لازم تساعدونى لانى مش راحة لدكتور

[rana slim]

السلام عليكم

ياجماعة ارجوكو عايزاكو تقولولى اخد ايه للى عندى اناجبت اخرى

كان عندى دور لوز عادى خالص زى اى دور عادى فاخدت اسبرين للحرارة ومضادحيوى اوجمنتين خلاص راح الدورالى حدما خرجت للاسف تانى يوم من الفجر عشان كان ورايا سفر للقاهرة تقريبا بقة يومها نسيت نفسى من الحر بقيت ابادل بين هوا الشباك والتكييف فى العربية

رجعت فطرت ونمت حتى مااتصحرتش صحيت تانى يوم لقيت الدور انيل من الاول بكحةوضيق نفس والصداع فظيع غير الحرارة اصلا وخمول كل دة من مجرد السفر دة وبعد الفطار مع انى اكلت بسيط رجعت ودة قليل اوى لما يجرالى خرجت عشان ضيق النفس على البحر شوية على اساس انى اتحسن ساعتها حسيت براحة النهاردة بقا خلاص مش قادرة بقيت مجرد انى باخد نفسى بعمق بحس بالم فى صدرى على الناحية ليمين

كنت بدورعلى النت على اى حاجة لضيق النفس بالذات لققيت هنا سجلت وبالله عليكو اللى يقرا هنا يقوللى اخدايه انا مش راحة لدكتور استحالة عشان شوية كحة عشان حيكبر الموضوع وحيدينى كلمتين فى جنابى زى كل مرة غير الحقن اللى دايما بتتكتب عشان اللوز والحرارة وانا اصلا مبخدهاش كدة كدة فساعدونى انا مش عايزة ابقى كدة فى رمضان وخاصة اناهنا فى اسكندرية بخلص دبلومة مش عايزة اتعطل وعايزة ارجعلهم سليمة

تم تعديل 27 أغسطس 2010 بواسطة rana slim

[أسد]

مفيش حاجة إسمها كده

الكلام ده طبعاً ما ينفعش

العيان يروح للدكتور

واللي عايز يصلحالكرسي بيروح للنجار ..

وإللي عايز يبيض بيته بيجيب نقاش

هنا ماينفعش ...

[shiko]

ماينفعش ...

البداية كانت غلط ....

والاستمرار فى الغلط غلط اكبر منه ....

موش موافقة طبعا على الكلام اللى انتى بتقوليها ...

انتى اكيد بنى ادمة مثقفة ومتعلمة ....او على الاقل نقدر نقول انك موش جهلة علشان تاخدى وصفات من الانترنت ..ومانروحش للدكتور ...

اسمحيلى انا موش موافقاكى بالمرة ...وحتى لو حد من الاخوة الاطباء الافاضل المشتركيين معانا فى المنتدى ...شاركوا بالنصيحة ...

انا متأكدة انه هاينصحك ..تروحى للدكتور الاول ...

على فكرة انا متأكدة انك لو شاركنا فى تبادل العلاج عن طريق الانترنت ...ده هايزيد من انتشار الامراض ...اكتر واكتر ...

اسأل الله العظيم رب العرش الكريم ان يشفيكى...

[rana slim]

يا جماعة دة برد كحة بس زايد شوية المرة دى بس مش معقول اروح عشان كدة

طب اللى عندى من اعراض يبقى ايه بالضبط اسمه برد, انفلوانزا ولا دور لوز زايد شوية ولا ايه

تم تعديل 27 أغسطس 2010 بواسطة rana slim

[غريب الخبر]

يا جماعة دة برد كحة بس زايد شوية المرة دى بس مش معقول اروح عشان كدة

طب اللى عندى من اعراض يبقى ايه بالضبط اسمه برد, انفلوانزا ولا دور لوز زايد شوية ولا ايه

والله يا باشمهندسة ممكن يكون التهاب فى اللوزيتين وعامل بؤرة صديدية والصديد هو اللى عاملك كل المشاكل دى فى جسمك.

او غالبا التهاب شديد فى البلعوم مصحوب بحساسية بسيطة على الصدر.

ايا كان التشخيص .لازم علشان تخدى العلاج الصح يكون التشخيص صح.

يبقى لازم اروح لدكتور علشان يكتب ليكى العلاج المناسب .

والف سلامة