مصر مش كبيرة عليك.. دى على مقاسك بالضبط

[shawshank]

الكوميديا في مصر بقت حلقات على مدار الساعة والواحد مش ملاحق ...

آخر حلقة اهيه ...

ده شعار (ودقن) المرحلة القادمة.

سي السيد... ليك علاقة بالحملة دي؟

لافتة تأييد على صالون حلاقة: «مصر مش كبيرة عليك.. دى على مقاسك بالضبط»

حصوله على الابتدائية فقط ومهنته البسيطة، ربما يتناقضان مع حديثه، الذى يبدو فيه مثقفا ملما بكل ما يحدث حوله، بل له آراء سياسية، أغلبها يؤيد جمال مبارك، ويناهض تلك الحملة التى انطلقت ضده تحت شعار «مصر كبيرة عليك» إذ يراها أفندينا الحلاق «بالعكس.. دى على مقاسه بالضبط».

أفندينا أو محمد التهامى ابن الـ32 عاماً يعمل حلاقا منذ أن كان فى السادسة عشرة من عمره، لكنه قبل 3 سنوات قرر أن يكون له رأى خاص فيما يحدث من حوله، وأول هذه الآراء أن يؤيد جمال مبارك بوضع صورة عملاقة له فى واجهة محله. ويبرر أفندينا موقفه السياسى هذا: «جمال مبارك هو خير من يحكم مصر فى الفترة المقبلة، فمنذ عهد الفراعنة لم يأت حاكم شاب لمصر، فضلاً عن أن كل التوقعات التى ظهرت له فى السنوات الأخيرة تؤكد أنه سيصبح نجما ساطعاً فى عالم السياسة، كما أن دوره فى الحزب الوطنى كأمين للسياسات يؤكد أنه صاحب عقل واع وقادر على تحقيق الكثير لهذا البلد».

وبينما يمسك برأس أحد زبائنه، أسهب أفندينا فى عرض آرائه التى تمنى على أساسها أن يكون جمال مبارك هو الرئيس القادم لمصر، ومن بينها: «عقول الشباب المصرى بها ألماظ لكن تحتاج من يزيل عنها الغبار كى يعرف كل شخص دوره ويقدم ما يفيد هذا البلد، وجمال مبارك هو الشخص الوحيد الذى لديه القدرة على تحقيق هذا، لأنه شاب ويعرف جيداً ما يفكر فيه الشباب، ومع احترامى الكامل للبرادعى، عايز أقوله الناس بتحترمك لأنك عالم فذ لكن ليس كل عالم ناجح يصلح لأن يكون رئيساً لمصر، وأعتقد أنك الآن خرجت إلى المعاش ومن حقك أن تستريح».

أفندينا يحرص دائماً على الحديث باللغة العربية الفصحى، ليعكس مدى ثقافته، يعتبر صالونه ليس صالونا للحلاقة بل للثقافة، ومبرره فى هذا: «منذ أن وضعت صورة جمال مبارك وكل زبون يدخل عندى يتحدث عن رأيه فى حال البلد، وفى جمال مبارك، توجد آراء تؤيد جمال مبارك وسعيدة جداً بالصورة لكن هناك أيضاً من يرفضه، وانقسام الآراء بين مؤيد ومعارض خير دليل على أننا نعيش حياة ديمقراطية كاملة». ورغم هذا التأييد لجمال مبارك، لم يفكر أفندينا يوما فى الانضمام للحزب الوطنى، وهو ما يبرره: «قلبى وعقلى وكل جوارحى مع الحزب الوطنى لكننى أحب أن أكون حراً ومش لازم الكارنيه».

تم تعديل 5 سبتمبر 2010 بواسطة shawshank

[لماضة مصرية جدا]

السلام عليكم و رحمة الله و بركاته

الراجل ده من خيار الناس....عارفين ليه عشان فكرني بالنكتة بتاعت....كوهين ينعي فولان....و يصلح ساعات

اهه قالك حال الحلاقة في البلد واقف و الرجالة لمؤاخذة هجمت عليهم حالات تصحر لا ارادي...قال يعمل رواج للمحل....هتشوف اليافطة...هتستفز....قووووووووو ايه (وش سليمان غانم و هو بيحكي لبهروز و المليجي)...هتقوم داخل و يقوم هو هابدك الحلقة اللي هي....و الله اعلم هيقضي علي تقاوي الشعر اللي عندك و لا ايه......و انت هتكون فرغت الكبت السياسي اللي عندك....و قولتها بالفوم المليان.....ايييييييييييييييييييييييييه فين ايام زمان (زمان ايه يا خويا الا ما شفناها زمان ده...وش حد بيمصمص شفايفه ع الاخر)

الشعب ده.......متجدد.....فيه كده؟؟؟؟

مسااااااكم......شجب و اعتراض و تنديد.....و حلاااااااقة

[ذهبية]

الراجل لما شاف اللى يبقول عكس اللى عايزة النظام لا بيتشال الى جهات غير معلومة المصدر لا بيتوقف و يدخل فى سين و

جيم لا بيتفضح زى ما فضحوا بنت البرادعى كدة

راح قال موافق على يدىىىى وش فؤاد المهندس فى مسرحية سك على بناتك

جمال قاعد كدة و الشعب قاعد كدة و جمال يقول مخدوش يا بابا مخدوش يا بابا و الشعب يقول عايزة يعنى عايزة

الراجل كترررر خيرة نيابة عن الشعب بيقول راية

سؤال لئيم

ياترى بتوع الحى لما شافوا صورة مبارك بالبنط العريض قدام محلة شالوا الصورة و لا سابوها ؟؟؟؟

[shawshank]

أفندينا ده الظاهر (شارب) حاجة، ومتصور إنه هيزايد على (ماكينة) الإعلام المصري الرهيبة. ده فاكر إنه بيساعد جمال مبارك عن طريق تغيير (شعور) الزباين ناحيته (بالتدريج)، وبالتالي (تقصير) المسافة بينه وبين القصر الرئاسي. لكن آدي (دقني) لو نفع الكلام ده. هي يعني الناس خلاص (نـَسِت) أبوه كان بيعمل فيهم ايه. ده كفاية التعذيب والضرب على (القفا) في أقسام الشرطة، واللي (صبغ) مصر بصبغة الخوف والرعب وخلا الناس تجيب (زيت). أي تأييد لجمال هو مصالح شخصية ومجرد (قشرة) خارجية. وأكبر مثال على كده هو عليّ الدين هلال بتاع (زيرو) المونديال. أنا متأكد إن الناس عند الجد (هتحلق) لجمال عشان عارفين إنه لو وصل للحكم، هيحاول (تطويل) مدته فيه على قد ما يقدر. علاوة على إن أيمن نور (موس) وعارف كويس إن الحركات (القرعة) دي مفيش منها فايدة. لكني برضه أتمنى إنه (يشد) حيله ويحاول (تمشيط) مصر بحثًا عن الحلاقين عشان (يقصقص) أي ملصقات عندهم من هذا النوع. ده طبعًا غير المنافس (اللامع) محمد البرادعي، اللي كتير بيعتبروه (بلسم) السياسة في مصر. بس في رأيي الشخصي، لو يلبس (باروكة) هيبقى أحلى بكتير. :D

تم تعديل 5 سبتمبر 2010 بواسطة shawshank

[hOuSsAm]

shawshank

مرسلة اليوم, 04:16 AM

أفندينا ده الظاهر (شارب) حاجة، ومتصور إنه هيزايد على (ماكينة) الإعلام المصري الرهيبة. ده فاكر إنه بيساعد جمال مبارك عن طريق تغيير (شعور) الزباين ناحيته (بالتدريج)، وبالتالي (تقصير) المسافة بينه وبين القصر الرئاسي. لكن آدي (دقني) لو نفع الكلام ده. هي يعني الناس خلاص (نـَسِت) أبوه كان بيعمل فيهم ايه. ده كفاية التعذيب والضرب على (القفا) في أقسام الشرطة، واللي (صبغ) مصر بصبغة الخوف والرعب وخلا الناس تجيب (زيت). أي تأييد لجمال هو مصالح شخصية ومجرد (قشرة) خارجية. وأكبر مثال على كده هو عليّ الدين هلال بتاع (زيرو) المونديال. أنا متأكد إن الناس عند الجد (هتحلق) لجمال عشان عارفين إنه لو وصل للحكم، هيحاول (تطويل) مدته فيه على قد ما يقدر. علاوة على إن أيمن نور (موس) وعارف كويس إن الحركات (القرعة) دي مفيش منها فايدة. لكني برضه أتمنى إنه (يشد) حيله ويحاول (تمشيط) مصر بحثًا عن الحلاقين عشان (يقصقص) أي ملصقات عندهم من هذا النوع. ده طبعًا غير المنافس (اللامع) محمد البرادعي، اللي كتير بيعتبروه (بلسم) السياسة في مصر. بس في رأيي الشخصي، لو يلبس (باروكة) هيبقى أحلى بكتير.

جامدة :)

[أبوعمار]

أفندينا ده الظاهر (شارب) حاجة، ومتصور إنه هيزايد على (ماكينة) الإعلام المصري الرهيبة. ده فاكر إنه بيساعد جمال مبارك عن طريق تغيير (شعور) الزباين ناحيته (بالتدريج)، وبالتالي (تقصير) المسافة بينه وبين القصر الرئاسي. لكن آدي (دقني) لو نفع الكلام ده. هي يعني الناس خلاص (نـَسِت) أبوه كان بيعمل فيهم ايه. ده كفاية التعذيب والضرب على (القفا) في أقسام الشرطة، واللي (صبغ) مصر بصبغة الخوف والرعب وخلا الناس تجيب (زيت). أي تأييد لجمال هو مصالح شخصية ومجرد (قشرة) خارجية. وأكبر مثال على كده هو عليّ الدين هلال بتاع (زيرو) المونديال. أنا متأكد إن الناس عند الجد (هتحلق) لجمال عشان عارفين إنه لو وصل للحكم، هيحاول (تطويل) مدته فيه على قد ما يقدر. علاوة على إن أيمن نور (موس) وعارف كويس إن الحركات (القرعة) دي مفيش منها فايدة. لكني برضه أتمنى إنه (يشد) حيله ويحاول (تمشيط) مصر بحثًا عن الحلاقين عشان (يقصقص) أي ملصقات عندهم من هذا النوع. ده طبعًا غير المنافس (اللامع) محمد البرادعي، اللي كتير بيعتبروه (بلسم) السياسة في مصر. بس في رأيي الشخصي، لو يلبس (باروكة) هيبقى أحلى بكتير. :D

بصراحة

الله عليك تسلم ايديك

[اغابي]

طب ما يمكن داه رايه الشخصي

وكل واحد وله راى نحترمه

وبعدين مش يمكن حملة انتخاب جمال مبارك وصلت عنده ووزعوله كيلو لحمة

:lol:

تحياتى

[shawshank]

وبعدين مش يمكن حملة انتخاب جمال مبارك وصلت عنده ووزعوله كيلو لحمة :lol:

طبعًا ممكن ... بس المهم اللحمة تكون (ناعمة) عشان ماتقفش في (حلقه) :D

شكرًا للجميع على الكلام الجميل وعلى المرور الكريم.