لما يجى حد فى بالك....... اتصل بيه عالطول ومتتاخرش عليه

[hOuSsAm]

فى الاجازة اللى فاتت فى مصر كنت حريص انى اقابل كل اصحابى على اد مقدر.... وبالذات القريبين من قلبى

واحد منهم جه قضى معايا يوم كامل واتغدينا سوا وتواعدنا على اللقاء مرة اخرى.... وبصراحة خدتنى الايام وانشغلت وكل مفتكر اكلمه اقول طب خليها بكره ومتصلتش بيه خالص لحد مرجعت السعودية وبالصدفة من يومين قابلته عالماسينجر وكنت بعاتبه عشان مكلمنيش....... قالى عشان عتابك ده مكنتش ناوى اقولك بس هقوللك

تانى يوم عملت حادثة انا ووالدى ووالدتى واختى ووالدى رجله انكسرت ووالدتى فكها اتكسر ده غير الكدمات...........

اتضايقت اوى وزعلت عاللى حصل (لا حول ولا قوة الا بالله)

بس اللى ضيقنى اكتر ان صديقى وهو فى عز احتياجه لى مكنتش انا وياه ........ (حسيت انا واحد جاب شومة وادانى فوق دماغى)

وحسيت انى مهمل فى علاقاتى مع الاخرين وكان المفروض ابقى حريص اكتر من كدة فى التواصل مع اصحابى :(

القصة دى تزامنت مع قصة قراتها فى بريد الجمعة (جريدة الاهرام) من اسبوع

وكانت مشكلة ان واحدة زعلت جوزها بالليل ونام غضبان عليها وقام الصبح راح الشغل من غير ميتكلموا...... هى كان فى نيتها تصالحه

بس للاسف ملحقتش... لانه عمل حادثة ومات قبل ميرجع البيت

وكمية تانيب الضمير اللى هى حاسة بيه لان جوزها يعتبر مات وهو غضبان عليها.... وكان فى ايديها تكلمه فى التليفون تصالحه ولكن.......

نفس القصة حصلتلى فى الاجازة ان الناس اللى كنت بكلمهم عالطول وانا مسافر لما اقابلتهم فى مصر كنا عادى بنعرف نفتح مواضيع ونتكلم فيها وكنا اب تو ديت مع بعض

لكن الناس اللى اعدت فترة طويلة فى سفرى مكلمهمش..... حصل بينا فتور...... حتى معتش فيه كلام قادرين نقوله...... مع ان المواضيع كتيرة والاحداث اكتر لكن فيه حاجز فى الكلام بيحصل بينا واظن ان السبب طول الفترة الطويلة فى عدم التواصل

وبردوا كان زميل لنا هنا فى المحاورات بيحكى عن تجربة غربته واول مجاب زوجته وابنه زيارة....... تجربة قاسية عليه اوى من الفتور

يعنى مش بيتكلم مع زوجته زى الاول.... ابنه ميعرفوش...... المشاعر والاحاسيس ليست كمان كانت

بس برجع واقول انا مش هعرف اتواصل مع الناس اللى اعرفهم كلهم (شبكة العلاقات كبيرة) وكنت مضطر ان ناس كتيرة تقع منى فى الطريق...... كل يوم بيعدى عليا فيه ناس بتقع منى لانى مش ملاحق عالتواصل معاهم

فهل انتوا كمان عندكوا نفس المشكلة........ ولما بيحصل فتور بتتعاملوا معاه ازاى

وهل فعلا الفتور ده منتشر وبينهش فى العلاقات الاجتماعية عندنا فى المجتع.......... ولا دى اعراض لناس قليلة

وهل الفتور ده ليه علاج او حل

[عادل أبوزيد]

بس برجع واقول انا مش هعرف اتواصل مع الناس اللى اعرفهم كلهم (شبكة العلاقات كبيرة) وكنت مضطر ان ناس كتيرة تقع منى فى الطريق...... كل يوم بيعدى عليا فيه ناس بتقع منى لانى مش ملاحق عالتواصل معاهم

فهل انتوا كمان عندكوا نفس المشكلة........ ولما بيحصل فتور بتتعاملوا معاه ازاى

وهل فعلا الفتور ده منتشر وبينهش فى العلاقات الاجتماعية عندنا فى المجتع.......... ولا دى اعراض لناس قليلة

وهل الفتور ده ليه علاج او حل

إستمرار التواصل معنى جميل يحسن التمسك به و لكن الأمر لا يسلم فى رحلة العمر أن تشعر ببعض التباعد عن بعض من تعرفهم لظروف حياتية مثلا لو أحد أصدقائك تتطورت طبائعه ليصبح إنسانا أنانيا أو بخيلا بطريقة لم تعد تطيقها فيحدث بعض التباعد.

ما سبق كان إستهلالا لابد منه

كان من أصدقائى الدكتور عبدالناصر و هو أستاذ تخدير و عناية مركزة كان عنده عادة جميلة كان كل أسبوع يمسك أجندة تليفوناته - قبل وقت الموبيل بكثير - و يتصل بمجموعة من معارفه و أصدقاؤه و أقاربه بطريقة منظمة بحيث لا يمر عليه شهر إلا و كان إتصل على بنصف الأجندة و كانت جلسة التليفون هذه تستمر ما يقرب من الساعتين ...... و أشهد أنه كان ناجحا جدا إجتماعيا و عمليا و كان صديق صدوق لعدد كبير من الناس.

و فى أيامنا هذه يحسن أن أذكر لك تجربة إبنى و هو مهندس خريج سنة 2002 لقد إستخدم التكنولوجيا فى الحفاظ على تواصله مع رفاق العمر فقد أنشأ مجموعة بريدية له و أصدقاءه حوالى 25 شخص و يتبادلون الأخبار و يستمرون فى التواصل كما لو كانوا مازالوا تلامذه فى الجامعة رغم أن ظروف الحياة باعدت بين بعضهم للسفر و العمل بعيدا إلا أنهم يحرصون على اللقاء كلما سنحت فرصة.

موضوعك جيد جدا و إسمح لى أن أضيف نقطة تتعلق بالعلاقات فى الغربة و خاصة فى الخليج فالعلاقات فى الخليج تقريبا أقرب إلى العلاقة الإنسانية التى تنشأ بين ركاب قطار و هذه العلاقات لها طبيعتها الخاصة حسب مدى ديمومة العمل فى نفس المكان.

ملحوظة: يتميز موضوعك بأنه جديد و موضوع حقيقى غير مفتعل و قد أعطيتك علامة إيجابية فى ال Reputation و قيمت الموضوع بثلاث نجوم.