سؤال محوري لأعضاء المحاورات الأذكياء فقط

[MZohairy]

هل الحمار المخطط ده ابيض و مخطط بخطوط سوده ولا اسود و مخطط بخطوط بيضا؟

[مغتربة]

بما انه

فى السيرك بيجيبوا الحمار الابيض و بيخططوه بالاسود علشان يضحكوا على الناس

اذن

نستنج ان الاصل انه ابيض و مخطط بالاسود

شفت سهله ازاى

bv:- bv:-

[akramgroup]

مفيش اختيارات

:D :D :D

[شريف مان]

طيب مفيش منه ألوان :lol:

أظن هوا حته بيضه وحته سوده زى التاكسى mfb:

[se_ Elsyed]

طب ما تنجز وتلخص وتقول " لموناته " ههههههههه

مش لايق عليك الخبث يا مزاهيري

وهاريحك أنا ... هانريحوك عالاخر

مزاهيري يا جماعة عاوز يقول - بس مكسوف - أن ما تراه أنت صحيحاً ليس بالضرورة أن أكون رأيته خطأً .

فالحقيقة قد تتحمل أكثر من وجه

على أساس يعني إن معظم - إن ما كانتش كل - أراءه بتبقى حادفه شمال .. فعاوز يفهمنا إنه ممكن كلنا نبقى صح .. إحنا صح وهو صح والفيلم كله يبقى فتوات وما حدش ينضرب يعني .... ونعيش إخوات ونلعب مع بعض في سلام

ها ها

هيهات أيها المزاهيري

في أمور كتيره يا صديقي لا تحتمل إلا وجه واحد فقط للحقيقة

لا تقولي بقى حمار مخطط ولا كلب البحر

[MZohairy]

طب ما تنجز وتلخص وتقول " لموناته " ههههههههه

مش لايق عليك الخبث يا مزاهيري

وهاريحك أنا ... هانريحوك عالاخر

مزاهيري يا جماعة عاوز يقول - بس مكسوف - أن ما تراه أنت صحيحاً ليس بالضرورة أن أكون رأيته خطأً .

فالحقيقة قد تتحمل أكثر من وجه

على أساس يعني إن معظم - إن ما كانتش كل - أراءه بتبقى حادفه شمال .. فعاوز يفهمنا إنه ممكن كلنا نبقى صح .. إحنا صح وهو صح والفيلم كله يبقى فتوات وما حدش ينضرب يعني .... ونعيش إخوات ونلعب مع بعض في سلام

ها ها

هيهات أيها المزاهيري

في أمور كتيره يا صديقي لا تحتمل إلا وجه واحد فقط للحقيقة

لا تقولي بقى حمار مخطط ولا كلب البحر

نص كلامك صح و النص التاني غلط

الحقيقة الوحيدة التي اجنمع عليها البشر هي الموت

و حتى هذه الحقيقة الوحيدة اختلفوا فيما بعدهاو ما سيحدث

اذا كل حقائق الدنيا لها عدة اوجه

فلا تدفن رأسك في الرمال يا رعاك الله B)

[Salwa]

مساء الخير ..

هى مش حكاية ذكاء او غيره...

الحمار الوحشى اسود .. وبه خطوط بيضاء ..

ممكن ننظر للفك؟؟ مقدم راس الحمار ؟؟

لايوجد به اى خطوط بيضاء ..صح؟؟

وهذا يثبت ان الاساس هو اللون الاسود ..

الخطوط السوداء ف الحمار الوحشى ....هى تعتبر مثل ..بصمات الاصابع ف الانسان ..

لاتوجد خطوط متشابهة ابداااا ... بين اى حمارين ..

مسألة اختلاف النظرة للأشياء ..

كل يرى ما يحب ان يراه ..

اتذكر انى سألت ابى (( رحمه الله) وكان عمرى سبع سنوات ؟؟

هو الحمار لابس بيجامة ليه؟؟

رد وقاللى ...

علشان مفروض دلوقت يروح ينام ...

اقصد ان ابى ... تخيل ان هذه الاجابة هى الامثل بالنسبة لى ولسنى ..

خصوصا...ان سؤالى كان بعد اقتناع ان الحمار يرتدى بيجامته... :blush2: :

مساء الرضا.. :roseop: :

[جسار]

الاصل فى الالوان هو اللون الابيض زى لون قلبك

وبعدين السواد والرمادى بييجى مع الزمن وانت وحظك يطلع أسود ، أو ربنا يحرسه ويخليه أبيض ، أو يفضل محتار

زى صاحبنا الحمار الوحشى المخطط بين الابيض والاسود ، وكل عام وأنتم بخير .

[MZohairy]

مساء الخير ..

هى مش حكاية ذكاء او غيره...

الحمار الوحشى اسود .. وبه خطوط بيضاء ..

ممكن ننظر للفك؟؟ مقدم راس الحمار ؟؟

لايوجد به اى خطوط بيضاء ..صح؟؟

وهذا يثبت ان الاساس هو اللون الاسود ..

اطلاقا يا فندم

ممكن جدا يكون اصلا ابيض و زي الخطوط السوداء ما اتعملت بوزه الأبيض ايضا يكون خد نفس اللون الأسود

و هذا يثبت انه لا يوجد اثبات

صباح الرضا و السرور

[doha]

ابيض مخطط اسود ولا اسود مخطط ابيض ده مش هيغير من حقيقة انه حمار ..

ولا هتشكك في دي كمان ؟

[Damo]

الحمار الوحشي اسود وعليه خطوط بـيضاء بدليل :

- الجنين اثناء التكوين لونه بيكون اسود

- الخطوط و البطن والرجلين البيضاء عبارة عن اماكن جينات سوداء تم 'خرسها' (اللي هو gene silencing )

على فكرة في ادلة تانيه كتير منها حاجة في الevolutionary history بس معرفش عنها كتير.

أي خدمة smk:

bv:-

تم تعديل 27 أغسطس 2010 بواسطة Damo

[MZohairy]

ابيض مخطط اسود ولا اسود مخطط ابيض ده مش هيغير من حقيقة انه حمار ..

ولا هتشكك في دي كمان ؟

حمار يا ضحى مفيش شك بالطبع

بس مش ده السؤال

ارجعي شوفي السؤال و كرريه على نفسك عشان التكرار بيعلم الشطار

تحياتي :)