لماذا لا نشترى شقق فى السعودية

[moamana]

مع انتشار التقسيط و كمان التمويل من الشركات و البنوك حسب الشريعة الاسلامية

لماذا اجد السورى و الفلسطينى يسعى جاهدا لتوفير شقة تمليك له فى السعودية

ليوفر الاموال الطائلة التى يدفعها سنويا فى الايجار بينما المصرى لم يفكر فى هذا الامر بتاتا

ترى ما السر؟

[TitoELGabry]

مع انتشار التقسيط و كمان التمويل من الشركات و البنوك حسب الشريعة الاسلامية

لماذا اجد السورى و الفلسطينى يسعى جاهدا لتوفير شقة تمليك له فى السعودية

ليوفر الاموال الطائلة التى يدفعها سنويا فى الايجار بينما المصرى لم يفكر فى هذا الامر بتاتا

ترى ما السر؟

اعتقد ان مفيش حق تملك لغير السعوديين لان بكده يبقى ليك حق دخول البلد فى اى وقت .

[anis71]

والله سؤال ممتاز وأنا ابتديت افكر فيها بجد ... بس الأول أخلص قسط شقة مصر smk:

، لكن يمكن المصريين الموضوع صعب عليهم لعدة اسباب:

- طبعا الدخل له عامل كبير، الفلسطينيين خلاص عملوا حسابهم دي بلدهم ودخلهم كبير، كذلك السوري بينظر للموضوع نظرة إقتصادية بحتة وعاوز يوفر

- كلنا عايشين وهم إن انا جيت هنامؤقتاً وممكن ارجع في اي لحظة

- إحنا بنخاف نخاطر بتحويشة العمر وحكاية لو ضاع حقك مش هتعرف تاخده وكلام من هذا القبيل

لكن فعلا الموضوع منطقي ومتاح بسهولة لأصحاب الدخول الكبيرة، يعني الاعلانات دلوقت بتقولك لو دخلك من اول 6 الآف ممكن تاخد شقة بمقدم وتمويل عقاري يقسطلك، أظن مع انتشار الموضوع سنتين تلاتة وهترخص الاسعار اكتر خصوصاً إن النشاط العقاري اكتر نشاط مفضل لدى السعوديين واليمنيين المقيمين لأن مكسبه مضمون. وهيبتدوا يغيروا مفاهيمهم في البناء للأغنياء فقط وهيبنوا شقق صغيرة للمقيمين، حاليا في جدة اصغر شقة تمليك 3 غرف وصالة وحمامين ب 270 الف ريال كاش واستلام بعد 6-9 شهور، وعلى فكرة انا حسبتها بيطلع تمن الشقة اقل من مصر لو بنفس المميزات، لأن الشقة هنا بتستلمها ع المفتاح تدخل وتفرش على طول.

[se_ Elsyed]

باب التمليك مفتوح منذ اكثر من 10 سنوات للإجانب في كل السعودية إلا في مكه والمدينة اللي فيها حق إنتفاع فقط ..

إحنا المصريين نختلف تماماً عن الجنسيات العربية الأخرى ... حد عُمره شاف فلسطيني أو أردني أو سوري او يمني مشي نهائي وقال كفايه كده ؟

لأ طبعاً

لكن مهم طالت فترتنا هنا فوجودنا مؤقت والبلاد العربية كلها ليست بلاد هجرة أو إستقرار ..

كما إن تملُك عقار في السعودية لا يُعطي أي ميزة للأجنبي .. مش زي دبي أو الإمارات بشكل عام اللي بيبقى عقارك هو كفيلك اللي بتقعد على حسه في البلد ...

كمان الأسعار المرتفعه هنا ... فالتقسيط بيقطم الوسط وأقل فترة تقسيط بتلاقيها ما بين 10 إلى 20 سنة تفضل تدفع لما يبان لك اصحاب ...

كما أن كثير من البنوك إن لم يكن كلها لاتمول عمليات شراء العقارات للاجانب ... وبالتالي هاتلجأ إلى شركات التقسيط ... يعني لو بتتكلم عن شقة معقولة ومش هاقول فيلا ... يبقى بتتكلم في مليون ريال وقسط طبعاً لن يقل عن 3 الاف ريال شهرياً ...

لكن بشكل عام حيثما وجد الأستقرار والامان وُجد الإستثمار الأمن ... مش واحد كل شويه يهددك إنه هايديك نهائي

[nightmare]

لكن بشكل عام حيثما وجد الأستقرار والامان وُجد الإستثمار الأمن ... مش واحد كل شويه يهددك إنه هايديك نهائي

خلاصة الموضوع في الكلمتين اللى فاتوا دول bv:-

[أسد]

ياباني في غير ملكك

يامربي في غير ولدك

أو العكس ....

الوطن ..

والإحساس بالوطن ..

المصريين لديهم وطن يشعرون به ويحبونه .. ويحلمون بالعودة له ..

حتى ولو قالوا غير ذلك ... حتى ولو غضبوا من حال هذا الوطن ..

أما الفلسطسيني .. سواء إشترى شقة في السعودية أو في الأردن ... فالحالة واحدة ..

بيت في غير الوطن

أما نحن .. فالحالة مختلفة ..

إضافة إلى أن إجراءات تملك الأجانب للعقارات في السعودية .. عملية طويلة ومعقدة وصعبة

[moamana]

اخشى اننى اتكلم بدون خبرة فى الاجراءات الا ان المكاتب طمنونى ان الامر لن يكون طويل و صعب و انهم من سينجزوه فى فترة بسيطة

و بالتاكيد فتح الباب للتمليك للاجانب من فترة الا فى مكة و المدينة كما قال سي السيد

و لكن لماذا شراء شقة معقولة يتعدى المليون ريال

تعالوا نحسبها

هناك شقق الان فى الشمال و الشرق ب300 و انت طالع تبدا من 130 متر

يعنى معقولة لاغلب المصريين

بس فعلا التقسيط متعب لانه حوالى 5%

سنويا من قيمة القسط

بس فى الاخر على الاقل مش هتخسر فلوسك كلها زى الايجار

و بعدين انت لو خرجت نهائى فى اى وقت ممكن تفوض اى شخص عنك هنا فى البيع و يبيع و تاخد فلوسك

و بعدين انا عندى فكرة فى احياء فى شرق الرياض بتبيع فيلا دور و 3 شقق بمليون ريال يعنى ممكن 4 عائلات يتضامنوا

فى القرض سواء من البنك او الشركة و هذا جائز فى بعض البنوك و الشركات و يشتروا الفيلا و بكده تبقى ارخص من الشقق

و فكرت فى فكرة تانية

ممكن تشترى فيلا دورين و شقة مسروقة و تشترك انت و عائلة اخرى فى التضامن فى القرض و تاجروا الشقة المسروقة لكن طبعا من الباطن لان الاجنبى هنا ليس له حق ان يؤجر اى عقار

و ديه سعرها بيبدا من 800 الف ريال

يا ترى انا افكارى صح و لا غلط

و بعدين بالعقل متوسط سنين العمل بالسعودية 10 سنوات فى وجهة نظرى للفرد و لو قلنا الايجار المتوسط 20 الف

يعنى 20 فى 10 يبقى حرام نرمى 200 الف فى الارض

[moamana]

للرفع

[anis71]

الموضوع إقتصاديا لا غبار عليه يا افندم خصوصا إن المبلغ اللي بندفع للسكن ضخم جدا زي ماقلت

لكن هنرجع تاني لطبيعتنا ووهم الخوف من المجهول الذي لم يفعله أحد من جنسنا من قبل :blink:

ده انا فكرت في فكرة تانية كمان تتعدى مجرد حكاية الشراء للسكن .. بل ممكن شراء الاراضي للاستثمار يعني الشراء ثم البيع، اعرف زميل يمني والده هنا منذ أمد ... اشترى قطعة ارض فضاء في اطراف جنوب جدة منذ 5 سنوات ؟ معروض عليه الآن ان يبيعها ب3 اضعاف السعر

يعنيي في ناس اهيه بتنفذ وتكسب ومش بيضيع حقها ولا حاجة وممكن إن الواحد يضمن حقه بعقد قانوني على يد محامي وياخد صك من المحكمة كمان لأن الموضوع مسموح بقوانين الدولة

تعرفوا هي الحكاية بس سرها في عملية التضامن بين 2 أو 3 اصدقاء بيخافوا ربنا ومتفقين ويمكن لهم بناء فيلا كمان مش بس يشتروا.

[moamana]

يا جماعة عايزة تاكيد من محامى لان مكتب العقارات بيقولى مسموح لى بتاجير اى وحدة سكنية اشتريها

يعنى مسموح للاجانب بتاجير عقاراتهم هنا فى السعودية

ردوا على لانى معرفش اى محامى هنا

لان ديه طبعا طريقة هايلة للاستثمار هنا

ارجوكم

[anis71]

ده نص القرار من موقع وزارة الخارجية

http://www.mofa.gov.sa/Detail.asp?InSectionID=1726&InNewsItemID=25546

القرار بيقول :

المادة الثانية:

يسمح للأشخاص غير السعوديين ذوي الصفة الطبيعية المقيمين في المملكة إقامة نظامية بتملك العقار لسكنهم الخاص وذلك بعد الترخيص لهم من وزارة الداخلية.

يعني هتمتلك لسكنك فقط يعني شقة واحدة وكمان ماينفعش تأجرها ، لكن مثل كل شئ هنا القانون حاجة والتطبيق حاجة تانية.

[moamana]

هذا ما فهمته انا ايضا من القانون الذى قراته لكن مكاتب العقار يؤكدون العكس

ايه يا جماعة مفيش هنا اى محامى او عقارى او شخص له اصدقاء فى هذا اللمجال