طلب المشورة لعقد عمل بالسعودية

[himahamid]

السلام عليكم

كنت طالب رأيكم فى العقد اللى معروض علية

العقد ب مكتب الدكتور محمد كرسوم للاستشارات كأخصائى دعم فنى للحاسب الآلى.

http://www.mkg.com.sa/consulting.html

المرتب 2500 ريال و السكن و المواصلات عليهم.بس ما ذكروش حاجة عن البدل يعنى هما هيوفروا السكن و المواصلات لكن لو انا مش راضى بيهم مش عارف هيبقى فية بدل و لا لأ.

الاجازة 30 يوم بعد سنتين التأمين الصحى و تذاكر الطيران عليهم .

التأشيرة عامل.

العمل هيكون فى مدينة ينبع فيا ترى المبلغ دة يكفى العيشة هناك و لا اية رأيكم.

تم تعديل 3 سبتمبر 2010 بواسطة himahamid

[خالد التهامى]

الاخ العزيز

الرجاء منك تكملة البينات الخاصة بيك مثل هل انت متزوج عندك اولاد وكم عددهم وهل هم فى مدارس حتى يمكن اعطاء صورة واضحة لك

[خالد التهامى]

الاخ العزيز

الرجاء منك تكملة البينات الخاصة بيك مثل هل انت متزوج عندك اولاد وكم عددهم وهل هم فى مدارس حتى يمكن اعطاء صورة واضحة لك

[himahamid]

انا سنى 28 سنة و اعزب و معايا بكالريوس تجارة 2004 جامعة عين شمس

و بشتغل فى مجال ال IT & technical support

بس بصراحة بقالى فترة هنا مش عارف اوصل لحاجة فى مصرنا الجميلة دى

انا عارف انا المرتب يعتبر اول خطوة فى المرتبات المقبولة و التأشيرة كعامل دى ليها مشاكلها بس المضطر يعمل اية.

تم تعديل 3 سبتمبر 2010 بواسطة himahamid

[se_ Elsyed]

انا سنى 28 سنة و اعزب و معايا بكالريوس تجارة 2004 جامعة عين شمس

و بشتغل فى مجال ال IT & technical support

بس بصراحة بقالى فترة هنا مش عارف اوصل لحاجة فى مصرنا الجميلة دى

انا عارف انا المرتب يعتبر اول خطوة فى المرتبات المقبولة و التأشيرة كعامل دى ليها مشاكلها بس المضطر يعمل اية.

يعني إيه مضطر ؟

يا عزيزي العقد مخالف للقانون اللي بيقول إن الحد الأدنى للأجازة السنوية المدفوعة هو 21 يوم سنوياً مع تذكرة ما لم يتفق الطرفان على ما هو أكثر من ذلك ...

ولا مؤخذه عمال الشاي والنضافة عندنا بياخدوا الـ 21 سنوياً

ومهنة عامل دي هاتأثر على كل تحركاتك هنا

ومن أبسط حقوقك إنك تستفسر عن بدل السكن والأنتقال وما تعملش زي كتير ما بيعملوا ويتلفهوا على السفر وييجوا على عماهم ويفاجئوا هنا بشروط قاسية مجحفه أشبة بصكوك العبودية ...

وقلنا مليون مره ... أن الواحد ياكلها بملح في بلده أحسن ما ييجي يتمرمط هنا عند شيء إسمه كفيل يحتفظ بجواز سفرك ويسجنك في سجن العبودية وتقول ياريتني ما خرجت من بلدي

يا جماعة والله العظيم حرام وظلم للنفس إن الواحد يفكر في السفر لمجرد السفر فقط بدون حتى ما يقرأ الكاتالوج بتاع السفر ولا يعرف هايحصل له إيه في بلاد لا يعرفها ولا تعرفه

[himahamid]

كلامك حضرتك وصلنى بس انا اللى ما سألتش كتير لأنى معرفش اية اللى المفروض اسأل علية .

لكن لسة عندى بكرة المفروض انى اقول شروطى و هما حرين يقبلوا أو يرفضوا.

فبخبرة حضرتك المفروض تكون طلباتى فى مواضيع اية بالظبط عشان اكون محدد و واضح.

بالنسبالى فى كذا حاجة

أولا موضوع الفيزا عامل دى مشكلة لأنهم فى المقابلة كان كلامهم ان التأشيرة هتكون مدرب تجارى بما انهم مركز استشارات و تدريب لكن دلوقتى بيقولولى ان الفيزا مدتها خلصت و المتوفر فقط عامل و عشان يجيبوا فيزا مدرب تجارى تانى مش اقل من 6 شهور فبفكر انى اصر انها تكون زى ما هو كان متفق علية.

ثانيا موضوع المرتب الزيادات هتكون نظامها اية و هل هيكون فى مكفآة سنوية و لا لأ.

ثالثا السكن هيكون مشترك أكيد بس اقل ما يكون ان يكون ليا غرفة مستقلة و كام هيكون بدل السكن اذا حبيت اسكن لوحدى و بدل المواصلات بردة.

رابعا الاجازة لازم تكون سنوية بس انا كان فى دماغى انهم يبقوا 15 يوم لكن على حسب كلام حضرتك لازم يكونوا 21 يوم.

هل فى شىء غايب عنى لازم اطلبة او تنصحنى باية

و شكرا مقدما

[خالد التهامى]

الاخ العزيز

الاشياء التى يجب ان بشملها العقد

المرتب

السكن هل هو على الشركة او سيكون هناك بدل سكن مدفوع مدتة ثلاثة شهور من الراتب

التامين الطبى ودرجتة

وسيلة الموصلات هل هى على حساب الشركة او ان يكون هناك بدل مواصلات شهرى

الاجازة السنوية مدفوعة الاجر ومدتها

تداكرالسفر طيران

استقدام الزوجة

المكافئات او العمولات ان وجدت

يجب ان تكون مصاريف استخراج الاقامةعلى الشركة

[خالد شحاته]

طبعا مهنة عامل

اولا ملكش استقدام

ثانيا هطلب راتب كبير وانت مهنتك عامل ازي حتي لو مكتوب في العقد العقد بيكون مخالف علي الاقل لما اروح مكتب العمل اشتكي مش هقدر اقولهم انا جاي عامل وبشتغل كدا احسن حاجه يكون معك تاشيره بمهنة كويسه