افندينا انعم علينا بعلاوة

[مهندس ابو يوسف]

أفندينا أنعم علينا بعلاوة

تجيب كيلو جبنة وعلبة حلاوة

آتاري العلاوة مجرد أتاوة

و احنا علينا الكلام اختلط

*****

عشان في البداية حسبناها خير

و قلنا نواية حتسند يا زير

و حسنة حتمنع بلاوي كتير

و كنا حقيقي في غاية العبط

*****

في لحظة افتكرنا ان لينا حقوق

و نمنا و صحينا لقينا الخازوق

و قبل اما حتى يا عالم نفوق

لقينا اللي لسه حناخده اتشفط

*****

أفندينا يعني في لحظة تجلي

تعطف تلطف و قرر يخللي

مساحة الغلابة تزيد ستة مللي

و ياكلو بدال التراب الزلط

*****

أفندينا أعلن صدور القرار

و قبل اما ينجح في أي اختبار

فوجئنا بزفة و مولد و زار

قصايد جرايد برامج يفط

*****

تؤكد بأن الحكومة بذكاء

و من حزمة واحدة قضت ع الغلاء

و لابد يبقى لدينا انتماء

و ناكل و نشرب و نلبس خطط

*****

عبال النمو اللي قالوا عليه

و حايشينه عنا منعرفش ليه

ماتلمح مكانا في مرة عينيه

و نقدر ندوق منه حتى نقط

*****

مادام كل حاجة تمام ع الورق

مفيش أي داعي عشان القلق

و لو مش مصدق خلاص اتفلق

ورقنا اللي صح وكلامك غلط

*****

و قاللي مواطن عليم بالخبايا

أفندينا قرر تزيد الجباية

عشان شعبه جاحد قليل الرباية

بياكل و ينكر زي القطط

*****

اذا الشعب صدى بفعل البارومة

حتعمل حسابه ف ايه الحكومة

وهي اللي جاهزة بكرباج وشومة

عشان لوفي واحدفي عقله اتخبط

*****

تعيش مصر دايما في عز و جمال

يعيش الواطن شديد الاحتمال

و آمن تماما من الاشتعال

و أقصى ما عنده ينكت فقط

*****

[shiko]

أفندينا أنعم علينا بعلاوة

*****

عشان في البداية حسبناها خير

و قلنا نواية حتسند يا زير

و حسنة حتمنع بلاوي كتير

و كنا حقيقي في غاية العبط

*****

في لحظة افتكرنا ان لينا حقوق

و نمنا و صحينا لقينا الخازوق

و قبل اما حتى يا عالم نفوق

لقينا اللي لسه حناخده اتشفط

*****

أفندينا يعني في لحظة تجلي

تعطف تلطف و قرر يخللي

مساحة الغلابة تزيد ستة مللي

و ياكلو بدال التراب الزلط

*****

أفندينا أعلن صدور القرار

و قبل اما ينجح في أي اختبار

فوجئنا بزفة و مولد و زار

قصايد جرايد برامج يفط

*****

تؤكد بأن الحكومة بذكاء

و من حزمة واحدة قضت ع الغلاء

و لابد يبقى لدينا انتماء

و ناكل و نشرب و نلبس خطط

*****

عبال النمو اللي قالوا عليه

و حايشينه عنا منعرفش ليه

ماتلمح مكانا في مرة عينيه

و نقدر ندوق منه حتى نقط

*****

مادام كل حاجة تمام ع الورق

مفيش أي داعي عشان القلق

و لو مش مصدق خلاص اتفلق

ورقنا اللي صح وكلامك غلط

*****

و قاللي مواطن عليم بالخبايا

أفندينا قرر تزيد الجباية

عشان شعبه جاحد قليل الرباية

بياكل و ينكر زي القطط

*****

اذا الشعب صدى بفعل البارومة

حتعمل حسابه ف ايه الحكومة

وهي اللي جاهزة بكرباج وشومة

عشان لوفي واحدفي عقله اتخبط

*****

تعيش مصر دايما في عز و جمال

يعيش الواطن شديد الاحتمال

و آمن تماما من الاشتعال

و أقصى ما عنده ينكت فقط

*****

فى بلاط جلالة الملك ....

لانملك من الكلمات سوى

تشكرات افندم تشكرات افندينا

[engmido]

جميلة جداااا

[Simba]

رائعة جدااااااااااااا جداااااااااا

وحبيتها جداااا والله

قريتها وحسيتها

وقريتها مرة تاني بصوت عالي لقيتها احلي

[جسار]

أنا عاجبنى قوى حكاية الخازوق دى ،ودخلت مزاجى ، ونرجو عدم التعقيب المبروم

[مهندس ابو يوسف]

اخواني واخواتي الاعزاء

شكرا لكل من عقب على هذه الكلامات

تقبلوا تحياتي

المهندس ابو يوسف