فستان من الخبز الطازج

[Mohammad Abouzied]

فستان من الخبز الطازج (15-06-2004)

قام المصمم الفرنسي جان - بول جوتييه بتصميم زي بالتعاون مع مجموعة من الأفران لأنه مصنوع من الخبز الطازج الشهي في عرضه الأخير دعماً لمؤسسة كارتييه الخيرية.

وأصبحت أزياء المصمم الفرنسي جان - بول جوتييه تعتبر من بين "الأجمل"، لكنها اليوم بات من الممكن تصنيفها في خانة "الأطيب"، كما نشرت إحدى المواقع العربية

[ابو يوسف]

ممكن نصدرلهم عيش من بتاع الافران بتاعتنا لزوم الفساتين السواريه السوداء !!!

[se_ Elsyed]

ويا ترى الفساتين دي هاتتباع في الأفران برضوا والواحد يقف لها طابور عشان يجيب فستان للمدام بمناسبة عيد الأضحى ؟ ..

وطبعاً الترزية لازم يتعلموا اللت والعجن عشان يعرفوا يفصلوا على الأصول ؟

وبكره بقى نقرأ خبر " إلقاء القبض على مدام شيكوريل وبحوزتها شوالين من الدقيق الأبيض الفاخر المدعم المهرب.. وبمواجهة المتهمة بما نسب إليها من تهم انكرت ذلك وأقرت بإن الشوالين كانوا لزوم طلبية فساتين مفقعة مطلوبة منها ... وقد تم تحويل اوراق المتهة لفضيلة وزير التموين للبت في امرها "

[linux]

لو نظرنا بعمق للأختراع ده لو طبق في مصــــر نلاقية كله مشاكل. و علي سبيل المثال و ليس الحصر:

- المسامير هاتعور الست اللي لابسة الفستان

- كمية القش في العيش هاتخلي الست تعطس بدون توقف

- لو الفستان لسة طالع م الفرن، يبقي حرق من الدرجة التانية

- ما ينفعش يتركب بيه الأتوبيس (أستعمل خيالك!)

- بما أنه أقل من الوزن القانوني هايطير و يعمل مشاكل

- ممكن "يلبد" علي الجسم وده عيب!

- ممكن "يفقع" عين اللي يتفرج عليه

- لو الدنيا مطرت ها يبقي فته!

- كده فعلا ممكن "يخرطوة" للوز

- ها يتحط علي قفص و يتركب بيه العجلة أزاي

:rolleyes: :P mfb:

تم تعديل 15 يونيو 2004 بواسطة linux

[الأفوكاتو]

يبدوا أن جريدة "نهضة مصر " ليس لديها أخبار عن مصر, لذا تنشرأخبار الدول الأخرى,

[ابو يوسف]

يبدوا أن جريدة "نهضة مصر " ليس لديها أخبار عن مصر, لذا تنشرأخبار الدول الأخرى,

مصر موجودة ....

بس فين النهضة ؟؟؟؟؟ lo:: lo::