اسئلة عن الهجرة والسفر لامريكا وكندا

[mrzezo]

مساء الخير عليكم جميعا

وكل سنة والجميع في كامل الصحةوالسعادة ان شاء الله

انا محتاج خبرتكم ومشورتكم ... ويارب تساعدوني لاني مش قادر افكر

انا شاب عندي 29 سنة خريج بكالوريوس خدمة اجتماعية

المهم من 6 سنين وانا من شغالنه للتانية وبعدين يئست بسبب ضعف المرتبات

انا اشتغلت في مجال صيانة الكمبيوتر يعني مشتغلتش في مجال الخدمة الاجتماعية

علشان مطولش عليكم هدخل في الموضوع

انا عاوز اسافر او اهاجر لامريكا او كندا

طبعا قدمت من يجي 5 سنين على الهجرة العشوئية لامريكا ومحصلش نصيب فمقدمتش تاني وحسيت ان فرصتها مش كبيرة وانا محتاج حاجة تكون مضمونة اكتر

انا محتاج خبرتكم اعمل ايه علشان اسافر او اهاجر لامريكا او كندا

فيه واحد صحبي في امريكا قالي سافر المكسيك وبعدين فيه ناس بتهرب لامريكا من المكسيك ... طبعا كلام مش سهل وانا نفسي في حاجة رسمي

ياريت تساعدوني وتقولولي اعمل ايه بالظبط ...

انا الانجليش بتاعي حاليا 70 % تقريبا ...

هل فيه امل اني اسافر كندا او امريكا ولا الموضوع مستحيل

لاني سمعت ان الدكترة والمهندسين بس اللي ليهم اولوية

ولو فيه امل ابدا منين ؟ وياريت خطوة خطوة

يارب تساعدوني نفسي اطلع من البلد دي النهاردة قبل بكرة

واتمنى انكم متخذلونيش زي ما منتديات كتير عملت معايا منتديات مسحت موضوعي ومنتديات تاني بعتولي شوية لينكات لمواضيع مثبته توهتني ومردتش على تسؤلاتي

منتظر وربنا يكرم كل اللي هيساعدني باذن الله

ملحوظة صغيرة انا كنت حاصل على تاشيرة امريكا ب 5 سنين من 11 سنة بس للاسف مسفرتش بيها ولا مرة فهل دي ممكن تفرق معايا ولا لا

امضاء

شاب مصري صميم نفسه يطلع من ام الدنيا النهاردة قبل بكره :)

تم تعديل 27 أغسطس 2010 بواسطة mrzezo

[mrzezo]

مش معقول مفيش اي رد :(

يارب حد يرد عليا :sad:

[Mohamed Fawzi]

بص انا هقولك

انسى حكاية الهجرة دى

اطلع دراسة لكندا

باىطريقة وبعديناتجوز وخلاص

[mrzezo]

بص انا هقولك

انسى حكاية الهجرة دى

اطلع دراسة لكندا

باىطريقة وبعديناتجوز وخلاص

بجد انا بشكرك جدا للرد

طيب ممكن تقولي امشي ازاي في موضوع الدراسة .... مع العلم ان لو الموضوع مكلف جدا مش هقدر طبعا عليه :sad:

ربنا يكرمك ويوفقك وبجد شكرا مرة تاني ومنتظر من حضرتك تفاصيل عن موضوع الدراسة

-----------------------------------------------------------------------------

انا يا جماعة كمان بشكر الاستاذ فريند " محمد " لانه بعتلي على الخاص بيقولي ان افضل حاجة فعلا كندا

وهو بيحاول يكتب في الموضوع بس للاسف مشاركته مش بتظهر

وهو مقدم على هجرة لكيبك وياريت كلنا ندعيله ان ربنا يوفقه والموضوع يكمل على خير

تم تعديل 30 أغسطس 2010 بواسطة mrzezo

[Mohamed Fawzi]

انت ببساطة

بتراسل جامعة كندية او كولج

وتقدم شهادة الثانوية العامة

وتدفع مبالغ مالى قبل ان تقوك الكلية بارسال جواب القبول حوالى 6 الاف دولار

امريكا مش بتدفع حاجة انت بتقدم ولوقبلت فى الكلية بتاخد جواب قبول وتروح السفارة وتقدم الجواب دا مع شهادة بنكية حوالى 30 الف دولار باسمك او اسم الضامن

والفيزا بتطلع ان شاء الله

[mrzezo]

انت ببساطة

بتراسل جامعة كندية او كولج

وتقدم شهادة الثانوية العامة

وتدفع مبالغ مالى قبل ان تقوك الكلية بارسال جواب القبول حوالى 6 الاف دولار

امريكا مش بتدفع حاجة انت بتقدم ولوقبلت فى الكلية بتاخد جواب قبول وتروح السفارة وتقدم الجواب دا مع شهادة بنكية حوالى 30 الف دولار باسمك او اسم الضامن

والفيزا بتطلع ان شاء الله

للاسف يا باشا المبالغ اللي حضرتك بتقولها مش في امكانياتي خالص

انا ممكن اوفر قيمة التذكرة والاجراءات المطلوبة

ومبلغ صغير كمصاريف جيب هناك لحد ما اشوف شغل ... فياريت اقتراح تاني

انا عاوز حتى اي بلد تاني يكون اقتصادها كويس والتاشيرة بتاعتها سهلة نسبيا ولو ادخل حتى بفيزة سياحة واكسرها

بس طبعا بلد اوربي على اقل تقدير .... يارب القي حل او طريقة :sad: