المفتي د. على جُمعه : كل البنوك العاملة فى مصر ليس فيها ربا

[se_ Elsyed]

!!!!!!!!!!!!!!!!!!!!!!!!!

أفتى مفتى الجمهورية رداً على سؤال هل للزوج الحق فى مرتب الزوجة، قال: الزوج ليس له الحق فى مرتب زوجته العاملة، كما قال رداً على حكم العائد من البنوك، هل هى ربا أم لا قائلا: كل البنوك العاملة فى مصر ليس فيها ربا بعد قانون الجهاز المصرفى الصادر فى عام 2004.

حلال الله أكبر

أومال اللي موجود دلوقت ده إيه

شاي بلبن ؟؟؟؟؟

الموضوع ده بقى ممل ويدل على فشل علماءنا في تفسير ما هو الربا ... وتقديم البديل إذا كانت البنوك الموجودة مش عاجباهم

أو شرح البنوك الحالية حلال ليه

وما حدش يقول لي ما تتعاملش مع البوك وشغل فلوسك أو معاشك أو تحويشة عمرك في مشروع .. لإن مش كل الناس تجار أو بيعرفوا إدارة أو تيحملوا مخاطرة أو عندهم رأس المال الكافي للتجارة

وما حدش يقول لي خبيهم تحت البلاطه

او أشتري بهم ذهب

البنوك أصبحت واقع وحقيقة ولا يُمكن الأستغناء عنها في قطاعات كبيرة من الأنشطة اليومية للناس والإقتصاد ...

عارف والله إن الموضوع ده قُتل بحثاً في جميع المنتديات والمواقع وكلنا بندور حوالين نفسنا ... لكن فعلاً بقيت أحس بإحباط من عدم وجود حلول حتى وقتنا هذا ..

حتى إن مسميات مثل " بنك فيصل الإسلامي " مثلاً ... أعتبرها شيء وهمي ...

وكل من درس إقتصاد يعرف ذلك .. لإن ببساطة كل تلك البنوك بمسمياتها المختلفة تعمل تحت مظلة البنك المركزي وتتعامل يومياً مع البنوك الداخلية الأخرى .. وأيضاً البنوك الخارجية .. وتقوم بالإقراض والأقتراض

طب إيه الحل طيب ؟

[قلب ابيض]

اعمل زيى ....

هات بيهم حمام وطيره :blink: ...

[dongol]

اعمل زيى ....

هات بيهم حمام وطيره :blink: ...

أنا هجيب بيهم حمام و هاكله

ينفع ولا لازم اطيره

احنا مش عارف مصعبين الموضوع علي نفسنا ليه

في بنوك اسلاميه و كل بنك منهم فيه لجنة فتوي

يعني لو حطيت فلوسك في اي بنك منهم مش هيبقي في مشكلة

مش عارف حاسس ان احنا بنصعب الامور علي نفسنا مع ان ربنا مسهلها وبدال فيه فتوي فكل واحد ليه الحق ياخد بيهااو ما ياخدش حتي لو الفتوي غلط لان في الاخر ربنا هيحاسب الشيخ اللي قالها

تم تعديل 1 سبتمبر 2010 بواسطة dongol

[تامر مصطفى]

اعمل زيى ....

هات بيهم حمام وطيره :blink: ...

ردك قوي كالعادة ويحمل في باطنه تعبيرات وايحاءات

والله انا ايام ما كنت بحط فلوس في البنوك كنت باتبرع بالفوايد وبعد كده خاصمت البنوك الى ما لا نهاية

[hOuSsAm]

انا فاكر كان فيه خطبة لمحمد حسان قال فيها حطوا فلوسكوا فى بنك فيصل

ولكن الحل ,,,,,,,

انا مش عارف الحل فين ولكن ناوى فى المستقبل ادرس اسهم ومشتقات مالية ولو معايا فلوس عايز ادخرهم هدخرهم فى الاسهم وساعتها بقى على حسب الهدف من الفلوس استثمار قصير الاجل ولا طويل الاجل

بس اللى يدخل الليلة دى بصراحة لازم يكون دارس وفاهم كويس عشان ميلبسش اسود (اسود بلاك كمان)

كتير بيقول عن مجال الاستثمار فى الاوراق المالية انه نصب او الخسارة فيه مضمونة

وانا شايف انه بالعكس مجال ممتاز بشرط اللى يدخله يكون محدد هدفه منه الاستثمار فيه ويكون قارى كويس ويكون فاهم اصول اللعبة

غير كدة ايه البديل ..... الله اعلم

------------------------------------

المشكلة كمان انه كان من 5 او 6 سنين الاستثمار العقارى هو اكتر استثمار امن الناس اللى متعرفش فى التجارة تعرف تحط فيه فلوسها وتقدر تحولها لسيولة (كاشات) فى اى وقت هى محتاجة الفلوس دى

دلوقتى واظن لفترة مستقبلية طويلة (من خلال رؤيتى للاقتصاد الحالى وانماط المستهلكين) معتش حد يقدر يستثمر فى العيارات ويحول فلوسه لكاشات الا فى حالات خاصة او بتتطلب وجود ظروف (يكون العرض لقطة من الاخر) لكن غير كدة بقى موضوع البيع صعب

-----------------------------------

دلوقتى الناس اللى معاها فلوس (واقصد بهم صغار المستثمرين) ومعظمهم تحت شريحة العاملين فى الخارج وكبار الموظفين من العاملين فى الداخل بيجدوا صعوبة فى استثمار اموالهم لان الاستثمار العقارى وقع وكمان الاستثمار فى الاوراق المالية صعب حد يدخل فيه بدون علم وفهم كويس (كويس جدا كمان) ويكون محيط بالظروف الاقتصادية والسياسية للمكان اللى عايش فيه

فبيتجهوا لاسهل الامور وهو الاتجاه للودائع البنكية وهى اقل مخاطرة بالنسبة للاختيارات الاخرى واقل عائد (بالاضافة انها استثمارات ربوية ده حسب متعلمنا)

الحل فين: الحل مش فى ايد فرد او منظمة بعينها ولكن فى رايي الحل فى ايد الحكومة او دولة واللى هى انها تطرح بدائل للاستثمار تتناسب مع صغار المستثمرين تكون معقولة فى درجة المخاطر او عالاقل امنة

تحياتى

[أسد]

المفتي قال إن البنوك الموجودة في مصر حلال

خلاص ..

يبقى هو كده

لا ينبغي أن نتصدى نحن لمقارعة فتوى المفتي .. وشيخ الأزهر .. والمفتي لاسابق .. وشيخ الأزهر السابق

وعلى كل الأحول ..

كل واحد حر .. يعمل إللي هو عايزه

لكن بدون أن يقوم بالتشكيك في فتاوي كبار علماء المسلمين

[شريف مان]

طيب بلاش الفوائد

بالنسبة للقروض الدنيا كلاها اجمعت على انها حررررام الا للضرورة سواء سلف او حتى ازهرية

اول امبارح وانا بتسحر شوفت برنامج كان فيه واحد اسمة مبروك عطية ودا من علماء الازهر

فاتصل واحد قاله عايز آخد قرض فهل دا حلال وللا حرام

فرد الشيخ الدكتور الازهرى كان ايه

ليه بتقول قرض !! هتقولى قرض هقولك حررررام

أنما دا اسمه تمويل!!!!!!!!!!!!! ودا حلالالالالالالال

:lol:

[shiko]

....لو سمحتم ممكن اقول رأيى الشخصى .....الاجتهادى ....

اللى قدرت اوصله ..بعد البحث والتفصيص والتمحيص ....

مارأيته بعين الحقيقة داخل البنوك بعد عشرااااااااااات السنين

علاوة على اجتهادات اقتصادية بميزانيات البنوك...ودراسة طبعا ...

اولا فيما يخص البنك المركزى :

وده البنك اللى بيحدد سعر الفائدة على مستوى البنوك حتى الاسلامية وده بناءاَ على المعطيات لكل بنك (بالبلدى كده الميزانية وحجم الوداع ومؤشرات الادخار و معدلات التضحم)

ثانيا فيما يخص البنوك الربوية (زى مابيقولوا عليها )

محدش يقولى ان البنوك بتحط فايدة ثابتة ...لان الفايدة من 10سنين كانت حاجة ودلوقتى بقت 9%بالمتوسط ...يعنى اذا الفايدة موش ثابتة ....

طيب اومال ال9%....؟؟دى ياجماعة بعد مايحط عامل اسمه عامل المخاطرة (بيتاريسك ) وبكده حضرتك بتتحمل جزء من المخاطرة فى الخسارة ختى لو المشروع ماخسرش...يعنى المودع قبل مايحد 9% شايل فى الخسارة بنسبة ثابتة برضه ...

ثالثاً البنوك الاسلامية

وده بقى ...اللى موش عاوزة اتحمل وزر الحديث عنها ...غير انه يكفى انى اقول انها بتشيل فلوسها فى البنك المركزى وتاخد عنه فايده ثابتة ....وتدى العملاء جزء منها ...وقلما لما تشوف مشاريع استثمارية كبيرة لبنك اسلامى ...الموضوع مبنى على اساس تدوير الفلوس موش اكتر ...

وعلشان ابقى قلت الحقيقة كاملة الميزة الوحيدة فى البنوك الاسلامية انها موش بتدخل فى مشاريع خمور او ما شابه ....واللى بيتعامل مع البنوك دى بيبقى عمل اللى عليه والوزر على اولى الامر ...

اخيرا ....بقى ان اقول ....الله ورسوله اعلى واعلم

تم تعديل 1 سبتمبر 2010 بواسطة shiko

[أبو حميد المسافر]

.[/bثالثاً البنوك الاسلامية

وده بقى ...اللى موش عاوزة اتحمل وزر الحديث عنها ...غير انه يكفى انى اقول انها بتشيل فلوسها فى البنك المركزى وتاخد عنه فايده ثابتة ....وتدى العملاء جزء منها ...وقلما لما تشوف مشاريع استثمارية كبيرة لبنك اسلامى ...الموضوع مبنى على اساس تدوير الفلوس موش اكتر ...

وعلشان ابقى قلت الحقيقة كاملة الميزة الوحيدة فى البنوك الاسلامية انها موش بتدخل فى مشاريع خمور او ما شابه ....واللى بيتعامل مع البنوك دى بيبقى عمل اللى عليه والوزر على اولى الامر ...

اخيرا ....بقى ان اقول ....الله ورسوله اعلى واعلم

bv:-

[عادل أبوزيد]

الموضوع بالتأكيد قتل بحثا لسنوات طويلة و قد أسهبت الفاضلة شيكو فى الشرح

ما سبق كان إستهلالا لابد منه

بالنسبة لإيداع أموالك فى البنوك فالأمر هو إستثمار فى البنك و ليس إقراضا للبنك و كما قلها فضيلة الشيخ سيد طنطاوى أظن أوائل الثمانينيات "إنتم عمركم شفتم بنك بيخبط عليك الباب و يقولك سلفنى ؟" و ما تحديد الفائدة مسبقا إلا لضمان الحقوق حيث أن الإدارة و تقنيات الإحصاء يمكن التنبؤ بنسبة الربح و الخسارة و توزيعها على عدد كبير من المشاركين فى الإيداع فى البنك.

[أبو حميد المسافر]

الموضوع بالتأكيد قتل بحثا لسنوات طويلة و قد أسهبت الفاضلة شيكو فى الشرح

ما سبق كان إستهلالا لابد منه

بالنسبة لإيداع أموالك فى البنوك فالأمر هو إستثمار فى البنك و ليس إقراضا للبنك و كما قلها فضيلة الشيخ سيد طنطاوى أظن أوائل الثمانينيات "إنتم عمركم شفتم بنك بيخبط عليك الباب و يقولك سلفنى ؟" و ما تحديد الفائدة مسبقا إلا لضمان الحقوق حيث أن الإدارة و تقنيات الإحصاء يمكن التنبؤ بنسبة الربح و الخسارة و توزيعها على عدد كبير من المشاركين فى الإيداع فى البنك.

أيوة يا باشا البنك بيخبط على باب بيتي وعلى دماغي كمان

زي شركات المحمول والمأكولات والملابس والمشوبات وكل دووووووووول

بالعروض والخصومات والاعلانات والاغراءات

وما هو البنك الا وسيط بين المقرض والمقترض ؟؟؟ wst::

[Om Zayd]

المفتي قال إن البنوك الموجودة في مصر حلال

خلاص ..

يبقى هو كده

السلام عليكم

إضافة مهمة... بشرط أن تعتقد في صحة دين و عدالة و علم من أفتاك

أي أنك لا تأخذ الفتوى لمصادفتها هوى لديك "و الوزر على من أفتى" هذا بفرض أنك لا تستطيع تمييز الدليل أو القطع برأي

[Om Zayd]

المفتي قال إن البنوك الموجودة في مصر حلال

خلاص ..

يبقى هو كده

السلام عليكم

إضافة مهمة... بشرط أن تعتقد في صحة دين و عدالة و علم من أفتاك

أي أنك لا تأخذ الفتوى لمصادفتها هوى لديك "و الوزر على من أفتى" هذا بفرض أنك لا تستطيع تمييز الدليل أو القطع برأي

[أبو حميد المسافر]

المفتي قال إن البنوك الموجودة في مصر حلال

خلاص ..

يبقى هو كده

السلام عليكم

إضافة مهمة... بشرط أن تعتقد في صحة دين و عدالة و علم من أفتاك

أي أنك لا تأخذ الفتوى لمصادفتها هوى لديك "و الوزر على من أفتى" هذا بفرض أنك لا تستطيع تمييز الدليل أو القطع برأي

ما شاء الله

بارك الله فيك

[yasser moustafa]

اختلاف العلماء ... رحمة

وفى نهاية الأمر ... استفتى قلبك ولو افتوك

يعنى ارملة ليس لها بديل الا إدخار ما تملكه من مال الا بايداعه احد البنوك والعيش من العائد

يعنى كل حاله ولها ظروفها

[قلب ابيض]

اعمل زيى ....

هات بيهم حمام وطيره :blink: ...

ردك قوي كالعادة ويحمل في باطنه تعبيرات وايحاءات

والله انا ايام ما كنت بحط فلوس في البنوك كنت باتبرع بالفوايد وبعد كده خاصمت البنوك الى ما لا نهاية

فى اول التسعينات عملت وديعه بمبلغ ما وقلت العائد بتاعها اسدد به متطلبات شهريه لنا هنا واحنا مسافرين

وحجيت وعرفت من وقتها انها حرام ..فأرسلت لوالدى انه يطلع العائد كتبرع لحين وصولى مصر

..رجعت مصر افك الوديعه او بمعنى اخر اصفيها .. وطلبت راس المال فقط طبعا خسرت منها مبلغ مش هين خالص وسط تعجب موظفين البنك

اقسم لكم بالله ربنا فرجها على فرج وقتها من حيث لا ادرى ..اعتيروها صدفه او قدر او ارتياح نفسى منى للى حصل ..المهم انى من وقتها لا اتعامل مع البنك كفوائد وحسابى جارى والحمد لله عمره ما مر عليه سنه وهو زى ما هو ........................ززززدايما بيقل

بس فى الخير الحمد لله

اخيرا ....زاستفتى قلبك وبارك اله فيما رزق :)

[MOOOM]

االسلام عليكم ورحمة الله بركاته

الواحد مش عارف ياخد برأي مين في الآخر .. مرة الواحد يقول لنفسو إن اختلاف العلماء رحمة .. لكن للأسف العلماء هنا أنا عن نفسي لا أقتنع بآرائهم وفتاويهم .. خاصة بعد الفتاوي التي ظهرت من شخصيات لها وزنها في الأعوام السابقة [ ولا داعي لذكرها هنا ] وعندما تظهر فتاوي مسيسة فلا يصح لعاقل الأخذ بها .. ولكن نقول أيضاً الضرورات تبيح المحضورات .. يعني لو واحد تايه في الصحراء ولقا كلب ميت .. يجوز له أن يأكله حتى لا يموت من الجوع [ هذه ليست فتوى مني لكن مجرد رأي يمكن صح أو غلط ] وهه الحالة تنطبق على الأرملة التي لا تملك تجارة ولا دخل غير مبلغ مودع في البنك تعيش على ريعه .. أو شخص لا يملك خبره في التجارة فيضع ماله في بنك أيضاً لنفس الغرض .. لا نقول هنا في هذه الحالة أنه حلال عموماً ولكن وقتها نقول الضرورة تبيح المحضورات .. ولا يعمم بشكل عام .. والله تعالى أعلم .

وفي ناس تانية بتقول إن أساس الحرمانية هو تحديد نسبة الربح في الوديعة أياً كانت .. حتى لو افترضنا أنك أخذت سلفة من صديق وقلت له هشغلهالك في مشروع مقابل أنك [ صاحب رأس المال ] تأخذ مثلاً 30% .. فلغاية هنا مش واضح حلال ولا حرام .. لكن لو قلت 30% من رأس المال .. فده حرام .. لكن لو قلت 30% من الأرباح فهذا ليس حراماً ولا يعتبر ربا .. لأنه في الحالة الأولى تعتبر ربا لأن صاحب رأس المال عرف مسباً أنه أعطاك 10 قروش وهياخدها 13 قرش .. لكن الحالة الثانية لا يعرف المبلغ هيرجع كام بالتحديد وهذه تجارة .

وفي الأخر أحب أن أوضح مرة ثانية أنا لست عالم دين ولا مفتي وهذا مجرد رأي شخصي فقط لا غير .. وأنا أيضاً محتار في موضوع مش عارف ألاقي له حل هنا وأسف على خروجي ع الموضوع وهو .. لما تروح تخلص مصلحة .. والمصلحة دي مش هتخلص إلا لما تدفع المعلوم .. وإلا حالك ومصلحتك هتتوقف .. يبقى كدة بردو الراشي والمرتشي في النار ؟؟؟ ولا الوضع يختلف ؟؟ ياريت لو حد عندو رأي يفيدني به .

وجزاكم الله خيراً ,,

[Guest sofy]

السيد الفاضل سى السيد.

ممكن حضرتك تورينا دليل او اثبات ان الدكتور على جمعة أصدر مثل تلك الفتوى؟ حتى لا يصبح هناك كلام مرسل بلا دليل.

تم تعديل 2 سبتمبر 2010 بواسطة sofy

[Diab]

كفاية الصورة دي هشان نعرفه

عرفته بقي لازم تاخدوا دينكم منين

رابط الخبر

http://www.youm7.com...sp?NewsID=77387

وده لينك لتعريف أندية الليونز من ويكيبيديا

http://ar.wikipedia....%84%D9%8A%D8%A9

بالمناسبة حد عايز يعرف رجال الأزهر

الإمام محمد مصطفى المراغي.. همّ الأمة ، لا همّ المنصب

http://www.islamicnews.net/Document/ShowDoc08.asp?DocID=94983&TypeID=8&TabIndex=2

[se_ Elsyed]

السيد الفاضل سى السيد.

ممكن حضرتك تورينا دليل او اثبات ان الدكتور على جمعة أصدر مثل تلك الفتوى؟ حتى لا يصبح هناك كلام مرسل بلا دليل.

حاضر من يعني

اليوم السابع