويبقي الأصل

منذ بداية تسجيلي في 2006 وأنا اشاهد الكثير من يتغني بحب المحاورات والأنتماء وبين الحين والأخر اتغني معهم واشاهدهم وهم يغيبون الواحد تلو الأخر .

فمثلا وليس الحصر فالأمثلة بالمئات الكثير هنا يعرف العضوة نجفة او بدرية كان لها نشاط غير عادي وانتشار في جميع المواضيع تقريبا

والمتابع لها سيجد لها اعترافات بحب المحاورات والبيت الأول وكل هذه الاشياء التي نتغني بها .. لكنها ذهبت كما ذهبوا من قبلها وكما ذهب من بعدها

الكثير رحلو وبقي الاصل الذي بقيت بفضلهم المحاورات محاورات

وبقي الذين يتعاملون مع المواضيع بحذر فيخشون الاصصدام بانتقادات لاذعة احيانا ... بقي الذين يحبون المحاورات ويعترفون بالجميل لها

وقريبا سيذهب اخرون ايضا ويأتي غيرهم وسيتغني غيرهم بالحب والأنتماء والبيت الأول

أن الحبيبة يعجبها كثيرا قصائد الغزل لكن تبقي في النهاية قصائد تحتفظ بها في أدراجها وهل يسعد الحبيبة اكثر من وجود حبيبها

هكذا نحن نقسم بالحب والولاء لكن في احدي محطات القطار نهبط تاركين الحبيبة مع كثير غيرنا يمضون معها في طريقها هناك من ينوي البقاء وهناك من ينتظر مجئ محطته

[مغتربة]

اعتقد ان كل رد جاء محملا بزاويه من الحقيقه

بحيث لو جمعناهم مع بعض جميعا سنضع ايدينا على كثير من الاسباب التى ادت الى تفشى هذه الظاهره

فنستطيع ان نقتبس من استاذ عادل

1-

ربما الزهد فى الكتابة يرجع لأن كل الكتابات من ناس مشغولة بنفسها فقط و لا يهمها إلا رد على تساؤل عن الإستقدام و الفيزا أو تساؤلات و توقعات عن إجراءات الهجرة و كأن حياتهم توقفت فقط على مسألة الهجرة و على المسائل الإجرائية المتعلقة بالعمل فى الخليج يبدو أننى أشعر بالإحباط عندما أجد سطح محاورات المصريين مغطى بموضوعات ذاتية بحتة تكاد تطرد كل من يريد مناقشة موضوع عام سواء ثقافى أو سياسى أو إجتماعى.

و من استاذ موزوهيرى

2-

الأمور للأسف تخضع لمبدأ الشخصنه في معظم المنتديات

من استاذ اكرم جروب

3-

اكتشفت ان شىء ما قد حدث لاعضاء المحاورات وان كثير من الاعضاء قد تركوا المحاورات

من الفاضله لماضه

4-

الابداع......كاس كريستال....محتاج يفضي.....عشان يرجع يتملي....عشان يرجع ينور...و يشع بريق للي براه

و استاذ سيمبا

5-

هكذا نحن نقسم بالحب والولاء لكن في احدي محطات القطار نهبط تاركين الحبيبة مع كثير غيرنا يمضون معها في طريقها هناك من ينوي البقاء وهناك من ينتظر مجئ محطته

اعتقد ان تجميعهم معا بهذا الشكل يجعل الصوره اوضح لكن ما زالت هناك اسباب اخرى كثره ما زالت فى حاجه لتسليط الضوء عليها

فالجرح غائر و للاسف دمه تفرق بين اسباب كثيره جدا

ملحوضه خاصه : استاذ عادل تقيمك للموضوع بالايجابى بالتاكيد تاج كلله ببصمتك :roseop:

[akramgroup]

الاخت لماضة

فعلا شكرا على التوضيح وانتى عندك حق فى كلامك

ووجهه نظرك فى اعتقادي سليمة جدا جدا

بس هو الفضول بقى الله يجازيه اللى خلانى اسأل السؤال اللى جابلى الكلام ده

عموما شكرا على اهتمامك بالرد

اكرم,,,

تم تعديل 26 أغسطس 2010 بواسطة akramgroup

[عادل أبوزيد]

موضوع قديم و يستحق القراءة

[باهى الطائر الحزين]

انها حاله عامه

سواء علي مستوي وسائل التواصل

او المقرؤه او المسموعه  في مصر وخارجها

خواء وفلس وتدني عام ...

[عبير يونس]

خوف

تزعل حد أو خوف من الاصطدام ..خوف على البرستيج :)

ملل

من التكرار الذي لا ينتهي من أن كل واحد متمسك بآرائه و بيفرضها بالعافية و كأنها أمر واجب الاتباع

يأس

من التغيير 
أكيد لللي فاهمين إن التغيير مسؤولية الآخرين فقط :)

 

رغبة في الكلام بدون رقابة و قواعد
كما في الفيسبوك على صفحتك تكتب اللي على مزاجك بلا تدخل من ادارة و مشرفين يذكرونك بقواعد الكتابة :)

و يندرج هنا أيضا كراهية من في السلطة و اعتبار الاشراف هم نسخة مصغرة من الحكام 
و كل ما يدخل تحت هذا المفهوم من اتهامات لا تنتهي 

 

 

 

أو ممكن ببساطة مشاغل الحياة 
أو مشاكل شخصية ممكن فعلا تبعدنا 

و أنا واحدة من دول 

 

اعتقد دي كانت مشاعر الكثيرين اللي بعدوا 

 

 

الاغتراب شعور قاس جدا 

و هو سبب الحضور هنا 

و هو أيضا سبب الابتعاد 

أكيد في أسباب خلتنا نجي هنا 

و برضه في أسباب بتخلينا نسكت منكتبش

و بتخلينا نبعد 

 

لكن مهما بعدنا 

 

يبقى لهذا المكان الفضل عليا و على ناس كتير اوي في حاجات كتير لولا المحاورات ما دخلت حياتنا 

 

 

[Grandma]

 

خوف

تزعل حد أو خوف من الاصطدام ..خوف على البرستيج :)

ملل

من التكرار الذي لا ينتهي من أن كل واحد متمسك بآرائه و بيفرضها بالعافية و كأنها أمر واجب الاتباع

يأس

من التغيير 

أكيد لللي فاهمين إن التغيير مسؤولية الآخرين فقط :)

 

رغبة في الكلام بدون رقابة و قواعد

كما في الفيسبوك على صفحتك تكتب اللي على مزاجك بلا تدخل من ادارة و مشرفين يذكرونك بقواعد الكتابة :)

و يندرج هنا أيضا كراهية من في السلطة و اعتبار الاشراف هم نسخة مصغرة من الحكام 

و كل ما يدخل تحت هذا المفهوم من اتهامات لا تنتهي 

 

 

 

أو ممكن ببساطة مشاغل الحياة 

أو مشاكل شخصية ممكن فعلا تبعدنا 

و أنا واحدة من دول 

 

اعتقد دي كانت مشاعر الكثيرين اللي بعدوا 

 

 

الاغتراب شعور قاس جدا 

و هو سبب الحضور هنا 

و هو أيضا سبب الابتعاد 

أكيد في أسباب خلتنا نجي هنا 

و برضه في أسباب بتخلينا نسكت منكتبش

و بتخلينا نبعد 

 

لكن مهما بعدنا 

 

يبقى لهذا المكان الفضل عليا و على ناس كتير اوي في حاجات كتير لولا المحاورات ما دخلت حياتنا 

 

 

 

 

 

دي كلها أسباب الابتعاد عن المنتدى مش أسباب موت الابداع ... الابداع لا يُقتل

 

غالبا مافيش ابداعات في المواضيع اوي غير في الاقسام الادبية 

 

اما باقي الاقسام فهي مناقشات ومحاورات وCopy & Paste  ;) 

[أبو محمد]

لم أكن أتنبأ فى عام 2007 بما سوف يحدث .. ولم أكن محتاجا لمثل هذا الادعاء

فقد كان الدافع واضحا وراء بعض من "كانوا" نشطين فى الحوار وفتح المواضيع

 

وعندما تأكد لهم أنه من الصعب :

1) استمالة "الأكثرية" أو "الأغلبية" إلى أفكارهم ومعتقداتهم

أو

2) أن يكون من يحاورونهم هم - فقط - ممن يتفقون معهم فى الفكر والتوجه والاعتقاد

نأوا بأنفسهم .. ولاذوا بمن يدعم فكرهم "الواحد الصحيح"

إما ابتعدوا أو تشرنقوا

 

هل سجلنا عضويتنا فى "محاورات المصريين" لأننا متفقون مع من سبقنا من الأعضاء ونريد الحوار معهم لهذا السبب ؟
هل سجلنا عضويتنا فى "محاورات المصريين" لأننا نريد أن نجعل من سبقنا من الأعضاء يستمعون إلينا لثقتنا فى أنهم سيتفقون مع ما نحمل من أفكار فى عقولنا أو على الأقل لأن الأمل يحدونا فى أن نستميلهم إلى أفكارنا ومعتقداتنا ؟

إذا كانت الإجابة على السؤالين السابقين بنعم .. فإننا نواجه مشكلة

صحيح أن حوار المتفقين فى الرأى مريح ويبعث على السعادة والرضا والاطمئنان ويجعلنا نرى أن "الحياة بقى لونها بمبى .. وانا جنبك وانت جنبى" .. هذا صحيح فالمتحاورون يخرجون من حواراتهم فى غاية الاطمئنان وقد حصل كل منهم على دعم لوجهات نظره ولأفكاره ممن تحاور معهم .. ولكن فى أغلب الأحوال فإن مثل تلك الحوارات وتلك الطمأنينة زائفة خادعة .. فالخارج منها لم يتعرض لأى اختبار حقيقى لأفكاره ووجهات نظره وبالتالى يكون تقييمه لتلك الأفكار ولسلوكياته النابعة منها تقييما زائفا .. وإذا ما اضطرته الظروف إلى الحوار مع غير المتفقين معه فإنه يبدو كمن اكتشف فجأة أن هناك أناسا أخرون تختلف أفكارهم عن أفكاره وتختلف وجهات نظرهم عن وجهة نظره فينزعج ويتحول حواره معهم إلى صراخ وربما تطور إلى أكثر من الصراخ إلى حد الرغبة فى التخلص من ذلك الآخر المزعج المختلف معه فى الفكر .. فإن لم يستطع فإنه يؤثر السلامة ويوليه ظهره باحثا عمن يتفقون معه فى نفس المكان لتكوين جبهة ضد المخالفين لهم فى الرأى ، فإن لم يستطع فإنه يترك لهم الجمل بما حمل ويلوذ بنفسه إلى شرنقة تحميه من شر هؤلاء الأشرار

هناك جماعات تحذر المنتمين إليها من مخالطة المخالفين لهم فى الأفكار ، وتبث فى عقولهم أفكارا أقل ما يقال عنها إنها أفكار ترسم صورة منفرة لصاحب كل رأى مخالف لرأى الجماعة .. وفى مقابل هذه الصورة المنفرة ترسم صورة زاهية لأصحاب الفكر المتفق مع فكر الجماعة ، وبهذا يمضى مع جماعته مطمئنين إلى أنهم هم أصحاب الفكر الأوحد الصحيح



وهنا نأتى إلى سؤال الحلقة :

ماذا تتوقع أن يكون سلوك صاحب الرأى الصحيح الأوحد عندما يجد نفسه وسط مجتمع متعدد الأفكار واسع الأطياف - كمجتمع "محاورات المصريين" مثلا - يزخر بالآراء والأفكار والحجج ؟؟

 

[عادل أبوزيد]

كل الأسباب التي تم ذكرها هنا صحيحة  و لكن هناك أكثر   ...  هناك عنصر الزمن  الذي أغفلناه كلنا هو

 

ما سبق كان إستهلالا لابد منه

 

من بدأ في محاورات المصريين  من 12 سنة  مثلا ....   كبر أولاده  و بناته  و تأثرت قدرته على الإدهاش !  مثلا الفاضل أحمد محمود الذي نعرفه من شباب المحاورات  إحتفل بعيد ميلاده الخمسين  هل تتصورون  عنده نفس القدره على الإدهاش !!

 

و هناك نقاط أخرى متعلقة  بآليات المشاركة في محاورات المصريين  مثل ضرورة إختيار عنوان  مميز  للموضوع  و إختيار الباب الذي نكتب فيه   و عدم وجود آلية لإبلاغ من يكتب  بأن هناك من قام بالتعقيب على موضوع ما  بطريقة آلية  يوميا

 

في الفيسبوك  تلاحقك برمجياته  بالرسائل الإليكترونية  بكل زيارة أو إضافة  ( فتحت حساب في الفيسبوك كتجربة  و كل يوم أتلقى  مالا يقل عن عن خمس رسائل إليكترونية من برمجيات الفيسبوك  أتجاهلها كلها )

[عادل أبوزيد]

الفاضل أبومحمد  لعلنا حضرتك و أنا كنا نكتب في آن واحد  

 

ما سبق كان إستهلالا لابد منه

 

هل نسينا  الإختراع الذي بلينا به في مصر  ألا و هو  اللجان الإليكترونية  و ما أدراك ما اللجان الإليكترونية  

[أبو محمد]

الفاضل أبومحمد  لعلنا حضرتك و أنا كنا نكتب في آن واحد  

 

ما سبق كان إستهلالا لابد منه

 

هل نسينا  الإختراع الذي بلينا به في مصر  ألا و هو  اللجان الإليكترونية  و ما أدراك ما اللجان الإليكترونية  

 

فى وقت ما ولفترة زمنية ليست بالقصيرة

كانت المحاورات - ومنتديات أخرى - هدفا وصيدا ثمينا لتلك اللجان

وببزوغ الفيس بوك تحول المجهود الرئيسى لتلك اللجان إلى صفحاته المنتشرة

فمن الأسهل اصطياد الغنم القاصية