سوال مهم بخصوص الجواز والاغتراب

[egyptawy]

سلام عليكم

ياجماعة ان عايش فى السعودية وعايز اشارككم بمشكلة انا ن شاء الله هانزل اجوز فى خلال كام شهر

والمفروض مراتى ترجع معاى ان شاء الله

لكن بصراحة انا خايف اظلمها معاى لانى حاسس انى الموضوع هيكون سجن بالنسبة لها يعنى على الاقل انا هاضيع وقت فى الشغل لكن هى هتفض محبوسة طول اليوم حتى لو خرجنا بالليل مش عارف ممكن نروح فين

ياريت حد من الاخوة المجوزين جداد هنا يقولولنا خبرتهم مع الموضوع ده

وياريت لو فيه سيدات مجوزين حديثا يقوللنا خبرتهم ايه مع الموضوع

تنصحونى بايه انزل ونجوز وسط اهلنا ولا اجيب مراتى معاى واظلمها

شكرا

[ozoozo]

يعني انت لما تتجوزها وتسيبها في مصر وتشوفها مره في السنه كده مش هاتظلمها وبعدين حتي لو انت في مصر اكيد برضه هاتبقي طول النهار قي الشغل وماعندكش غير يوم الاجازه برضه للفسحه

وبعدين ممكن تقضيلك اسبوع في اي حته في مصر قبل ماتيجي

ومبروك مقدما

تم تعديل 27 أغسطس 2010 بواسطة ozoozo

[engmido]

تمام يا اوزو اوزو

لا يوجد افضل من لم شمل الاسرة

[egyptawy]

ياجماعة انا باقول مش اسيبها فى مصر انا باقول انزل واستقر فى مصر

سوالى بالنسبة للستات المجوزين هما مبسوطين ولا لا وبيعملو ايه وجوازهم فى الشغل وبعد الشغل

وازاى بقضوا وقت فراغهم عشان اطمن مراتى بس يعنى مصر فى اهل واصحاب وكده انما هنا لا

انا اسف لو كنت باسال اسئلة شخصية بس انا عايز كل المعلومات الا تخلينى انا ومراتى ناخد قرار سليم

اعمل ايه

[herohero]

سيدي الحكاية نسبية جدا

يعني اذاكانت الزوجه بتعمل ف مصر من الاخر بتدخل قرش وتيجي تقعد هتزهق جدا جدا يعني مش هتحس انها بتعمل شيئ وده حقها لكن برده اذا ف مصر قعد ف البيت نفس المشكلة

اذاكانت الزوجه قريبة من اهلها ومكان سكنكم قريب منهم فطبعا مجرد ماهتبعد عنهم هتتعب وبالتالي ايضا ف مصر اذا كنت ف مكان بعيد نفس القصه

اذا كانت الزوجه من القاطنين ف المدن الكبيرة ومتعودة ع الخروج وبتخرجوا نوادي او مطاعم ومولات ومثلا لو عندها سيارة خاصه بيها ولها حياتها فلما تيجي السعوديه هتتكتف جدا

يعني اللي اقصده الحكاية بتختلف من شخص للاخر

مرتبطة ب الظروف ف مصر للزوجه

اما انك تستقر ف مصر فده شيئ تاني بيدخل فيه عوامل تانيه

وربنا يكرمك بحياه سعيده

[egyptawy]

شكرا للردود هى فعلا زوجتى شغالة فى القاهرة

ياريت الاخوات الفاضلات من الاخت ضحى وغيرها يقوللنا خبراتهم

شكرا

[shiko]

سيدي الحكاية نسبية جدا

يعني اذاكانت الزوجه بتعمل ف مصر من الاخر بتدخل قرش وتيجي تقعد هتزهق جدا جدا يعني مش هتحس انها بتعمل شيئ وده حقها لكن برده اذا ف مصر قعد ف البيت نفس المشكلة

اذاكانت الزوجه قريبة من اهلها ومكان سكنكم قريب منهم فطبعا مجرد ماهتبعد عنهم هتتعب وبالتالي ايضا ف مصر اذا كنت ف مكان بعيد نفس القصه

اذا كانت الزوجه من القاطنين ف المدن الكبيرة ومتعودة ع الخروج وبتخرجوا نوادي او مطاعم ومولات ومثلا لو عندها سيارة خاصه بيها ولها حياتها فلما تيجي السعوديه هتتكتف جدا

يعني اللي اقصده الحكاية بتختلف من شخص للاخر

مرتبطة ب الظروف ف مصر للزوجه

اما انك تستقر ف مصر فده شيئ تاني بيدخل فيه عوامل تانيه

وربنا يكرمك بحياه سعيده

بالرغم من انى موش من اصحاب الخبرة فى تلك الامور ....

الا ان تلك الجملة افزعتنى ....

عفواً سيدى ....

حضرتها ..موش موجودة ...

بس الحقيقة انا اترجاك بفضلك ان ترفق فى حديثك عن نون النسوة ...

بتحسسنى اننا بنتكلم عن عربية ملاكى ...بالمقارنة بأخرى نص نقل...

رفقا ...يا سوالمة ...

تم تعديل 27 أغسطس 2010 بواسطة shiko

[masraweya]

السلام عليكم

الأفضل تاخد رأيها .. احكيلها الوضع عندك عامل ازاي و لو رجعت مصر هيكون غالبا ازاي

شجعها تاخد القرار معاك

و أخيرا متنسوش الاستخارة

ربنا يكرمكم

[doha]

من ناحية هتزهق فوارد جدا انها تزهق بس ايه البديل ؟ ؟

انك تتركها في مصر لوحدها فده ظلم اكبر لها ولك .. مفيش امامك غير اخذها معاك وهي تتقبل اقدارها وباذن الله تتأقلم مع الوضع ..

وارد جدا انها تلاقي لها صديقات من الجيران مثلا او زوجات اصحابك .. ووارد برضه ان ربنا يكرمها في عمل بمدرسة او شيء يشغل فراغها ..

عامة اول سنة جواز بتكون الست فرحانه بجوزها وده هيخليها متحسش اوي بالغربة او البعد عن اهلها.. مجرد ماعدت السنة وراحت ( زهوة الجواز ) على راي عادل امام .. يكون باذن الله معاها نونو ينسيها مش بس اهلها وانما نفسها كمان . .

توكل على الله ومتفكرش كتير وعلى فكره مفيش انسان مهما كان ذكاءه وبعد نظره يقدر يعمل حساب كل حاجه في الدنيا من قبل ماتحصل .. متشيلش نفسك فوق طاقتها وخليها على الله ..

[herohero]

سيدي الحكاية نسبية جدا

يعني اذاكانت الزوجه بتعمل ف مصر من الاخر بتدخل قرش وتيجي تقعد هتزهق جدا جدا يعني مش هتحس انها بتعمل شيئ وده حقها لكن برده اذا ف مصر قعد ف البيت نفس المشكلة

اذاكانت الزوجه قريبة من اهلها ومكان سكنكم قريب منهم فطبعا مجرد ماهتبعد عنهم هتتعب وبالتالي ايضا ف مصر اذا كنت ف مكان بعيد نفس القصه

اذا كانت الزوجه من القاطنين ف المدن الكبيرة ومتعودة ع الخروج وبتخرجوا نوادي او مطاعم ومولات ومثلا لو عندها سيارة خاصه بيها ولها حياتها فلما تيجي السعوديه هتتكتف جدا

يعني اللي اقصده الحكاية بتختلف من شخص للاخر

مرتبطة ب الظروف ف مصر للزوجه

اما انك تستقر ف مصر فده شيئ تاني بيدخل فيه عوامل تانيه

وربنا يكرمك بحياه سعيده

بالرغم من انى موش من اصحاب الخبرة فى تلك الامور ....

الا ان تلك الجملة افزعتنى ....

عفواً سيدى ....

حضرتها ..موش موجودة ...

بس الحقيقة انا اترجاك بفضلك ان ترفق فى حديثك عن نون النسوة ...

بتحسسنى اننا بنتكلم عن عربية ملاكى ...بالمقارنة بأخرى نص نقل...

رفقا ...يا سوالمة ...

لا الجملة ده انا اقصد بها ان في كثير من الاحيان لما المراة حالها كحال الرجل لما بتكون بتشتغل وحاسه ان هي بتعمل شيئ وبتضيف شيئ ومحققه ذاتها مش سهل انهاتيجي فجاه تقعد ف البيت والوضع ده ف اي بلد

ولا اقصد قرش بمعنى قرش لكن اقصد ان لديها دخل مستقل فده شيئ مش سهل انها تقعد ف البيت وتبقى منتظرة مصرف البيت وحتى لو الفلوس معاها وهي اللي بتمشي الامور برده مش سهل عليها القعده ف البيت ده اللي قصدته

[pocy]

اخى الفاضل يمكن انا بتكلم من موقعي في الكويت ومعرفش اذا كانت المعيشه تختلف ولا لا وخصوصا انى واحده تقدس العمل جدا

ولما اتجوزت وبعد فتره قعدت فى البيت احسست بشئ صعب جدا ولكن الاصعب ان لا اكون مع زوجى والحمد لله ربنا كرمنى بابنى وبقي هو جوزى محور حياتي

اخى الفاضل اتمنى ان يكون لم الاسره موجود سواء هنا او فى مصر ويمكن سبحان الله ربنا يكرمها بجاره زى جارتى او زى باقي جيرانى او يكرمها بعمل تضيع فيه معظم وقتها وانت مش تواجد معاها فيه واكيد حاول يكون فى نت فى البيت لانه بيفيد جدا مع الاهل والاقارب

بمعنى الواحد لما بيزهق ممكن يروح لحد او يخرج لالالا النت ممكن ترن على اهلها وتتكلم معاهم وتشوفهم وكانها موجوده معاهم ويمكن فى الاعياد بالذات بنحس اننا معاهم النت مش بيتقفل نهائي وطول اليوم قاعدين مع بعض

وربنا يباركك

وزى ما قالت الاخت مصراويه خليها تاخد القرار معاك وربنا يوفقك يارب اللهم امين ويجمع بينكم على خير ان شاء الله

[hOuSsAm]

انا شايف انك متبعدش عن مراتك مهما كانت الظروف

السعودية ليها حلول كتيرة .... انك تسكن جنب مصرين وبالتالى هى بتلاقى الونس طول النهار

او لو فى المدن الكبيرة هى ممكن تشتغل

بس هو تعمل غلطة عمرك وتبعد عنها وخصوصا انكوا عرسان جداد

بالتوفيق باذن الله ومبروك مقدما