هو انت يعني وراك ايه؟

[عبير يونس]

لما كنت باشتغل قبل الزواج كان كل ما يبقى في شغل زيادة (طبعا غير مدفوع الأجر) يبقى على طول الموظفات المتزوجات بيخلعوا فورا

و نلبسها احنا الآنسات

مع عبارة

هو انتي يعني وراكي ايه؟

على طول حكمت مديرتي بمنظورها الشخصي و قررت اني مش ورايا حاجة مهمة في حياتي تمنعني اشتغل بدال السيدات المتزوجات :blink:

هي شايفة اني مش ورايا حاجة

مين اللي اداها الحق ده؟؟؟

زوجي بيشتغل مدرس و مبيديش دروس خصوصية بعد الظهر

تلاقي دايما رنات موبايل لناس عايزة توصيلة لمشوار

مع عبارة

هو انت يعني وراك ايه؟ :ninja:

هو شايف انه مش وراه حاجة

و انه بسلامته اهم مننا لما يجي يسحبه من وسطنا و احنا بنتغدى أو بنتعشى عشان سيادته يوفر حق التاكسي

مين ادى له الحق ده؟

جارتي بتشتغل و انا كنت فترة قاعدة في البيت

عايزة تسيبلي ولادها عشان هي بتشتغل

مع عبارة

هو انتي يعني وراكي ايه؟

هي شايفاني فاضية و مش ورايا حاجة قالت تسليني شوية :lol:

منين جات لها الجرأة دي؟

يللا بقى حضراتكم

لازم تشتركوا في النقاش

هو انتو يعني وراكو ايه؟

wst::

لا بجد

انا مش ضد خدمة الناس لبعضها

انا بس ضد الاستغلال مع الاستخفاف

ايه رأي حضراتكم في النماذج دي؟ و ممكن تتصرفوا معاها ازاي؟

[Simba]

[font="Arial Narrow"]هي الحكاية في اغلب الاحيان ما تتعداش العشم وفي حالات قليلة بتوصل للاستغلال علي حسب الشخص نفسه اللي بنتعامل معاه

انا معايا في الشقة اتنين اخر استغلال لوقت فراغي الفارغ المضمون اساسا هما بيميزهم الكسل للخروج حتي البقالة لو حد فيهم راح البقالة لازم يحود علي اوضتي ويقول ما تيجي تنزل معايا هو صحيح مش بيقول وراك ايه يعني بس هو شايف ان مش ورايا حاجة وعلي كده كل المشاوير ما تيجي معايا وانا لو قولت لواحد فيهم يايلا ننزل كأني قتلت له حد :D

كل صغيرة وكبيرة عندهم في الكمبيوتر لازم يزعجوا فخامتي وينادوني احل لهم المشكلة مع ان بقالي 5 سنين اقولهم ان والله فهمي في الكمبيوتر علي قده بس مفيش فايدة ما انت قاعد فاضي

بس عادي يعني انا اكتر واحد مش وراه حاجة :D

تم تعديل 5 سبتمبر 2010 بواسطة سمبا

[ذهبية]

دة اية العشم المهبب دة دة مش عشم دة تطفل فى حياتى بلا اى استئذان و بدون اخد راى بالدراع و العافية يعنى

معلش انا بقى فى الحاجات دى رخمةةة قوى مع الرخم

مين قالك مش فاضية انا مشغولة جدا وورايا الف حاجة و اسفة جدا مش فضيالك شوف حد غيرى فاضى

بالكلمات دى هيكون ردى

علشان الباب يتقفل

على فكرة

اللى بيكون الاول ذوقيا منك بتعملية من كتر ما اللى قدام بيتعود علية لانك مش بتتكلمى بعتبرة بعد كدة فرض وواجب و لو ما اتعمل يبقى انتى مقصرةةة وممكن يزعل

و لية من الاول

[dongol]

الباب اللي يجيلك منه الريح سده و استريح

يعني العيب مش علي الناس العيب علي اللي بيوافق علي الأوضاع دي

يعني لو انا قلت في مرة لا انا مش فاضي الناس هتفهم اني مش قاعد فاضي علطول و مستني رنه منهم علشان البي طلباتهم

ولكن كل شئ في المعقول بيبقي كويس يعني لو فاضي و ليه نفس اخرج يبقي مفيش مشكلة لو ساعد اي حد يطلب مني المساعدة

[hOuSsAm]

والله انتى جيتى عالجرح

فعلا نفس المشكلة بتحصلى ويمكن فى الشغل كمان

استغلال للناس اللى عايشة لواحدها بصرف النظر اذا كان عندهم اهتمامات او اولويات تانية

ده على اساس اننا عايشين فى الحياة عشان الشغل وبس ومفيش ورانا اى حاجة تانية (والله لو ينفع اشترى 5 سعات زيادة عن اليوم بتاعى كنت اشتريتهم) بس فيه حدود للوقت

واجمل حاجة لما تلاقى اللى قدامك مستغرب هو انت وراك ايه (حاجة من اتنين لاما انت بتكذب عليه لاما لازم تقوله خطواتك المستقبلية خطوة بخطوة)

وتفضل بقى تحكيله اصلى رايح اودى الواد الحضانة عشان انا وعدته امبارح لما كان زعلان من مامته وقصة طويلة عريضة

وممكن يقترح عليك اقتراحات تانية طيب متاجلها يوم تانى وتيجى تعمل معايا الحاجة الفلانية (كدة ممكن اطلع السيخ المحمى واحطه فى صرصور ودنه)

للاسف مش بتعرف تقول غير انى مشغول ........ مشغول ياعم ومش لازم اقولك انا ورايا ايه

بس خلى بالكوا الكلام ده مش مع اى حد بمعنى ان فيه عشم بين الناس وفيه ناس بجد بتبقى محتجاك فى اوقات معينة او الشغل فعل محتاج نك تقعد وقت زيادة وده شغلك فمينفعش فى كل الاوقات نقول لاء ..... بيبقى لازم نماين المواضيع شوية

عشان لما نحتاج لحد نلاقى الناس معانا وحوالينا

ودى بنعرفها مع خبرة الحياة وبقينا بنعرف لو مين هيكلمك امتى هيبقى عايزك عشان ايه وهتقوله ايه

[عنبو]

اولاً

كل سنه وانتى طيبه

ثانياً

الموضوع اللى بيحصل معاكم ده بيحصل بسببكم انتم ايوز لان انتم اللى سبتم حقكم

يعنى ايه واحد علشان يوفر تاكسى ياخدنى من وسط مراتى وعيالى علشان اوصله !!!!!!!!

ده انا مش اعتذر ليه او اقوله مش جاى لا ده انا اوصل لحد البيت عنده واضربه وارجع انام تانى

الناس اللى زى دول لازم الواحد يدوس معاهم جامد

انا ليا واحد قريبى تقريباً نفس نظام زوج حضرتك طيب ومحترم قوى وبيتحرج يقول لاى حد لا

طبعاً لما بقعد معاه ضغطى بيرتفع لان الناس بتستعبط بجد

عنده واحد صاحبه كل لما يشوف حاجه زياده عنده يقوله متجيبها وياخدها منه

والمشكله ان اللى بياخد الحاجه ده مش محتاجها بس هنقول ايه للناس !

مافيش احسن ان الواحد يدوس مع الناس دى ويعاملهم بقلة زوق يعنى من الاخر

يجليط معاهم بنفس اللفظ

انا بدوس قوووووووى مع الناس دول يعنى ممكن واحد يجيى يقولى بعد اذنك اقوله لا عادى فى وشه

اما الناس المحترمه فدول الواحد يشيلهم على دماغه من فوق

انا فيه ناس اقاربى واصحابى لو اتصلوا بيا فى اى وقت اروح لهم على طول بدون تفكير اساسا

بس ده لانى عارف ان موضوع الاستغلال مش وارد عندهم اساسا وهم لما بيتصلوا فعلا بيكون عندهم ظروف

تحياتى

عنبو وهو مضايق

[عبير يونس]

[font="Arial Narrow"]هي الحكاية في اغلب الاحيان ما تتعداش العشم وفي حالات قليلة بتوصل للاستغلال علي حسب الشخص نفسه اللي بنتعامل معاه

انا معايا في الشقة اتنين اخر استغلال لوقت فراغي الفارغ المضمون اساسا هما بيميزهم الكسل للخروج حتي البقالة لو حد فيهم راح البقالة لازم يحود علي اوضتي ويقول ما تيجي تنزل معايا هو صحيح مش بيقول وراك ايه يعني بس هو شايف ان مش ورايا حاجة وعلي كده كل المشاوير ما تيجي معايا وانا لو قولت لواحد فيهم يايلا ننزل كأني قتلت له حد :D

كل صغيرة وكبيرة عندهم في الكمبيوتر لازم يزعجوا فخامتي وينادوني احل لهم المشكلة مع ان بقالي 5 سنين اقولهم ان والله فهمي في الكمبيوتر علي قده بس مفيش فايدة ما انت قاعد فاضي

بس عادي يعني انا اكتر واحد مش وراه حاجة :D

والله حضرتك طيب اوي

المهم ان حضرتك مبسوط و مش حاسس انك متضايق من طلباتهم

[عبير يونس]

دة اية العشم المهبب دة دة مش عشم دة تطفل فى حياتى بلا اى استئذان و بدون اخد راى بالدراع و العافية يعنى

معلش انا بقى فى الحاجات دى رخمةةة قوى مع الرخم

مين قالك مش فاضية انا مشغولة جدا وورايا الف حاجة و اسفة جدا مش فضيالك شوف حد غيرى فاضى

بالكلمات دى هيكون ردى

علشان الباب يتقفل

على فكرة

اللى بيكون الاول ذوقيا منك بتعملية من كتر ما اللى قدام بيتعود علية لانك مش بتتكلمى بعتبرة بعد كدة فرض وواجب و لو ما اتعمل يبقى انتى مقصرةةة وممكن يزعل

و لية من الاول

كلامك صح يا جميل

و عن نفسي أنا كده

و لا يمكن ادي حد فرصة يجبرني اعمل حاجة انا مش عايزاها

المشكلة ان الناس دي كانت بتلف لي عن طريق زوجي المحترم :blink:

يعني لما اعتذر عن حاجة

الاقي زوج الهانم من دول يكلم زوجي يطلبها منه

و زوجي بقى يبتدي

كان الله في عون العبد ما دام العبد في عون أخيه

كلامه صح طبعا

بس انا باكره الأساليب الملتوية دي

يعني مثلا

واحدة عايزة تخرج الحديقة عشان تفسح ولادها

و عايزة ونس

و انا مش فاضية

تقوم تخللي زوجها يقنع زوجي بأهمية خروج الأولاد عشان يرفهوا عن نفسهم

و تكون النتيجة ان الاقي زوجي و الولاد شبطانين

و الاقي نفسي لابسة و خارجة غصبا عني :blink:

في حين ان نفس الانسانة دي

لما بتلاقي لاولادها بديل

مبتسألش فيا بالشهور

و تروح الحدائق مع ناس تانية

:ninja:

مرة كنت بأدي درس في البيت و عندي بنات مواعيدهم جت ورا بعضها

وكان ابني رضيع و باباه بيساعدني بانه يمسكه لحد ما اخلص الدرس

اتصلت بيا الهانم عايزة زوجي يروح لزوجها عشان عربيته عطلانة

قلت لها يا فلانة انا مشغولة جدا و زوجي مع الولاد

مفيش خمس دقايق

لقيت موبايل زوجي بيرن

اخينا طلبه بنفسه

و لاقيت زوجي بيقوللي الولد اهو نام و انه نازل لصاحبنا

md2:

[عبير يونس]

الباب اللي يجيلك منه الريح سده و استريح

يعني العيب مش علي الناس العيب علي اللي بيوافق علي الأوضاع دي

يعني لو انا قلت في مرة لا انا مش فاضي الناس هتفهم اني مش قاعد فاضي علطول و مستني رنه منهم علشان البي طلباتهم

ولكن كل شئ في المعقول بيبقي كويس يعني لو فاضي و ليه نفس اخرج يبقي مفيش مشكلة لو ساعد اي حد يطلب مني المساعدة

كلام حضرتك سليم 100%

كل شيء معقول كويس

بس والله يافندم في ناس مبيبطلوش و بيبقوا لزقة بغرا

و بتبقى أهم غلطة ان احنا عرفناهم من الأساس

و بيبقى لهم أساليب تخنق

و لازم نبقى رخمين و جافين كل مرة عشان نخلص منهم

احلى علاقات مع الناس اللي بتبقى متبادلة

مش لازم مصالح

حتى لو مشاعر متبادلة

اللي بيضايق صحيح اننا بنبقى عارفين ان الناس دي مبتعرفناش اللي وقت مصلحتها و بس

[عبير يونس]

والله انتى جيتى عالجرح

فعلا نفس المشكلة بتحصلى ويمكن فى الشغل كمان

استغلال للناس اللى عايشة لواحدها بصرف النظر اذا كان عندهم اهتمامات او اولويات تانية

ده على اساس اننا عايشين فى الحياة عشان الشغل وبس ومفيش ورانا اى حاجة تانية (والله لو ينفع اشترى 5 سعات زيادة عن اليوم بتاعى كنت اشتريتهم) بس فيه حدود للوقت

واجمل حاجة لما تلاقى اللى قدامك مستغرب هو انت وراك ايه (حاجة من اتنين لاما انت بتكذب عليه لاما لازم تقوله خطواتك المستقبلية خطوة بخطوة)

وتفضل بقى تحكيله اصلى رايح اودى الواد الحضانة عشان انا وعدته امبارح لما كان زعلان من مامته وقصة طويلة عريضة

وممكن يقترح عليك اقتراحات تانية طيب متاجلها يوم تانى وتيجى تعمل معايا الحاجة الفلانية (كدة ممكن اطلع السيخ المحمى واحطه فى صرصور ودنه)

للاسف مش بتعرف تقول غير انى مشغول ........ مشغول ياعم ومش لازم اقولك انا ورايا ايه

بس خلى بالكوا الكلام ده مش مع اى حد بمعنى ان فيه عشم بين الناس وفيه ناس بجد بتبقى محتجاك فى اوقات معينة او الشغل فعل محتاج نك تقعد وقت زيادة وده شغلك فمينفعش فى كل الاوقات نقول لاء ..... بيبقى لازم نماين المواضيع شوية

عشان لما نحتاج لحد نلاقى الناس معانا وحوالينا

ودى بنعرفها مع خبرة الحياة وبقينا بنعرف لو مين هيكلمك امتى هيبقى عايزك عشان ايه وهتقوله ايه

يا مرحب بحسام باشا

كلامك مضبوط جدا يافندم

المسألة فعلا محتاجة توازن

مش كل حد يطلب مننا حاجة يبقى رخم و مستغل

و مش أي تكليف من العمل بيبقى استقصاد من مديرك

فعلا الخبرة الحياتية بتخلينا نعرف نحدد و نوزن الأمور بميزان صحيح

[عبير يونس]

اولاً

كل سنه وانتى طيبه

ثانياً

الموضوع اللى بيحصل معاكم ده بيحصل بسببكم انتم ايوز لان انتم اللى سبتم حقكم

يعنى ايه واحد علشان يوفر تاكسى ياخدنى من وسط مراتى وعيالى علشان اوصله !!!!!!!!

ده انا مش اعتذر ليه او اقوله مش جاى لا ده انا اوصل لحد البيت عنده واضربه وارجع انام تانى

الناس اللى زى دول لازم الواحد يدوس معاهم جامد

انا ليا واحد قريبى تقريباً نفس نظام زوج حضرتك طيب ومحترم قوى وبيتحرج يقول لاى حد لا

طبعاً لما بقعد معاه ضغطى بيرتفع لان الناس بتستعبط بجد

عنده واحد صاحبه كل لما يشوف حاجه زياده عنده يقوله متجيبها وياخدها منه

والمشكله ان اللى بياخد الحاجه ده مش محتاجها بس هنقول ايه للناس !

مافيش احسن ان الواحد يدوس مع الناس دى ويعاملهم بقلة زوق يعنى من الاخر

يجليط معاهم بنفس اللفظ

انا بدوس قوووووووى مع الناس دول يعنى ممكن واحد يجيى يقولى بعد اذنك اقوله لا عادى فى وشه

اما الناس المحترمه فدول الواحد يشيلهم على دماغه من فوق

انا فيه ناس اقاربى واصحابى لو اتصلوا بيا فى اى وقت اروح لهم على طول بدون تفكير اساسا

بس ده لانى عارف ان موضوع الاستغلال مش وارد عندهم اساسا وهم لما بيتصلوا فعلا بيكون عندهم ظروف

تحياتى

عنبو وهو مضايق

أهلا أهلا بالحج عنبو بلدياتي

كل سنة و انت طيب يافندم

ما تتضايقش

جوزي اخيرا بقى يقول لا

بالفم المليان بقى يقول

مش فااااااااااضي

لما رجعت اشتغل من شهرين

كنت باشتغل فترتين

لأن زوجي أجازة و بيقعد مع الولاد

واحد من الناس اياها

كان لازق لنا بشكل ينقط

و نلاقيه يخبط علينا بعد العصر مباشرة

ميعاد الدوام التاني

انا من عادتي مش بحب التطفل و الفضول

كذا مرة يقوللو وصلني في الميعاد ده

و زوجي اعتذر له انه حيوصلني

فضل كام يوم ورا بعض

يجي في نفس الميعاد

ماهو مش كل يوم مشوار يعني :blink:

و طبعا بدا المحقق كونان يرتاب في مشاويري اللي كل يوم دي مع زوجي

لحد مرة ما ركب معانا العربية عشان زوجي يوصله بعد ما يوصلني

انا يومها كنت حأتشل

و قلت لزوجي انا حأنزل هنا (قبل مكان شغلي بشارع)

يومها بس زوجي حس انا اخينا عايز يعرف انا بأروح فين!!!

و بعدين يلاقيه مستنيه على باب العمارة و هو جاي يجيبني و يقول له وصلني السوبر ماركت

زوجي قال له انا رايح اجيب المدام

كنت يومها مستأذنة بدري ساعة

لاقاه بيقول له ده لسه ساعة على ميعادها!!!:ninja:

و مرة كان عايز زوجي ينزل يلف معاه على حاجات للعربية

زوجي قال له مينفعش اسيب البنت الصغيرة و مامتها برة عشان آجي معاك

قال له طيب بين الدوامين

:blink:

و فعلا لاقينا بيخبط بعد صلاة الظهر!!!

زوجي و لأول مرة من يوم ما اتجوزنا طنشه

و قال له لا

فضل كابس على نفسنا برضه

و يستنانا على باب العمارة

بجد انا فعلا دمي كان بيتحرق

دي كانت مراقبة بجد

المهم فجأة اختفى و لا حس و لاخبر

مرة زوجي قابل ابنه الكبير ( ابنه شاب و معاه عربية)wst::

قال فين بابا مش باين يعني

قال له اصل بابا اشترى عربية جديدة

smk:

تمت