انتخابات الشورى شيكا بيكا

[kfaya]

صدق أو لا تصدق ....

انتخابات التجديد النصفى لاعضاء مجلس الشورى و التى جرت أمس الاول فى دائرة جنوب القاهرة حيث عدد الناخبين المسجلين 450000 ناخب حضر منهم للتصويت كم ناخب تعتقد ؟؟؟

هل 225000 بنسبة 50 % ...... لا

هل 112500 بنسبة 25 % ..... لا

هل 45000 بنسبة 10 % .......لا

لقد كانت 9000 صوت بنسبة حضور 2 % ... فى دائرة تمتد من حلوان مرورا بالتبين ووادى حوف وطرة و المعادى حتى مصر القديمة و المنيل ....

ياريت حد يرصد ...ياريت حد يحلل ...ياريت حد يقول هى الحكاية اية....

صحيح انتخابات شيكا بيكا .....

[الأفوكاتو]

و ستكون نتيجة التصويت 99.9 فى المائة من مجموع أصوات أهل "الدايرة"

[kfaya]

يا استاذ افوكاتو , الانتخابات دى بدون نسبة نجاح مثل الاستفتاءات ...

و لكن فقط ينجح من يحصل على اعلا الاصوات ....

تدنى نسبة التصويت هو الشيئ الغير عادى و الغير طبيعى و الغير كل حاجة ...

[الأفوكاتو]

يا عزيزى كفاية, هذا بالضبط ما قصدت قوله

فسوف يحصل مرشح الحزب الحاكم على 99.9 % من عدد أصوات الدائرة, بغض النظر عن نسبة الحضور.

الم تسمع عن المعجزات؟؟؟ :rolleyes: :P mfb:

[ragab2]

شورى ايه

دى لعبتهم من زمان والشعب تعب من هذه اللعبة

والمرشحين همة همة وسواء أدلى العدد كله بأصواته سوف لا يؤثر على النتيجة المحسومة مسبقا فلا داعى يتركوا أعمالهم أو يخرجوا من بيوتهم ليشتركوا فى هذه التمثيليات المكررة

من عشرون عاما ويرشح شخص واحد نفسه عن الحزب الوطنى فى منطقتنا لا يتغيير ولا نرى وجهه

عليه العوض

[يحييي النرش]

يا ليت أحزاب المعارضه تفهم أن الانتخابات فى مصر هي عملية ديكور ديمقراطى للحزب الحاكم مهما أخذوا من وعود لإدخال نسبة معينة فى تشكيلات هذه المجالس لقد وعدنا نحن هذا من قبل وللأسف لم يصدق وعدهم ولا مرة واحدة وقد وعدنا هذه المرة أنه فى مقابل عدم التقدم ستعاد الانتخابات المحلية وأعتقد أن هذا عشم إبليس فى الجنة والأيام بيننا . فلا مفر أن تعلن جميع الأحزاب المعارضه رفضها التام لدخول أي انتخابات حتى ينصلح النظام الانتخابى برمته ليبقى الحزب الوطنى ولاعبوه من الأصليين والمستقلين عنه باللعب وحدهم

يحيى النرش

[White heart]

هل يوجد أى اتفاقيه، أو معاهدة ما سواء مع دول الجوار، أو غيرهم، تخول لأى مجموعه من المواطنين لديها أى شك ما تجاه أى انتخابات لدينا، أن تطلب مثلا هيئه رقابيه - أو حتى قضائية من دولة أو أكثر كى تشرف على تلك الانتخابات أو غيرها؟؟ أستطيع تخيل ان مثل هذا الأمر قد يندرج تحت التدخل فى الشئون الداخلية، و لكن هل فى ظل أى اتفاقيات أو معاهدات يظل الأمر يندرج تحت هذه النقطه؟

و ما هى مراحل التقاضى، أو الطعن يلجأ اليها نفس هؤلاء المواطنين داخليا، فى حالة تشككهم من صحة أى نتيجة انتخابات؟؟ و هل حدث مثل هذا الأمر فعلا من قبل، و عن ماذا أسفر؟

[الأفوكاتو]

حاول ذلك بعض أعضاء المعارضة,

ووجدت المحاكم أنهم على غير حق,

و أن الأنتخابات أجريت تحت إشراف قضاة شرفاء, وأتضح ان الشكاوى ليست سوى تعبير عن خيبة الأمل فى الحصول على المقعد,

أى عنب الديب.

[kfaya]

وايت هارت ....

تواجد لجنة أو منظمة دولية لمراقبة سير العملية الانتخابية فى بلد ما لابد أن يكون بموافقة تلك الدولة التى تريد تأصيل و تأكيد مبدأ الحيادية و نزاهة الانتخابات ... وقد حدث و يحدث ذلك باستمرار فى معظم دول العالم الثالث حديثة العهد بالديموقراطية للحصول على شهادة دولية بنزاهة تلك الانتخابات , و بالتالى من المكن أن تصنف كدولة ذات مصداقية و شفافية ... وحدث ذلك مؤخرا فى كينيا و طبعا يحدث باستمرار فى جنوب أفريقيا ...

الطعن فى نتيجة التصويت و أعلان النتيجة مكفول لجميع المرشحين , حتى الوصول لمحكمة النقض و لكن العبرة فى من سيكون على عاتقة تنفيذ تلك الاحكام , و تلك قصة أخرى يطول شرحها قد قننها المرحوم رفعت المحجوب رئيس مجلس الشعب السابق بمقولة أن المجلس هو سيد قرارة و هو الحيد الذى من حقة أن يفصل فى صحة أعضاءة , ولة كل الحق فى تجاهل أحكام محكمة النقض ...

كلمة أخيرة ..... منذ تولى رجال القضاء الاشراف الكامل على العملية الانتخابية قد أختفى تقريبا التزوير بصورتة المعروفة و المباشرة التى كان يتم بها , و عندى على ذلك أدلة كثيرة .... و لكن عدم التكافؤ بين المرشحين و الاحزاب يأخذ صور أخرى فيها باستمرار انحياز فج لمرشحى الحكومة من ناحية الاعلام و الدعاية و حرية الحركة وسط الناخبين .

[kfaya]

سقوط مرشحى الحزب الوطنى الاثنان فى الاعادة .....

وفاز مرشح عن حزب التجمع و الاخر مستقل ......

و كما توقعت جرت عملية التصويت و الفرز حتى اعلان النتيجة تحت اشراف كامل من القضاء , و الذى اسفر عن تلك النتيجة المفاجئة .

و برضة نسبة الحضور لم تتعد 2%

[se_ Elsyed]

طب تعالى كده يا كفاية وإسأل أي حد على قهوة السواقين أو قهوة المعاشات اللي فيها ناس مثقفين برضوا والاتنين بأجلس عليهم لما بأكون فاضي .. وإسأل الناس المصريين الحقيقيين السؤال التالي " إلا قولي يا حاج بُرعي .. تفتكر إيه هو دور مجلس الشورى ؟ "

الحاج بُرعي : طب مافيش إختيارات يابيه اللهي يستر عرضك ؟

- بلاش السؤال الغلس ده ... طب ما هو دور مجلس الشعب ؟

الحاج بُرعي : لأ دي انا حافظها صم ... مجلس الشعب مابنسمعش عنه إلا كل 4 سنين لما المسترشحين بتوع دايرتنا ينزلوا ومعاهم قماش بفته مكتوب عليه حاجات علشان نرشحهم وبيوعدونا بـ 50 جنية للصوت الواحد وإن اللي هايفوز فيهم هايصلح المجاري اللي ضاربه في الحتة ... وكمان ساعات بأفتح التليفزيون ألاقيهم ذايعيين جلسات وفي واحد كبير قاعد فوق وماسك جرس وشاكوش زي ما يكون بتاع مزادات .. وبالأقي في واحد تاني تخين وبكرش واقف في الصالة وعمال يزعق ويقول علي الطلاق الحزب الوطني حلو وإنتوا أشرار ومستأجرين علينا ...

كده يعني .

شكراً يا حاج بُرعي .. روح كمل شد في الشيشة اللي قدامك .

[kfaya]

يا حاج برعى كفياك شد فى الشيشة ... قلبك هيتقطع ....

قولى يا حاج برعى .. اية رأيك فى الامريكان و اللى عاملينة فى العراق ؟؟ يعجبك ؟؟

طب لما هو مش عاجبك مش لازم تلحق و تغير من نفسك شوية بدل ما تلاقى الدنيا متطربقة على راسك ...

بنقولك مفيش تزوير و لعب فى الصناديق .... مش مصدق أسأل الجماااعة أصحابك اللى قاعدين هناااك ... أهم اللى هناك فى أخر القهوة .

و بعدين الحكاية مش بلاعة مجارى و طفحت يا حاج برعى ... ده مستقبل البلد و ارواح ناس و ممتلكاتهم , ممكن الدنيا تولع فى ثانية , وساعتها لا هينفع جنيه و لا هيشفع ريال .

و لو كان السواقين و المعاشات هما اللى هيمشوا البلد , يبقى الفلاحين و العمال أرحم .....

عموما اللى كنت عايز اقولة ان حاليا مفيش تزوير زى اللى كان بيتم لغاية خمس سنين فاتت , ومش معقول يا حاج برعى و انت قاعد فى القهوة طول السنة معرفتش ان فية اسماء كبيرة سقطت فى الانتخابات .

عايزين شوية ايجابية يا حاج برعى و بلاش اليأس ده و ندعوا جميعا لضرورة تغيير حكامنا بالاسلوب الديموقراطى اللى احنا بننادى بيه .

أبو كرش ده , لو أجمع أهل دائرته على اسقاطة .. ممكن يطير و يلبس الجلابية و يقعد فى بيته ....

المظاهرات المدمره و حرق الاوتوبيسات و قتل السياح لن يودى بنا الا الى التهلكه .

أنده بقى على الواد حوده ... عشان يغيرلك .. مية الشيشة يا حاج برعى .