فوائد الملوخية أهي يا زُهيري

[se_ Elsyed]

بأعترف إن سبب صداقتي لزُهيري هو إن بيينا قاسم مشترك وهو

حب الملوخية

غير كده فهو ما فيهوش اي ميزة :lol:

هههههههههههه

لكن بيتهيألي لو حد ساله عني .. فانا كلي مميزات ... إتكلم بقى يا زهيري عشان أهبدك إنذار كأستخدام مفرط للسلطة

المهم

من كام يوم كنا بنفطر في مطعم " جاد " ... وهو من أشهر المطاعم المصرية بالرياض وبصراحة اكله كويس زائد إن مستوى النظافة عنده عالي

المهم كنا بنمارس هوايتنا وبناكل ملوخية وده لفت نظر أحد أصدقائنا .. والله ما فاكر مين ... المهم الراجل ده صدمنا لما أكد لنا وكان ناقص يحلف بالطلاق إن الملوخية ما فيهاش أي فوايد وأنها النوع الوحيد من الخضار اللي زي قلته

لكن هذا لم يُثبط من همتنا ... ولم يفل من عزيمتنا ولم يُنقص من ملوخيتنا

على فكرة .. أنا أكلتي ضعيفة جداً في الكمية .. لكنني متذوق جيد

عكس زُهيري اللي اللهم صلي عالنبي .. واللهم لا حسد .. أستاذ وبيدوس ما بيهموش ....لسه كان عندي من ربع ساعة وضربنا شاي أنا وهو - مشيها شاي يا زهيري وبلاش فضايح - وبيقولي عارف يا سين سين أنا لسه فطران إيه ؟

ما هو شغال في الأزرق والدايت اليومين دول وأوقات كتير لما بنكونش سوا بيفطر الساعة 10 بعد الصلاة والتمارين الرياضية .. قال بيعمل ريجيم ودايت ... أبقى قابلني ... برضوا تخين وسمين ومش هاتخس

قال لي اللهم صلي عالنبي ضرب طبقين ملوخية من الحجم الفاميلي سايز .... وأنا كنت شارحه وسبقته بس بأفطر زي مخاليق الله قبل المغرب قصدي بعد المغرب

وعشان ربنا مع الغلابة فداخل دلوقت على موقع اليوم السابع الا واشم ريحة تقلية وطشه من اللي بتغذي الروح وحسيت كأني شميت برفان محبب لي - هو مافيش برفان برائحة الملوخية المخلوطةباللافندر ؟

إقرا يا زهيري وأتمزج وأشكرني ... والمقال ده مُهدا أيضاً لكل حزب الملوخيين الأحرار والناس اللي بتفهم في الأكل صح الصح

الملوخية طعام رمضانى تحرص العديد من الأسر المصرية على وجوده على مائدة الطعام.

يقول د.طارق الشاذلى خبير التغذية أن الملوخية لها فوائد كثيرة منها علاج متاعب الجهاز الهضمى وحصوات الكلى ، لاحتواء أوراقها على مادة تسمى ميوسولج بجانب كمية كبيرة من الألياف التى تحول تلك المادة المخاطية دون معاناة مرضى القولون العصبى .

كما أنها تقوّى القلب وتجلى النظر و تضبط مقدار السـُّكـَّر فى الدَّم وتكافح هشَاشَة العظام.

بالإضافة إلى أنها تعد وجبة غذائية كاملة نظراً لغناها بالفيتامينات والمعادن والكربوهيدرات والألياف، فهى تحتوى على كمية وفيرة من الفيتامينات (أ) و(ب) والأملاح المعدنية الهامة للجسم كالحديد والفسفور والكالسيوم والبوتاسيوم والمنجنيز والصوديوم، وأكثر ما يميز 'الملوخية' عن غيرها من النباتات الورقية أنها لا تفقد أياً من مكوناتها الغذائية وفوائدها العلاجية بالغسيل والطهى .

يذكر أن الشعوب القديمة والفراعنة عرفوا الملوخية وكانوا يأكلونها كما ظهر فى النقوش القديمة، ويروى بأن الحاكم بأمر الله جعل الملوخية حكراً على البلاط والعائلة المالكة، حيث سميّت " ملوكية " فى البداية وتحولت التسمية إلى ملوخية بعد أن انتشرت بين أفراد الشعب.

والملوخية طعام شعبى يكثر استعماله فى الطعام فى آسيا والهند والصين واليابان وغيرهم ، وهو رخيص الثمن، لأن الغرب لم يهتم بجعله من أصناف طعامه، فبقى محتكراً على الشرق دون أن يُصدّر إلى أوروبا وأمريكا.

[MZohairy]

يابني دي اشاعات مغرضه

الملوخيه مليانه فوايد

اومال انا قوي كده ازاي يابني بس و طول و عرض؟ ماهو من الملوخيه

و بعدين حتى لو طلعت مافيهاش اي فوايد

برضه حاكلها :closedeyes: